Gʼaˬkʼehˇ 1:14 - Akha

¹⁴ Aˬ yawꞈ maꞈ-aˬ, zaˬ miˬ zaˬ deuˬ hawˇ-eu, Yeˬsuˇ-euˬ aˬ ma Maˬliˇ hawˇ-eu Yeˬsuˇ-euˬ aˬ nyiˇ deuˬ nehˬ-ehˇ tiˬ kawˆ loꞈ-ehˇ, tiˬ kʼehˬ maˬ taˬ ni uiˬ leˇ-awˇ guiˬ lahˬ shaˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aqyawfmaf dawqtawvluf nuima tiqgar gm-awr, guiqlanq yawkhav-aer shar-awr, maq naqlerni tanqshar luf-eu mae. Zaqmiq aqbur heumyav ghaq, Yeqsur-euq aqma Maqliv hawr-eu Yeqsur-euq maernmr deuq khawf, aqyawfmaf naeq-aer jawrluf-eu mae.

Gʼaˬkʼehˇ 1:14 ပူးပေါင်းရင်းမြစ်များ

Maꞈtehˬ 12:46

Yeˬsuˇ tsawˇ haˬ aˇ maꞈ-ahˇ mehˬ nehˬ tsoˆ nehˬ luꞈ ngeh, aˬ yawꞈ-euˬ aˬ ma hawˇ-eu mehˇ nmˇ deuˬ oe keuˆ-euˬ meh. Aˬ yawꞈ maꞈ laꞈ nyiˇ yawꞈ-awˇ, “Yeˬsuˇ-ahˇ dawˬ ngehˬ cawˬ mawꞈ nya” lehˇ ehˇ-eu meh.

Maꞈtehˬ 21:22

Naw maꞈ jah-eu nui ma ahˇ naˇ, naw maꞈ guiˬ lahˬ kʼaˇ shaˇ-eu jeˬ za tehꞈ-a.”

Maꞈtehˬ 27:55

Gaˬliˬlehˇ miˇ kʼahˬ-ahˇ neh Yeˬsuˇ mehˬ nah caw teh laꞈ-awˇ, Yeˬsuˇ-ahˇ caw ba luꞈ-eu zaˬ miˬ zaˬ gʼawˬ mya gʼaˬ, ui cuiˆ gaˇ mahˇ kaˬ gaˇ jawˇ-awˇ haw luꞈ-eu meh.

Maˬkuˆ 15:40

Zaˬ miˬ zaˬ tiˬ deuˬ ui cuiˆ gaˇ mahˇ kaˬ gaˇ jawˇ-awˇ haw luꞈ-eu meh. Maˬliˇ Maˬgaˬdaˬlaˇ, Yaˬkoˆ yaw nyiˇ gʼaˬ hawˇ-eu Yoˇsehˆ aˬ nyaꞈ nmˇ-euˬ aˬ ma Maˬliˇ hawˇ-eu, Saˬloˬmeˬ aˬ ha smˇ gʼaˬ kʼawꞈ, kʼoeˇ gaˇ ahˇ-eu meh.

Maˬkuˆ 16:1

Jawˇ nah dzeuˇ ngeh, Maˬliˇ Maˬgaˬdaˬlaˇ, Yaˬkoˆ-euˬ aˬ ma Maˬliˇ hawˇ-eu, Saˬloˬmeˬ aˬ ha smˇ gʼaˬ, Yeˬsuˇ-euˬ gʼawˇ mawˇ-ahˇ shehˆ daˆ nehˬ-iˇ-eu gʼaˇ duˬ, tsiˇ yaw saw gʼawˬ mya jeˬ zeuˇ-euˬ meh.

