Eˇzaˬlaˬ 4:10 - Akha

¹⁰ baoˬ huiˬ-awˇ tsawˇ myahˇ doˆ-eu Aˬshuˇbaˬniˬpaˆ neh sheuˬ laꞈ-awˇ, Saˬmaˬliˆ meuˬ hawˇ-eu Uˇpaˬlaˇlawˇ baˬ-euˬ nahˇ ma ga kʼehˬ paw miˇ kʼahˬ-ahˇ bi jawˇ-euˬ deuˬ pyeuꞈ-eu ma.”

Eˇzaˬlaˬ 4:10 ပူးပေါင်းရင်းမြစ်များ

Eˇzaˬlaˬ 4:1

Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ deuˬ Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma tsoˆ luꞈ-eu gaˇ kawˆ-ahˇ, Yuˇdaˆ tsawˇ jeuˬ hawˇ-eu Beˬyaˬmiˬ tsawˇ jeuˬ-ahˇ muiˇ-eu tsawˇ haˬ deuˬ ya gaˬ-euˬ meh.

Eˇzaˬlaˬ 4:11

Boꞈ taˬ-euˬ gaˇ kawˆ-aˬ, heu loꞈ-ehˇ meh. “Sahˬ paˬ Aˬtaˬdzeuˬsehˆ jawˇ gaˇ, Uˇpaˬlaˇ lawˇ baˬ nahˇ ma ga kʼehˬ paw jawˇ-eu nawˬ-euˬ zaˬ kʼaˆ deuˬ sahˬ boꞈ boꞈ ahˇ leꞈ-eu ma.

Eˇzaˬlaˬ 4:17

Sahˬ paˬ Daˬliˇ gʼaˬ heu loꞈ-ehˇ paˇ boꞈ kʼoꞈ nehˬ-euˬ meh. “Yuˇdaˆ miˇ kʼahˬ-ahˇ uˆ lahˇ-eu gʼaˬ pyeuꞈ-eu Leˬhamˬ, jaˇ laˇ yuˇ-eu paw aˬ yuiꞈ geuꞈ-eu Shmˇshehˆ hawˇ-eu, Saˬmaˬliˆ meuˬ hawˇ-eu Uˇpaˬlaˇ lawˇ baˬ nahˇ ma ga kʼehˬ paw miˇ kʼahˬ-ahˇ jawˇ-eu naw nyaꞈ-euˬ cawˬ deuˬ-ahˇ ngaˇ sahˬ boꞈ boꞈ ahˇ laꞈ-eu ma. Naw maꞈ dawˬ tawˆ luꞈ yaw muiˬ jawˇ saˇ doˆ luꞈ-uˇ.

Eˇzaˬlaˬ 7:12

“Mˬ taˆ Miˬyehˇ-euˬ Zahˇ dawˬ kʼoꞈ dawˬ siˬ nya-eu zahˇ dzoeˬ miˬ ma pyeuꞈ-eu piˇ ma Eˇzaˬlaˬ jawˇ gaˇ, sahˬ paˬ Aˬtaˬdzeuˬsehˆ heu loꞈ-ehˇ sahˬ boꞈ boꞈ ahˇ laꞈ-eu ma.

Neˬhaˬmiˇ 4:2

Aˬ yawꞈ-euˬ cawˬ deuˬ hawˇ-eu Saˬmaˬliˆ guiˇ maꞈ mehˬ shi aˬ yawꞈ heu loꞈ-ehˇ ehˇ-eu meh. “Aˇ gʼehˇ maˬ gʼehˇ-eu Yuˇdaˆ tsawˇ haˬ tsawˇ teˬ zaˬ teu deuˬ aˬ pa jeˬ mˇ luꞈ-eu nga. Meuˬ teu meuˬ-ahˇ paˇ tsoˆ muiˬ geuꞈ-eu lehˇ gʼeh ta loˇ. Lawˇ-eu shehˇ-eu jeˬ mˇ-awˇ tiˬ nah laꞈ kʼoeˇ tehꞈ-ehˇ paˇ tsoˆ muiˬ nya ma lehˇ aˬ yawꞈ maꞈ noeˬ ta loˇ. Bi puiˆ byoˆ jiˇ-euˬ kʼaˬ lo tsaˬ byaˆ kʼoeˇ deuˬ tsaˬ byaˆ paˇ pyeuꞈ laˇ ni aˬ yawꞈ maꞈ jahˇ doˆ nya te jeˇ loˇ.”

Neˬhaˬmiˇ 9:32

Miˬyehˇ-oˇ, Nga maꞈ-euˬ Miˬyehˇ-oˇ, nawˇ aˇ naˆ ni huiˬ-eu mahˇ-eu nga. Aˇ naˆ ni guˆ laˇ paˬ-ehˇ gʼeh-awˇ, aˇ naˆ ni baoˬ huiˬ-eu nga. Nawˬ-euˬ dawˬ ma saˇ jaˇ-ahˇ nawˇ ziꞈ-eu meh. Aˬshuˇliˆ sahˬ paˬ deuˬ nga maꞈ-ahˇ kʼehˬ ngeh neh iˬ nah keuˆ ni, nga maꞈ aˇ naˆ ni ya shaˬ ya zahˬ-euˬ nga. Nga maꞈ-euˬ sahˬ paˬ deuˬ, aˬ yuiꞈ aˬ tsu deuˬ, piˇ ma deuˬ hawˇ-eu, Miˬyehˇ gʼaˇ duˬ ngehˬ dah-eu deuˬ maˬ ehˇ, nga maꞈ-euˬ aˬ poeˬ aˬ bawˇ deuˬ hawˇ-eu nga maꞈ-euˬ tsawˇ haˬ dawˬ tawˆ luꞈ maˬ ehˇ, ya shaˬ ya zahˬ-euˬ ma. Nga maꞈ aˇ naˆ ni ya daˬ-euˬ gaˇ noeˬ keuˆ nehˬ laꞈ-awˬ.

Lormav 13:7

Toˆ-ehˇ ngeuˇ naˇ, aˬ yawꞈ maꞈ-ahˇ kʼaˇ biꞈ paˬ-ehˇ gʼeh-eu jeˬ biꞈ-awˬ. Kawˬ kʼaˇ doˆ nehˬ paˬ-ehˇ gʼeh-eu jeˬ dawˬ tawˆ luꞈ doˆ nehˬ-awˇ, aˬ yawꞈ maꞈ dawˬ tawˆ luꞈ-ahˇ yaw zeu baw-eu laꞈ kʼoeˇ taˬ huiˬ taˬ mahˇ nehˬ-awˬ.