Eˇzaˬlaˬ 9:2 - Akha

² Yuˇdaˆ tsawˇ haˬ deuˬ-aˬ, aˬ cawˬ tsawˇ jeuˬ-ahˇ sheuˬ-eu laꞈ kʼoeˇ Miˬyehˇ-euˬ muiˬ-eu shawˇ-eu tsawˇ jeuˬ-ahˇ tsawˇ keuˬ bi keuˬ iˇ-euˬ meh. Aˬ yuiꞈ aˬ tsu deuˬ hawˇ-eu yaw huiˬ yaw mahˇ geuꞈ-eu deuˬ kʼoeˇ loꞈ-ehˇ mehˬ huˬ huˬ-awˇ mˇ-eu meh lehˇ ehˇ laˇ-euˬ meh.

Eˇzaˬlaˬ 9:2 ပူးပေါင်းရင်းမြစ်များ

Aˇ dahˬ 6:2

Kʼoeˇ ngeh, mˬ taˆ zaˬ yo deuˬ miˇ tsa zaˬ miˬ kʼoeˇ deuˬ aˇ gʼehˇ muiˬ gaˇ ya mawˇ-awˇ, yawˬ ha kʼaˇ mawꞈ leˇ-eu gʼaˬ-ahˇ sheuˬ geuꞈ-euˬ meh.

1 Sahˬpaˬ 11:1

Aˬ cawˬ tsawˇ jeuˬ zaˬ miˬ zaˬ gʼawˬ mya gʼaˬ-ahˇ Sawˇlaˬmoˬ mawꞈ leˇ-euˬ meh. Iˇjiˇtuˆ sahˬ paˬ zaˬ miˬ uˬ taꞈ, Heˬtaˆ tsawˇ jeuˬ zaˬ miˬ zaˬ deuˬ-ahˇ maˬ ehˇ, Mawˇbaˆ tsawˇ jeuˬ zaˬ miˬ zaˬ deuˬ-ahˇ maˬ ehˇ, Aˬmoˬ tsawˇ jeuˬ zaˬ miˬ zaˬ deuˬ-ahˇ maˬ ehˇ, Eˬdoˬ tsawˇ jeuˬ zaˬ miˬ zaˬ deuˬ-ahˇ maˬ ehˇ, Siˇdoˬ tsawˇ jeuˬ zaˬ miˬ zaˬ deuˬ-ahˇ maˬ ehˇ, aˬ yawꞈ sheuˬ-euˬ meh.

Eˇzaˬlaˬ 10:2

Kʼoeˇ naˇ, Eˇlamˬ aˇ jeuˬ Yeˬheˬlaˇ-euˬ aˬ li Sheˬkaˬniˇ gʼaˬ, Eˇzaˬlaˬ-ahˇ heu loꞈ-ehˇ ehˇ nehˬ-euˬ meh. “aˬ cawˬ tsawˇ jeuˬ-ahˇ sheuˬ dahˬ dzaˬ-eu laꞈ kʼoeˇ, Miˬyehˇ-ahˇ nga maꞈ puiˬ-euˬ ma. Ehˇ kʼawꞈ, Iˇsaˬleˬlaˆ tsawˇ jeuˬ gʼaˇ duˬ noeˬ tmˬ kʼaˇ za-a siˬ.

Eˇzaˬlaˬ 9:12

Kʼoeˇ miˇ neh, naw maꞈ-euˬ zaˬ miˬ zaˬ yo deuˬ hawˇ-eu aˬ yawꞈ maꞈ-euˬ zaˬ miˬ zaˬ yo deuˬ taˬ bi sheuˬ dahˬ dzaˬ taꞈ. Miˇ kʼahˬ kʼoeˇ kʼahˬ naw maꞈ dzaˬ mawꞈ-awˇ, naw maꞈ-euˬ zaˬ deuˬ uˆ deuˬ-euˬ laꞈ-ahˇ bi jaˆ yaꞈ mawꞈ naˇ, kʼoeˇ gaˇ jawˇ-eu tsawˇ haˬ deuˬ dehꞈ dzaˬ laˇ-awˇ baw le za le ni naw maꞈ taˬ caw ba nehˬ lehˇ nawˬ neh ehˇ taˬ-euˬ dawˬ jaˆ-eu meh.

