Eˇzaˬlaˬ 4:23 - Akha

²³ Leˬhamˬ hawˇ-eu Shmˇshehˆ aˬ nyaꞈ hawˇ-eu aˬ nyaꞈ-euˬ cawˬ deuˬ-ahˇ Aˬtaˬdzeuˬsehˆ neh boꞈ ahˇ laꞈ-euˬ sahˬ boꞈ kʼoeˇ taꞈ gui mehˬ nehˬ ngeh, aˬ yawꞈ maꞈ Yeˬluˇsaˬlehˬ meuˬ-ahˇ yaw kawˇ-ehˇ le-awˇ, Yuˇdaˆ tsawˇ haˬ deuˬ-ahˇ meuˬ maˬ paˇ bi tsoˆ muiˬ ni laˆ tsoeˬ-euˬ meh.

Eˇzaˬlaˬ 4:23 ပူးပေါင်းရင်းမြစ်များ

Eˇzaˬlaˬ 4:17

Sahˬ paˬ Daˬliˇ gʼaˬ heu loꞈ-ehˇ paˇ boꞈ kʼoꞈ nehˬ-euˬ meh. “Yuˇdaˆ miˇ kʼahˬ-ahˇ uˆ lahˇ-eu gʼaˬ pyeuꞈ-eu Leˬhamˬ, jaˇ laˇ yuˇ-eu paw aˬ yuiꞈ geuꞈ-eu Shmˇshehˆ hawˇ-eu, Saˬmaˬliˆ meuˬ hawˇ-eu Uˇpaˬlaˇ lawˇ baˬ nahˇ ma ga kʼehˬ paw miˇ kʼahˬ-ahˇ jawˇ-eu naw nyaꞈ-euˬ cawˬ deuˬ-ahˇ ngaˇ sahˬ boꞈ boꞈ ahˇ laꞈ-eu ma. Naw maꞈ dawˬ tawˆ luꞈ yaw muiˬ jawˇ saˇ doˆ luꞈ-uˇ.

Eˇzaˬlaˬ 4:22

Ngaˬ-euˬ miˇ kʼahˬ-ahˇ deuˬ laˇ-eu gaˇ kʼoeˇ maˬ paˇ bi mˇ ni tiˬ poˆ tehꞈ-ehˇ bi naˬ-awˬ.”

Eˇzaˬlaˬ 4:24

Kʼoeˇ miˇ neh, Paˇshaˇ sahˬ paˬ Daˬliˇ uˆ lahˇ-eu nyiˬ kʼoꞈ tiˬ kʼoꞈ-ahˇ keuˆ ni, Uˬ duˬ tahˬ nymˇ nymˇ ma tsoˆ muiˬ-eu gaˇ kʼawˆ maˬ mˇ nya ni byehˇ taˬ-euˬ meh.

Eˇzaˬlaˬ 4:7

Paˇshaˇ sahˬ paˬ Aˬtaˬdzeuˬsehˆ gʼaˬ uˆ lahˇ-eu yamˬ paˇ keuˆ laˇ ngeh kʼawꞈ, Biˇshaˬlamˬ, Miˇdaˬleˬdaˇ, Taˬbeˬlaˇ aˬ ha maꞈ hawˇ-eu aˬ ha maꞈ-euˬ cawˬ deuˬ neh, sahˬ paˬ Aˬtaˬdzeuˬsehˆ-ahˇ sahˬ boꞈ tiˬ taꞈ paˇ boꞈ daˬ-euˬ meh. Sahˬ boꞈ kʼoeˇ taꞈ-ahˇ Aˬlaˬmiˇ dawˬ zmˬ-awˇ, Aˬlaˬmiˇ sahˬ boꞈ neh boꞈ taˬ-euˬ meh.

Dawqdaq 4:16

Yaw lehˬ jeˬ maˬ ya mˇ naˇ, aˬ yawꞈ maꞈ maˬ yuꞈ kʼaˆ leˇ-a. Aˬ cawˬ-ahˇ maˬ ya laˆ coeˬ laˆ ciˆ kʼoeˇ keuˆ ni maˬ yuꞈ kʼaˆ leˇ-a.

Miˇkaˬ 2:1

Yaw noeˬ-ehˇ yuꞈ-awˇ yaw haiˬ jeˬ mˇ-eu gʼaˇ duˬ saˇ sawˇ luꞈ-eu tsawˇ haˬ deuˬ kʼoeˇ taˆ guˆ-eu gaˆ-eu jeˬ keuˆ le tehꞈ-a. Uˬ bya bya laˇ-awˇ, yaw haiˬ jeˬ mˇ-eu gʼaˇ duˬ yehꞈ laˇ ngeh jawˇ, aˬ yawꞈ maꞈ neh saˇ sawˇ taˬ-euˬ jeˬ tiˬ poˆ tehꞈ-ehˇ mˇ-eu meh.

Lormav 3:15

Aˬ cawˬ-euˬ shiˬ laˆ yoeˇ leˇ-eu, kuiˇ toꞈ ciˬ-eu kawˇ dui dui meh.