Eˇzaˬlaˬ 7:24 - Akha

²⁴ Piˇ ma deuˬ, Leˬbiˇ tsawˇ haˬ deuˬ, caˇ dawˬ caˇ-eu deuˬ, Uˬ duˬ tahˬ nymˇ nymˇ ma-ahˇ loꞈ piˇ-eu tsawˇ haˬ deuˬ hawˇ-eu gaˇ mˇ-eu deuˬ ahˇ leˇ-ehˇ, Uˬ duˬ tahˬ nymˇ nymˇ ma-ahˇ taꞈ leˇ-eu tsawˇ haˬ deuˬ-ahˇ naw maꞈ kawˬ maˬ ya taꞈ-a.

Eˇzaˬlaˬ 7:24 ပူးပေါင်းရင်းမြစ်များ

Aˇ dahˬ 47:22

Yoˇsehˆ neh maˬ zeuˇ tsehˆ-ehˇ dzeˇ-eu miˇ tsaˬ-aˬ, piˇ ma deuˬ-ahˇ taꞈ leˇ-eu miˇ tsaˬ pehˇ tsahˇ deuˬ tehꞈ meh. Piˇ ma kʼoeˇ deuˬ-aˬ, yawˬ ha-euˬ miˇ tsaˬ ahˬ dzaˬ gaˇ maˬ keuˆ-a. Aˬ jeˬ miˇ neh ehˇ naˇ, aˬ yawꞈ maꞈ yaw dehꞈ dehꞈ nya ni sahˬ paˬ neh aˬ yawꞈ maꞈ-ahˇ bi dzaˬ bi dawˇ taˬ-euˬ meh.

Aˇ dahˬ 47:26

Kʼaˇ mˇ za-euˬ jeˬ laꞈ kʼoeˇ, sahˬ paˬ-ahˇ ngaˬ bymˇ tiˬ bymˇ biꞈ-eu gʼaˇ duˬ, Iˇjiˇtuˆ miˇ kʼahˬ laꞈ kʼoeˇ Yoˇsehˆ neh zahˇ taˬ dahˬ beh-awˇ, zahˇ kʼoeˇ hmˬ iˬ nah keuˆ ni Iˇjiˇtuˆ miˇ kʼahˬ laꞈ kʼoeˇ jaˆ luꞈ-eu meh. Piˇ ma deuˬ-ahˇ taꞈ-eu deh yaˇ hawˇ-eu miˇ tsaˬ maˬ ngeuˇ naˇ, dawˬ tawˆ luꞈ zahˇ kʼoeˇ hmˬ-ahˇ ya caw teh-eu meh.

Eˇzaˬlaˬ 4:13

Sahˬ paˬ-oˇ, meuˬ kʼoeˇ meuˬ-ahˇ paˇ tsoˆ muiˬ gʼaˬ-awˇ, meuˬ meuˬ lahˇ paˇ gawˬ muiˬ gʼaˬ naˇ, tsawˇ haˬ kʼoeˇ deuˬ nawˬ-ahˇ kawˬ maˬ paˇ doˆ ni byehˇ-awˇ, nawˇ kawˬ taꞈ za-eu pyuˇ paw teˬ dui dui-iˇ tehꞈ-a.

Eˇzaˬlaˬ 4:20

Uˇpaˬlaˇ lawˇ baˬ nahˇ ma ga kʼehˬ paw jaˆ-eu miˇ kʼahˬ kʼahˬ lah ni-ahˇ uˆ lahˇ-eu laꞈ kʼoeˇ kawˬ taꞈ dzaˬ-euˬ baoˬ huiˬ-eu sahˬ paˬ deuˬ kʼawꞈ, meuˬ kʼoeˇ meuˬ laꞈ kʼoeˇ aˇ hu jawˇ-euˬ meh.

Eˇzaˬlaˬ 7:7

Sahˬ paˬ Aˬtaˬdzeuˬsehˆ uˆ lahˇ-eu shiꞈ kʼoꞈ tiˬ kʼoꞈ-ahˇ, Iˇsaˬleˬlaˆ tsawˇ haˬ tiˬ paˆ na deuˬ maˬ ehˇ, piˇ ma deuˬ hawˇ-eu Leˬbiˇ tsawˇ haˬ tiˬ paˆ na deuˬ maˬ ehˇ, caˇ dawˬ caˇ-eu deuˬ hawˇ-eu Uˬ duˬ tahˬ nymˇ nymˇ ma lahˇ kʼehˬ-ahˇ loꞈ piˇ-eu deuˬ maˬ ehˇ, Uˬ duˬ tahˬ nymˇ nymˇ ma-ahˇ gaˇ mˇ-eu deuˬ maˬ ehˇ, Baˬbuˇloˬ miˇ kʼahˬ-ahˇ neh Yeˬluˇsaˬlehˬ meuˬ-ahˇ gʼoꞈ leˇ-euˬ meh.

Neˬhaˬmiˇ 5:4

Tiˬ deuˬ na paˇ ehˇ-eu, “Sahˬ paˬ-ahˇ, deh yaˇ kawˬ hawˇ-eu aˬ gaꞈ yaˇ kmˇ kawˬ doˆ nehˬ-eu gʼaˇ duˬ, aˬ cawˬ-ahˇ pyuˇ shaˇ paˇ-euˬ ma.

Maꞈtehˬ 9:9

Jawˇ duˬ kʼoeˇ tsahˇ-ahˇ neh Yeˬsuˇ luˆ-iˇ-awˇ mehˬ hu paw iˇ luꞈ ngeh, kawˬ taꞈ-eu tsawˇ haˬ pyeuꞈ-eu Maꞈtehˬ lehˇ myahˇ-euˬ gʼaˬ, kawˬ taꞈ-eu nymˇ-ahˇ nuiˇ luꞈ gaˇ aˬ yawꞈ ya mawˇ-euˬ meh. “Ngaˬ-euˬ mehˬ nah caw teh laˇ-awˇ ngaˬ-euˬ zaˬ lahˇ geuꞈ laˇ-awˬ” lehˇ Yeˬsuˇ ehˇ ngeh, Maꞈtehˬ tsawˬ tuˇ laˇ-awˇ, Yeˬsuˇ-euˬ mehˬ nah caw teh gʼeh-euˬ meh.