Eˇzaˬlaˬ 6:4 - Akha

⁴ Kaˇ pyawˇ gawˬ gaˇ kʼaˬ lo tsaˬ byaˆ smˬ cehˆ kaˬ-ahˇ daˇ kawˬ tiˬ cehˆ gawˬ ahˇ-awˇ ya tsoˆ meh lehˇ ehˇ taˬ-euˬ meh. Jiˇ leˇ-euˬ pyuˇ dawˬ tawˆ luꞈ, sahˬ paˬ-euˬ pyuˇ shuiˇ myawˬ gahˬ laꞈ kʼoeˇ ya yuˇ doˆ meh lehˇ ehˇ taˬ-euˬ meh.

Eˇzaˬlaˬ 6:4 ပူးပေါင်းရင်းမြစ်များ

1 Sahˬpaˬ 6:36

Uˬ duˬ tahˬ nymˇ nymˇ ma-euˬ mehˬ shi laꞈ kʼoeˇ lahˇ lehˇ kuˇ-eu lahˇ kʼoeˇ lahˇ gawˬ ngeh, kʼaˬ lo smˬ tiˆ gawˬ-euˬ yaw kaˬ-ahˇ shuˬ liˇ yeuꞈ ma gawˬ tehˬ daˆ leꞈ-euˬ meh.

Eˇzaˬlaˬ 3:7

Tsaˬ byaˆ gawˬ-eu deuˬ hawˇ-eu laꞈ myawˬ laꞈ sawˆ mˇ-eu deuˬ-ahˇ biꞈ-eu gʼaˇ duˬ aˬ yawꞈ maꞈ pyuˇ damˬ-euˬ meh. Leˬbaˬnoˬ gawˬ jawˬ-ahˇ dehꞈ-eu shuˬ liˇ aˇ bawˇ nehˬ-ehˇ bi paˇ-eu gʼaˇ duˬ, dzaˬ dzaˬ dawˇ dawˇ hawˇ-eu saˬ loˬ tsiˇ deuˬ, Duˇlu meuˬ hawˇ-eu Siˇdoˬ meuˬ-ahˇ aˬ yawꞈ maꞈ biꞈ gʼeh-euˬ meh. Daˇ kawˬ kʼoeˇ deuˬ-ahˇ, iˬ ma laˆ shaˆ-ahˇ neh Yuˇbeˬ meuˬ-ahˇ ya hehˇ ka leꞈ-eu meh. Paˇshaˇ sahˬ paˬ Duˇlu neh aˬ kaw-aˬ biꞈ-euˬ loꞈ-ehˇ, kʼoeˇ deuˬ dawˬ tawˆ luꞈ-ahˇ aˬ yawꞈ maꞈ mˇ-euˬ meh.

Eˇzaˬlaˬ 5:8

“Sahˬ paˬ-oˇ, Yuˇdaˆ miˇ kʼahˬ-ahˇ nga maꞈ le ngeh, huiˬ dui mahˇ dui dui-eu Miˬyehˇ-euˬ Uˬ duˬ tahˬ nymˇ nymˇ ma-ahˇ huiˬ dui dui-eu kʼaˬ lo tsaˬ byaˆ neh tsoˆ muiˬ luꞈ-awˇ, kaˇ pyawˇ-ahˇ daˇ kawˬ pyaꞈ dmˬ gawˬ tehˬ gawˬ tehˬ-ehˆ tsoˆ luꞈ-eu ya mawˇ-euˬ gaˇ kawˆ nawˬ-ahˇ bi siˬ-eu ma. Aˬ yawꞈ maꞈ yaw muiˬ paˬ-ehˇ shaˇ noeˬ shaˇ noeˬ-ehˇ mˇ luꞈ-eu laꞈ kʼoeˇ, tiˬ jeˬ saˇ-i tiˬ jeˬ mˇ pyeuꞈ doˆ luꞈ gaˇ ya mawˇ-euˬ ma.

Eˇzaˬlaˬ 6:8

Aˬ yawꞈ maꞈ kʼoeˇ loꞈ-ehˇ tsoˆ gaˇ caw ba nehˬ-awˬ lehˇ ngaˇ naw maꞈ-ahˇ dawˬ biꞈ-eu ma. Gaˇ maˬ tsehˆ leˇ ni mˇ daˆ leꞈ nya ni, kʼoeˇ gaˇ jiˇ leˇ-euˬ pyuˇ deuˬ-ahˇ, Uˇpaˬlaˇ lawˇ baˬ nahˇ ma ga kʼehˬ paw miˇ kʼahˬ-ahˇ taꞈ za-euˬ sahˬ paˬ-euˬ pyuˇ laꞈ kʼoeˇ yuˇ doˆ-awˇ yaw kawˇ-ehˇ biꞈ nehˬ-awˬ.

Jaceuq 68:29

Miˇ kʼahˬ sahˬ paˬ deuˬ nawˬ-ahˇ laꞈ sawˬ biꞈ laˇ-euˬ jawˇ duˬ pyeuꞈ-eu, Yeˬluˇsaˬlehˬ meuˬ-ahˇ jaˆ-eu Uˬ duˬ tahˬ nymˇ nymˇ ma laꞈ kʼoeˇ pah mehˬ-awˬ.

Jaceuq 72:10

Saˬbeˬ sahˬ paˬ hawˇ-eu iˇ jaw lahˇ deuˬ-ahˇ jawˇ-eu sahˬ paˬ deuˬ, aˬ yawꞈ-ahˇ laꞈ sawˬ ya biꞈ ha laˇ tehꞈ-a. Sheˬba sahˬ paˬ hawˇ-eu Seˬbaˬ sahˬ paˬ aˬ nyaꞈ aˬ yawꞈ-ahˇ damˬ nehˬ laˇ tehꞈ-a.

Iˇsaˬyaˇ 49:23

Sahˬ paˬ deuˬ nawˬ-euˬ gʼaˇ duˬ aˬ da-ahˇ duˇ-awˇ, sahˬ paˬ ma deuˬ aˬ ma-ahˇ duˇ tehꞈ-a. Aˬ yawꞈ maꞈ nawˬ-euˬ mehˬ shi awˆ byaˆ-awˇ, nawˬ-ahˇ taˬ huiˬ taˬ mahˇ tehꞈ-a. Aˬ yawꞈ maꞈ nui ma nahˬ yu ni taˬ-eu laꞈ kʼoeˇ, nawˬ-ahˇ yaw zeu baw nehˬ tehꞈ-a. Kʼoeˇ naˇ, ngaˇ Sahˬpaˬ Miˬyehˇ pyeuꞈ-eu nawˇ ya siˬ tehꞈ-a. Ngaˇ caw ba nehˬ laꞈ gaˇ dawˬ-eu tsawˇ haˬ, daˬ maˬ ya ga-eu nawˇ siˬ duˬ tehꞈ-a.”

Panmaeq 12:16

Ehˇ kʼawꞈ, miˇ tsaˬ tahˬ kʼawˇ neh zaˬ miˬ zaˬ kʼoeˇ gʼaˬ-ahˇ caw ba-awˇ, byaˆ yahˬ-euˬ kʼa meh-ahˇ neh yoeˇ doˆ le-euˬ iˇ cuꞈ kʼoeˇ-ahˇ kʼaˬ meh mˇ nga-awˇ dawˇ ahˇ jiˇ-euˬ meh.