Eˇzaˬlaˬ 3:9 - Akha

⁹ Leˬbiˇ tsawˇ haˬ Yeˬshah hawˇ-eu aˬ yawꞈ-euˬ aˬ li deuˬ maˬ ehˇ, aˬ yuiꞈ aˬ nyiˇ deuˬ maˬ ehˇ, Hawˇdaˬyaˇ aˇ jeuˬ pyeuꞈ-eu Kaˬdaˬmeˬlaˇ-euˬ aˬ li deuˬ maˬ ehˇ, Uˬ duˬ tahˬ nymˇ nymˇ ma tsoˆ gaˇ haw-eu pyaˆ-eu gaˇ-ahˇ tiˬ kawˆ loꞈ-ehˇ mˇ-euˬ meh. Heˬnaˬdaˆ aˇ jeuˬ pyeuꞈ-eu Leˬbiˇ tsawˇ haˬ deuˬ aˬ yawꞈ maꞈ-ahˇ caw ba-euˬ meh.

Eˇzaˬlaˬ 3:9 ပူးပေါင်းရင်းမြစ်များ

1 Laˬsaˬbaˬ 23:4

Daˬbiˇ ehˇ-eu, “Tsawˇ haˬ heu deuˬ laꞈ kʼoeˇ, nyiˬ muiˇ oeˬ heˇ gʼaˬ-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ gaˇ mˇ gaˇ haw-eu pyaˆ-eu deuˬ geuꞈ-awˇ, koꞈ heˇ gʼaˬ-aˬ, jaˇ laˇ yuˇ-eu paw hawˇ-eu yaˇ kʼaˬ daˇ-eu paw gaˇ mˇ-awˬ.

2 Laˬsaˬbaˬ 34:12

Kʼoeˇ gaˇ gaˇ mˇ-euˬ tsawˇ haˬ deuˬ nui ma dawˇ dui dui-eu meh. Aˬ yawꞈ maꞈ-ahˇ haw-eu pyaˆ-eu Leˬbiˇ tsawˇ haˬ oeˬ gʼaˬ jawˇ-eu meh. Kʼoeˇ deuˬ-aˬ, Meˬlaˬliˇ aˇ jeuˬ laꞈ kʼoeˇ Jaˬhaˆ hawˇ-eu Awˇbaˬdiˇ, Kawˇhaˆ aˇ jeuˬ laꞈ kʼoeˇ Zaˬkaˬliˇ hawˇ-eu Meˬshuˇlamˬ heu deuˬ meh.

Eˇzaˬlaˬ 2:40

Baˬbuˇloˬ miˇ kʼahˬ-ahˇ neh gʼoꞈ laˇ-euˬ Leˬbiˇ tsawˇ haˬ deuˬ-euˬ jaˇ laˇ-aˬ, heu loꞈ-ehˇ meh. Hawˇdaˬyaˇ-euˬ zaˬ deuˬ uˆ deuˬ pyeuꞈ-eu Yeˬshah aˇ jeuˬ hawˇ-eu Kaˬdaˬmeˬlaˇ aˇ jeuˬ shiꞈ tseˇ oeˬ gʼaˬ,

Eˇzaˬlaˬ 3:8

Yeˬluˇsaˬlehˬ meuˬ Uˬ duˬ tahˬ nymˇ nymˇ ma nymˇ coeˬ-ahˇ aˬ yawꞈ maꞈ gʼoꞈ keuˆ laˇ-euˬ nyiˬ kʼoꞈ tiˬ kʼoꞈ ba la nyiˬ siˬ tiˬ siˬ-ahˇ, Uˬ duˬ tahˬ nymˇ nymˇ ma tsoˆ dahˬ beh-euˬ meh. Zeˬluˇbaˬbeˬlaˇ, Yawˇshuˆ hawˇ-eu aˬ yawꞈ maꞈ-euˬ miˇ kʼahˬ zaˬ deuˬ pyeuꞈ-eu piˇ ma deuˬ, Leˬbiˇ tsawˇ haˬ deuˬ ahˇ leˇ-ehˇ, Baˬbuˇloˬ miˇ kʼahˬ-ahˇ neh kʼaˇ gʼoꞈ laˇ-euˬ tsawˇ haˬ dawˬ tawˆ luꞈ, Uˬ duˬ tahˬ nymˇ nymˇ ma tsoˆ-eu gaˇ mˇ-euˬ meh. Nyiˬ tseˇ kʼoꞈ-ahˇ neh laꞈ taˆ paw-euˬ Leˬbiˇ tsawˇ haˬ dawˬ tawˆ luꞈ-ahˇ, gaˇ mˇ gaˇ bi haw bi pyaˆ-euˬ meh.

Neˬhaˬmiˇ 3:24

Heˬnaˬdaˆ-euˬ aˬ li Biˇnuiˇ gʼaˬ, Aˬzaˬliˇ-euˬ nymˇ-ahˇ neh meuˬ lahˇ laꞈ gʼoꞈ-ahˇ keuˆ ni gawˬ tsaꞈ gʼeh-euˬ meh.

Neˬhaˬmiˇ 7:43

Baˬbuˇloˬ miˇ kʼahˬ-ahˇ neh gʼoꞈ laˇ-euˬ Leˬbiˇ tsawˇ haˬ deuˬ-euˬ jaˇ laˇ-aˬ, heu loꞈ-ehˇ meh. Hawˇdaˬyaˇ-euˬ zaˬ deuˬ uˆ deuˬ pyeuꞈ-eu Yeˬshah aˇ jeuˬ hawˇ-eu Kaˬdaˬmeˬluˇ aˇ jeuˬ 74 gʼaˬ