Eˇzaˬlaˬ 8:21 - Akha

²¹ Nga maꞈ gaˇ ma doˆ-iˇ luꞈ ngeh Miˬyehˇ sheuˬ gʼeh nehˬ laꞈ-awˇ, nga maꞈ-euˬ aˬ buˇ aˬ li deuˬ hawˇ-eu nga maꞈ kʼaˇ jaˆ-eu jeˬ dawˬ tawˆ luꞈ kʼoeˇ taˆ haw piˇ nehˬ laꞈ-eu gʼaˇ duˬ, yawˬ gʼaˬ na luꞈ maˬ dzaˬ-eu zahˇ jahˇ-eu laꞈ kʼoeˇ nui ma nahˬ yu ni taˬ-awˇ guiˬ lahˬ shaˇ-awˬ lehˇ, Aˬhaˬbaˬ uiˇ kʼehˬ dawˬ peh ngaˇ dawˬ biꞈ-eu ma.

Eˇzaˬlaˬ 8:21 ပူးပေါင်းရင်းမြစ်များ

2 Laˬsaˬbaˬ 20:3

Yeˬhawˇshaˬpaˇ guˆ dui dui-awˇ, Sahˬpaˬ Miˬyehˇ neh bi ngehˬ gʼeh-eu gʼaˇ duˬ guiˬ lahˬ shaˇ-euˬ meh. Yuˇdaˆ miˇ kʼahˬ kʼahˬ lah ni maˬ dzaˬ-eu zahˇ jahˇ-eu gʼaˇ duˬ, aˬ yawꞈ dawˬ biꞈ gʼeh-euˬ meh.

2 Laˬsaˬbaˬ 20:4

Yuˇdaˆ miˇ kʼahˬ meuˬ yawˬ meuˬ na luꞈ-ahˇ jawˇ-eu tsawˇ haˬ deuˬ, Sahˬpaˬ Miˬyehˇ-ahˇ tahˬ shaˇ leˇ-eu gʼaˇ duˬ Yeˬluˇsaˬlehˬ meuˬ-ahˇ yaw kawˇ-ehˇ le-euˬ meh.

Eˇzaˬlaˬ 8:15

Aˬ yawꞈ maꞈ dawˬ tawˆ luꞈ-ahˇ Aˬhaˬbaˬ meuˬ paw yoeˇ gʼeh-euˬ iˇ cuꞈ uiˇ kʼehˬ dawˬ peh ngaˇ kuˇ uiˬ-awˇ, smˬ nah keuˆ ni kʼoeˇ gaˇ sehˬ gʼawˆ gʼawˆ-awˇ naˬ-euˬ ma. Tsawˇ haˬ kʼoeˇ maꞈ laꞈ kʼoeˇ piˇ ma deuˬ ahˇ-awˇ, Leˬbiˇ tsawˇ haˬ tiˬ gʼaˬ-iˬ maˬ ahˇ gaˇ ngaˇ mawˇ-euˬ ma.

Eˇzaˬlaˬ 8:31

Ba la yaw beh siˬ tseˇ nyiꞈ nah-ahˇ, Aˬhaˬbaˬ uiˇ kʼehˬ-ahˇ neh nga maꞈ luˆ-iˇ-awˇ, Yeˬluˇsaˬlehˬ meuˬ-ahˇ le-euˬ ma. Nga maꞈ gaˇ pehˇ le luꞈ ngeh, nga maꞈ-euˬ Miˬyehˇ nga maꞈ nehˬ-ehˇ jawˇ-awˇ, nga maꞈ-ahˇ muiˇ-eu deuˬ hawˇ-eu gaˇ pehˇ gaˇ laˆ nga maꞈ-ahˇ kʼoeˬ deuˆ laˇ-eu deuˬ-euˬ laꞈ-ahˇ neh nga maꞈ-ahˇ haw piˇ nehˬ laꞈ-euˬ meh.

Neˬhaˬmiˇ 9:1

Ba la kʼoeˇ siˬ nyiˬ tseˇ oeˬ nah tiˬ nah-ahˇ Iˇsaˬleˬlaˆ tsawˇ haˬ deuˬ maˬ dzaˬ maˬ dawˇ ni tiˬ gaˇ uiˬ leˇ-awˇ, aˬ yawꞈ maꞈ noeˬ shaˬ dui dui-eu jeˬ bi siˬ bi mawˇ-eu gʼaˇ duˬ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, yawˬ ha-euˬ uˬ duˬ-ahˇ kʼaˬ lehˇ tawˆ daˆ-euˬ meh.

