Eˇzaˬlaˬ 4:24 - Akha

²⁴ Kʼoeˇ miˇ neh, Paˇshaˇ sahˬ paˬ Daˬliˇ uˆ lahˇ-eu nyiˬ kʼoꞈ tiˬ kʼoꞈ-ahˇ keuˆ ni, Uˬ duˬ tahˬ nymˇ nymˇ ma tsoˆ muiˬ-eu gaˇ kʼawˆ maˬ mˇ nya ni byehˇ taˬ-euˬ meh.

Eˇzaˬlaˬ 4:24 ပူးပေါင်းရင်းမြစ်များ

Eˇzaˬlaˬ 3:8

Yeˬluˇsaˬlehˬ meuˬ Uˬ duˬ tahˬ nymˇ nymˇ ma nymˇ coeˬ-ahˇ aˬ yawꞈ maꞈ gʼoꞈ keuˆ laˇ-euˬ nyiˬ kʼoꞈ tiˬ kʼoꞈ ba la nyiˬ siˬ tiˬ siˬ-ahˇ, Uˬ duˬ tahˬ nymˇ nymˇ ma tsoˆ dahˬ beh-euˬ meh. Zeˬluˇbaˬbeˬlaˇ, Yawˇshuˆ hawˇ-eu aˬ yawꞈ maꞈ-euˬ miˇ kʼahˬ zaˬ deuˬ pyeuꞈ-eu piˇ ma deuˬ, Leˬbiˇ tsawˇ haˬ deuˬ ahˇ leˇ-ehˇ, Baˬbuˇloˬ miˇ kʼahˬ-ahˇ neh kʼaˇ gʼoꞈ laˇ-euˬ tsawˇ haˬ dawˬ tawˆ luꞈ, Uˬ duˬ tahˬ nymˇ nymˇ ma tsoˆ-eu gaˇ mˇ-euˬ meh. Nyiˬ tseˇ kʼoꞈ-ahˇ neh laꞈ taˆ paw-euˬ Leˬbiˇ tsawˇ haˬ dawˬ tawˆ luꞈ-ahˇ, gaˇ mˇ gaˇ bi haw bi pyaˆ-euˬ meh.

Eˇzaˬlaˬ 4:23

Leˬhamˬ hawˇ-eu Shmˇshehˆ aˬ nyaꞈ hawˇ-eu aˬ nyaꞈ-euˬ cawˬ deuˬ-ahˇ Aˬtaˬdzeuˬsehˆ neh boꞈ ahˇ laꞈ-euˬ sahˬ boꞈ kʼoeˇ taꞈ gui mehˬ nehˬ ngeh, aˬ yawꞈ maꞈ Yeˬluˇsaˬlehˬ meuˬ-ahˇ yaw kawˇ-ehˇ le-awˇ, Yuˇdaˆ tsawˇ haˬ deuˬ-ahˇ meuˬ maˬ paˇ bi tsoˆ muiˬ ni laˆ tsoeˬ-euˬ meh.

Eˇzaˬlaˬ 4:5

Yuˇdaˆ tsawˇ haˬ kʼoeˇ loꞈ-ehˇ mˇ luꞈ gaˇ laˆ tsoeˬ ni, Paˇshaˇ tsawˇ haˬ pyeuꞈ-eu miˇ kʼahˬ-ahˇ uˆ lahˇ-eu yaw huiˬ yaw mahˇ deuˬ-ahˇ kʼawꞈ, aˬ yawꞈ maꞈ laꞈ nmꞈ nmꞈ nehˬ-euˬ meh. Sahˬ paˬ Guˇluˆ uˆ lahˇ-eu yamˬ-ahˇ neh sahˬ paˬ Daˬliˇ uˆ lahˇ-eu yamˬ-ahˇ keuˆ ni, aˬ yawꞈ maꞈ kʼoeˇ loꞈ-ehˇ laˆ bahˬ laˆ bahˬ-ehˇ jawˇ-euˬ meh.

Eˇzaˬlaˬ 5:1

Aˇ yamˬ kʼoeˇ yamˬ laꞈ kʼoeˇ, Haˬgaiˇ hawˇ-eu Iˇdoˬ-euˬ aˬ li Zaˬkaˬliˇ lehˇ myahˇ-euˬ Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu Yuˇdaˆ tsawˇ haˬ deuˬ-ahˇ, Iˇsaˬleˬlaˆ tsawˇ jeuˬ-euˬ Miˬyehˇ-euˬ tsawˇ myahˇ uˬ moˆ dawˬ ngehˬ cawˬ le-euˬ meh.

Eˇzaˬlaˬ 5:5

Ehˇ kʼawꞈ, Yuˇdaˆ tsawˇ haˬ aˬ yuiꞈ aˬ tsu deuˬ-ahˇ Miˬyehˇ haw piˇ luꞈ-eu miˇ neh, sahˬ paˬ Daˬliˇ jawˇ gaˇ sahˬ boꞈ boꞈ ahˇ nehˬ-awˇ gaˇ kawˆ maˬ gaˬ kʼoꞈ laˇ kʼoeˇ keuˆ ni aˬ yawꞈ maꞈ-ahˇ tiˬ jeˬ-iˬ maˬ jahˇ lehˇ Paˇshaˇ tsawˇ haˬ yaw huiˬ yaw mahˇ deuˬ noeˬ tsehˆ-euˬ meh.

