Eˇzaˬlaˬ 4:9 - Akha

⁹ “Sahˬ boꞈ heu taꞈ-ahˇ boꞈ-euˬ deuˬ-aˬ, Yuˇdaˆ miˇ kʼahˬ-ahˇ uˆ lahˇ-eu Leˬhamˬ, jaˇ laˇ yuˇ-eu paw aˬ yuiꞈ geuꞈ luꞈ-eu Shmˇshehˆ aˬ nyaꞈ hawˇ-eu aˬ nyaꞈ-euˬ cawˬ deuˬ, yaˇ kʼaˬ daˇ-eu deuˬ uˬ taꞈ, Ehˇlehˆ meuˬ, Baˬbuˇloˬ meuˬ, Eˇlamˬ miˇ kʼahˬ-ahˇ jaˆ-eu Suˇsaˬ meuˬ heu deuˬ-ahˇ neh laˇ-euˬ yaw huiˬ yaw mahˇ geuꞈ luꞈ-eu deuˬ hawˇ-eu,

Eˇzaˬlaˬ 4:9 ပူးပေါင်းရင်းမြစ်များ

Aˇ dahˬ 10:22

Sheˬmaˆ-euˬ aˬ li Eˇlamˬ, Aˬshuˇlaˆ, Aˬpaˬshaˇ, Luˇdaˆ Aˬlamˬ aˬ ha mehˇ nmˇ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh.

2 Sahˬpaˬ 17:24

Aˬshuˇliˆ sahˬ paˬ-aˬ, Baˬbuˇloˬ meuˬ, Guˇdaˆ meuˬ, Iˇbaˬ meuˬ, Haˬmaˆ meuˬ, Seˬpaˬbeˬ meuˬ heu deuˬ-ahˇ jawˇ-eu tsawˇ haˬ deuˬ sheuˬ-awˇ, aˬ yawꞈ neh nyehꞈ daˆ gʼeh-euˬ Iˇsaˬleˬlaˆ tsawˇ haˬ kʼoeˇ deuˬ-euˬ jawˇ duˬ pyeuꞈ-eu Saˬmaˬliˆ meuˬ-ahˇ bi jawˇ-euˬ meh. Tsawˇ haˬ kʼoeˇ deuˬ meuˬ kʼoeˇ deuˬ laꞈ kʼoeˇ jawˇ geuꞈ le-euˬ meh.

Eˇzaˬlaˬ 4:8

Yuˇdaˆ miˇ kʼahˬ-ahˇ bi uˆ lahˇ-euˬ gʼaˬ pyeuꞈ-eu Leˬhamˬ hawˇ-eu jaˇ laˇ yuˇ-eu paw aˬ yuiꞈ geuꞈ luꞈ-eu Shmˇshehˆ aˬ nyaꞈ kʼawꞈ, Yeˬluˇsaˬlehˬ meuˬ gaˇ kawˆ sahˬ boꞈ boꞈ-awˇ, Aˬtaˬdzeuˬsehˆ-ahˇ daˬ-euˬ meh. Sahˬ boꞈ kʼoeˇ taꞈ heu loꞈ-ehˇ boꞈ taˬ-euˬ meh.

Eˇzaˬlaˬ 5:3

Kʼoeˇ ngeh, Uˇpaˬlaˇ lawˇ baˬ nahˇ ma ga kʼehˬ paw jaˆ-eu miˇ kʼahˬ-ahˇ uˆ lahˇ-eu Taˬteˬnehˇ, Sheˬdaˬbawˇzaˬnehˇ hawˇ-eu, aˬ nyaꞈ-euˬ cawˬ yaw huiˬ yaw mahˇ geuꞈ luꞈ-eu deuˬ Yeˬluˇsaˬlehˬmeuˬ-ahˇ laˇ-awˇ, “Uˬ duˬ tahˬ nymˇ nymˇ ma heu nymˇ tsoˆ-awˇ kʼoeˇ gaˇ jaˆ-eu keu ka deuˬ laˆ saˆ-eu gʼaˇ duˬ aˬ suˇ gʼaˬ naw maꞈ-ahˇ aˬ kawˬ-aˬ biꞈ laꞈ-euˬ ta” lehˇ naˇ haˬ-euˬ meh.

