Gʼaˬkʼehˇ 10:15 - Akha

¹⁵ Teˇ saˇ kʼoeˇ saˇ aˬ yawꞈ-ahˇ paˇ ehˇ-eu, “Miˬyehˇ neh yaw shawˇ meh lehˇ kʼaˇ ehˇ-euˬ jeˬ-ahˇ, maˬ shawˇ-a lehˇ nawˇ maˬ noeˬ kʼmˬ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Tersar khoer nyiq pov tiqpov aqyawf-anr paraer-eu, “Miqyaer nae shawr-euq jeq-anr maq dzaqkhmq-eu jeq laer nawr taqsawx.”

Gʼaˬkʼehˇ 10:15 ပူးပေါင်းရင်းမြစ်များ

Maꞈtehˬ 15:11

Tsawˇ haˬ zaˬ-ahˇ maˬ shawˇ ni bi pyeuꞈ-iˇ-eu jeˬ-aˬ, kʼaˬ meh laꞈ kʼoeˇ ahˇ-iˇ-eu jeˬ maˬ ngeuˇ-a. Kʼaˬ meh laꞈ kʼoeˇ neh doˆ le-euˬ jeˬ meh.”

Maˬkuˆ 7:19

Aˬ jeˬ miˇ neh ehˇ naˇ, nui ma-ahˇ maˬ ahˇ-iˇ-ehˇ, baw ma-ahˇ ahˇ-iˇ-awˇ, laꞈ nyiˇ paw iˇ doˆ dzeh-eu meh.” (Kʼoeˇ loꞈ-ehˇ ehˇ-eu laꞈ kʼoeˇ, dzaˬ dzaˬ dawˇ dawˇ dawˬ tawˆ luꞈ yaw shawˇ meh lehˇ, Yeˬsuˇ ehˇ mawꞈ-eu meh.)

Gʼaˬkʼehˇ 10:16

Kʼoeˇ loꞈ-ehˇ smˬ poˆ keuˆ ni pyeuꞈ laˇ-awˇ, aˇ bui bui ma-ahˇ duˇ-eu kʼoeˇ hmˬ mˬ-ahˇ gʼeu daˆ kʼoꞈ leꞈ-euˬ meh.

Gʼaˬkʼehˇ 10:28

Tsawˇ haˬ kʼoeˇ deuˬ-ahˇ Beˬtuˆluˆ ehˇ nehˬ-eu, “Yuˇdaˆ tsawˇ haˬ tiˬ gʼaˬ, aˬ cawˬ tsawˇ jeuˬ-ahˇ cawˬ cawˬ-eu maˬ ehˇ, dawˬ deh gʼa taꞈ-eu maˬ ehˇ, maˬ mˇ kʼmˬ-eu gaˇ kawˆ naw maꞈ yaw muiˬ paˬ-ehˇ siˬ duˬ-eu meh. Ehˇ kʼawꞈ, tsawˇ haˬ tiˬ gʼaˬ-ahˇ-iˬ maˬ muiˬ maˬ shawˇ-eu tsawˇ haˬ lehˇ maˬ ya sawˇ-eu gʼaˇ duˬ, Miˬyehˇ ngaˬ-ahˇ mehˬ nehˬ laꞈ gʼaˬ-euˬ meh.

Gʼaˬkʼehˇ 11:9

‘Miˬyehˇ neh yaw shawˇ meh lehˇ ehˇ taˬ-euˬ jeˬ-ahˇ, maˬ shawˇ-a lehˇ maˬ noeˬ kʼmˬ-a’ lehˇ, teˇ saˇ kʼoeˇ saˇ mˬ kʼoeˇ taˆ neh paˇ ehˇ-eu meh.

Gʼaˬkʼehˇ 15:20

Ehˇ kʼawꞈ, aˬ yawꞈ maꞈ-ahˇ sahˬ boꞈ boꞈ nehˬ-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ maˬ shawˇ-eu dzaˇ deuˬ-ahˇ dzaˬ-eu, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu taꞈ-eu, shiˬ maˬ sehꞈ dzeˇ ni paꞈ sehꞈ-euˬ shaˬ jiˇ hawˇ-eu shiˬ dzaˬ-eu, heu deuˬ-ahˇ maˬ mˇ ni ya yahˇ meh lehˇ ehˇ nehˬ-eu tsaˬ tehꞈ-a.

