Eˇzaˬlaˬ 6:9 - Akha

⁹ Aˬ yawꞈ nah yawꞈ Yeˬluˇsaˬlehˬ meuˬ-ahˇ jawˇ-eu piˇ ma deuˬ loˬ nya lehˇ kʼaˇ ehˇ-eu jeˬ-ahˇ tiˬ jeˬ-iˬ maˬ bi teˬ-iˇ ni biꞈ nehˬ-awˬ. Miˬ dzaˬ dzah puiˆ-awˇ mˬ taˆ Miˬyehˇ-ahˇ lawˇ nehˬ-eu gʼaˇ duˬ loˬ-eu mawˇ neˇ mawˇ gaw zaˬ deuˬ, yawˇ deuˬ, yawˇ zaˬ deuˬ maˬ ehˇ, cehˇ, saˬ deuꞈ, aˬ gaꞈ dzaˇ uiˇ hawˇ-eu saˬ loˬ tsiˇ maˬ ehˇ, aˬ yawꞈ nah yawꞈ kʼaˇ shaˇ-eu loꞈ-ehˇ biꞈ-awˬ.

Eˇzaˬlaˬ 6:9 ပူးပေါင်းရင်းမြစ်များ

1 Laˬsaˬbaˬ 9:29

Aˬ yawꞈ maꞈ tiˬ paˆ na deuˬ-aˬ, muiˬ-eu shawˇ-eu mˇ myawˬ keu ka deuˬ, cehˇ meu deuˬ, aˬ gaꞈ dzaˇ uiˇ deuˬ, saˬ loˬ tsiˇ deuˬ, tsiˇ yaw saw deuˬ hawˇ-eu, yaw saw gʼawˬ mya jeˬ-ahˇ ya jeˬ hmˬ-eu meh.

Eˇzaˬlaˬ 6:10

Mˬ taˆ Miˬyehˇ nui ma tsaˬ-eu lawˇ-eu shehˇ-eu jeˬ aˬ yawꞈ maꞈ mˇ-awˇ, ngaˇ hawˇ-eu ngaˬ li deuˬ kʼoeˇ taˆ guiˬ lahˬ biꞈ nehˬ laꞈ ni aˬ yawꞈ maꞈ guiˬ lahˬ bi shaˇ-eu gʼaˇ duˬ, aˬ yawꞈ maꞈ-ahˇ kʼoeˇ loꞈ-ehˇ caw ba nehˬ-awˬ.

Eˇzaˬlaˬ 6:8

Aˬ yawꞈ maꞈ kʼoeˇ loꞈ-ehˇ tsoˆ gaˇ caw ba nehˬ-awˬ lehˇ ngaˇ naw maꞈ-ahˇ dawˬ biꞈ-eu ma. Gaˇ maˬ tsehˆ leˇ ni mˇ daˆ leꞈ nya ni, kʼoeˇ gaˇ jiˇ leˇ-euˬ pyuˇ deuˬ-ahˇ, Uˇpaˬlaˇ lawˇ baˬ nahˇ ma ga kʼehˬ paw miˇ kʼahˬ-ahˇ taꞈ za-euˬ sahˬ paˬ-euˬ pyuˇ laꞈ kʼoeˇ yuˇ doˆ-awˇ yaw kawˇ-ehˇ biꞈ nehˬ-awˬ.

Iˇsaˬyaˇ 49:23

Sahˬ paˬ deuˬ nawˬ-euˬ gʼaˇ duˬ aˬ da-ahˇ duˇ-awˇ, sahˬ paˬ ma deuˬ aˬ ma-ahˇ duˇ tehꞈ-a. Aˬ yawꞈ maꞈ nawˬ-euˬ mehˬ shi awˆ byaˆ-awˇ, nawˬ-ahˇ taˬ huiˬ taˬ mahˇ tehꞈ-a. Aˬ yawꞈ maꞈ nui ma nahˬ yu ni taˬ-eu laꞈ kʼoeˇ, nawˬ-ahˇ yaw zeu baw nehˬ tehꞈ-a. Kʼoeˇ naˇ, ngaˇ Sahˬpaˬ Miˬyehˇ pyeuꞈ-eu nawˇ ya siˬ tehꞈ-a. Ngaˇ caw ba nehˬ laꞈ gaˇ dawˬ-eu tsawˇ haˬ, daˬ maˬ ya ga-eu nawˇ siˬ duˬ tehꞈ-a.”

Uˬ duˬ 1:10

Tsawˇ haˬ tiˬ gʼaˬ na, yawˬ ha-euˬ yawˇ maˬ ehˇ, ciꞈ myehꞈ maˬ ehˇ, lawˇ mawꞈ naˇ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ ya lawˇ meh.

Uˬ duˬ 9:2

Aˬloˬ-ahˇ Moˇseˬ ehˇ nehˬ-eu, “Maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ hawˇ-eu maˇ byawꞈ maˬ baw-eu yawˇ aˬ buˬ tiˬ mawˇ tsahˇ-awˇ, Sahˬpaˬ Miˬyehˇ-ahˇ lawˇ nehˬ-awˬ. Mawˇ neˇ mawˇ-ahˇ iˬ baˇ shawˇ-eu lawˇ-eu jeˬ gʼaˇ duˬ lawˇ-awˇ, yawˇ mawˇ-ahˇ miˬ dzaˬ dzah puiˆ-awˇ lawˇ-eu jeˬ gʼaˇ duˬ lawˇ-awˬ.

Maˬkuˆ 9:49

“Lawˇ-eu jeˬ-ahˇ saˬ deuꞈ sehˬ-awˇ bi shawˇ laˇ-eu loꞈ-ehˇ, tsawˇ haˬ yawˬ gʼaˬ na luꞈ-ahˇ miˬ dzaˬ neh lawˬ haw-awˇ bi shawˇ laˇ tehꞈ-a.