Eˇzaˬlaˬ 5:6

Sahˬ paˬ Daˬliˇ jawˇ gaˇ aˬ yawꞈ maꞈ heu loꞈ-ehˇ sahˬ boꞈ boꞈ ahˇ nehˬ-euˬ meh.

Eˇzaˬlaˬ 6:6

Kʼoeˇ naˇ, sahˬ paˬ Daˬliˇ heu loꞈ-ehˇ sahˬ boꞈ boꞈ kʼoꞈ nehˬ-euˬ meh. “Uˇpaˬlaˇ lawˇ baˬ nahˇ ma ga kʼehˬ paw miˇ kʼahˬ-ahˇ uˆ lahˇ-eu gʼaˬ pyeuꞈ-eu Taˬteˬnehˇ, Sheˬdaˬbawˇzaˬnehˇ hawˇ-eu naw nyaꞈ-euˬ cawˬ deuˬ jawˇ gaˇ heu loꞈ-ehˇ sahˬ boꞈ boꞈ ahˇ laꞈ-eu ma. Uˬ duˬ tahˬ nymˇ nymˇ ma tsoˆ gaˇ maˬ iˇ ni jawˇ-awˬ.

Neˬhaˬmiˇ 4:2

Aˬ yawꞈ-euˬ cawˬ deuˬ hawˇ-eu Saˬmaˬliˆ guiˇ maꞈ mehˬ shi aˬ yawꞈ heu loꞈ-ehˇ ehˇ-eu meh. “Aˇ gʼehˇ maˬ gʼehˇ-eu Yuˇdaˆ tsawˇ haˬ tsawˇ teˬ zaˬ teu deuˬ aˬ pa jeˬ mˇ luꞈ-eu nga. Meuˬ teu meuˬ-ahˇ paˇ tsoˆ muiˬ geuꞈ-eu lehˇ gʼeh ta loˇ. Lawˇ-eu shehˇ-eu jeˬ mˇ-awˇ tiˬ nah laꞈ kʼoeˇ tehꞈ-ehˇ paˇ tsoˆ muiˬ nya ma lehˇ aˬ yawꞈ maꞈ noeˬ ta loˇ. Bi puiˆ byoˆ jiˇ-euˬ kʼaˬ lo tsaˬ byaˆ kʼoeˇ deuˬ tsaˬ byaˆ paˇ pyeuꞈ laˇ ni aˬ yawꞈ maꞈ jahˇ doˆ nya te jeˇ loˇ.”

Iˇsaˬtaˆ 1:2

Aˇ yamˬ kʼoeˇ yamˬ laꞈ kʼoeˇ, sahˬ paˬ Dzeuˬsehˆ-aˬ, Paˇshaˇ miˇ kʼahˬ-euˬ meuˬ meuˬ ma pyeuꞈ-eu Suˇsaˬ meuˬ-ahˇ jawˇ-awˇ uˆ lahˇ luꞈ-eu meh.

Iˇsaˬtaˆ 2:3

Nawˬ-euˬ miˇ kʼahˬ kʼahˬ ma laꞈ kʼoeˇ jaˆ-eu miˇ kʼahˬ aˬ yawꞈ kʼahˬ yawꞈ laꞈ kʼoeˇ yaw huiˬ yaw mahˇ deuˬ-ahˇ nawˇ tseˇ doˆ-awˇ, miˬ daꞈ daꞈ shuiꞈ kʼoeˇ deuˬ-ahˇ heu gaˇ Suˇsaˬ meuˬ-ahˇ jaˆ-eu miˬ daꞈ deuˬ bi jawˇ-euˬ nawˬ-euˬ nymˇ-ahˇ bi sheuˬ uiꞈ laꞈ-awˇ, nawˬ-euˬ zaˬ miˬ zaˬ deuˬ-ahˇ haw-eu pyaˆ-eu gʼaˬ pyeuꞈ-eu Heˬgehˇ-ahˇ a nehˬ-awˇ, yaw muiˬ paˬ-ehˇ bi laˆ muiˬ-awˬ.

