Eˇzaˬlaˬ 4:13 - Akha

¹³ Sahˬ paˬ-oˇ, meuˬ kʼoeˇ meuˬ-ahˇ paˇ tsoˆ muiˬ gʼaˬ-awˇ, meuˬ meuˬ lahˇ paˇ gawˬ muiˬ gʼaˬ naˇ, tsawˇ haˬ kʼoeˇ deuˬ nawˬ-ahˇ kawˬ maˬ paˇ doˆ ni byehˇ-awˇ, nawˇ kawˬ taꞈ za-eu pyuˇ paw teˬ dui dui-iˇ tehꞈ-a.

Eˇzaˬlaˬ 4:13 ပူးပေါင်းရင်းမြစ်များ

Eˇzaˬlaˬ 4:14

Nga maꞈ-aˬ, nawˬ-euˬ laꞈ oˆ gaˇ mˇ-eu deuˬ pyeuꞈ-eu loꞈ-ehˇ, kʼoeˇ loꞈ-ehˇ maˬ bi pyeuꞈ laˇ mawꞈ-eu miˇ neh, heu loꞈ-ehˇ ehˇ gaˬ-eu ma.

Eˇzaˬlaˬ 4:20

Uˇpaˬlaˇ lawˇ baˬ nahˇ ma ga kʼehˬ paw jaˆ-eu miˇ kʼahˬ kʼahˬ lah ni-ahˇ uˆ lahˇ-eu laꞈ kʼoeˇ kawˬ taꞈ dzaˬ-euˬ baoˬ huiˬ-eu sahˬ paˬ deuˬ kʼawꞈ, meuˬ kʼoeˇ meuˬ laꞈ kʼoeˇ aˇ hu jawˇ-euˬ meh.

Eˇzaˬlaˬ 7:24

Piˇ ma deuˬ, Leˬbiˇ tsawˇ haˬ deuˬ, caˇ dawˬ caˇ-eu deuˬ, Uˬ duˬ tahˬ nymˇ nymˇ ma-ahˇ loꞈ piˇ-eu tsawˇ haˬ deuˬ hawˇ-eu gaˇ mˇ-eu deuˬ ahˇ leˇ-ehˇ, Uˬ duˬ tahˬ nymˇ nymˇ ma-ahˇ taꞈ leˇ-eu tsawˇ haˬ deuˬ-ahˇ naw maꞈ kawˬ maˬ ya taꞈ-a.

Neˬhaˬmiˇ 5:4

Tiˬ deuˬ na paˇ ehˇ-eu, “Sahˬ paˬ-ahˇ, deh yaˇ kawˬ hawˇ-eu aˬ gaꞈ yaˇ kmˇ kawˬ doˆ nehˬ-eu gʼaˇ duˬ, aˬ cawˬ-ahˇ pyuˇ shaˇ paˇ-euˬ ma.

Jaceuq 119:69

Nui ma huiˬ-eu mahˇ-eu deuˬ ngaˬ-ahˇ ja bu ja doeˇ kʼawꞈ, nawˇ mehˬ nehˬ tsoˆ nehˬ laꞈ-euˬ dawˬ-ahˇ, nui ma laꞈ kʼoeˇ keuˆ ni ngaˇ naˇ haˬ geuꞈ-eu ma.

Jaceuq 52:2

Aˬ cawˬ-ahˇ laˆ luˬ laˆ seˇ-eu gʼaˇ duˬ naw maꞈ shaˇ noeˬ-eu meh. Naw maꞈ-euˬ mehˬ laˇ mi cehˇ tawˆ zaˬ loꞈ-ehˇ taˆ-awˇ, jaˬ myawꞈ mehˇ shuiˇ tehꞈ-ehˇ naw maꞈ toˆ luꞈ-eu meh.

Maꞈtehˬ 17:25

“Doˆ meh” lehˇ, Beˬtuˆluˆ ehˇ kʼoꞈ nehˬ-euˬ meh. Beˬtuˆluˆ iˇ kahˇ laꞈ kʼoeˇ uˇ leˇ ngeh, aˬ yawꞈ-ahˇ Yeˬsuˇ jeˬ huˬ ngehˬ cawˬ-awˇ ehˇ-eu, “Siˇmoˬ-oˇ, nawˇ aˬ joˆ-ehˇ noeˬ-eu nya. Sahˬ paˬ geuꞈ-awˇ miˇ kʼahˬ-ahˇ uˆ lahˇ-eu deuˬ aˬ suˇ gʼaˬ-ahˇ kawˬ taꞈ ta. Yawˬ ha-euˬ miˇ kʼahˬ zaˬ deuˬ-ahˇ taꞈ ta loˇ. Aˬ cawˬ miˇ kʼahˬ-ahˇ neh jawˇ le-euˬ tsawˇ haˬ deuˬ-ahˇ taꞈ ta loˇ.”

Maꞈtehˬ 9:9

Jawˇ duˬ kʼoeˇ tsahˇ-ahˇ neh Yeˬsuˇ luˆ-iˇ-awˇ mehˬ hu paw iˇ luꞈ ngeh, kawˬ taꞈ-eu tsawˇ haˬ pyeuꞈ-eu Maꞈtehˬ lehˇ myahˇ-euˬ gʼaˬ, kawˬ taꞈ-eu nymˇ-ahˇ nuiˇ luꞈ gaˇ aˬ yawꞈ ya mawˇ-euˬ meh. “Ngaˬ-euˬ mehˬ nah caw teh laˇ-awˇ ngaˬ-euˬ zaˬ lahˇ geuꞈ laˇ-awˬ” lehˇ Yeˬsuˇ ehˇ ngeh, Maꞈtehˬ tsawˬ tuˇ laˇ-awˇ, Yeˬsuˇ-euˬ mehˬ nah caw teh gʼeh-euˬ meh.