Eˇzaˬlaˬ 5:11 - Akha

¹¹ “Aˬ yawꞈ maꞈ heu loꞈ-ehˇ ehˇ-eu meh. ‘Nga maꞈ-aˬ, mˬ hawˇ-eu miˇ-ahˇ uˆ lahˇ-eu Miˬyehˇ-euˬ zaˬ kʼaˆ pyeuꞈ-eu ma. Aˇ hu ba baoˬ huiˬ-eu Iˇsaˬleˬlaˆ sahˬ paˬ tiˬ gʼaˬ neh tsoˆ taˬ yaꞈ-euˬ Uˬ duˬ tahˬ nymˇ nymˇ ma-ahˇ nga maꞈ paˇ tsoˆ muiˬ luꞈ-eu ma.

Eˇzaˬlaˬ 5:11 ပူးပေါင်းရင်းမြစ်များ

Aˇ dahˬ 24:3

Kaˬnaˬ miˇ kʼahˬ laꞈ kʼoeˇ jawˇ-eu zaˬ miˬ aˬ buˇ deuˬ laꞈ kʼoeˇ, ngaˬ li gʼaˇ duˬ miˬ zaˬ maˬ poˆ nehˬ lehˇ, mˬ hawˇ-eu miˇ-ahˇ uˆ lahˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi, nawˬ-ahˇ ngaˇ saˇ jaˇ bi dzaˬ mawꞈ-eu ma.

1 Sahˬpaˬ 6:38

Sawˇlaˬmoˬ uˆ lahˇ-euˬ tseˇ tiꞈ kʼoꞈ byah ngeh kʼoꞈ, ba la yehꞈ siˬ tiˬ siˬ pyeuꞈ-eu Buˇlaˆ ba la-ahˇ, yaw beh neh kʼaˇ noeˬ taˬ-euˬ loꞈ-ehˇ, Uˬ duˬ tahˬ nymˇ nymˇ ma tsoˆ gʼaˬ-euˬ meh. Sawˇlaˬmoˬ neh Uˬ duˬ tahˬ nymˇ nymˇ ma tsoˆ-euˬ aˇ yamˬ shiꞈ kʼoꞈ ga-iˇ-euˬ meh.

1 Sahˬpaˬ 9:10

Sawˇlaˬmoˬ-aˬ, Uˬ duˬ tahˬ nymˇ nymˇ ma hawˇ-eu aˬ yawꞈ jawˇ-eu nymˇ-ahˇ, nyiˬ tseˇ kʼoꞈ tsoˆ-awˇ tsoˆ gʼaˬ-euˬ meh.

Eˇzaˬlaˬ 5:10

Gaˇ heu hmˬ-ahˇ aˬ yuiꞈ geuꞈ-awˇ mˇ-euˬ deuˬ-ahˇ nawˇ kʼawꞈ ya siˬ ni, aˬ yawꞈ maꞈ-euˬ tsawˇ myahˇ ahˇ nga maꞈ naˇ haˬ-eu ma.

Jaceuq 119:46

Sahˬ paˬ sahˬ ma deuˬ-ahˇ nawˬ-euˬ zahˇ dawˬ kʼoꞈ dawˬ ngaˇ ja mehˬ-awˇ, shaꞈ dawˇ duˬ maˬ jaˆ ni dehꞈ ma.

Jaceuq 136:26

Mˬ taˆ Miˬyehˇ-ahˇ ja ceuˬ-awˬ. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Daˬyeˬlaˇ 3:26

Kʼoeˇ naˇ, miˬ dzaˬ tsawˬ bu nymˇ kʼoeˇ nymˇ-euˬ gʼoˆ kʼehˬ-ahˇ Neˬbuˬkaˬneˬzaˬ le daˆ-awˇ, “Dawˬ tawˆ kʼoeˇ taˆ huiˬ-eu Miˬyehˇ-euˬ zaˬ kʼaˆ deuˬ pyeuꞈ-eu, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-oˇ, doˆ laˇ-awˬ” lehˇ guˇ-euˬ meh.

Yawˇnaˆ 1:9

Yawˇnaˆ ehˇ-eu, “Ngaˇ-aˬ, Heˬbyehˇ tsawˇ jeuˬ ma. Miˇ tsaˬ tahˬ kʼawˇ hawˇ-eu iˬ ma laˆ shaˆ-ahˇ beh-euˬ mˬ kʼoeˇ taˆ jawˇ-eu Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu tsawˇ haˬ ma.”

Maꞈtehˬ 10:32

“Tsawˇ haˬ tiˬ gʼaˬ na ngaˬ-ahˇ ha geuꞈ-eu ma lehˇ tsawˇ haˬ zaˬ deuˬ-euˬ mehˬ shi ehˇ naˇ, tsawˇ haˬ kʼoeˇ gʼaˬ ngaˬ-ahˇ ha geuꞈ-euˬ meh lehˇ, mˬ kʼoeˇ taˆ ngaˬ Da-euˬ mehˬ shi ngaˇ ehˇ ma.

