Eˇzaˬlaˬ 6:6 - Akha

⁶ Kʼoeˇ naˇ, sahˬ paˬ Daˬliˇ heu loꞈ-ehˇ sahˬ boꞈ boꞈ kʼoꞈ nehˬ-euˬ meh. “Uˇpaˬlaˇ lawˇ baˬ nahˇ ma ga kʼehˬ paw miˇ kʼahˬ-ahˇ uˆ lahˇ-eu gʼaˬ pyeuꞈ-eu Taˬteˬnehˇ, Sheˬdaˬbawˇzaˬnehˇ hawˇ-eu naw nyaꞈ-euˬ cawˬ deuˬ jawˇ gaˇ heu loꞈ-ehˇ sahˬ boꞈ boꞈ ahˇ laꞈ-eu ma. Uˬ duˬ tahˬ nymˇ nymˇ ma tsoˆ gaˇ maˬ iˇ ni jawˇ-awˬ.

Eˇzaˬlaˬ 6:6 ပူးပေါင်းရင်းမြစ်များ

Aˇ dahˬ 32:28

Tsawˇ haˬ kʼoeˇ gʼaˬ ehˇ-eu, “Aˬ kaˇ naˇ, nawˬ-euˬ tsawˇ myahˇ Yaˬkoˆ lehˇ maˬ paˇ ngeuˇ meh. Nawˇ-aˬ, Miˬyehˇ-ahˇ maˬ ehˇ, tsawˇ haˬ-ahˇ maˬ ehˇ, dawꞈ gʼaˬ-euˬ meh. Kʼoeˇ miˇ neh, nawˬ-ahˇ Iˇsaˬleˬlaˆ lehˇ ya kuˇ tehꞈ-a” lehˇ ehˇ-eu meh.

Aˇ dahˬ 43:14

Tsawˇ haˬ kʼoeˇ gʼaˬ nawˬ ha mehˇ nmˇ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, Beˬyaˬmiˬ hawˇ-eu Suˇmoˬ-ahˇ pyehˬ nehˬ-awˇ bi gʼoꞈ laˇ-eu gʼaˇ duˬ, baoˬ huiˬ-eu Miˬyehˇ aˬ yawꞈ-euˬ nui ma-ahˇ laˆ saˆ nehˬ luꞈ-uˇ. Ngaˬ-euˬ gʼaˇ duˬ law nmˇ-aˬ, ngaˬ-euˬ zaˬ heu deuˬ-ahˇ maˇ maˇ ni ya sm-iˇ meh lehˇ ngeuˇ naˇ kʼawꞈ, bi sm-iˇ-eu maˬ ngeuˇ naˇ tiˬ jeˬ-iˬ maˬ paˇ gʼeh nya miˇ-a” lehˇ ehˇ nehˬ-euˬ meh.

Eˇzaˬlaˬ 4:9

“Sahˬ boꞈ heu taꞈ-ahˇ boꞈ-euˬ deuˬ-aˬ, Yuˇdaˆ miˇ kʼahˬ-ahˇ uˆ lahˇ-eu Leˬhamˬ, jaˇ laˇ yuˇ-eu paw aˬ yuiꞈ geuꞈ luꞈ-eu Shmˇshehˆ aˬ nyaꞈ hawˇ-eu aˬ nyaꞈ-euˬ cawˬ deuˬ, yaˇ kʼaˬ daˇ-eu deuˬ uˬ taꞈ, Ehˇlehˆ meuˬ, Baˬbuˇloˬ meuˬ, Eˇlamˬ miˇ kʼahˬ-ahˇ jaˆ-eu Suˇsaˬ meuˬ heu deuˬ-ahˇ neh laˇ-euˬ yaw huiˬ yaw mahˇ geuꞈ luꞈ-eu deuˬ hawˇ-eu,