Eˇzaˬlaˬ 9:14

Nawˬ-euˬ zahˇ dawˬ kʼoꞈ dawˬ-ahˇ nga maꞈ yaw zeu maˬ paˇ baw-ehˇ, maˬ muiˬ maˬ jaˬ-eu tsawˇ haˬ heu deuˬ-ahˇ nga maꞈ paˇ sheuˬ dahˬ dzaˬ taꞈ kʼmˬ tehꞈ-a loˇ. Nga maꞈ kʼoeˇ loꞈ-ehˇ jahˇ naˇ, nawˇ nui ma pehˇ dui dui-eu laꞈ kʼoeˇ, tiˬ gʼaˬ-iˬ maˬ dehꞈ dzeuˇ nya gaˇ keuˆ ni kʼehˬ nehˬ kʼaˆ nehˬ laꞈ tehꞈ-a.

Neˬhaˬmiˇ 13:17

Yuˇdaˆ tsawˇ haˬ aˬ yuiꞈ aˬ tsu deuˬ-ahˇ ngaˇ dehˬ-awˇ heu loꞈ-ehˇ ehˇ nehˬ-euˬ ma. “Naw maꞈ neh mˇ-euˬ maˬ muiˬ maˬ jaˬ-eu jeˬ-ahˇ haw sheˇ. Jawˇ nah-ahˇ maˬ muiˬ maˬ shawˇ ni naw maꞈ mˇ luꞈ-eu meh.

Neˬhaˬmiˇ 13:28

Yawˇyaˬdaˇ-aˬ, Piˇ ma yaw huiˬ gʼaˬ pyeuꞈ-eu Eˇlaˬshiˆ-euˬ aˬ li meh. Ehˇ kʼawꞈ, Yawˇyaˬdaˇ-euˬ aˬ li tiˬ li-aˬ, Behˬhawˇleuˬ meuˬ-ahˇ jawˇ-eu Sahˬbaˬlaˆ-euˬ aˬ buˇ-ahˇ sheuˬ-euˬ meh. Kʼoeˇ miˇ neh, Yawˇyaˬdaˇ-ahˇ Yeˬluˇsaˬlehˬ meuˬ-ahˇ neh ngaˇ teh doˆ-euˬ ma.

Doˆ-iˇ 19:6

Ehˇ kʼawꞈ, naw maꞈ-aˬ, ngaˬ neh tseˇ doˆ-euˬ tsawˇ jeuˬ pyeuꞈ tehꞈ-a. Naw maꞈ-aˬ, ngaˇ tiˬ gʼaˬ-ahˇ tehꞈ-ehˇ damˬ nehˬ taˬ-euˬ ngaˬ-euˬ tsawˇ jeuˬ pyeuꞈ-awˇ, ngaˬ-euˬ gaˇ mˇ-eu piˇ ma deuˬ ya geuꞈ tehꞈ-a.”

Doˆ-iˇ 22:31

“Naw maꞈ-aˬ, ngaˬ-euˬ tsawˇ haˬ pyeuꞈ-eu miˇ neh, bawˇ tsahˬ jeˬ zaˬ yaw gʼeh deuˬ neh kawꞈ sehꞈ-euˬ jeˬ zaˬ shaˬ jiˇ maˬ ya dzaˬ-a. Shaˬ jiˇ kʼoeˇ deuˬ aˬ kuiˬ-ahˇ ya bi dzaˬ meh.

Doˆ-iˇ 34:16

Naw maꞈ-euˬ zaˬ yo aˬ li deuˬ, lawˇ ciꞈ zaˬ kʼoeˇ deuˬ-euˬ zaˬ miˬ aˬ buˇ deuˬ-ahˇ sheuˬ-awˇ, ngaˬ-ahˇ saˇ jaˇ puiˬ-eu laꞈ kʼoeˇ, lawˇ ciꞈ zaˬ deuˬ-euˬ miˬyehˇ-ahˇ uˬ duˬ tahˬ ni, zaˬ mi aˬ buˇ kʼoeˇ deuˬ aˬ yawꞈ maꞈ-ahˇ sheuˬ gʼeh tehꞈ-a.