Luˇkaꞈ 12:8

“Tsawˇ haˬ tiˬ gʼaˬ na ngaˬ-aˇ taꞈ ma lehˇ aˬ cawˬ mehˬ shi ehˇ naˇ, ‘Tsawˇ haˬ kʼoeˇ gʼaˬ ngaˬ-ahˇ taꞈ meh’ lehˇ, Miˬyehˇ-euˬ mˬ taˆ gʼaˬ kʼehˇ deuˬ mehˬ shi Tsawˇhaˬ-euˬ Zaˬmaˇ ehˇ tehꞈ-a.

Gʼaˬkʼehˇ 27:23

Aˬ jeˬ miˇ neh ehˇ naˇ, ngaˇ uˬ duˬ tahˬ luꞈ-eu ngaˬ-ahˇ uˆ lahˇ-eu Miˬyehˇ-euˬ mˬ taˆ gʼaˬ kʼehˇ tiˬ gʼaˬ, miˇ ciꞈ ngaˇ jawˇ gaˇ oe-awˇ heu loꞈ-ehˇ ehˇ le-euˬ meh.

Lormav 1:16

Laˬ kʼaˬ cehˇ-eu Guiˬ lahˬ dawˬ-ahˇ ngaˇ nui ma huiˬ dui dui luꞈ ma. Laˬ kʼaˬ cehˇ-eu Guiˬ lahˬ dawˬ-aˬ, jah-eu tsawˇ haˬ dawˬ tawˆ luꞈ-ahˇ ka kʼoꞈ nehˬ-eu Miˬyehˇ-euˬ baoˬ pyeuꞈ-eu meh. Yuˇdaˆ tsawˇ haˬ-ahˇ neh dahˬ beh-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ keuˆ ni ka kʼoꞈ-eu meh.

Lormav 6:16

Tsawˇ haˬ tiˬ gʼaˬ na-euˬ myawˬ kʼehˇ gʼoˆ nehˬ-eu gʼaˇ duˬ zaˬ kʼaˆ geuꞈ-eu lehˇ yawˬ ha-euˬ gʼawˇ mawˇ a nehˬ gʼaˬ shaw naˇ, yawˬ ha myawˬ kʼehˇ gʼoˆ nehˬ-eu baw leˬ kʼoeˇ gʼaˬ-euˬ zaˬ kʼaˆ pyeuꞈ tsehˆ tsehˆ-euˬ meh lehˇ naw maꞈ siˬ duˬ luꞈ meh. Iˬ baˇ-euˬ ehˇ dawˬ naˇ haˬ naˇ, shiˇ gaˇ ya keuˆ tehꞈ-a. Miˬyehˇ-euˬ ehˇ dawˬ naˇ haˬ naˇ, aˬ yawꞈ-ahˇ tsaˬ leˇ tsahˇ leˇ gaˇ ya keuˆ tehꞈ-a.

Gaˬlaˬtiˆ 6:14

Ngaˇ tehꞈ law nmˇ-aˬ, aˬ dui-euˬ Sahˬpaˬ Yeˬsuˇ Ka li-euˬ laꞈ yaꞈ gaˇ kawˆ tehꞈ-ehˇ kʼahˬ sehˇ jehˆ ma. Laꞈ yaꞈ baˬ da neh, miˇ tsaˬ heu-ahˇ taꞈ-eu jeˬ ngaˬ-euˬ gʼaˇ duˬ yaw shiˇ-ahˇ duˇ-awˇ, ngaˇ kʼawꞈ miˇ tsaˬ-ahˇ taꞈ-eu jeˬ-euˬ gʼaˇ duˬ yaw shiˇ-ahˇ duˇ-eu ma.

Yawˇshuˆ 24:15

Aˬ yawꞈ-ahˇ naw maꞈ uˬ duˬ maˬ tahˬ mawꞈ te lehˇ ngeuˇ naˇ, aˬ geu gʼaˬ-ahˇ uˬ duˬ tahˬ nmˇ lehˇ iˬ nah noeˬ tsehˆ-awˬ. Maˬsoˬpoˬtaˬmiˇ miˇ kʼahˬ-ahˇ naw maꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ. Maˬ ngeuˇ naˇ, iˬ nah naw maꞈ jawˇ luꞈ-eu miˇ kʼahˬ-ahˇ jawˇ-eu Aˬ mawˇ liˆ tsawˇ haˬ deuˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ lehˇ noeˬ tsehˆ-awˬ. Ngaˇ hawˇ-eu ngaˬ-eu miˬ sawˇ zaˬ deuˬ law nmˇ-aˬ, Sahˬpaˬ Miˬyehˇ-ahˇ uˬ duˬ tahˬ ma.”