Eˇzaˬlaˬ 7:17 - Akha

¹⁷ “Pyuˇ kʼoeˇ deuˬ-ahˇ nawˇ saˇ jaˇ taˬ-awˇ zmˬ-eu laꞈ kʼoeˇ, mawˇ neˇ deuˬ, yawˇ deuˬ, yawˇ zaˬ deuˬ, cehˇ deuˬ hawˇ-eu aˬ gaꞈ dzaˇ uiˇ zeuˇ-awˇ, Yeˬluˇsaˬlehˬ meuˬ-euˬ Uˬ duˬ tahˬ nymˇ nymˇ ma-ahˇ jaˆ-eu lawˇ duˬ kʼoeˇ taˆ ya lawˇ meh.

Eˇzaˬlaˬ 7:17 ပူးပေါင်းရင်းမြစ်များ

Eˇzaˬlaˬ 6:12

Dawˬ heu dawˬ-ahˇ puiˬ-awˇ Uˬ duˬ tahˬ nymˇ nymˇ ma kʼoeˇ nymˇ-ahˇ laˆ cawˆ-eu lehˇ kʼaˇ leh jeh-eu sahˬ paˬ aˬ geu gʼaˬ-ahˇ maˬ kaˬ, Yeˬluˇsaˬlehˬ meuˬ-ahˇ aˬ yawꞈ-ahˇ uˬ duˬ tahˬ-eu jawˇ duˬ bi pyeuꞈ-eu lehˇ tsaˬ tsoˆ-euˬ Miˬyehˇ neh aˇ yaˬ bi yuˇ dzeh luꞈ-uˇ. Ngaˇ Daˬliˇ dawˬ heu dawˬ biꞈ-eu ma. Tiˬ pawꞈ-iˬ maˬ bi dzeˇ ni naˇ haˬ geuꞈ-awˬ.”

Eˇzaˬlaˬ 7:18

Dzehˬ laˇ-euˬ pyuˇ hawˇ-eu shuiˇ deuˬ-ahˇ, Miˬyehˇ nui ma tsaˬ-eu loꞈ-ehˇ nawˇ hawˇ-eu nawˬ-euˬ miˇ kʼahˬ zaˬ deuˬ kʼaˇ zmˬ mawꞈ gaˇ zmˬ nya meh.

Iˇsaˬyaˇ 16:1

Yeˬluˇsaˬlehˬ meuˬ-ahˇ uˆ lahˇ-eu gʼaˬ jawˇ gaˇ, kʼaˇ shuiꞈ deh yaˇ-ahˇ jaˆ-eu Seˇlaˇ meuˬ-ahˇ neh, Mawˇbaˆ tsawˇ haˬ deuˬ yawˇ zaˬ tiˬ mawˇ laꞈ sawˬ biꞈ gʼeh-euˬ meh.

Bawˇtsahˬ 15:3

miˬ dzaˬ dzah puiˆ-awˇ lawˇ-eu jeˬ maˬ kaˬ, saˇ jaˇ dzaˬ-eu lawˇ-eu jeˬ maˬ kaˬ, nui ma keuˆ-awˇ lawˇ-eu jeˬ maˬ kaˬ, aˬ myah myah lawˇ luꞈ-eu zahˇ sahˇ kʼoꞈ-ahˇ taꞈ leˇ-eu lawˇ-eu jeˬ maˬ kaˬ, tiˬ jeˬ paˬ lawˇ ngeh, mawˇ neˇ mawˇ gaw maˬ ehˇ, yawˇ aˬ buˬ maˬ ehˇ, yawˇ maˬ ngeuˇ naˇ ciꞈ myehꞈ maˬ ehˇ, Sahˬpaˬ Miˬyehˇ jawˇ gaˇ ya tsahˇ laꞈ meh. Kʼoeˇ loꞈ-ehˇ lawˇ-euˬ jeˬ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh.

Yoˇhaˬ 2:14

Uˬ duˬ tahˬ nymˇ nymˇ ma-euˬ lahˇ laꞈ kʼoeˇ, mawˇ neˇ, yawˇ hawˇ-eu yaˇ miˇ kʼaˬ kʼoeˬ ahˬ-eu deuˬ hawˇ-eu pyuˇ dawˬ paˇ-eu deuˬ kaꞈ gʼa luꞈ gaˇ aˬ yawꞈ ya mawˇ-euˬ meh.