Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ kʼoeˇ deuˬ Yeˬluˇsaˬlehˬ meuˬ-ahˇ jaˆ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ gʼoꞈ keuˆ laˇ ngeh, Uˬ duˬ tahˬ nymˇ nymˇ ma-ahˇ aˬ yawꞈ yaw oeˇ tsahˇ-ahˇ paˇ tsoˆ-eu gʼaˇ duˬ, aˇ jeuˬ aˇ ca deuˬ kʼoeˇ taˆ aˬ yuiꞈ aˬ tsu geuꞈ-eu tiˬ paˆ na deuˬ, yawˬ ha nui ma keuˆ-eu loꞈ-ehˇ damˬ-euˬ meh.
Eˇzaˬlaˬ 9:9 - Akha9 Nga maꞈ aˬ cawˬ zaˬ kʼaˆ geuꞈ luꞈ kʼawꞈ, nawˇ nga maꞈ-ahˇ byehˇ dzeh-awˇ kʼoeˇ loꞈ-ehˇ tehꞈ-ehˇ maˬ bi dehꞈ laꞈ-aˬ. Paˇshaˇ sahˬ paˬ deuˬ nga maꞈ-ahˇ gʼawˬ shaˬ gaˬ-awˇ, cawˆ-iˇ taˬ-euˬ nawˬ-euˬ Uˬ duˬ tahˬ nymˇ nymˇ ma-ahˇ paˇ bi tsoˆ muiˬ leˇ nehˬ laꞈ-awˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ guˆ kʼaˇ maˬ za ni nga maꞈ ya dehꞈ ya jawˇ-eu gʼaˇ duˬ, aˬ yawꞈ maꞈ-euˬ nui ma-ahˇ nawˇ laˆ saˆ nehˬ-euˬ meh. အခန်းကိုကြည့်ပါ။ |
Eˇzaˬlaˬ 9:9
25 ပူးပေါင်းရင်းမြစ်များ
Eˇzaˬlaˬ kʼoeˇ gʼaˬ Baˬbuˇloˬ miˇ kʼahˬ-ahˇ neh gʼoꞈ doˆ laˇ-euˬ meh. Aˬ yawꞈ-aˬ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh Moˇseˬ-ahˇ biꞈ-euˬ zahˇ dawˬ kʼoꞈ dawˬ siˬ nya dui dui-eu zahˇ dzoeˬ miˬ ma tiˬ gʼaˬ pyeuꞈ-eu meh. Eˇzaˬlaˬ-aˬ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ-euˬ guiˬ lahˬ za-euˬ tsawˇ haˬ pyeuꞈ-eu miˇ neh, aˬ yawꞈ kʼaˇ shaˇ-eu jeˬ sahˬ paˬ aˬ yawꞈ-ahˇ biꞈ-euˬ meh.
“Ehˇ kʼawꞈ ni, Miˬyehˇ-oˇ, nymˬ-mˇ heu loꞈ-ehˇ pyeuꞈ laˇ gʼaˬ taˬ-euˬ miˇ neh, nga maꞈ aˬ joˆ-ehˇ paˇ ya ehˇ nmˇ. Nawˬ-euˬ gʼaˇ duˬ ngehˬ dah-eu nawˬ-euˬ zaˬ kʼaˆ deuˬ-ahˇ gʼoe-awˇ nawˇ nga maꞈ-ahˇ biꞈ taˬ-euˬ zahˇ dawˬ kʼoꞈ dawˬ deuˬ-ahˇ nga maꞈ byehˇ dzeh gʼaˬ-euˬ ma. Aˬ yawꞈ maꞈ-ahˇ gʼoe-awˇ nawˇ nga maꞈ-ahˇ ehˇ taˬ-eu dawˬ heu loꞈ-ehˇ jaˆ-eu meh. Naw maꞈ jawˇ uˇ leˇ-eu lehˇ gʼeh-eu miˇ kʼahˬ kʼoeˇ kʼahˬ-aˬ, maˬ muiˬ maˬ shawˇ-eu miˇ kʼahˬ pyeuꞈ-eu meh. Aˬ jeˬ miˇ neh ehˇ naˇ, kʼoeˇ gaˇ jawˇ luꞈ-eu tsawˇ haˬ deuˬ-aˬ, miˇ kʼahˬ kʼoeˇ kʼahˬ-euˬ kʼoeˇ dzeˇ heu dzeˇ doˆ ni jawꞈ dui dui-eu jeˬ tehꞈ-ehˇ mˇ byah jiˇ taˬ-euˬ meh.