Iˇsaˬtaˆ 4:16

“Nawˇ iˇ-awˇ Suˇsaˬ meuˬ-ahˇ kʼaˇ jawˇ-eu Yuˇdaˆ tsawˇ haˬ dawˬ tawˆ luꞈ-ahˇ tiˬ gaˇ tehꞈ-ehˇ kuˇ uiˬ-awˇ, smˬ nah keuˆ ni tiˬ jeˬ-iˬ maˬ dzaˬ maˬ dawˇ ni lah-eu daw-eu laꞈ kʼoeˇ, ngaˬ-euˬ gʼaˇ duˬ guiˬ lahˬ shaˇ-awˬ. Ngaˇ hawˇ-eu ngaˬ-euˬ zaˬ kʼaˆ zaˬ miˬ zaˬ deuˬ kʼawꞈ, kʼoeˇ loꞈ-ehˇ lah ma. Kʼoeˇ naˇ, zahˇ sahˇ kʼoꞈ-ahˇ bahˬ kʼawꞈ ehˬ-ehˇ ngeuˇ-iˬ. Sahˬ paˬ jawˇ gaˇ ngaˇ le ma. Kʼoeˇ loꞈ-ehˇ mˇ-eu baˬ da neh ngaˇ ya shiˇ naˇ kʼawꞈ, nui kʼahˇ shiˇ ma.”

Jaceuq 137:1

Baˬbuˇloˬ lawˇ baˬ dawˬ peh nga maꞈ nuiˇ-awˇ, Ziˇoˬ meuˬ-ahˇ noeˬ mawˇ-eu laꞈ kʼoeˇ tsawˇ ngoeˇ ngoeˇ-euˬ ma.

Jaceuq 5:8

Sahˬpaˬ Miˬyehˇ-oˇ, Muiˇ-eu tsawˇhaˬmyaˬdui dui nya. nawˬ-euˬnui noeˬmˇnya laˇni, nawˇngaˬ-ahˇsheuˬgʼeh nehˬlaꞈ-awˬ. Nawˬ-euˬ gaˇma ngaˇcah nya ni, dawˇcoe ni shaˇdahˇnehˬlaꞈ-awˬ.

Jaceuq 5:9

Ngaˬ-ahˇmuiˇ-eu deuˬ-euˬdawˬ-ahˇ, ngaˇtiˬpawꞈ-iˬ maˬjah coeˇnya. Bi cawˆ-iˇ-eu jeˬ-ahˇ tehꞈ-ehˇ, aˬyawꞈmaꞈ nui ma ahˇ-eu meh. Yawꞈmaꞈ-euˬdawˬnaˇhaˬmuiˬ-awˇ, jah leˇ paˬ-ehˇ gʼeh dui dui kʼawꞈ, guˆdui dui laˇpaˬ-ehˇgʼeh-eu, mehˇshuiˇshuiˇ-eu jeˬpyeuꞈ-eu meh.

Jaceuq 8:2

zaˬdeuˬcaˇ-awˇja ceuˬluꞈmeh. Nawˬ-ahˇmuiˇ-eu tsawˇhaˬdeuˬ-ahˇ, nawˇtiˬpawꞈ-iˬ kʼahˬmaˬlahˇ-a. Nawˬ-ahˇciˬdaˬ-eu tsawˇhaˬ-ahˇ, nawˬ-euˬbaoˬneh laˆnaˬ-eu meh.

Dawqdaq 3:6

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ aˬ yawꞈ-ahˇ noeˬ keuˆ-awˬ. Nawˬ-ahˇ yaw tsaˬ yaw dawˇ gaˇ ma mehˬ laꞈ tehꞈ-a.

Iˇsaˬyaˇ 30:21

Naw maꞈ gaˇ oˆ gaˇ taˆ cah lehˬ iˇ lehˬ ngeh, “Gaˇ ma heu gaˇ dahˇ meh. Gaˇ ma-ahˇ cah-awˬ” lehˇ, naw maꞈ-euˬ naˇ kʼah aˬ yawꞈ jawˇ-awˇ ehˇ tehꞈ-a.

Iˇsaˬyaˇ 35:8

“Muiˬ-eu shawˇ-eu gaˇ jawˬ” lehˇ kuˇ-eu gaˇ jawˬ tiˬ kahˇ, kʼoeˇ gaˇ dahˇ laˇ tehꞈ-a. Iˬ baˇ zaˬ deuˬ gaˇ jawˬ kʼoeˇ kahˇ maˬ cah-ehˇ, dawˇ ga deuˬ kʼoeˇ gaˇ gaˇ bahˬ maˬ bahˬ-a.

