Kʼoeˇ naˇ, Eˇliˇkmˬ, Sheˬbaˬnaˬ hawˇ-eu Yoˇaˬ aˬ ha smˇ gʼaˬ yaw huiˬ yaw mahˇ kʼoeˇ gʼaˬ-ahˇ ehˇ nehˬ-eu, “Yaw huiˬ yaw mahˇ gʼaˬ-oˇ, nga maꞈ-ahˇ Aˬlaˬmiˇ dawˬ ngehˬ cawˬ nehˬ laꞈ. Nga maꞈ gʼoˆ shaw nya ma. Heˬbyehˇ dawˬ taˬ ngehˬ nehˬ laꞈ. Meuˬ meuˬ lahˇ kʼoeˇ taˆ daˆ luꞈ-eu tsawˇ haˬ dawˬ tawˆ luꞈ naˇ haˬ luꞈ-eu miˇ neh, aˬ yawꞈ maꞈ-ahˇ siˬ leˇ gaˇ guˆ nya.”
Eˇzaˬlaˬ 4:7 - Akha7 Paˇshaˇ sahˬ paˬ Aˬtaˬdzeuˬsehˆ gʼaˬ uˆ lahˇ-eu yamˬ paˇ keuˆ laˇ ngeh kʼawꞈ, Biˇshaˬlamˬ, Miˇdaˬleˬdaˇ, Taˬbeˬlaˇ aˬ ha maꞈ hawˇ-eu aˬ ha maꞈ-euˬ cawˬ deuˬ neh, sahˬ paˬ Aˬtaˬdzeuˬsehˆ-ahˇ sahˬ boꞈ tiˬ taꞈ paˇ boꞈ daˬ-euˬ meh. Sahˬ boꞈ kʼoeˇ taꞈ-ahˇ Aˬlaˬmiˇ dawˬ zmˬ-awˇ, Aˬlaˬmiˇ sahˬ boꞈ neh boꞈ taˬ-euˬ meh. အခန်းကိုကြည့်ပါ။ |
Eˇzaˬlaˬ 4:7
12 ပူးပေါင်းရင်းမြစ်များ
Sahˬ paˬ Daˬliˇ gʼaˬ heu loꞈ-ehˇ paˇ boꞈ kʼoꞈ nehˬ-euˬ meh. “Yuˇdaˆ miˇ kʼahˬ-ahˇ uˆ lahˇ-eu gʼaˬ pyeuꞈ-eu Leˬhamˬ, jaˇ laˇ yuˇ-eu paw aˬ yuiꞈ geuꞈ-eu Shmˇshehˆ hawˇ-eu, Saˬmaˬliˆ meuˬ hawˇ-eu Uˇpaˬlaˇ lawˇ baˬ nahˇ ma ga kʼehˬ paw miˇ kʼahˬ-ahˇ jawˇ-eu naw nyaꞈ-euˬ cawˬ deuˬ-ahˇ ngaˇ sahˬ boꞈ boꞈ ahˇ laꞈ-eu ma. Naw maꞈ dawˬ tawˆ luꞈ yaw muiˬ jawˇ saˇ doˆ luꞈ-uˇ.
