Eˇzaˬlaˬ 4:19 - Akha

¹⁹ Ngaˇ dawˬ biꞈ-awˇ, aˇ hu boꞈ ahˇ taˬ-euˬ gaˇ kawˆ deuˬ-ahˇ bi poˆ tseˇ duˬ haw ngeh, Yeˬluˇsaˬlehˬ meuˬ kʼoeˇ meuˬ aˇ hu ba neh sahˬ paˬ sahˬ ma deuˬ-ahˇ puiˬ-awˇ, miˇ kʼahˬ zahˇ sahˇ kʼoꞈ-ahˇ bahˬ-eu tsawˇ haˬ deuˬ hawˇ-eu laˆ suˬ saˬ nya-eu tsawˇ haˬ tiˬ byah ni jawˇ luꞈ-eu gaˇ kawˆ pyehˆ tseˇ duˬ-euˬ ma.

Eˇzaˬlaˬ 4:19 ပူးပေါင်းရင်းမြစ်များ

2 Sahˬpaˬ 18:7

Kʼoeˇ miˇ neh, aˬ yawꞈ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ neh kʼaˇ mˇ kʼaˇ shaˇ-euˬ yawˬ jeˬ na luꞈ guiˬ lahˬ baw-eu meh. Aˬshuˇliˆ sahˬ paˬ-ahˇ aˬ yawꞈ puiˬ-awˇ, laꞈ oꞈ maˬ awꞈ ni dehꞈ-euˬ meh.

2 Sahˬpaˬ 24:20

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ hawˇ-eu, Yuˇdaˆ miˇ kʼahˬ zaˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ taˬ-euˬ miˇ neh, aˬ yawꞈ maˬ mawˇ gaˇ bi iˇ byoˆ gʼeh-euˬ meh.

Eˇzaˬlaˬ 4:15

Nawˬ-euˬ aˬ poeˬ aˬ bawˇ deuˬ neh boꞈ ahˇ taˬ yaꞈ-euˬ gaˇ kawˆ deuˬ laꞈ kʼoeˇ bi poˆ haw naˇ, Yeˬluˇsaˬlehˬ meuˬ-aˬ, aˇ hu ba neh sahˬ paˬ sahˬ ma deuˬ-ahˇ bahˬ-eu muˆ-eu meuˬ pyeuꞈ-awˇ, kʼoeˇ gaˇ jawˇ-eu tsawˇ haˬ deuˬ-ahˇ uˆ lahˇ-eu shaˬ dui dui-eu miˇ neh, meuˬ kʼoeˇ meuˬ-ahˇ laˆ luˬ laˆ seˇ nehˬ-euˬ gaˇ kawˆ boꞈ taˬ-euˬ gaˇ ya mawˇ tehꞈ-a.

Eˇzaˬlaˬ 4:18

“Naw maꞈ neh boꞈ laꞈ-eu sahˬ boꞈ kʼoeˇ taꞈ, dawˬ tsuiꞈ yuˇ doˆ-awˇ ngaˬ-euˬ mehˬ shi bi gui mehˬ gʼaˬ-euˬ ma.

Eˇzaˬlaˬ 4:20

Uˇpaˬlaˇ lawˇ baˬ nahˇ ma ga kʼehˬ paw jaˆ-eu miˇ kʼahˬ kʼahˬ lah ni-ahˇ uˆ lahˇ-eu laꞈ kʼoeˇ kawˬ taꞈ dzaˬ-euˬ baoˬ huiˬ-eu sahˬ paˬ deuˬ kʼawꞈ, meuˬ kʼoeˇ meuˬ laꞈ kʼoeˇ aˇ hu jawˇ-euˬ meh.

Eˇzaˬlaˬ 5:17

“Sahˬ paˬ-oˇ, Yeˬluˇsaˬlehˬ meuˬ-ahˇ jaˆ-eu Uˬ duˬ tahˬ nymˇ nymˇ ma heu nymˇ paˇ bi tsoˆ-eu gʼaˇ duˬ sahˬ paˬ Guˇluˆ neh dawˬ biꞈ-euˬ ngeuˇ maˬ ngeuˇ-eu siˬ duˬ laˇ ni, Baˬbuˇloˬ meuˬ-ahˇ jaˆ-eu sahˬ paˬ-euˬ jaˇ laˇ sahˬ boꞈ-ahˇ bi poˆ tseˇ duˬ-awˇ, gaˇ heu hmˬ-ahˇ nga maꞈ aˬ joˆ-ehˇ ya jahˇ jiˇ nehˬ paˬ-ehˇ gʼeh-eu gaˇ kawˆ, nawˬ neh noeˬ taˬ-euˬ loꞈ-ehˇ paˇ tsaꞈ ahˇ kʼoꞈ laꞈ-awˬ.”

Dawqdaq 25:2

Miˬyehˇ-aˬ, zaꞈ taˬ nya-eu gʼaˬ pyeuꞈ-eu miˇ neh, aˬ yawꞈ-ahˇ aˬ dui taˬ huiˬ taˬ mahˇ-eu ma. Sahˬ paˬ deuˬ-aˬ, gaˇ kawˆ pah mehˬ-eu miˇ neh, aˬ yawꞈ maꞈ-ahˇ aˬ dui taˬ huiˬ taˬ mahˇ-eu ma.

Dawˬmehˬ 13:14

Kʼoeˇ loꞈ-ehˇ ja-eu ya gaˬ ngeh, yaw muiˬ paˬ-ehˇ pyehˆ tseˇ haw-awˇ, kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ aˬ diˇ aˬ maˇ pyeuꞈ doˆ laˇ-euˬ ya mawˇ naˇ,