Eˇzaˬlaˬ 6:1

Kʼoeˇ naˇ, Baˬbuˇloˬ meuˬ-ahˇ bi jaˆ-euˬ sahˬ paˬ-euˬ sahˬ boꞈ paˇ dmˬ-ahˇ poˆ tseˇ haw-eu gʼaˇ duˬ, sahˬ paˬ Daˬliˇ dawˬ biꞈ-euˬ meh.

Eˇzaˬlaˬ 6:14

Miˬyehˇ gʼaˇ duˬ ngehˬ dah-eu nyiˬ gʼaˬ pyeuꞈ-eu Haˬgaiˇ hawˇ-eu Zaˬkaˬliˇ aˬ nyaꞈ neh gʼaˬ biꞈ nehˬ-euˬloꞈ-ehˇ, Yuˇdaˆ tsawˇ haˬ aˬ yuiꞈ aˬ tsu deuˬ Uˬ duˬ tahˬ nymˇ nymˇ ma tsoˆ-eu gaˇ-ahˇ tiˬ tiˆ saˇ-iˬ tiˬ tiˆ mˇ daˆ leꞈ-euˬ meh. Iˇsaˬleˬlaˆ-euˬ Miˬyehˇ hawˇ-eu Paˇshaˇ sahˬ paˬ deuˬ pyeuꞈ-eu Guˇluˆ, Daˬliˇ hawˇ-eu Aˬtaˬdzeuˬsehˆmaꞈ neh dawˬ biꞈ-euˬ loꞈ-ehˇ, Uˬ duˬ tahˬ nymˇ nymˇ ma-ahˇ aˬ yawꞈ maꞈ tsoˆ gʼaˬ-euˬ meh.

Eˇzaˬlaˬ 6:15

Sahˬ paˬ Daˬliˇ uˆ lahˇ-eu koꞈ kʼoꞈ tiˬ kʼoꞈ Aˬdaˬlaˬ ba la smˬ nah tiˬ nah-ahˇ, aˬ yawꞈ maꞈ Uˬ duˬ tahˬ nymˇ nymˇ ma tsoˆ gʼaˬ-euˬ meh.

Neˬhaˬmiˇ 6:3

Aˬ yawꞈ nyaꞈ jawˇ gaˇ ngaˇ tsawˇ haˬ pyehˬ gʼeh-awˇ, “Ngaˇ huiˬ dui dui-eu gaˇ mˇ luꞈ-eu miˇ neh oe-eu maˬ dah-eu uˬ taꞈ, naw nyaꞈ-ahˇ tahˬ puˬ le-eu gʼaˇ duˬ gaˇ heu-ahˇ maˬ byehˇ coeˇ nya” lehˇ bi tsaꞈ gaˬ-iˇ-euˬ ma.

Neˬhaˬmiˇ 6:9

Aˬ yawꞈ maꞈ-aˬ, nga maꞈ-ahˇ ja guˆ-awˇ gaˇ maˬ mˇ ni bi byehˇ-eu lehˇ leh jeh luꞈ-eu meh. “Miˬyehˇ-oˇ, nymˬ-mˇ ngaˬ-ahˇ gʼaˬ biꞈ lahˬ laꞈ-awˬ” lehˇ, ngaˇ guiˬ lahˬ shaˇ-euˬ ma.

Yawˇbaˆ 20:5

haiˬ-eu tsawˇ haˬ tiˬ gʼaˬ-iˬ gʼawˬ myahˇ ni laˬ kʼaˬ cehˇ cehˇ-ehˇ maˬ ya dehꞈ haw-aˬ.

Daˬyeˬlaˇ 11:2

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Nymˬ-mˇ poˆ jawˇ-aˬ, nawˬ-ahˇ ngaˇ aˬ diˇ aˬ maˇ pyeuꞈ laˇ-eu jeˬ ehˇ nehˬ nyaˇ. Paˇshaˇ miˇ kʼahˬ-ahˇ sahˬ paˬ smˇ gʼaˬ paˇ uˆ lahˇ tehꞈ-a. Kʼoeˇ naˇ, yaw beh deuˬ naˆ maˬ tseˇ smˇ muiˬ muiˬ dui dui-eu sahˬ paˬ oeˬ gʼaˬ tiˬ gʼaˬ paˇ uˆ lahˇ tehꞈ-a. Aˬ yawꞈ baoˬ kʼaˇ ahˇ maˬ ahˇ ahˇ-awˇ, pyuˇ shuiˇ kʼaˇ jaˆ maˬ jaˆ jaˆ ngeh, Heˬlaˬshaˆ miˇ kʼahˬ-ahˇ guiˇ deuˆ cawˬ cawˬ tehꞈ-a.