Iˇsaˬyaˇ 42:16

“Myaˆ behꞈ tahˬ sawˇ pyeuꞈ-eu ngaˬ-euˬ tsawˇ haˬ deuˬ-ahˇ, maˬ iˇ haw-euˬ gaˇ ma tiˬ kahˇ ngaˇ sheuˬ gʼeh ma. Aˬ yawꞈ maꞈ-euˬ yaw zahˇ-ahˇ ngaˇ yaw shehꞈ bi bya laˇ-awˇ, duˬ kʼahˬ duˬ kʼawꞈ myaˬ-eu miˇ kʼahˬ, aˬ yawꞈ maꞈ-euˬ mehˬ shi bi dzm laˇ ma. Heu-aˬ, ngaˬ-euˬ saˇ jaˇ dawˬ deuˬ pyeuꞈ-awˇ, maˬ byehˇ ni ngaˇ mˇ byah nehˬ ma.

Iˇsaˬyaˇ 49:10

Aˬ yawꞈ maꞈ-ahˇ gaˬ-eu gʼaˬ neh sheuˬ gʼeh nehˬ-euˬ miˇ neh, aˬ yawꞈ maꞈ mehꞈ-eu shuꞈ-eu maˬ baw-ehˇ, nahˇ tsaˇ hawˇ-eu kʼaˇ shuiꞈ deh ga yaw lahˇ, aˬ yawꞈ maꞈ-ahˇ maˬ coeˬ leˇ-a. Iˇ cuꞈ lawˇ baˬ yoeˇ-eu dawˬ peh, aˬ yawꞈ maꞈ-ahˇ aˬ yawꞈ sheuˬ gʼeh tehꞈ-a.

Iˇsaˬyaˇ 58:3

Aˬ yawꞈ maꞈ ehˇ-eu, “Sahˬpaˬ Miˬyehˇ yaw muiˬ maˬ no laꞈ gaˇ, aˬ jeˬ miˇ neh aˬ dui maˬ dzaˬ-eu zahˇ jahˇ-eu. Aˬ yawꞈ maˬ haw cawˬ nehˬ laꞈ gaˇ, aˬ jeˬ miˇ neh aˬ dui dzaˇ maˬ dzaˬ ni dzahˬ-eu.” Aˬ yawꞈ maꞈ-ahˇ Sahˬpaˬ Miˬyehˇ ehˇ-eu , “Gaˇ kawˆ heu loꞈ-ehˇ jaˆ-eu meh. Naw maꞈ maˬ dzaˬ-eu zahˇ jahˇ kʼawꞈ, yawˬ ha nui noeˬ tehꞈ-ehˇ geuꞈ-awˇ, naw maꞈ-euˬ gaˇ mˇ zaˬ deuˬ ahˇ kʼehˬ luꞈ-eu meh.

Iˇsaˬyaˇ 58:5

Naw maꞈ maˬ dzaˬ-eu zahˇ jahˇ ngeh, yawˬ ha gʼawˇ mawˇ bi shaˬ bi zahˬ-eu meh. Uˬ jiˇ uˬ paꞈ loꞈ-ehˇ naw maꞈ-euˬ uˬ duˬ awˆ moꞈ-awˇ, guˬ daˇ pehˇ zeuˇ kʼawˬ-awˇ kʼaˬ lehˇ tawˆ daˆ taˬ-euˬ kʼoeˇ taˆ, naw maꞈ ga-awˇ maˬ dzaˬ ni dzahˬ-eu meh. Kʼoeˇ loꞈ-ehˇ mˇ gaˇ maˬ dzaˬ-eu zahˇ jahˇ-eu lehˇ kuˇ te loˇ. Kʼoeˇ loꞈ-ehˇ jahˇ gaˇ ngaˇ nui kʼahˇ shiˇ meh lehˇ noeˬ te loˇ.

Yeˬlaˬmiˇ 10:23

Sahˬpaˬ Miˬyehˇ-oˇ, tsawˇ haˬ zaˬ yaw dehꞈ dehꞈ-eu-aˬ, yawˬ ha gaˇ kawˆ yawˬ ha maˬ gʼaˬ leˇ-ehˇ, yawˬ ha saꞈ laˇ-ahˇ maˬ tuˆ tehˬ nya-eu ngaˇ siˬ nya ma.