Iˇsaˬyaˇ 6:13

Tseˇ pu-ahˇ tiˬ pu dzeˇ yaꞈ-euˬ kʼawꞈ, paˇ bi puiˆ byoˆ jiˇ tehꞈ-a. Ehˇ kʼawꞈ, tsuiꞈ kaˆ aˇ bawˇ bi tuˇ dzeh ngeh, tsuiꞈ kaˆ sahˬ nyiꞈ tsawˬ tuˇ-ehˇ jaˆ yaꞈ-euˬ loꞈ-ehˇ, muiˬ-eu shawˇ-eu tsawˇ haˬ aˇ yoeˬ, miˇ kʼahˬ kʼoeˇ kʼahˬ laꞈ kʼoeˇ sahˬ nyiꞈ loꞈ-ehˇ dzeˇ yaꞈ tehꞈ-a.” (Sahˬ nyiꞈ-euˬ dawˬ tsuiꞈ-aˬ, Miˬyehˇ-euˬ tsawˇ haˬ yaw shuiꞈ dehꞈ tuˇ laˇ gaˇ ehˇ mawꞈ-eu meh.)

Uˬ duˬ 21:15

Kʼoeˇ loꞈ-ehˇ maˬ ngeuˇ naˇ, yaw muiˬ yaw shawˇ tsawˇ haˬ ya bi pyeuꞈ-eu aˬ yawꞈ-euˬ zaˬ deuˬ-aˬ, maˬ muiˬ maˬ shawˇ ni pyeuꞈ-iˇ tehꞈ-a. Ngaˇ-aˬ, Sahˬpaˬ Miˬyehˇ pyeuꞈ-awˇ, Piˇ ma Yaw huiˬ gʼaˬ bi geuꞈ-eu lehˇ, tsawˇ haˬ heu myaˆ ni gʼeh-eu laꞈ kʼoeˇ, aˬ yawꞈ-ahˇ tseˇ doˆ-euˬ ma.”

Maˬlaˬkiˇ 2:11

Yuˇdaˆ miˇ kʼahˬ zaˬ deuˬ Miˬyehˇ nehˬ-ehˇ dzaˬ taˬ-eu saˇ jaˇ puiˬ-awˇ, Yeˬluˇsaˬlehˬ meuˬ hawˇ-eu miˇ kʼahˬ heu kʼahˬ doe ni, jawꞈ dui dui-eu jeˬ mˇ byah taˬ-euˬ meh. Sahˬpaˬ Miˬyehˇ gaˬ dui dui-eu Uˬ duˬ tahˬ nymˇ nymˇ ma-ahˇ aˬ yawꞈ maꞈ laˆ jawꞈ-euˬ meh. Kʼaˬ dzeˇ zaˬ deuˬ aˬ cawˬ tsawˇ jeuˬ-euˬ miˬ yehˇ-ahˇ uˬ duˬ tahˬ-eu zaˬ miˬ zaˬ deuˬ-ahˇ sheuˬ dahˬ dzaˬ-euˬ meh.

Maˬlaˬkiˇ 2:15

Nyiˬ gʼaˬ-euˬ tiˬ mawˇ do tehꞈ-ehˇ pyeuꞈ-awˇ, nui ma tiˬ siˬ tehꞈ-ehˇ taꞈ ni Miˬyehˇ jahˇ-euˬ maˬ ngeuˇ-a loˇ. Aˬ yawꞈ-euˬ noeˬ tmˬ duˬ aˬ joˆ-ehˇ jaˆ ta. Naw nyaꞈ o neh jeuˬ le o le-euˬ zaˬ deuˬ Miˬyehˇ-euˬ tsawˇ haˬ maˇ maˇ ni pyeuꞈ laˇ gaˇ noeˬ tmˬ-euˬ maˬ ngeuˇ-a loˇ. Kʼoeˇ miˇ neh, naw maꞈ tiˬ gʼaˬ-iˬ yawˬ ha-euˬ miˬ zaˬ-ahˇ saˇ jaˇ taˬ puiˬ.