Nawˬ neh mˇ-euˬ gaˇ-ahˇ aˬ yawꞈ maꞈ ngehˇ jiˇ-awˇ, nawˬ-euˬ dawˬ-ahˇ maˬ naˇ haˬ ni, nawˇ mˇ-euˬ kʼaˆ jeˬ-ehˇ gʼeh-eu gaˇ-ahˇ, aˬ yawꞈ maꞈ ngehˇ byoˆ jiˇ-euˬ meh. Aˬ yawꞈ maꞈ nui ma huiˬ-eu mahˇ-eu jeˬ laꞈ kʼoeˇ, Iˇjiˇtuˆ miˇ kʼahˬ-ahˇ zaˬ kʼaˆ geuꞈ poˆ-iˇ-eu gʼaˇ duˬ, sheuˬ gʼeh-eu aˬ yuiꞈ tseˇ-euˬ meh. Ehˇ kʼawꞈ nawˇ iˬ baˇ pyehˬ nehˬ-eu Miˬyehˇ pyeuꞈ-awˇ, gʼoeˇ-eu gaˬ-eu jeˬ byah-eu uˬ taꞈ, nawˇ nui ma pehˇ-eu maˬ kawˇ-a. Nawˇ gʼawˬ shaˬ gaˬ-eu jeˬ huiˬ dui myaˬ dui dui-awˇ, aˬ yawꞈ maꞈ-ahˇ nawˇ maˬ byehˇ dzeh-aˬ.
Aˬ yawꞈ yaˇ kmˇ duˬ ngeh kʼaˬ lo gʼoˆ dzeh jiˇ-awˇ, muiˬ dui dui-eu aˬ gaꞈ ciˇ ni deuˬ ka-euˬ meh. Aˬ gaꞈ yaˇ kmˇ-ahˇ loꞈ-eu yaˇ cmˇ cmˇ goˇ tsoˆ-awˇ, aˬ gaꞈ dzaˇ uiˇ lehˬ duˬ jahˇ gʼaˬ taˬ-awˇ, Aˬ gaꞈ aˇ siˬ awꞈ laˇ jiˇ ngeh keuˆ ni loꞈ keuˆ-euˬ meh. Ehˇ kʼawꞈ, aˬ gaꞈ aˇ siˬ dawˬ tawˆ luꞈ yaw cehˇ meh.
“Nymˬ-mˇ poˆ jawˇ, nawˬ nehˬ-ehˇ tiˬ kawˆ loꞈ-ehˇ bi nyehꞈ daˆ laꞈ-euˬ tsawˇ haˬ deuˬ-ahˇ, ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. Aˬ yawꞈ maꞈ-ahˇ gaˇ mahˇ kaˬ-eu tsawˇ jeuˬ deuˬ jawˇ gaˇ biˇ jawˇ laˇ-awˇ, aˬ cawˬ miˇ kʼahˬ doe ni bi jawˇ byaˆ-euˬ gʼaˬ ngaˇ ma. Ehˇ kʼawꞈ, nymˬ-mˇ poˆ jawˇ-aˬ, aˬ yawꞈ maꞈ kʼaˇ jawˇ luꞈ-eu miˇ kʼahˬ laꞈ kʼoeˇ aˬ yawꞈ maꞈ nehˬ-ehˇ ngaˇ jawˇ ma.
Gaˇ kawˆ heu gʼoˆ shaw-awˇ juiˇ taˬ-awˬ. Yeˬluˇsaˬlehˬ meuˬ bi tsoˆ muiˬ-eu gʼaˇ duˬ dawˬ biꞈ-euˬ aˇ yamˬ-ahˇ neh, Miˬyehˇ neh tsiˇ shehˆ daˆ-awˇ tseˇ doˆ taˬ-euˬ uˆ lahˇ-eu gʼaˬ oe keuˆ ngeh keuˆ ni, shiꞈ kʼoꞈ, shiꞈ poˆ myahˇ tehꞈ-a. Yeˬluˇsaˬlehˬ meuˬ hawˇ-eu meuˬ laꞈ kʼoeˇ jaˆ-eu gaˇ ma deuˬ gawˬ muiˬ tsoˆ muiˬ jiˇ-awˇ, muiˇ-eu deuˬ guiˇ maˬ bi deuˆ gʼaˬ laˇ nya ni, ziꞈ dah ni gʼeh-eu taˆ deuˬ gawˬ ziꞈ tsoˆ ziꞈ gʼaˬ-awˇ, koꞈ tseˇ nyiꞈ kʼoꞈ, shiꞈ poˆ keuˆ ni gmˬ tehꞈ-a. Ehˇ kʼawꞈ, aˇ yamˬ kʼoeˇ yamˬ-aˬ, shaˬ zahˬ naꞈ-eu aˇ yamˬ pyeuꞈ tehꞈ-a.
“Naw maꞈ cehˇ gʼawˬ mya ni mˇ za ma lehˇ noeˬ kʼawꞈ, ui cuiˆ tehꞈ-ehˇ za le-eu meh. Naw maꞈ cehˇ pi kʼoꞈ leꞈ ngeh, ngaˇ baw dzeh-euˬ ma. Aˬ jeˬ miˇ neh ngaˇ kʼoeˇ loꞈ-ehˇ jahˇ-euˬ nga lehˇ duˇ-eu nya. Ngaˬ-euˬ Uˬ duˬ tahˬ nymˇ nymˇ ma yaw pyaˆ-ehˇ jaˆ ngeh, naw maꞈ yawˬ ha-euˬ nymˇ laꞈ kʼoeˇ gaˇ myaˬ luꞈ-eu miˇ neh, ngaˇ kʼoeˇ loꞈ-ehˇ jahˇ-euˬ ma.
ကြော်ငြာတွေ