“Sahˬ boꞈ heu taꞈ-ahˇ boꞈ-euˬ deuˬ-aˬ, Yuˇdaˆ miˇ kʼahˬ-ahˇ uˆ lahˇ-eu Leˬhamˬ, jaˇ laˇ yuˇ-eu paw aˬ yuiꞈ geuꞈ luꞈ-eu Shmˇshehˆ aˬ nyaꞈ hawˇ-eu aˬ nyaꞈ-euˬ cawˬ deuˬ, yaˇ kʼaˬ daˇ-eu deuˬ uˬ taꞈ, Ehˇlehˆ meuˬ, Baˬbuˇloˬ meuˬ, Eˇlamˬ miˇ kʼahˬ-ahˇ jaˆ-eu Suˇsaˬ meuˬ heu deuˬ-ahˇ neh laˇ-euˬ yaw huiˬ yaw mahˇ geuꞈ luꞈ-eu deuˬ hawˇ-eu,
Aˇ kʼoꞈ aˇ la gʼawˬ myahˇ ni dzeuˇ-iˇ-awˇ, Paˇshaˇ miˇ kʼahˬ-ahˇ Aˬtaˬdzeuˬsehˆ uˆ lahˇ-eu yamˬ-ahˇ, Eˇzaˬlaˬ lehˇ myahˇ-euˬ tsawˇ haˬ tiˬ gʼaˬ jawˇ-euˬ meh. Piˇ ma yaw huiˬ gʼaˬ pyeuꞈ-eu Aˬloˬ-ahˇ neh aˇ dahˬ beh-awˇ gui ka leꞈ-euˬ aˬ yawꞈ-euˬ tsuiꞈ-aˬ, heu loꞈ-ehˇ meh. Aˬloˬ, Eˇlaˬzaˬ, Piˇnaˬhaˇ, Aˬbiˇshahˬ, Buˇkiˬ, Awˇzeˬ, Zeˬlaˬhiˇ, Meˬlaˇyoˆ, Aˬzaˬyiˇ, Aˬmaˬliˇ, Aˬhiˇtuˆ, Zaˬdoˆ, Shaˬlmˬ, Hiˇlaˬkiˇ, Aˬzaˬyiˇ, Seˬlehˇyaˬ, Eˇzaˬlaˬ lehˇ meh.
Uˇpaˬlaˇ lawˇ baˬ nahˇ ma ga kʼehˬ paw miˇ kʼahˬ-ahˇ uˆ lahˇ-eu sahˬ paˬ sahˬ ma deuˬ hawˇ-eu yaw huiˬ yaw mahˇ deuˬ-ahˇ, sahˬ paˬ Aˬtaˬdzeuˬsehˆ neh boꞈ-euˬ sahˬ boꞈ kʼoeˇ taꞈ biꞈ nehˬ ngeh, sahˬ paˬ sahˬ ma hawˇ-eu yaw huiˬ yaw mahˇ kʼoeˇ deuˬ kʼawꞈ aˬ yawꞈ maꞈ-ahˇ maˬ ehˇ, Uˬ duˬ tahˬ nymˇ nymˇ ma-ahˇ taꞈ-eu gaˇ deuˬ-ahˇ maˬ ehˇ, caw ba nehˬ-euˬ meh.
Kʼoeˇ ngeh, Eˇliˇkmˬ, Sheˬbaˬnaˬ hawˇ-eu Yoˇaˬ aˬ ha smˇ gʼaˬ, yaw huiˬ yaw mahˇ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Nga maꞈ-ahˇ Aˬlaˬmiˇ dawˬ ngehˬ cawˬ nehˬ laꞈ-awˬ. Nga maꞈ gʼoˆ shaw nya ma. Heˬbyehˇ dawˬ taˬ ngehˬ cawˬ laꞈ. Meuˬ meuˬ lahˇ kʼoeˇ taˆ daˆ-eu tsawˇ haˬ dawˬ tawˆ luꞈ naˇ haˬ luꞈ nga.”
Mˬ taˆ gʼaˬ kʼehˇ kʼoeˇ gʼaˬ ehˇ-eu, “Nymˬ-mˇ poˆ jawˇ-aˬ, nawˬ-ahˇ ngaˇ aˬ diˇ aˬ maˇ pyeuꞈ laˇ-eu jeˬ ehˇ nehˬ nyaˇ. Paˇshaˇ miˇ kʼahˬ-ahˇ sahˬ paˬ smˇ gʼaˬ paˇ uˆ lahˇ tehꞈ-a. Kʼoeˇ naˇ, yaw beh deuˬ naˆ maˬ tseˇ smˇ muiˬ muiˬ dui dui-eu sahˬ paˬ oeˬ gʼaˬ tiˬ gʼaˬ paˇ uˆ lahˇ tehꞈ-a. Aˬ yawꞈ baoˬ kʼaˇ ahˇ maˬ ahˇ ahˇ-awˇ, pyuˇ shuiˇ kʼaˇ jaˆ maˬ jaˆ jaˆ ngeh, Heˬlaˬshaˆ miˇ kʼahˬ-ahˇ guiˇ deuˆ cawˬ cawˬ tehꞈ-a.
ကြော်ငြာတွေ