Iˇsaˬyaˇ 21:2

Kʼehˬ-eu kʼaˆ-eu jeˬ hawˇ-eu ceh geuꞈ lu geuꞈ-eu jeˬ maˬ ehˇ, saˇ jaˇ puiˬ-eu jeˬ hawˇ-eu laˆ luˬ laˆ seˇ-eu jeˬ maˬ ehˇ, yaw sahˇ laꞈ kʼoeˇ ngaˇ ya mawˇ-euˬ ma. Eˇlamˬ guiˇ maꞈ deuˬ-oˇ, guiˇ deuˆ-awˬ. Meˬdiˇ guiˇ maꞈ deuˬ-oˇ, meuˬ deuˬ-ahˇ loꞈ jawˬ-awˬ. Baˬbuˇloˬ meuˬ baˬ da neh myaˆ biˇ ya yoeˇ-eu jeˬ, Miˬyehˇ aˇ saˬ bi saˬ tehꞈ-a.

Yeˬlaˬmiˇ 25:25

Zmˇliˬ sahˬ paˬ dawˬ tawˆ luꞈ, Eˇlamˬ sahˬ paˬ dawˬ tawˆ luꞈ hawˇ-eu, Meˬdiˇ sahˬ paˬ dawˬ tawˆ luꞈ,

Yeˬlaˬmiˇ 49:34

Zeˬdaˬkiˇ Yuˇdaˆ sahˬ paˬ pyeuꞈ laˇ gʼaˬ-awˇ gʼawˬ myahˇ maˬ gʼeh-ehˇ, Eˇlamˬ miˇ kʼahˬ gaˇ kawˆ Baoˬ huiˬ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬsaˬgeˬlaˇ 32:24

“Eˇlamˬ kʼoeˇ gaˇ ga luꞈ meh. Aˬ yawꞈ-euˬ yehˇ deuˬ-euˬ lmˬ bymˇ, aˬ yawꞈ jawˇ-eu tiˬ jawˬ jaˆ luꞈ meh. Aˬ yawꞈ maꞈ dawˬ tawˆ luꞈ guiˇ deuˆ gaˇ bi sehꞈ jiˇ-awˇ, baˆ kʼoˆ mehˬ dzaˬ maˬ yehˬ ni shiˇ-eu miˇ kʼahˬ-ahˇ keuˆ-iˇ-euˬ meh. Dehꞈ ngeh aˬ yawꞈ maꞈ aˬ cawˬ-ahˇ laˆ guˆ-euˬ kʼawꞈ, nymˬ-mˇ yaw shiˇ-ehˇ ga-awˇ, myaˆ pyawˬ naˇ mehˇ maˬ paˇ jaˆ meh.

Daˬyeˬlaˇ 8:2

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Eˇlamˬ miˇ kʼahˬ-ahˇ jaˆ-eu Suˇsaˬ meuˬ-ahˇ ngaˇ jawˇ luꞈ gaˇ ya mawˇ-euˬ ma. Kʼoeˇ gaˇ, Uˇlehˇ lawˇ baˬ dawˬ peh ngaˇ yawꞈ luꞈ-eu ma.

Gʼaˬkʼehˇ 2:9

Aˬ dui maꞈ-aˬ, Baˬtiˇ miˇkʼahˬ, Meˬdiˇ miˇkʼahˬ, Eˇlamˬ miˇ kʼahˬ, Maˬsoˬpoˬtaˬmiˇ miˇ kʼahˬ, Yuˇdaˆ miˇ kʼahˬ, Gaˬbaˬdawˇciˆ miˇ kʼahˬ, Boˬtuˆ miˆ kʼahˬ, Aˬshaˆ miˇ kʼahˬ,