Eˇzaˬlaˬ 5:3

Kʼoeˇ ngeh, Uˇpaˬlaˇ lawˇ baˬ nahˇ ma ga kʼehˬ paw jaˆ-eu miˇ kʼahˬ-ahˇ uˆ lahˇ-eu Taˬteˬnehˇ, Sheˬdaˬbawˇzaˬnehˇ hawˇ-eu, aˬ nyaꞈ-euˬ cawˬ yaw huiˬ yaw mahˇ geuꞈ luꞈ-eu deuˬ Yeˬluˇsaˬlehˬmeuˬ-ahˇ laˇ-awˇ, “Uˬ duˬ tahˬ nymˇ nymˇ ma heu nymˇ tsoˆ-awˇ kʼoeˇ gaˇ jaˆ-eu keu ka deuˬ laˆ saˆ-eu gʼaˇ duˬ aˬ suˇ gʼaˬ naw maꞈ-ahˇ aˬ kawˬ-aˬ biꞈ laꞈ-euˬ ta” lehˇ naˇ haˬ-euˬ meh.

Eˇzaˬlaˬ 5:6

Sahˬ paˬ Daˬliˇ jawˇ gaˇ aˬ yawꞈ maꞈ heu loꞈ-ehˇ sahˬ boꞈ boꞈ ahˇ nehˬ-euˬ meh.

Eˇzaˬlaˬ 6:13

Kʼoeˇ naˇ, Uˇpaˬlaˇ lawˇ baˬ nahˇ ma ga kʼehˬ paw miˇ kʼahˬ-ahˇ uˆ lahˇ-eu gʼaˬ pyeuꞈ-eu Taˬteˬnehˇ, Sheˬdaˬbawˇzaˬnehˇ hawˇ-eu aˬ nyaꞈ-euˬ cawˬ yaw huiˬ yaw mahˇ dawˬ tawˆ luꞈ, sahˬ paˬ Daˬliˇ neh dawˬ kʼaˇ biꞈ nehˬ-euˬ loꞈ-ehˇ mˇ byah-euˬ meh.

Eˇzaˬlaˬ 6:7

Miˬyehˇ-euˬ Uˬ duˬ tahˬ nymˇ nymˇ ma tsoˆ-eu gaˇ-ahˇ maˬ laˆ bahˬ ni jawˇ-awˬ. Yuˇdaˆ miˇ kʼahˬ-ahˇ uˆ lahˇ-eu gʼaˬ hawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ Miˬyehˇ-euˬ Uˬ duˬ tahˬ nymˇ nymˇ ma kʼoeˇ nymˇ-ahˇ aˬ yawꞈ yaw oeˇ tsahˇ-ahˇ tsoˆ luꞈ-uˇ.

Neˬhaˬmiˇ 1:11

Ngaˬ-euˬ shaˇ dawˬ hawˇ-eu, nawˬ-ahˇ yaw zeu baw-eu nawˬ-euˬ zaˬ kʼaˆ deuˬ-euˬ shaˇ dawˬ-ahˇ naˇ haˬ nehˬ laꞈ-awˬ. Ngaˇ mˇ-eu gaˇ pyeuꞈ leˇ-eu gʼaˇ duˬ sahˬ paˬ ngaˬ-ahˇ nui ma tsaˬ ni iˬ nah nawˇ caw ba nehˬ laꞈ-awˬ lehˇ ngaˇ guiˬ lahˬ shaˇ-euˬ ma.” Ngaˇ-aˬ, sahˬ paˬ-ahˇ kʼmˬ maˬ ciˬ miˇ nehˬ-eu gʼaˬ pyeuꞈ-eu ma.

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

Dawqdaq 21:1

Sahˬ paˬ tiˬ gʼaˬ-euˬ nui ma-ahˇ Sahˬpaˬ Miˬyehˇ uˆ lahˇ-eu-aˬ, lawˇ baˬ iˇ cuꞈ yoeˇ kʼehˬ bi baw-euˬ loꞈ-ehˇ awˬ-eu meh.

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Iˇsaˬyaˇ 27:8

Aˬ cawˬ-euˬ miˇ kʼahˬ-ahˇ bi nyehꞈ gʼeh-eu laꞈ kʼoeˇ, aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ kʼehˬ nehˬ-euˬ meh. Guˆ laˇ paˬ-ehˇ gʼeh-eu nahˇ ma doˆ kʼehˬ jaˬ lehˇ kʼoeˇ neh, aˬ yawꞈ maꞈ-ahˇ bi hehˇ dzaˬ gʼeh-euˬ meh.

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.