Eˇzaˬlaˬ 8:16 - Akha

¹⁶ Kʼoeˇ miˇ neh, aˬ yuiꞈ aˬ tsu deuˬ pyeuꞈ-eu Eˇliˇzaˬ, Aˬyeˬlaˇ, Sheˬmaˇyaˬ, Eˇlaˬnaˬdaˬ, Yaˬliˆ, Eˇlaˬnaˬdaˬ, Naˬdaˬ, Zaˬkaˬliˇ hawˇ-eu, Meˬshuˇlamˬ aˬ ha gʼoeˬ gʼaˬ hawˇ-eu, tsawˇ gahˇ ahˇ-eu nyiˬ gʼaˬ pyeuꞈ-eu Yawˇyaˬliˆ hawˇ-eu Eˇlaˬnaˬdaˬ aˬ ha nyaꞈ-ahˇ bi kuˇ laˬ-iˇ-euˬ ma.

Eˇzaˬlaˬ 8:16 ပူးပေါင်းရင်းမြစ်များ

1 Sahˬpaˬ 3:11

Kʼoeˇ miˇ neh, Sawˇlaˬmoˬ-ahˇ aˬ yawꞈ ehˇ nehˬ-eu, “Nawˇ ziˇ baw ziˇ za ni maˬ ehˇ, smˇ muiˬ muiˬ laˇ ni maˬ ehˇ, nawˬ-ahˇ muiˇ-eu deuˬ ya shiˇ ni maˬ ehˇ, nawˇ maˬ shaˇ-ehˇ, yaw tsaˬ yaw dawˇ dawˇ-ehˇ uˆ lahˇ nya-eu zaˬ siˬ tsawˇ gahˇ tehꞈ-ehˇ shaˇ-euˬ meh.

1 Laˬsaˬbaˬ 12:32

Iˇsaˬkaˬ tsawˇ jeuˬ laꞈ kʼoeˇ, aˬ yuiꞈ geuꞈ-eu nyiˬ yaˇ gʼaˬ hawˇ-eu, aˬ yawꞈ maꞈ-euˬ gʼaˬ zaˬ deuˬ (Aˬ yuiꞈ geuꞈ-eu kʼoeˇ deuˬ-aˬ, Iˇsaˬleˬlaˆ miˇ kʼahˬ aˬ geu jeˬ mˇ paˬ-ehˇ gʼeh-eu gaˇ kawˆ hawˇ-eu, aˬ geu ngeh yamˬ-ahˇ mˇ paˬ-ehˇ gʼeh-eu gaˇ kawˆ siˬ nya-eu meh.)

1 Laˬsaˬbaˬ 26:14

Sheˬleˬmiˇ-ahˇ nahˇ ma doˆ kʼehˬ paw kʼehˬ doˇ leˇ-awˇ, muiˬ-eu nui noeˬ nui duˇ biꞈ nya-eu gʼaˬ pyeuꞈ-eu aˬ yawꞈ-euˬ aˬ li Zaˬkaˬliˇ-ahˇ, laꞈ taˆ paw kʼehˬ doˇ leˇ-euˬ meh.

2 Laˬsaˬbaˬ 2:12

Mˬ hawˇ-eu miˇ-ahˇ beh-euˬ Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Noeˬ siˬ noeˬ mawˇ nya-eu jeˬ hawˇ-eu mˇ nya shaˇ nya-eu jeˬ tiˬ byah ni ahˇ-eu gʼaˬ pyeuꞈ-awˇ, Sahˬpaˬ Miˬyehˇ-euˬ uˬ duˬ tahˬ nymˇ hawˇ-eu, yawˬ ha jawˇ-eu gʼaˇ duˬ sahˬ paˬ-euˬ hawˇ nymˇ tsoˆ-eu lehˇ lehˬ hmˬ luꞈ-eu tsawˇ gahˇ ahˇ dui dui-eu aˬ li tiˬ li, Daˬbiˇ-ahˇ Miˬyehˇ biꞈ nehˬ-euˬ meh.

Eˇzaˬlaˬ 10:21

Haˬlmˬ-euˬ zaˬ deuˬ uˆ deuˬ laꞈ kʼoeˇ, Mawˇseˬyaˇ, Eˇliˇyaˆ, Sheˬmaˇyaˬ, Yeˬheˬlaˇ hawˇ-eu Awˇziˇ meh.

