Eˇzaˬlaˬ 8:28 - Akha

²⁸ Aˬ yawꞈ maꞈ-ahˇ ngaˇ ehˇ nehˬ-euˬ, “Naw maꞈ-euˬ gʼawˇ mawˇ hawˇ-eu naw maꞈ neh nui ma keuˆ-awˇ damˬ taˬ-euˬ pyuˇ hawˇ-eu shuiˇ myawˬ guˇ heu deuˬ-aˬ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi muiˬ-eu shawˇ-eu jeˬ pyeuꞈ-eu meh.

Eˇzaˬlaˬ 8:28 ပူးပေါင်းရင်းမြစ်များ

1 Laˬsaˬbaˬ 23:28

Leˬbiˇ tsawˇ haˬ deuˬ ya mˇ-eu gaˇ-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh, Aˬloˬ-euˬ zaˬ deuˬ uˆ deuˬ pyeuꞈ-eu piˇ ma deuˬ-ahˇ caw jaw-eu gaˇ maˬ ehˇ, Uˬ duˬ tahˬ nymˇ nymˇ ma-euˬ poˆ ka hawˇ-eu aˇ lawˆ deuˬ-ahˇ bo saˆ haw piˇ-eu gaˇ maˬ ehˇ, kʼaˇ muiˬ kʼaˇ shawˇ-eu mˇ myawˬ keu ka deuˬ-ahˇ maˬ ya bi jawꞈ-iˇ ni jeˬ hmˬ laˆ saˆ-eu gaˇ maˬ ehˇ,

1 Laˬsaˬbaˬ 26:20

Aˬ yawꞈ maꞈ-euˬ tsawˇ jeuˬ pyeuꞈ-eu Leˬbiˇ tsawˇ haˬ nui deuˬ-aˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ shuiˇ myawˬ gahˬ deuˬ hawˇ-eu, Miˬyehˇ-ahˇ damˬ nehˬ-euˬ jeˬ laˆ saˆ jeˬ hmˬ taˬ-eu aˇ lawˆ deuˬ-ahˇ ya haw piˇ-eu meh.

2 Laˬsaˬbaˬ 24:14

Uˬ duˬ tahˬ nymˇ nymˇ ma laˆ saˆ muiˬ-eu gaˇ mˇ luiˆ gʼaˬ ngeh jawˇ, dzehˬ laˇ-euˬ shuiˇ hawˇ-eu pyuˇ deuˬ sahˬ paˬ Yawˇshaˆ hawˇ-eu Yeˬhawˇyaˬdaˬ aˬ ha nyaꞈ-ahˇ aˬ yawꞈ maꞈ a kʼoꞈ nehˬ-awˇ, Uˬ duˬ tahˬ nymˇ nymˇ ma-ahˇ loˬ-eu naˬ bo deuˬ hawˇ-eu nui jeˬ mˇ myawˬ keu ka deuˬ jahˇ gaˇ aˬ yawꞈ nyaꞈ zmˬ-euˬ meh. Yeˬhawˇyaˬdaˬ kʼaˇ dehꞈ kʼoeˇ keuˆ ni, Uˬ duˬ tahˬ nymˇ nymˇ ma laꞈ kʼoeˇ lawˇ-eu shehˇ-eu jeˬ-ahˇ maˬ tsehˆ leˇ ni mˇ-euˬ meh.

Eˇzaˬlaˬ 8:27

ngaˬ jawꞈ-i byah-eu shuiˇ naˬ bo nyiˬ tseˇ bo hawˇ-eu, shuiˇ naˬ bo kʼoeˇ deuˬ naˆ ni aˇ poeˬ jaˆ-eu muiˬ dui dui-eu guiˬ shuiˇ naˬ bo nyiˬ bo byah-eu meh.

Doˆ-iˇ 35:29

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, nui ma keuˆ-eu Iˇsaˬleˬlaˆ tsawˇ haˬ dawˬ tawˆ luꞈ, Sahˬpaˬ Miˬyehˇ-ahˇ damˬ nehˬ laˇ-euˬ meh.

Iˇsaˬyaˇ 52:11

Uˬ duˬ tahˬ nymˇ nymˇ ma-ahˇ taꞈ-eu keu ka baꞈ-eu tsawˇ haˬ deuˬ, Baˬbuˇloˬ meuˬ-ahˇ neh maˬ oe doˆ ni taˬ byehˇ. Maˬ toeˬ ciˆ kʼmˬ-eu mˇ myawˬ-ahˇ taˬ toeˬ. Yawˬ ha-euˬ gʼawˇ mawˇ shawˇ-awˇ doˆ-iˇ-awˬ.

Bawˇtsahˬ 7:13

Aˬ yawꞈ neh yuˇ laꞈ-euˬ lawˇ-eu jeˬ-aˬ, dzaˬ la gʼo cehˇ lawˇ-eu jeˬ pyeuꞈ-eu muiˬ-eu cehˇ meu dawˆ ahˇ taˬ-euˬ, kaˇ-ahˇ tsaˬ-awˇ gʼoeˬ kaˇ byah-eu pyuˇ naˬ bo tiˬ bo hawˇ-eu, kʼoeˇ loꞈ-ehˇ dzaˬ la gʼo cehˇ lawˇ-eu jeˬ dawˆ ahˇ taˬ-euˬ, kaˇ-ahˇ tsaˬ-awˇ ngaˬ kaˇ byah-eu pyuˇ sehˇ byehˇ tiˬ byehˇ,

Dawˬmehˬ 33:8

Leˬbiˇ gaˇ kawˆ Moˇseˬ ehˇ-eu, “Sahˬpaˬ Miˬyehˇ nawˬ-euˬ nui noeˬ, Leˬbiˇ tsawˇ haˬ deuˬ-ahˇ gʼoe-awˇ, Uˇleˬ Duˇmeˬ neh pah mehˬ-awˬ. Maˬsah lehˇ kuˇ-euˬ jawˇ duˬ-ahˇ, yawꞈ maꞈ-ahˇ nawˇ pyehˆ tseˇ haw-awˇ, Meˬliˇbaˬ lawˇ gawˆ lawˇ dzeˇ-ahˇ, yawꞈ maꞈ-ahˇ nawˇ lawˬ haw-euˬ meh.