Luˇkaꞈ 11:13

Naw maꞈ iˬ baˇ mˇ-eu tsawˇ haˬ deuˬ kʼawꞈ, yawˬ ha-euˬ zaˬ-ahˇ yaw muiˬ jeˬ biꞈ-eu gʼaˇ duˬ kʼoeˇ naˆ ni siˬ nya naˇ, mˬ kʼoeˇ taˆ jawˇ-eu naw maꞈ-euˬ Aˬda-aˬ, aˬ yawꞈ-ahˇ kʼaˇ shaˇ-eu tsawˇ haˬ deuˬ-ahˇ Muiˬ-eu shawˇ-eu Yaw sahˇ Miˬyehˇ biꞈ-eu gʼaˇ duˬ aˇ naˆ ni paˇ siˬ nya dzehˬ nmˇ.”

Luˇkaꞈ 18:1

Zaˬ lahˇ deuˬ aˬ myah luꞈ guiˬ lahˬ shaˇ-awˇ, tiˬ jawˇ-iˬ nui ma maˬ ya cawˆ-eu gʼaˇ duˬ, Yeˬsuˇ yaw jeˬ ma jeˬ ja-awˇ, mehˬ nehˬ tsoˆ nehˬ-euˬ meh.

Luˇkaꞈ 23:49

Yeˬsuˇ-euˬ cawˬ deuˬ hawˇ-eu, Gaˬliˬlehˇ miˇ kʼahˬ-ahˇ neh aˬ yawꞈ-euˬ mehˬ nah caw teh laꞈ-euˬ zaˬ miˬ zaˬ kʼoeˇ deuˬ, ui cuiˆ gaˇ mahˇ kaˬ gaˇ yawꞈ-awˇ haw-euˬ meh.

Luˇkaꞈ 23:55

Gaˬliˬlehˇ miˇ kʼahˬ-ahˇ neh Yeˬsuˇ-euˬ mehˬ nah caw teh laꞈ-euˬ tsawˇ haˬ deuˬ Yoˇsehˆ nehˬ-ehˇ iˇ-awˇ, lmˬ bymˇ hawˇ-eu Yeˬsuˇ-ahˇ kʼoeˇ gaˇ aˬ joˆ-ehˇ baꞈ pahˬ yaꞈ-euˬ gaˇ mawˇ duˬ yaꞈ-euˬ meh.

Luˇkaꞈ 24:10

Zaˬ miˬ zaˬ kʼoeˇ deuˬ-aˬ, Maˬliˇ Maˬgaˬdaˬlaˇ, Yoˇaˬnaˆ, Yaˬkoˆ-euˬ aˬ ma Maˬliˇ aˬ ha maꞈ meh. Aˬ yawꞈ maꞈ hawˇ-eu aˬ yawꞈ maꞈ nehˬ-ehˇ jawˇ-eu zaˬ miˬ zaˬ nui deuˬ neh, Gʼaˬ kʼehˇ deuˬ-ahˇ gaˇ kawˆ kʼoeˇ deuˬ dzawˇ nehˬ-euˬ meh.

Luˇkaꞈ 24:33

Aˬ yawꞈ nyaꞈ tiˬ poˆ tehꞈ-ehˇ tsawˬ tuˇ-awˇ, Yeˬluˇsaˬlehˬ meuˬ-ahˇ gʼoꞈ leˇ-euˬ meh. Zaˬ lahˇ tseˇ nyiꞈ gʼaˬ hawˇ-eu nui deuˬ uiˬ leˇ taˬ-awˇ jawˇ gaˇ aˬ yawꞈ nyaꞈ ya mawˇ-euˬ meh.

Luˇkaꞈ 24:53

Kʼoeˇ naˇ, aˬ yawꞈ maꞈ Uˬ duˬ tahˬ nymˇ nymˇ ma laꞈ kʼoeˇ tehꞈ-ehˇ Miˬyehˇ-ahˇ ja ceuˬ ja ceuˬ-ehˇ jawˇ-euˬ meh.

Luˇkaꞈ 8:20

“Nawˬ ma hawˇ-eu nawˬ-euˬ mehˇ nmˇ deuˬ nawˬ-ahˇ dawˬ ngehˬ cawˬ mawꞈ nya lehˇ, laꞈ nyiˇ yawꞈ luꞈ meh.”

