Eˇzaˬlaˬ 7:13 - Akha

¹³ “Ngaˬ-euˬ miˇ kʼahˬ laꞈ kʼoeˇ kʼaˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ, piˇ ma deuˬ maˬ ehˇ, Leˬbiˇ tsawˇ haˬ deuˬ maˬ ehˇ, Yeˬluˇsaˬlehˬ meuˬ-ahˇ kʼaˇ gʼoꞈ leˇ mawꞈ-eu deuˬ-ahˇ nawˬ nehˬ-ehˇ bi gʼoꞈ leˇ-awˬ.

Eˇzaˬlaˬ 7:13 ပူးပေါင်းရင်းမြစ်များ

2 Laˬsaˬbaˬ 30:5

Kʼoeˇ miˇ neh, laꞈ taˆ paw pyawˬ-ahˇ jaˆ-eu Daˬ meuˬ-ahˇ neh laꞈ oˆ paw pyawˬ-ahˇ jaˆ-eu Beˬlaˇsheˬba meuˬ-ahˇ keuˆ ni kʼaˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ-ahˇ, zahˇ dawˬ kʼoꞈ dawˬ jaˆ taˬ-euˬ loꞈ-ehˇ Baˬsaˬkaˬ bawˬ-iˬ gʼeh-eu gʼaˇ duˬ, “Yeˬluˇsaˬlehˬ meuˬ-ahˇ aˬ myah myah uiˬ laˇ-euˬ myaˆ maˬ tseˇ laˇ uiˬ jiˇ-awˬ” lehˇ aˬ yawꞈ maꞈ kuˇ-euˬ meh.

Eˇzaˬlaˬ 1:3

Aˬ yawꞈ-euˬ tsawˇ haˬ pyeuꞈ-eu naw maꞈ dawˬ tawˆ luꞈ nehˬ-ehˇ Miˬyehˇ jawˇ luꞈ-uˇ. Naw maꞈ Yeˬluˇsaˬlehˬ meuˬ-ahˇ ya le-awˇ, Yeˬluˇsaˬlehˬ meuˬ-ahˇ naw maꞈ neh uˬ duˬ tahˬ-euˬ Miˬyehˇ pyeuꞈ-eu, Iˇsaˬleˬlaˆ tsawˇ jeuˬ-euˬ Miˬyehˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ naw maꞈ ya tsoˆ muiˬ meh.

Eˇzaˬlaˬ 5:13

Kʼoeˇ naˇ, sahˬ paˬ Guˇluˆ Baˬbuˇloˬ miˇ kʼahˬ-ahˇ uˆ lahˇ beh beh ngeh koꞈ-ahˇ, Uˬ duˬ tahˬ nymˇ nymˇ ma paˇ tsoˆ muiˬ-eu gʼaˇ duˬ sahˬ paˬ Guˇluˆ aˬ yawꞈ dawˬ biꞈ-euˬ meh.

Eˇzaˬlaˬ 6:1

Kʼoeˇ naˇ, Baˬbuˇloˬ meuˬ-ahˇ bi jaˆ-euˬ sahˬ paˬ-euˬ sahˬ boꞈ paˇ dmˬ-ahˇ poˆ tseˇ haw-eu gʼaˇ duˬ, sahˬ paˬ Daˬliˇ dawˬ biꞈ-euˬ meh.

Iˇsaˬtaˆ 3:15

Sahˬ paˬ neh dawˬ biꞈ-euˬ loꞈ-ehˇ, gaˇ kawˆ kʼoeˇ Suˇsaˬ meuˬ-ahˇ jawˇ-eu tsawˇ haˬ dawˬ tawˆ luꞈ-ahˇ bi siˬ bi gaˬ-awˇ, cehˆ coeˬ coeˬ-awˇ sahˬ boꞈ sha-eu tsawˇ haˬ deuˬ neh miˇ kʼahˬ doe ni cehˆ gaˬ-iˇ-euˬ meh. Suˇsaˬ meuˬ laꞈ kʼoeˇ gaˇ kawˆ kʼoeˇ hmˬ baˬ da neh luiˬ gʼaˬ dui dui luꞈ ngeh, sahˬ paˬ hawˇ-eu Haˬmaˬ aˬ nyaꞈ tiˬ gaˇ nuiˇ-awˇ aˬ gaꞈ dzaˇ uiˇ dawˇ luꞈ-eu meh.

Iˇsaˬtaˆ 9:14

Iˇsaˬtaˆ neh ehˇ-euˬ loꞈ-ehˇ bi jahˇ-eu gʼaˇ duˬ sahˬ paˬ dawˬ biꞈ-awˇ, Suˇsaˬ meuˬ doe ni bi tsaꞈ gaˬ doe-iˇ-euˬ meh. Haˬmaˬ-euˬ aˬ li kʼoeˇ tseˇ gʼaˬ-euˬ gʼawˇ mawˇ-ahˇ kʼawꞈ, tsawˇ haˬ dawˬ tawˆ luꞈ mawˇ gaˇ byaˬ taˬ-euˬ meh.

Jaceuq 110:3

Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

Jaceuq 148:6

Aˬ yawꞈ dawˬ biꞈ-awˇ kʼoeˇ deuˬ-ahˇ ziꞈ dah ni ciˬ tsaˬ taˬ-euˬ miˇ neh, mˬ maˬ maˬ byaˆ zaˇ ziˇ aˬ yawꞈ-euˬ dawˬ-ahˇ maˬ leuˇ nya-ehˇ, jiˆ poˆ jiˆ paˇ maˬ mˇ nya-a.

Daˬyeˬlaˇ 6:26

Ngaˬ-euˬ miˇ kʼahˬ kʼahˬ ma heu kʼahˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, Daˬyeˬlaˇ-euˬ Miˬyehˇ-ahˇ guˆ-awˇ yaw zeu baw-awˬ lehˇ, ngaˇ dawˬ biꞈ-eu ma. “Aˬ yawꞈ dehꞈ-eu Miˬyehˇ pyeuꞈ-awˇ, mˬ maˬ maˬ byaˆ uˆ lahˇ tehꞈ-a. Yawꞈ-euˬ miˇ kʼahˬ maˬ cawˆ-iˇ-ehˇ, yawꞈ-euˬ dzoeˬ dzaˬ maˬ byoˆ-iˇ-a.

Piˇliˇpiˆ 2:13

Aˬ jeˬ miˇ neh ehˇ naˇ, naw maꞈ nui ma keuˆ ni maˬ ehˇ, Miˬyehˇ-euˬ nui kʼahˇ mˇ nya ni maˬ ehˇ, naw maꞈ laꞈ kʼoeˇ Miˬyehˇ aˬ myah luꞈ gaˇ mˇ luꞈ meh.

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.