Yeˬlaˬmiˇ 42:3

Nga maꞈ ya mˇ-eu jeˬ hawˇ-eu ya iˇ-eu gaˇ ma mehˬ nehˬ laꞈ-eu gʼaˇ duˬ, Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ.”

Daˬyeˬlaˇ 9:3

Kʼoeˇ naˇ, ngaˇ maˬ dzaˬ maˬ dawˇ ni jawˇ-awˇ, guˬ daˇ pehˇ zeuˇ mehˬ tsoeˬ dm-euˬ uˬ taꞈ, kʼaˬ lehˇ tsahˬ-ahˇ nuiˇ-awˇ, Sahˬpaˬ Miˬyehˇ pyeuꞈ-eu Miˬyehˇ-ahˇ guiˬ lahˬ shaˇ dui dui-euˬ ma.

Yawˇlaˆ 1:14

Maˬ dzaˬ-eu zahˇ jahˇ-awˇ lah-awˬ. Tsawˇ haˬ aˇ maꞈ kuˇ uiˬ jiˇ-awˬ. Aˬ yuiꞈ aˬ tsu, tsawˇ mawˬ tsawˇ kʼaˆ, miˇ kʼahˬ zaˬ yawˬ gʼaˬ yawˬ na luꞈ, Miˬyehˇ Sahˬpaˬ Miˬyehˇ jawˇ gaˇ, Uˬ duˬ tahˬ nymˇ-ahˇ uiˬ leˇ-awˇ, Sahˬpaˬ Miˬyehˇ-ahˇ ngoeˇ haw-awˬ.

Uˬ duˬ 16:29

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu deuˬ-ahˇ aˬ myah luꞈ ya caw teh meh. Ba la shiꞈ siˬ tiˬ siˬ tseˇ nah tiˬ nah-ahˇ, Iˇsaˬleˬlaˆ tsawˇ haˬ deuˬ hawˇ-eu aˬ yawꞈ maꞈ nehˬ-ehˇ jawˇ-eu boeˇ miˬ siˬ kʼaˬ deuˬ, maˬ dzaˬ maˬ dawˇ-ehˇ, gaˇ maˬ mˇ ni jawˇ-awˇ, ya lah ya daw meh.

Uˬ duˬ 16:31

Kʼoeˇ ngeh nah-aˬ, aˬ yawꞈ maꞈ maˬ dzaˬ maˬ dawˇ-ehˇ, gaˇ maˬ mˇ ni jawˇ-awˇ, ya lah ya daw-eu muiˬ dui shawˇ dui dui-eu aˇ nah pyeuꞈ-eu meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu deuˬ-ahˇ, aˬ myah luꞈ maˬ byehˇ ni, ya caw teh meh.

Uˬ duˬ 23:29

Aˇ nah kʼoeˇ nah laꞈ kʼoeˇ, tiˬ jeˬ paˬ dzaˬ-eu tsawˇ haˬ aˬ geu gʼaˬ maˬ kaˬ, Sahˬpaˬ Miˬyehˇ-euˬ tsawˇ haˬ lehˇ maˬ paˇ sawˇ nya meh.

Yawˇnaˆ 3:5

Niˇnaˬbeˬ meuˬ laꞈ kʼoeˇ jawˇ-eu tsawˇ haˬ deuˬ Sahˬpaˬ Miˬyehˇ-euˬ dawˬ-ahˇ jah-awˇ, yawˬ gʼaˬ na luꞈ maˬ dzaˬ maˬ dawˇ ni ya lah meh lehˇ aˬ yawꞈ maꞈ noeˬ tsehˆ-awˇ, aˬ yawꞈ maꞈ noeˬ poˆ gʼaˬ-euˬ gaˇ kawˆ bi siˬ-eu gʼaˇ duˬ, huiˬ zaˬ nyiˇ zaˬ dawˬ tawˆ luꞈ guˬ daˇ pehˇ zeuˇ mehˬ tsoeˬ dm-euˬ meh.

Yawˇnaˆ 3:7

Niˇnaˬbeˬ meuˬ-ahˇ jawˇ-eu tsawˇ haˬ deuˬ-ahˇ aˬ yawꞈ heu loꞈ-ehˇ dawˬ biꞈ-awˇ bi guˇ gaˬ doe-euˬ meh. “Heu-aˬ, sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ neh biꞈ-euˬ dawˬ pyeuꞈ-eu meh. Tsawˇ haˬ maˬ ehˇ, mawˇ neˇ maˬ ehˇ, yawˇ maˬ ehˇ, tiˬ jeˬ-iˬ maˬ dzaˬ maˬ dawˇ ni ya lah meh.

