Gʼaˬkʼehˇ 10:14 - Akha

¹⁴ Ehˇ kʼawꞈ, Beˬtuˆluˆ ehˇ kʼoꞈ nehˬ-eu, “Sahˬpaˬ-oˇ, aˬ jeˬ keuˆ le kʼawꞈ ngaˇ maˬ dzaˬ. Zahˇ sahˇ kʼoꞈ-ahˇ taꞈ leˇ-awˇ maˬ shawˇ-a lehˇ ehˇ taˬ-euˬ yaw jawꞈ jeˬ-ahˇ tiˬ jawˇ-iˬ ngaˇ maˬ dzaˬ haw-aˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aerkhawf, Beqtuvluv aer-eu, “Sanqpaq-or! Maq geufnya-a. Maq dzaqkhmq-eu jeq hawr-eu maqshawr-eu jeq, ngar tiqpov-iq maq dzaqhaw-aq.”

Gʼaˬkʼehˇ 10:14 ပူးပေါင်းရင်းမြစ်များ

Aˇ dahˬ 19:18

Ehˇ kʼawꞈ, Lawˇtaˬ ehˇ-eu, “Yaw huiˬ yaw mahˇ deuˬ-oˇ, teu naˆ naˆ-ehˇ taˬ bi cehˆ nehˬ laꞈ.

Doˆ-iˇ 10:11

Naw maꞈ dawˬ tawˆ luꞈ maˬ ya iˇ-a. Naw maꞈ ehˇ-eu loꞈ-ehˇ iˇ mawꞈ-naˇ, kʼaˬ dzeˇ zaˬ deuˬ tehꞈ-ehˇ iˇ-awˇ, Sahˬpaˬ Miˬyehˇ-ahˇ uˬ duˬ tahˬ-iˇ awˬ.” Kʼoeˇ naˇ, aˬ yawꞈ nyaꞈ-ahˇ sahˬ paˬ kʼoeˇ gʼaˬ jawˇ gaˇ neh teh doˆ gʼeh-euˬ meh.

Yeˬsaˬgeˬlaˇ 4:14

Ehˇ kʼawꞈ, ngaˇ heu loꞈ-ehˇ ehˇ kʼoꞈ nehˬ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˬ-euˬ gʼawˇ mawˇ maˬ muiˬ maˬ shawˇ-eu jeˬ ngaˇ tiˬ jawˇ-iˬ maˬ mˇ haw-aˬ. Nyiˇ ngeh neh, aˬ yawˇ yawꞈ shiˇ-euˬ jeˬ zaˬ hawˇ-eu, bawˇ tsahˬ jeˬ zaˬ neh bi laˆ sehꞈ-euˬ jeˬ zaˬ shaˬ jiˇ ngaˇ maˬ dzaˬ haw-aˬ. Maˬ muiˬ maˬ shawˇ-a lehˇ kʼaˇ ehˇ taˬ-euˬ dzaˇ tiˬ jeˬ-iˬ ngaˇ maˬ dzaˬ haw-aˬ.”

Yeˬsaˬgeˬlaˇ 44:31

Aˇ jiˇ shaˬ jiˇ, aˬ yawˇ yawꞈ shiˇ-euˬ jeˬ zaˬ shaˬ jiˇ hawˇ-eu, jeˬ zaˬ cawˬ cawˬ laˆ sehꞈ-euˬ shaˬ jiˇ, piˇ ma deuˬ maˬ ya dzaˬ-a.”

Daˬyeˬlaˇ 1:8

Sahˬ paˬ-euˬ hawˇ nymˇ-ahˇ jaˆ-eu dzaˇ hawˇ-eu aˬ gaꞈ dzaˇ uiˇ deuˬ-ahˇ dzaˬ-eu dawˇ-eu laꞈ kʼoeˇ, aˬ yawꞈ-euˬ gʼawˇ mawˇ maˬ muiˬ maˬ shawˇ-ehˇ pyeuꞈ-iˇ ni maˬ jahˇ lehˇ, Daˬyeˬlaˇ noeˬ tsehˆ-euˬ meh. Kʼoeˇ miˇ neh, aˬ yawꞈ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, sahˬ paˬ hawˇ nymˇ-ahˇ dzaˬ-eu dzaˇ deuˬ maˬ dzaˬ ni ya jawˇ-eu gʼaˇ duˬ, Aˬshaˇpeˬnaˆ-ahˇ aˬ yawꞈ shaˇ-euˬ meh.

Uˬ duˬ 20:25

Kʼoeˇ miˇ neh, jeˬ zaˬ aˇ jiˇ deuˬ laꞈ kʼoeˇ, shawˇ-eu jeˬ hawˇ-eu maˬ shawˇ-eu jeˬ naw maꞈ ya tseˇ paˆ geuꞈ meh. Maˬ shawˇ-eu jeˬ zaˬ aˇ jiˇ deuˬ taˬ dzaˬ. Ngaˬ neh maˬ shawˇ-a lehˇ ehˇ tsehˆ taˬ-euˬ jeˬ-ahˇ naw maꞈ dzaˬ naˇ, naw maꞈ maˬ shawˇ-a.

