Gʼaˬkʼehˇ 1:19 - Akha

¹⁹ Yeˬluˇsaˬlehˬ meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, gaˇ kawˆ kʼoeˇ gaˬ jiˇ-euˬ meh. Kʼoeˇ miˇ neh, miˇ tsaˬ kʼoeˇ tsahˇ-ahˇ aˬ yawꞈ maꞈ-euˬ dawˬ-ahˇ neh Aˬkeˬdaˬmaˬ lehˇ kuˇ-eu meh. Dawˬ tsuiꞈ-aˬ, ‘Shiˬ doˆ-euˬ miˇ tsaˬ’ lehˇ ehˇ mawꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Garkawv heu-aq, Yeqlursaqlaeq-anr jawr-eu tsawrhaq dawqtawvluf siqnya-eu mae. Khoermirnae, mirtsaq khoertsanr-anr aqyawf maf-euq dawq-anr nae, Aqgeqdaqmaq laer kur-euq mae. Dawqtsuif-aq, ‘Shiq-euq mirtsaq’ laer aermawf-eu mae).

Gʼaˬkʼehˇ 1:19 ပူးပေါင်းရင်းမြစ်များ

2 Saˬmeuˬlaˆ 2:16

Yawˬ gʼaˬ na luꞈ yawˬ ha nehˬ-ehˇ kʼaˇ deuˆ ceh ceh luꞈ-eu gʼaˬ-euˬ uˬ duˬ-ahˇ tsuˆ tehˬ-awˇ, byaˇ gʼaˇ -ahˇ mi cehˇ tsawˆ tsoˆ nehˬ-awˇ, nyiˬ tseˇ oeˬ gʼaˬ luꞈ tiˬ kawˆ loꞈ-ehˇ coˬ lah-awˇ shiˇ-euˬ meh. Kʼoeˇ miˇ neh, Giˇbyoˬ meuˬ-ahˇ jaˆ-eu jawˇ duˬ kʼoeˇ tsahˇ-ahˇ, ‘Mi cehˇ Deh gaʼ lehˇ myahˇ nehˬ-euˬ meh.

Zaˬkaˬliˇ 11:13

“Pyuˇ kʼoeˇ deuˬ Uˬ duˬ tahˬ nymˇ nymˇ ma laꞈ kʼoeˇ pyuˇ jeˬ hmˬ duˬ-ahˇ dawˆ ahˇ-awˬ” lehˇ, Sahˬpaˬ Miˬyehˇ ngaˬ-ahˇ ehˇ-eu meh. Kʼoeˇ naˇ, ngaˬ-ahˇ geuˇ ni biꞈ laꞈ-euˬ gʼaˬ gaˇ poeˬ pyuˇ maˇ byaˆ kʼoeˇ smˬ tseˇ byaˆ yuˇ-awˇ, Uˬ duˬ tahˬ nymˇ nymˇ ma laꞈ kʼoeˇ pyuˇ jeˬ hmˬ duˬ-ahˇ dawˆ-euˬ ma.

Maꞈtehˬ 27:8

Kʼoeˇ miˇ neh, jawˇ duˬ kʼoeˇ tsahˇ-ahˇ iˬ nah keuˆ ni “Shiˬ-euˬ Miˇ tsaˬ” lehˇ kuˇ-eu meh.

Maꞈtehˬ 28:15

Lmˬ bymˇ-ahˇ loꞈ piˇ-euˬ yehˇ kʼoeˇ deuˬ pyuˇ yuˇ dzaˬ-awˇ, aˬ yawꞈ maꞈ-ahˇ mehˬ gahˇ nehˬ taˬ-euˬ loꞈ-ehˇ ja byah-euˬ meh. Kʼoeˇ miˇ neh, iˬ nah keuˆ ni Yuˇdaˆ tsawˇ haˬ deuˬ gaˇ kawˆ kʼoeˇ ja byah luꞈ-eu meh.

Gʼaˬkʼehˇ 2:22

“Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ yaw muiˬ paˬ-ehˇ naˇ haˬ sheˇ. Naˬzaˬlehˇ tsawˇ haˬ Yeˬsuˇ-aˬ, maˇ maˇ ni Miˬyehˇ neh bi oe-euˬ gʼaˬ pyeuꞈ-eu gaˇ kawˆ, aˬ yawꞈ-ahˇ gʼoe-eu laꞈ kʼoeˇ Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ kʼoeˇ deuˬ saˇ kiˇ kamˬ luꞈ meh. Gaˇ kawˆ kʼoeˇ deuˬ naw maꞈ-euˬ mehˬ shi pyeuꞈ dzeuˇ yaꞈ-euˬ miˇ neh, naw maꞈ yaw muiˬ paˬ-ehˇ siˬ duˬ meh.

Gʼaˬkʼehˇ 21:40

Yaw huiˬ yaw mahˇ kʼoeˇ gʼaˬ Pawˇluˆ-ahˇ dawˬ ngehˬ-eu aˬ kawˬ-aˬ biꞈ-euˬ meh. Kʼoeˇ ngeh, Pawˇluˆ dawˬ dzm kʼoeˇ taˆ yawꞈ-awˇ, tsawˇ haˬ kʼoeˇ deuˬ-ahˇ ciˬ cuˇ ni jawˇ-eu gʼaˇ duˬ laꞈ dzawˇ dzawˇ nehˬ-euˬ meh. Aˬ yawꞈ maꞈ ciˬ cuˇ ni jawˇ ngeh, aˬ yawꞈ Heˬbyehˇ dawˬ ngehˬ-awˇ heu loꞈ-ehˇ ehˇ nehˬ-euˬ meh.