Eˇzaˬlaˬ 7:7 - Akha

⁷ Sahˬ paˬ Aˬtaˬdzeuˬsehˆ uˆ lahˇ-eu shiꞈ kʼoꞈ tiˬ kʼoꞈ-ahˇ, Iˇsaˬleˬlaˆ tsawˇ haˬ tiˬ paˆ na deuˬ maˬ ehˇ, piˇ ma deuˬ hawˇ-eu Leˬbiˇ tsawˇ haˬ tiˬ paˆ na deuˬ maˬ ehˇ, caˇ dawˬ caˇ-eu deuˬ hawˇ-eu Uˬ duˬ tahˬ nymˇ nymˇ ma lahˇ kʼehˬ-ahˇ loꞈ piˇ-eu deuˬ maˬ ehˇ, Uˬ duˬ tahˬ nymˇ nymˇ ma-ahˇ gaˇ mˇ-eu deuˬ maˬ ehˇ, Baˬbuˇloˬ miˇ kʼahˬ-ahˇ neh Yeˬluˇsaˬlehˬ meuˬ-ahˇ gʼoꞈ leˇ-euˬ meh.

Eˇzaˬlaˬ 7:7 ပူးပေါင်းရင်းမြစ်များ

Eˇzaˬlaˬ 6:14

Miˬyehˇ gʼaˇ duˬ ngehˬ dah-eu nyiˬ gʼaˬ pyeuꞈ-eu Haˬgaiˇ hawˇ-eu Zaˬkaˬliˇ aˬ nyaꞈ neh gʼaˬ biꞈ nehˬ-euˬloꞈ-ehˇ, Yuˇdaˆ tsawˇ haˬ aˬ yuiꞈ aˬ tsu deuˬ Uˬ duˬ tahˬ nymˇ nymˇ ma tsoˆ-eu gaˇ-ahˇ tiˬ tiˆ saˇ-iˬ tiˬ tiˆ mˇ daˆ leꞈ-euˬ meh. Iˇsaˬleˬlaˆ-euˬ Miˬyehˇ hawˇ-eu Paˇshaˇ sahˬ paˬ deuˬ pyeuꞈ-eu Guˇluˆ, Daˬliˇ hawˇ-eu Aˬtaˬdzeuˬsehˆmaꞈ neh dawˬ biꞈ-euˬ loꞈ-ehˇ, Uˬ duˬ tahˬ nymˇ nymˇ ma-ahˇ aˬ yawꞈ maꞈ tsoˆ gʼaˬ-euˬ meh.

Eˇzaˬlaˬ 7:24

Piˇ ma deuˬ, Leˬbiˇ tsawˇ haˬ deuˬ, caˇ dawˬ caˇ-eu deuˬ, Uˬ duˬ tahˬ nymˇ nymˇ ma-ahˇ loꞈ piˇ-eu tsawˇ haˬ deuˬ hawˇ-eu gaˇ mˇ-eu deuˬ ahˇ leˇ-ehˇ, Uˬ duˬ tahˬ nymˇ nymˇ ma-ahˇ taꞈ leˇ-eu tsawˇ haˬ deuˬ-ahˇ naw maꞈ kawˬ maˬ ya taꞈ-a.

Eˇzaˬlaˬ 7:8

Sahˬ paˬ Aˬtaˬdzeuˬsehˆ uˆ lahˇ-eu shiꞈ kʼoꞈ tiˬ kʼoꞈ ba la ngaˬ siˬ tiˬ siˬ yaw beh nah-ahˇ, Yeˬluˇsaˬlehˬ meuˬ-ahˇ aˬ yawꞈ gʼoꞈ keuˆ laˇ-euˬ meh.

Neˬhaˬmiˇ 1:1

Heu-aˬ, Haˬkaˬliˇ-euˬ aˬ li Neˬhaˬmiˇ neh mˇ doˆ shaˇ doˆ yaꞈ-euˬ gaˇ deuˬ gaˇ kawˆ meh. Paˇshaˇ sahˬ paˬ Aˬtaˬdzeuˬsehˆ uˆ lahˇ-eu nyiˬ tseˇ kʼoꞈ tiˬ kʼoꞈ Giˇsaˬlehˆ ba la-ahˇ, ngaˇ Neˬhaˬmiˇ-aˬ, miˇ kʼahˬ kʼoeˇ kʼahˬ laꞈ kʼoeˇ huiˬ dzehˬ-eu meuˬ pyeuꞈ-eu Suˇsaˬ meuˬ-ahˇ jawˇ luꞈ-eu ma.

Neˬhaˬmiˇ 10:28

Nga maꞈ Iˇsaˬleˬlaˆ tsawˇ haˬ deuˬ, piˇ ma deuˬ, Leˬbiˇ tsawˇ haˬ deuˬ, Uˬ duˬ tahˬ nymˇ nymˇ ma-ahˇ loꞈ-eu deuˬ, Uˬ duˬ tahˬ nymˇ nymˇ ma-ahˇ caˇ dawˬ caˇ-eu deuˬ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu deuˬ hawˇ-eu, Miˬyehˇ-euˬ zahˇ dawˬ kʼoꞈ dawˬ-ahˇ naˇ haˬ geuꞈ-eu laꞈ kʼoeˇ nga maꞈ-euˬ miˇ kʼahˬ laꞈ kʼoeˇ jawˇ luꞈ-eu aˬ cawˬ tsawˇ jeuˬ deuˬ nehˬ-ehˇ kʼaˇ dehꞈ kʼaˇ jawˇ gʼawˬ-euˬ deuˬ dawˬ tawˆ luꞈ, yawˬ ha-euˬ miˬ zaˬ deuˬ hawˇ-eu noeˬ siˬ nya laˇ-euˬ yawˬ ha-euˬ zaˬ deuˬ ahˇ leˇ-ehˇ,

Neˬhaˬmiˇ 12:1

Heu-aˬ, Sheˬliˇlaˆ-euˬ aˬ li Yeˬluˇbaˬdeˬlaˇ hawˇ-eu Piˇ ma yaw huiˬ gʼaˬ pyeuꞈ-eu Yawˇshuˆ nehˬ-ehˇ Baˬbuˇloˬ miˇ kʼahˬ-ahˇ neh gʼoꞈ laˇ-euˬ piˇ ma deuˬ hawˇ-eu Leˬbiˇ tsawˇ haˬ deuˬ-euˬ jaˇ laˇ meh. Piˇ ma deuˬ laꞈ kʼoeˇ, Seˬlehˇyaˬ, Yeˬlaˬmiˇ, Eˇzaˬlaˬ,

Neˬhaˬmiˇ 2:1

Ba la oeˬ siˬ paˇ dzeuˇ-iˇ-awˇ, sahˬ paˬ Aˬtaˬdzeuˬsehˆ uˆ lahˇ-eu nyiˬ tseˇ kʼoꞈ tiˬ kʼoꞈ Niˬsaˬ ba la-ahˇ, sahˬ paˬ hawˬ dzaˬ luꞈ ngeh, ngaˇ aˬ gaꞈ dzaˇ uiˇ ciˬ ha nehˬ-euˬ ma. Dzeuˇ laˇ ngeh ngaˇ noeˬ shaˬ luꞈ-eu aˬ yawꞈ tiˬ poˆ-iˬ maˬ mawˇ haw-aˬ.