Uˬ duˬ tahˬ nymˇ nymˇ ma-euˬ dawˬ pehˬ gawˬ dahˬ beh ngeh jawˇ, pehˇ kʼahˬ pehˇ mahˇ dm taˬ-euˬ piˇ ma deuˬ aˬ laꞈ-ahˇ daˇ heh tuˆ tehˬ-awˇ jawˇ duˬ yuˇ-euˬ meh. Aˬsaˆ aˇ jeuˬ pyeuꞈ-eu Leˬbiˇ tsawˇ haˬ deuˬ kʼawꞈ, cehˇ lehˇ yuˇ-awˇ kʼoeˇ gaˇ yawꞈ-euˬ meh. Sahˬ paˬ Daˬbiˇ-euˬ ziˇ-ahˇ neh mehˬ ka leꞈ-euˬ Sahˬpaˬ Miˬyehˇ-ahˇ ja ceuˬ-eu caˇ dawˬ aˬ yawꞈ maꞈ caˇ-euˬ meh.
Eˇzaˬlaˬ 5:16 - Akha16 Kʼoeˇ naˇ, Sheˬshaˆbaˬzaˬ gʼoꞈ laˇ-awˇ, Uˬ duˬ tahˬ nymˇ nymˇ ma-euˬ dawˬ pehˬ gawˬ dahˬ beh-euˬ meh. Kʼoeˇ gaˇ neh naˇ iˬ nah keuˆ ni tsoˆ daˆ luꞈ-eu ma. Ehˇ kʼawꞈ, maˬ tsoˆ gʼaˬ dah-aˬ siˬ’ lehˇ aˬ yawꞈ maꞈ ehˇ-eu meh. အခန်းကိုကြည့်ပါ။ |
Eˇzaˬlaˬ 5:16
11 ပူးပေါင်းရင်းမြစ်များ
Yeˬluˇsaˬlehˬ meuˬ Uˬ duˬ tahˬ nymˇ nymˇ ma nymˇ coeˬ-ahˇ aˬ yawꞈ maꞈ gʼoꞈ keuˆ laˇ-euˬ nyiˬ kʼoꞈ tiˬ kʼoꞈ ba la nyiˬ siˬ tiˬ siˬ-ahˇ, Uˬ duˬ tahˬ nymˇ nymˇ ma tsoˆ dahˬ beh-euˬ meh. Zeˬluˇbaˬbeˬlaˇ, Yawˇshuˆ hawˇ-eu aˬ yawꞈ maꞈ-euˬ miˇ kʼahˬ zaˬ deuˬ pyeuꞈ-eu piˇ ma deuˬ, Leˬbiˇ tsawˇ haˬ deuˬ ahˇ leˇ-ehˇ, Baˬbuˇloˬ miˇ kʼahˬ-ahˇ neh kʼaˇ gʼoꞈ laˇ-euˬ tsawˇ haˬ dawˬ tawˆ luꞈ, Uˬ duˬ tahˬ nymˇ nymˇ ma tsoˆ-eu gaˇ mˇ-euˬ meh. Nyiˬ tseˇ kʼoꞈ-ahˇ neh laꞈ taˆ paw-euˬ Leˬbiˇ tsawˇ haˬ dawˬ tawˆ luꞈ-ahˇ, gaˇ mˇ gaˇ bi haw bi pyaˆ-euˬ meh.
Yeˬluˇsaˬlehˬ meuˬ Uˬ duˬ tahˬ nymˇ nymˇ ma laꞈ kʼoeˇ jaˆ luꞈ gaˇ sahˬ paˬ Neˬbuˬkaˬneˬzaˬ neh yuˇ laꞈ-awˇ Baˬbuˇloˬ meuˬ uˬ duˬ tahˬ nymˇ laꞈ kʼoeˇ bi jaˆ-euˬ shuiˇ hawˇ-eu pyuˇ keu ka deuˬ-ahˇ sahˬ paˬ Guˇluˆ paˇ yuˇ doˆ-awˇ, Yuˇdaˆ miˇ kʼahˬ-ahˇ uˆ lahˇ-eu gʼaˬ bi geuꞈ-eu lehˇ aˬ yawꞈ neh tseˇ doˆ-euˬ Sheˬshaˆbaˬzaˬ-ahˇ a kʼoꞈ nehˬ-euˬ meh.
Aˬ yawꞈ nyaꞈ ehˇ-eu dawˬ-ahˇ Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu Yeˬhawˇzaˬdaˆ-euˬ aˬ li Yawˇshuˆ aˬ ha nyaꞈ ya gaˬ ngeh, Yeˬluˇsaˬlehˬ meuˬ-ahˇ jaˆ-eu Uˬ duˬ tahˬ nymˇ nymˇ ma tsoˆ muiˬ-eu gaˇ-ahˇ tiˬ poˆ paˇ dawꞈ leˇ-awˇ, Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ aˬ yawꞈ nyaꞈ-ahˇ caw ba nehˬ-euˬ meh.
ကြော်ငြာတွေ