Gʼaˬkʼehˇ 15:29

Tahˬ pahˬ aˬ ma mawˇ kawˇ-ahˇ lawˇ nehˬ gʼaˬ-euˬ jeˬ taˬ dzaˬ. Shiˬ taˬ dzaˬ. Shiˬ maˬ sehꞈ dzeˇ ni paꞈ sehꞈ-euˬ shaˬ jiˇ taˬ dzaˬ. Maˬ tsaˬ maˬ dawˇ-eu laꞈ kʼoeˇ kʼaˬ miˬ taˬ sheu. Heu deuˬ-ahˇ maˬ mˇ ni gʼeh nya naˇ, muiˬ dui dui tehꞈ-a. Guiˬ lahˬ huiˬ luꞈ-uˇ.”

Gʼaˬkʼehˇ 15:9

Aˬ dui hawˇ-eu aˬ yawꞈ maꞈ-ahˇ aˬ yawꞈ tiˬ jeˬ-iˬ maˬ sawˇ beu-a. Aˬ yawꞈ maꞈ jah-eu miˇ neh, aˬ yawꞈ iˬ baˇ pyehˬ nehˬ-euˬ meh.

Lormav 14:14

Ngaˇ Sahˬpaˬ Yeˬsuˇ nehˬ-ehˇ taꞈ-eu laꞈ kʼoeˇ dzaˬ-eu dawˇ-eu jeˬ-aˬ, maˬ muiˬ maˬ shawˇ-eu tiˬ jeˬ-iˬ maˬ jaˆ-aˇ lehˇ jah duˬ taˬ-euˬ ma. Ehˇ kʼawꞈ, tsawˇ haˬ tiˬ gʼaˬ na, dzaˬ dzaˬ dawˇ dawˇ tiˬ jeˬ na maˬ shawˇ-a lehˇ jah-eu ngeuˇ naˇ, dzaˬ dzaˬ dawˇ dawˇ kʼoeˇ aˬ yawꞈ gʼaˇ duˬ maˬ shawˇ-eu jeˬ pyeuꞈ laˇ-euˬ meh.

Lormav 14:20

Dzaˬ dzaˬ dawˇ dawˇ baˬ da neh Miˬyehˇ neh mˇ taˬ-euˬ jeˬ-ahˇ taˬ laˆ cawˆ. Dzaˬ-eu jeˬ dawˬ tawˆ luꞈ yaw shawˇ meh. Ehˇ kʼawꞈ, aˬ cawˬ gʼaˇ duˬ iˬ baˇ bi doˆ laˇ-eu jeˬ-ahˇ dzaˬ-eu maˬ tsaˬ-a.

1 Gawˇliˬtu 10:25

Naw maꞈ laꞈ kʼoeˇ siˬ nya-eu nui ma ahˇ-eu miˇ neh, lehˆ laꞈ kʼoeˇ shaˬ jiˇ ahˬ duˬ-aˇ kʼaˇ daˬ ahˬ taˬ-euˬ jeˬ-ahˇ maˬ naˇ haˬ tseˇ ni zeuˇ dzaˬ nya tehꞈ-a.

Tiˇtuˆ 1:15

Shawˇ jehˆ ni gʼeh-eu tsawˇ haˬ deuˬ gʼaˇ duˬ, yawˬ jeˬ na luꞈ yaw shawˇ meh. Ehˇ kʼawꞈ, maˬ jah-eu jawꞈ-eu tsawˇ haˬ deuˬ gʼaˇ duˬ-aˬ, yaw shawˇ tiˬ jeˬ-iˬ maˬ jaˆ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ nui ma maˬ ehˇ, noeˬ siˬ nya-eu jeˬ maˬ ehˇ, dawˬ tawˆ luꞈ yaw jawꞈ meh.

Panmaeq 14:20

Aˬ gaꞈ aˇ siˬ kʼoeˇ deuˬ-aˬ, meuˬ-euˬ laꞈ nyiˇ paw jaˆ-eu aˬ gaꞈ dzaˇ uiˇ nawˬ duˬ-ahˇ bi nawˬ pyehˆ-awˇ, aˬ gaꞈ dzaˇ uiˇ nawˬ duˬ-ahˇ shiˬ yoeˇ doˆ le-euˬ meh. Shiˬ lawˇ gawˆ kʼoeˇ gawˆ-aˬ, mahˬ-euˬ naˇ mehˇ-ahˇ keuˆ ni naꞈ-awˇ, tiˬ yaˇ yehꞈ tseˇ laˇ kaˬ gaˇ keuˆ ni yoeˇ keuˆ-eu meh.