1 Gawˇliˬtu 7:14

Aˬ jeˬ miˇ neh ehˇ naˇ, Ka li-ahˇ maˬ jah-eu kʼaˬ dzeˇ zaˬ kʼoeˇ gʼaˬ-aˬ, aˬ yawꞈ-euˬ miˬ zaˬ-ahˇ taꞈ leˇ-eu laꞈ kʼoeˇ, Miˬyehˇ ha geuꞈ nya-eu tsawˇ haˬ pyeuꞈ laˇ-euˬ meh. Ka li-ahˇ maˬ jah-eu miˬ zaˬ kʼoeˇ gʼaˬ kʼawꞈ, Ka li-ahˇ jah-eu aˬ yawꞈ-euˬ kʼaˬ dzeˇ zaˬ-ahˇ taꞈ leˇ-euˬ laꞈ kʼoeˇ, Miˬyehˇ ha geuꞈ nya-eu tsawˇ haˬ pyeuꞈ laˇ-euˬ meh. Kʼoeˇ loꞈ-ehˇ maˬ jahˇ naˇ, aˬ yawꞈ maꞈ-euˬ zaˬ deuˬ lawˇ ciꞈ zaˬ-euˬ zaˬ deuˬ-ahˇ duˇ tehꞈ-a. Kʼoeˇ loꞈ-ehˇ jahˇ naˇ, zaˬ kʼoeˇ deuˬ Miˬyehˇ ha geuꞈ nya-eu tsawˇ haˬ pyeuꞈ laˇ tehꞈ-a.

2 Gawˇliˬtu 6:14

Ka li-ahˇ maˬ jah-eu tsawˇ haˬ deuˬ nehˬ-ehˇ nui ma tiˬ gaˇ taꞈ-awˇ taˬ dehꞈ. Kʼoeˇ loꞈ-ehˇ maˬ geuꞈ nya-a. Yaw tsaˬ yaw dawˇ jeˬ hawˇ-eu maˬ tsaˬ maˬ dawˇ-eu jeˬ aˬ joˆ-ehˇ tiˬ gaˇ taꞈ nya nmˇ. Yaw shehꞈ hawˇ-eu yaw zahˇ aˬ joˇ-ehˇ tiˬ gaˇ jawˇ nya nmˇ.

Dawˬmehˬ 14:2

Naw maꞈ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬ yehˇ-euˬ tsawˇ haˬ pyeuꞈ-awˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ laꞈ kʼoeˇ, aˬ yawꞈ-euˬ tsawˇ jeuˬ bi pyeuꞈ laˇ-eu lehˇ, aˬ yawꞈ neh tseˇ doˆ taˬ-euˬ meh.

Dawˬmehˬ 7:6

Naw maꞈ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ haˬ pyeuꞈ-eu miˇ neh, kʼoeˇ loꞈ-ehˇ jahˇ-awˬ. Maˇ maˇ ni aˬ yawꞈ-euˬ tsawˇ jeuˬ bi pyeuꞈ laˇ-eu gʼaˇ duˬ, tsawˇ jeuˬ heu myaˆ ni gʼeh-eu laꞈ kʼoeˇ, naw maꞈ-ahˇ aˬ yawꞈ tseˇ doˆ-euˬ meh.

Yawˇshuˆ 22:15

Giˇlaˆ miˇ kʼahˬ-ahˇ jawˇ-eu Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ jawˇ gaˇ aˬ yawꞈ maꞈ oe-euˬ meh.

Yawˇshuˆ 23:12

Naw maꞈ saˇ jaˇ maˬ ziꞈ-ehˇ, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ kʼoeˇ deuˬ nehˬ-ehˇ keuˬ leˇ-awˇ, sheuˬ dahˬ dzaˬ taꞈ naˇ,