Gʼaˬkʼehˇ 2:1

Beˬdeˬgoˇdeˬ aˇ nah keuˆ le ngeh, jah-eu tsawˇ haˬ dawˬ tawˆ luꞈ, tiˬ gaˇ uiˬ leˇ-awˇ jawˇ-euˬ meh.

Gʼaˬkʼehˇ 2:42

Aˬ yawꞈ maꞈ-aˬ, gʼaˬ kʼehˇ deuˬ neh mehˬ nehˬ-euˬ jeˬ-ahˇ yaw muiˬ paˬ-ehˇ dzaw geuꞈ-awˇ, tiˬ gʼaˬ tiˇ gʼaˬ cawˬ yaw muiˬ-ehˇ cawˬ taꞈ-eu laꞈ kʼoeˇ, tiˬ kawˆ loꞈ-ehˇ dzaˬ taꞈ dawˇ taꞈ-awˇ guiˬ lahˬ shaˇ taꞈ-euˬ meh.

Gʼaˬkʼehˇ 2:46

Aˬ yawꞈ nah yawꞈ Uˬ duˬ tahˬ nymˇ nymˇ ma laꞈ kʼoeˇ tahˬ dzoeˇ-awˇ, aˬ yawꞈ maꞈ-euˬ nymˇ laꞈ kʼoeˇ laˬ kʼaˬ cehˇ-awˇ nui gaˬ shaˬ coeˇ byah-eu laꞈ kʼoeˇ dzaˬ taꞈ dawˇ taꞈ-euˬ meh.

Gʼaˬkʼehˇ 6:4

Nga maꞈ-aˬ, guiˬ lahˬ shaˇ-eu hawˇ-eu dawˬ mehˬ mehˬ-eu jeˬ tehꞈ-ehˇ aˇ yamˬ tiˬ byah ni mˇ ma.”

Lormav 12:12

Noeˬ tmˬ-eu laꞈ kʼoeˇ laˬ kʼaˬ cehˇ-awˬ. Shaˬ-eu zahˬ-eu jeˬ laꞈ kʼoeˇ nui ma gʼawˬ mahˇ ni taˬ-awˬ. Aˬ myah luꞈ guiˬ lahˬ shaˇ-awˬ.

1 Gawˇliˬtu 14:13

Kʼoeˇ miˇ neh, dawˬ gʼawˬ mya jeˬ ngehˬ nya-eu tsawˇ haˬ-aˬ, yawˬ ha neh ngehˬ-euˬ jeˬ aˬ cawˬ gʼoˆ shaw ni ja mehˬ nya-eu laꞈ sawˬ biꞈ laꞈ-eu gʼaˇ duˬ guiˬ lahˬ shaˇ-eu tsaˬ meh.

Eˇpeˇsu 6:18

Miˬyehˇ caw ba laꞈ ni guiˬ lahˬ shaˇ-awˇ, kʼoeˇ deuˬ dawˬ tawˆ luꞈ-ahˇ mˇ gʼeh-awˬ. Yaw sahˇ Miˬyehˇ sheuˬ gʼeh-eu laꞈ kʼoeˇ aˬ myah luꞈ guiˬ lahˬ shaˇ-awˬ. Maˬ ya smˬ-iˇ ni aˬ myah luꞈ yaw beuˇ beuˇ-ehˇ jawˇ-awˬ. Miˬyehˇ-euˬ tsawˇ haˬ dawˬ tawˆ luꞈ gʼaˇ duˬ aˬ myah luꞈ guiˬ lahˬ shaˇ-awˬ.

Gawˇlawˇsehˇ 4:2

Aˬ myah luꞈ maˬ tsehˆ leˇ ni guiˬ lahˬ shaˇ-awˬ. Naw maꞈ guiˬ lahˬ shaˇ ngeh, Miˬyehˇ-euˬ guiˬ lahˬ-ahˇ ja ceuˬ ja ceuˬ-ehˇ, yaw beuˇ beuˇ-ehˇ shaˇ-awˬ.