Bawˇtsahˬ 14:3

Aˬ jeˬ miˇ neh miˇ kʼahˬ kʼoeˇ kʼahˬ-ahˇ Sahˬpaˬ Miˬyehˇ aˬ dui maꞈ-ahˇ sheuˬ gʼeh ta. Guiˇ deuˆ-eu laꞈ kʼoeˇ aˬ dui maꞈ-ahˇ aˬ cawˬ neh bi deuˆ sehꞈ-awˇ, aˬ dui maꞈ-euˬ miˬ sawˇ zaˬ deuˬ-ahˇ aˬ cawˬ nyehꞈ gʼeh tehꞈ-a.”

Bawˇtsahˬ 14:31

Naw maꞈ-euˬ zaˬ deuˬ aˬ cawˬ neh bi nyehꞈ jiˇ tehꞈ-a lehˇ naw maꞈ ehˇ-eu meh. Ehˇ kʼawꞈ, naw maꞈ neh byehˇ dzeh-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ ngaˇ sheuˬ gʼeh-awˇ, aˬ yawꞈ maꞈ-euˬ nymˇ jiˇ kʼoeˇ gaˇ jaˆ laˇ tehꞈ-a.

Gʼaˬkʼehˇ 2:39

Aˬ jeˬ miˇ neh ehˇ naˇ, Muiˬ-eu shawˇ-eu Yaw sahˇ Miˬyehˇ biꞈ ma lehˇ Miˬyehˇ neh saˇ jaˇ dzaˬ taˬ-euˬ kʼoeˇ-aˬ, naw maꞈ hawˇ-eu naw maꞈ-euˬ zaˬ deuˬ-ahˇ dzaˬ taˬ-euˬ saˇ jaˇ pyeuꞈ-eu meh. Kʼoeˇ uˬ taꞈ, gaˇ mahˇ kaˬ gaˇ jawˇ-eu tsawˇ haˬ dawˬ tawˆ luꞈ hawˇ-eu aˬ dui-euˬ Miˬyehˇ pyeuꞈ-eu SahˬpaˬMiˬyehˇ neh aˬ yawꞈ jawˇ gaˇ kʼaˇ kuˇ taˬ-euˬ deuˬ dawˬ tawˆ luꞈ-ahˇ dzaˬ-euˬ saˇ jaˇ kʼawꞈ pyeuꞈ-eu meh.”

Yaˇ kʼaˬ daˇ 20:26

Kʼoeˇ naˇ, Iˇsaˬleˬlaˆ tsawˇ haˬ dawˬ tawˆ luꞈ Beˬdeˬlaˇ meuˬ-ahˇ le-awˇ tsawˇ ngoeˇ ngoeˇ leˇ-euˬ meh. Kʼoeˇ gaˇ, Sahˬpaˬ Miˬyehˇ-euˬ mehˬ shi aˬ yawꞈ maꞈ nuiˇ-awˇ, uˬ ciꞈ paw keuˆ ni maˬ dzaˬ maˬ dawˇ-ehˇ jawˇ-euˬ meh. Cawˬ cawˬ taꞈ-eu lawˇ-eu jeˬ hawˇ-eu, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ heu deuˬ dawˬ tawˆ luꞈ, Sahˬpaˬ Miˬyehˇ-euˬ mehˬ shi aˬ yawꞈ maꞈ lawˇ-euˬ meh.

1 Saˬmeuˬlaˆ 7:6

Kʼoeˇ ngeh, aˬ yawꞈ maꞈ dawˬ tawˆ luꞈ Miˇzaˬpaˬ meuˬ-ahˇ uiˬ laˇ jiˇ-euˬ meh. Aˬ yawꞈ maꞈ iˇ cuꞈ kʼawꞈ-awˇ shehˆ-eu laꞈ kʼoeˇ, Sahˬpaˬ Miˬyehˇ-ahˇ lawˇ nehˬ-awˇ, maˬ dzaˬ maˬ dawˇ ni nah lah lah-euˬ meh. “Nga maꞈ Sahˬpaˬ Miˬyehˇ mehˬ shi iˬ baˇ mˇ-euˬ ma” lehˇ aˬ yawꞈ maꞈ ehˇ-eu meh. Saˬmeuˬlaˆ-aˬ, Miˇzaˬpaˬ meuˬ-ahˇ jawˇ-awˇ, Iˇsaˬleˬlaˆ tsawˇ haˬ yaw kaˬ ja dzaˬ gaˇ yaˇ kʼaˬ daˇ nehˬ-euˬ meh.