Daˬyeˬlaˇ 9:25

Gaˇ kawˆ heu gʼoˆ shaw-awˇ juiˇ taˬ-awˬ. Yeˬluˇsaˬlehˬ meuˬ bi tsoˆ muiˬ-eu gʼaˇ duˬ dawˬ biꞈ-euˬ aˇ yamˬ-ahˇ neh, Miˬyehˇ neh tsiˇ shehˆ daˆ-awˇ tseˇ doˆ taˬ-euˬ uˆ lahˇ-eu gʼaˬ oe keuˆ ngeh keuˆ ni, shiꞈ kʼoꞈ, shiꞈ poˆ myahˇ tehꞈ-a. Yeˬluˇsaˬlehˬ meuˬ hawˇ-eu meuˬ laꞈ kʼoeˇ jaˆ-eu gaˇ ma deuˬ gawˬ muiˬ tsoˆ muiˬ jiˇ-awˇ, muiˇ-eu deuˬ guiˇ maˬ bi deuˆ gʼaˬ laˇ nya ni, ziꞈ dah ni gʼeh-eu taˆ deuˬ gawˬ ziꞈ tsoˆ ziꞈ gʼaˬ-awˇ, koꞈ tseˇ nyiꞈ kʼoꞈ, shiꞈ poˆ keuˆ ni gmˬ tehꞈ-a. Ehˇ kʼawꞈ, aˇ yamˬ kʼoeˇ yamˬ-aˬ, shaˬ zahˬ naꞈ-eu aˇ yamˬ pyeuꞈ tehꞈ-a.

Haˬgaiˇ 1:1

Paˇshaˇ miˇ kʼahˬ-ahˇ sahˬ paˬ Daˬliˇ uˆ lahˇ-euˬ nyiˬ kʼoꞈ tiˬ kʼoꞈ ba la koꞈ siˬ tiˬ siˬ yaw beh nah-ahˇ, Haˬgaiˇ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ jawˇ gaˇ, Sahˬpaˬ Miˬyehˇ-euˬ dawˬ keuˆ le-euˬ meh. Dawˬ kʼoeˇ deuˬ-aˬ, Yuˇdaˆ miˇ kʼahˬ-ahˇ uˆ lahˇ luꞈ-eu gʼaˬ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu, piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ gʼaˇ duˬ pyeuꞈ-eu meh.

Haˬgaiˇ 1:15

Daˬliˇ sahˬ paˬ geuꞈ-euˬ nyiꞈ kʼoꞈ tiˬ kʼoꞈ ba la koꞈ siˬ tiˬ siˬ nyiˬ tseˇ oeˬ nah-ahˇ, aˬ yawꞈ maꞈ kʼoeˇ loꞈ-ehˇ mˇ-euˬ meh.

Haˬgaiˇ 2:15

Sahˬpaˬ Miˬyehˇ ehˇ-eu, “Naw maꞈ Uˬ duˬ tahˬ nymˇ nymˇ ma tsoˆ muiˬ-eu aˇ dahˬ maˬ beh kʼoeˇ keuˆ ni, naw maꞈ kʼoeˇ taˆ aˬ joˆ-ehˇ keuˆ le-euˬ gaˇ kawˆ maˬ noeˬ duˬ-aˬ siˬ loˇ.

Haˬgaiˇ 2:18

Iˬ nah ba la gʼoeˬ siˬ tiˬ siˬ nyiˬ tseˇ oeˬ nah heu nah-aˬ, Uˬ duˬ tahˬ nymˇ nymˇ ma-euˬ dawˬ pehˬ gawˬ gʼaˬ-euˬ aˇ nah meh. Iˬ nah neh dahˬ beh-awˇ, mehˬ hu paw aˬ joˆ-ehˇ pyeuꞈ laˇ nga lehˇ haw taˬ-awˬ.

Zaˬkaˬliˇ 1:1

Paˇshaˇ miˇ kʼahˬ-ahˇ Daˬliˇ uˆ lahˇ-euˬ nyiˬ kʼoꞈ tiˬ kʼoꞈ ba la yehꞈ siˬ-ahˇ, Iˇdoˬ-euˬ oeˬ paˬ pyeuꞈ-eu Beˬleˬkiˇ-euˬ aˬ li Zaˬkaˬliˇ jawˇ gaˇ, Sahˬpaˬ Miˬyehˇ-euˬ dawˬ keuˆ le-euˬ meh.

1 Teˇsaˬloˇni 2:18

Naw maꞈ jawˇ gaˇ nga maꞈ gʼoꞈ laˇ mawꞈ-eu ma. Naw maꞈ jawˇ gaˇ gʼoꞈ laˇ-eu lehˇ ngaˇ gʼawˬ mya poˆ leh jeh-euˬ ma. Ehˇ kʼawꞈ, nehꞈ Saˬdaˬ nga maꞈ-ahˇ laˆ tsoeˬ nehˬ laꞈ-euˬ meh.