Eˇzaˬlaˬ 8:25 - Akha

²⁵ Kʼoeˇ naˇ, sahˬ paˬ Aˬtaˬdzeuˬsehˆ, aˬ yawꞈ-ahˇ nui noeˬ nui duˇ biꞈ-eu deuˬ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ hawˇ-eu, Iˇsaˬleˬlaˆ tsawˇ haˬ deuˬ neh Uˬ duˬ tahˬ nymˇ nymˇ ma-ahˇ bi zmˬ-eu lehˇ damˬ taˬ-euˬ pyuˇ hawˇ-eu shuiˇ deuˬ-ahˇ ngaˇ saˆ haw-awˇ, piˇ ma deuˬ-ahˇ biꞈ nehˬ-euˬ ma.

Eˇzaˬlaˬ 8:25 ပူးပေါင်းရင်းမြစ်များ

Eˇzaˬlaˬ 1:8

Paˇshaˇ sahˬ paˬ Guˇluˆ-aˬ, aˬ yawꞈ-euˬ myawˬ gahˬ jeˬ hmˬ-eu yaw huiˬ yaw mahˇ pyeuꞈ-eu Miˇdaˬleˬdaˇ-ahˇ naˬ bo kʼmˬ maˬ kʼoeˇ deuˬ bi yuˇ laꞈ-awˇ, Yuˇdaˆ miˇ kʼahˬ-ahˇ uˆ lahˇ-eu gʼaˬ pyeuꞈ-eu Sheˬshaˆbaˬzaˬ-euˬ mehˬ shi bi gui nehˬ-euˬ meh.

Eˇzaˬlaˬ 2:69

Gaˇ kʼoeˇ hmˬ mˇ pyeuꞈ-eu gʼaˇ duˬ aˬ yawꞈ maꞈ kʼaˇ gʼeh nya-eu loꞈ-ehˇ damˬ-awˇ, shuiˇ smˬ yaˇ jawꞈ-i, pyuˇ tiˬ heˇ koꞈ yaˇ yehꞈ tseˇ jawꞈ-i hawˇ-eu piˇ ma dm-eu pehˇ kʼahˬ pehˇ mahˇ tiˬ yaˇ kahˇ doˆ laˇ-euˬ meh.

Eˇzaˬlaˬ 8:33

Oeˬ nah tiˬ nah-ahˇ Uˬ duˬ tahˬ nymˇ nymˇ ma-ahˇ nga maꞈ le-awˇ, pyuˇ, shuiˇ, myawˬ guˇ, kʼoeˇ deuˬ-ahˇ saˆ haw-awˇ, Uˇliˇyaˆ-euˬ aˬ li piˇ ma Meˬlaˬmoˇ-ahˇ a nehˬ-euˬ ma. Piˇnaˬhaˇ-euˬ aˬ li Eˇlaˬzaˬ hawˇ-eu, Leˬbiˇ tsawˇ haˬ deuˬ pyeuꞈ-eu Yeˬshah-euˬ aˬ li Yawˇzaˬbaˆ hawˇ-eu Biˇnuiˇ-euˬ aˬ li Nawˇdiˆ aˬ nyaꞈ kʼawꞈ, aˬ yawꞈ nehˬ-ehˇ jawˇ luꞈ-eu meh.

Bawˇtsahˬ 7:85

Pyuˇ naˬ bo aˬ yawꞈ bo yawꞈ gʼoeˬ kaˇ byah-awˇ, pyuˇ sehˇ byehˇ aˬ yawꞈ byehˇ yawꞈ ngaˬ kaˇ byah-eu meh. Pyuˇ naˬ bo hawˇ-eu pyuˇ sehˇ byehˇ dawˬ tawˆ luꞈ, kaˇ-ahˇ tsaˬ ni nyiˬ heˇ oeˬ yaˇ jawꞈ-i byah-eu meh.

Piˇliˇpiˆ 4:8

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ-eu ma. Yaw muiˬ jeˬ hawˇ-eu ja ceuˬ paˬ-ehˇ gʼeh-eu jeˬ pyeuꞈ-eu, tsaˬ-eu dawˇ-eu jeˬ, aˬ cawˬ yaw zeu baw paˬ-ehˇ gʼeh-eu jeˬ, aˬ cawˬ-ahˇ dehꞈ tsaˬ dehꞈ tsahˇ-eu jeˬ, muiˬ-eu shawˇ-eu jeˬ, aˬ cawˬ haw gaˬ paˬ-ehˇ gʼeh-eu jeˬ, aˬ cawˬ taˬ huiˬ taˬ mahˇ paˬ-ehˇ gʼeh-eu jeˬ, heu deuˬ naw maꞈ laꞈ kʼoeˇ bi ahˇ-awˬ.