Maꞈtehˬ 15:11

Tsawˇ haˬ zaˬ-ahˇ maˬ shawˇ ni bi pyeuꞈ-iˇ-eu jeˬ-aˬ, kʼaˬ meh laꞈ kʼoeˇ ahˇ-iˇ-eu jeˬ maˬ ngeuˇ-a. Kʼaˬ meh laꞈ kʼoeˇ neh doˆ le-euˬ jeˬ meh.”

Maꞈtehˬ 16:22

Beˬtuˆluˆ neh Yeˬsuˇ-ahˇ gaˇ dzeˇ paw sheuˬ doˆ gʼeh-awˇ ehˇ-eu, “Sahˬ paˬ-oˇ, Miˬyehˇ nawˬ-euˬ kʼoeˇ taˆ kʼoeˇ loꞈ-ehˇ gʼeh-eu jeˬ maˬ bi keuˆ le kʼmˬ-aˇ.”

Maꞈtehˬ 25:9

Noeˬ dahˇ doe-eu kʼoeˇ ngaˬ gʼaˬ ehˇ-eu, ‘Nga maꞈ gʼaˇ duˬ maˬ ngeuˇ naˇ maˬ loꞈ leˇ-eu paˬ. Tsiˇ ahˬ gaˇ iˇ-awˇ zeuˇ laˬ-iˇ-awˬ.’

Maꞈtehˬ 8:2

Kʼoeˇ ngeh, coiˬ doi naˇ-eu tsawˇ haˬ tiˬ gʼaˬ aˬ yawꞈ jawˇ gaˇ laˇ-awˇ, pawˬ tsuiꞈ pawˬ dmˬ dmˬ-awˇ, “Sahˬ paˬ-oˇ, nawˇ mˇ mawꞈ naˇ, ngaˇ muiˬ laˇ shawˇ laˇ ni mˇ nya meh” lehˇ ehˇ-eu meh.

Maˬkuˆ 7:2

Yeˬsuˇ-euˬ zaˬ lahˇ tiˬ paˆ na deuˬ aˬ laꞈ maˬ shawˇ-ehˇ dzaˬ luꞈ dawˇ luꞈ gaˇ aˬ yawꞈ maꞈ ya mawˇ-euˬ meh. Aˬ laꞈ maˬ shawˇ-eu lehˇ ehˇ-eu-aˬ, Paˬliˬsehˇ deuˬ neh mehˬ taˬ-euˬ loꞈ-ehˇ maˬ dzuiꞈ shawˇ gaˇ ehˇ mawꞈ-eu meh.

Luˇkaꞈ 1:60

Ehˇ kʼawꞈ, aˬ ma gʼaˬ ehˇ-eu, “Teu loꞈ-ehˇ maˬ ya myahˇ-a. Aˬ yawꞈ-ahˇ Yoˇhaˬ lehˇ ya myahˇ nehˬ meh.”

Yoˇhaˬ 4:11

Zaˬ miˬ zaˬ kʼoeˇ gʼaˬ ehˇ-eu, “Saˬ laˬ-oˇ, nawˇ iˇ cuꞈ kʼawꞈ doˆ-eu gʼaˇ duˬ iˇ cuꞈ bahˬ keuˆ maˬ ahˇ-eu uˬ taꞈ, lah duˬ heu duˬ naꞈ dui dui-eu meh. Dehꞈ-eu saꞈ laˇ biꞈ-eu iˇ cuꞈ kʼoeˇ nawˇ aˬ gaˇ kʼawꞈ laˬ-iˇ-eu duˇ teˬ.

Gʼaˬkʼehˇ 10:13

Teˇ saˇ tiˬ saˇ ehˇ-eu, “Beˬtuˆluˆ-oˇ, tuˇ-awˇ sehꞈ dzaˬ-awˬ.”

Gʼaˬkʼehˇ 10:28

Tsawˇ haˬ kʼoeˇ deuˬ-ahˇ Beˬtuˆluˆ ehˇ nehˬ-eu, “Yuˇdaˆ tsawˇ haˬ tiˬ gʼaˬ, aˬ cawˬ tsawˇ jeuˬ-ahˇ cawˬ cawˬ-eu maˬ ehˇ, dawˬ deh gʼa taꞈ-eu maˬ ehˇ, maˬ mˇ kʼmˬ-eu gaˇ kawˆ naw maꞈ yaw muiˬ paˬ-ehˇ siˬ duˬ-eu meh. Ehˇ kʼawꞈ, tsawˇ haˬ tiˬ gʼaˬ-ahˇ-iˬ maˬ muiˬ maˬ shawˇ-eu tsawˇ haˬ lehˇ maˬ ya sawˇ-eu gʼaˇ duˬ, Miˬyehˇ ngaˬ-ahˇ mehˬ nehˬ laꞈ gʼaˬ-euˬ meh.

Gʼaˬkʼehˇ 22:8

‘Sahˬpaˬ-oˇ, nawˇ aˬ suˇ gʼaˬ te’ lehˇ ngaˇ naˇ haˬ ngeh, ‘Ngaˇ-aˬ, nawˇ kʼehˬ luꞈ-eu Naˬzaˬlehˇ tsawˇ haˬ Yeˬsuˇ ma’ lehˇ aˬ yawꞈ ngaˬ-ahˇ ehˇ-eu meh.

Gʼaˬkʼehˇ 9:5

Aˬ yawꞈ ehˇ-eu, “Sahˬpaˬ-oˇ, nawˇ aˬ suˇ gʼaˬ te.”