Eˇzaˬlaˬ 8:20 - Akha

²⁰ Kʼoeˇ uˬ taꞈ, sahˬ paˬ Daˬbiˇ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ neh Leˬbiˇ tsawˇ haˬ deuˬ-ahˇ caw ba-eu gaˇ bi mˇ-euˬ deuˬ-euˬ zaˬ deuˬ uˆ deuˬ pyeuꞈ-eu tsawˇ haˬ nyiˬ yaˇ nyiˬ tseˇ gʼaˬ kʼawꞈ, aˬ yawꞈ maꞈ sheuˬ laꞈ-euˬ meh. Aˬ yawꞈ maꞈ dawˬ tawˆ luꞈ-euˬ tsawˇ myahˇ jaˇ laˇ yuˇ taˬ-euˬ meh.

Eˇzaˬlaˬ 8:20 ပူးပေါင်းရင်းမြစ်များ

1 Laˬsaˬbaˬ 9:2

Yawˬ ha-euˬ nymˇ dahˬ myawˬ gahˬ jaˆ-eu yawˬ ha-euˬ meuˬ deuˬ laꞈ kʼoeˇ gʼoꞈ jawˇ laˇ beh beh-euˬ deuˬ laꞈ kʼoeˇ, Iˇsaˬleˬlaˆ tsawˇ haˬ miˇ kʼahˬ zaˬ deuˬ, piˇ ma deuˬ, Leˬbiˇ tsawˇ haˬ deuˬ hawˇ-eu, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu tsawˇ haˬ deuˬ ahˇ-eu meh.

Eˇzaˬlaˬ 2:43

Baˬbuˇloˬ miˇ kʼahˬ-ahˇ neh gʼoꞈ laˇ-euˬ Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu aˇ jeuˬ aˇ ca deuˬ-euˬ aˇ jeuˬ tsawˇ myahˇ-aˬ, heu loꞈ-ehˇ meh. Ziˇhaˬ, Haˬsuˇpaˬ, Taˬbaoˇ,

Eˇzaˬlaˬ 7:7

Sahˬ paˬ Aˬtaˬdzeuˬsehˆ uˆ lahˇ-eu shiꞈ kʼoꞈ tiˬ kʼoꞈ-ahˇ, Iˇsaˬleˬlaˆ tsawˇ haˬ tiˬ paˆ na deuˬ maˬ ehˇ, piˇ ma deuˬ hawˇ-eu Leˬbiˇ tsawˇ haˬ tiˬ paˆ na deuˬ maˬ ehˇ, caˇ dawˬ caˇ-eu deuˬ hawˇ-eu Uˬ duˬ tahˬ nymˇ nymˇ ma lahˇ kʼehˬ-ahˇ loꞈ piˇ-eu deuˬ maˬ ehˇ, Uˬ duˬ tahˬ nymˇ nymˇ ma-ahˇ gaˇ mˇ-eu deuˬ maˬ ehˇ, Baˬbuˇloˬ miˇ kʼahˬ-ahˇ neh Yeˬluˇsaˬlehˬ meuˬ-ahˇ gʼoꞈ leˇ-euˬ meh.

Eˇzaˬlaˬ 8:17

Aˬ yawꞈ maꞈ-ahˇ Kaˬseˬpyaˇ meuˬ-ahˇ jawˇ-eu deuˬ kʼoeˇ taˆ aˬ yuiꞈ geuꞈ luꞈ-eu Iˇdoˬ jawˇ gaˇ ngaˇ pyehˬ gʼeh-awˇ, Uˬ duˬ tahˬ nymˇ nymˇ ma laꞈ kʼoeˇ Miˬyehˇ-euˬ gaˇ bi mˇ-eu tsawˇ haˬ deuˬ biꞈ nehˬ laꞈ lehˇ, Iˇdoˬ hawˇ-eu aˬ yawꞈ-euˬ cawˬ deuˬ-ahˇ bi shaˇ-iˇ-euˬ ma.

Eˇzaˬlaˬ 8:19

Meˬlaˬliˇ aˇ jeuˬ pyeuꞈ-eu Haˬshaˬbiˇ, Yeˬshaˬyaˆ hawˇ-eu, aˬ yawꞈ nyaꞈ-euˬ aˬ yuiꞈ aˬ nyiˇ nyiˬ tseˇ gʼaˬ-ahˇ kʼawꞈ, aˬ yawꞈ maꞈ pyehˬ gʼeh laꞈ-euˬ meh.

Bawˇtsahˬ 3:9

Leˬbiˇ tsawˇ haˬ deuˬ-euˬ gaˇ-aˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ caw ba-eu gaˇ kʼoeˇ tiˬ jeˬ tehꞈ meh.

Piˇliˇpiˆ 4:3

Saˇ jaˇ ziꞈ-eu ngaˬ-euˬ gaˇ mˇ cawˬ deuˬ kʼawꞈ, zaˬ miˬ zaˬ heu nyiˬ gʼaˬ-ahˇ ngehˬ bi gʼeh mawꞈ miˇ-a. Aˬ jeˬ miˇ neh ehˇ naˇ, zaˬ miˬ zaˬ heu nyiˬ gʼaˬ-aˬ, Laˬ kʼaˬ cehˇ-eu Guiˬ lahˬ dawˬ gaˬ doe-iˇ ni, ngaˬ-euˬ gaˇ mˇ cawˬ Gaˬleˬmeˬ hawˇ-eu ngaˬ nehˬ-ehˇ gaˇ kʼaˇ mˇ-euˬ deuˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ leh jeh dui dui-euˬ meh. Miˬyehˇ-euˬ dehꞈ-eu sahˬ boꞈ laꞈ kʼoeˇ tsawˇ haˬ heu deuˬ-euˬ tsawˇ myahˇ ahˇ meh.