Eˇzaˬlaˬ 10:39

Sheˬleˬmiˇ, Naˬdaˬ, Aˬdaˬyaˇ,

Eˇzaˬlaˬ 8:13

Aˬ cawˬ-euˬ jeˬ nah hawˇ-eu gʼoꞈ laˇ-euˬ deuˬ pyeuꞈ-eu Aˬdawˇniˇkamˬ-euˬ zaˬ deuˬ uˆ deuˬ laꞈ kʼoeˇ, Eˇliˇpaˬlehˇ, Yoeˬlaˇ, Sheˬmaˇyaˬ hawˇ-eu, aˬ yawꞈ maꞈ nehˬ-ehˇ ahˇ-eu koꞈ tseˇ gʼaˬ,

Eˇzaˬlaˬ 8:15

Aˬ yawꞈ maꞈ dawˬ tawˆ luꞈ-ahˇ Aˬhaˬbaˬ meuˬ paw yoeˇ gʼeh-euˬ iˇ cuꞈ uiˇ kʼehˬ dawˬ peh ngaˇ kuˇ uiˬ-awˇ, smˬ nah keuˆ ni kʼoeˇ gaˇ sehˬ gʼawˆ gʼawˆ-awˇ naˬ-euˬ ma. Tsawˇ haˬ kʼoeˇ maꞈ laꞈ kʼoeˇ piˇ ma deuˬ ahˇ-awˇ, Leˬbiˇ tsawˇ haˬ tiˬ gʼaˬ-iˬ maˬ ahˇ gaˇ ngaˇ mawˇ-euˬ ma.

Eˇzaˬlaˬ 8:17

Aˬ yawꞈ maꞈ-ahˇ Kaˬseˬpyaˇ meuˬ-ahˇ jawˇ-eu deuˬ kʼoeˇ taˆ aˬ yuiꞈ geuꞈ luꞈ-eu Iˇdoˬ jawˇ gaˇ ngaˇ pyehˬ gʼeh-awˇ, Uˬ duˬ tahˬ nymˇ nymˇ ma laꞈ kʼoeˇ Miˬyehˇ-euˬ gaˇ bi mˇ-eu tsawˇ haˬ deuˬ biꞈ nehˬ laꞈ lehˇ, Iˇdoˬ hawˇ-eu aˬ yawꞈ-euˬ cawˬ deuˬ-ahˇ bi shaˇ-iˇ-euˬ ma.

Eˇzaˬlaˬ 8:18

Miˬyehˇ-euˬ guiˬ lahˬ baˬ da neh, Maˬhaˬliˬ aˇ jeuˬ pyeuꞈ-eu Sheˬleˬbiˇ lehˇ myahˇ-euˬ nui noeˬ kʼoˆ tsehˆ-eu Leˬbiˇ tsawˇ haˬ tiˬ gʼaˬ aˬ yawꞈ maꞈ pyehˬ gʼeh laꞈ-awˇ, aˬ yawꞈ nehˬ-ehˇ aˬ yawꞈ-euˬ aˬ li deuˬ hawˇ-eu mehˇ nmˇ deuˬ tseˇ yehꞈ gʼaˬ caw teh laꞈ-euˬ meh.

Dawqdaq 2:6

Sahˬpaˬ Miˬyehˇ-aˬ, zaˬ siˬ tsawˇ gahˇ biꞈ-eu gʼaˬ meh. Tsawˇ gahˇ hawˇ-eu noeˬ siˬ noeˬ mawˇ nya-eu jeˬ, aˬ yawꞈ-euˬ kʼaˬ meh-ahˇ neh doˆ le-euˬ meh.

Dawqdaq 20:5

Tsawˇ haˬ nui noeˬ tmˬ naꞈ dawˬ dah pahˬ kʼawꞈ, zaˬ siˬ tsawˇ siˬ beuˬ doˆ laꞈ nya-eu meh.

Dawqdaq 28:2

Miˇ kʼahˬ zaˬ deuˬ iˬ baˇ mˇ myaˬ-eu miˇ kʼahˬ-aˬ, tiˬ kʼehˬ maˬ taˬ ni dzoeˬ dzaˬ paˇ laˇ-eu meh. Ehˇ kʼawꞈ, nui ma-ahˇ noeˬ-awˇ, zaˬ siˬ tsawˇ gahˇ byah-eu deuˬ dzoeˬ dzaˬ-eu miˇ kʼahˬ-aˬ, nui ma gm-awˇ ziꞈ dah ni jaˆ-eu meh.

Daˬyeˬlaˇ 2:21

Aˇ yamˬ aˇ law yawꞈ tuˆ tehˬ-awˇ, dzoeˬ dzaˬ dzeˇ paˇ yawꞈ-ahˇ jaˆ-awˇ, zaˬ siˬ nui gahˇ yawꞈ biꞈ-eu meh

2 Tiˆmoˇseˬ 2:7

Ngaˇ ehˇ luꞈ-eu gaˇ kawˆ heu deuˬ-ahˇ yaw muiˬ paˬ-ehˇ shaˇ sawˇ haw-awˬ. Aˬ jeˬ miˇ neh ehˇ naˇ, kʼoeˇ deuˬ dawˬ tawˆ luꞈ-ahˇ nawˇ gʼoˆ shaw nya ni, Sahˬpaˬ Yeˬsuˇ caw ba tehꞈ-a.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.