Eˇzaˬlaˬ 3:6 - Akha

⁶ Aˬ yawꞈ maꞈ Uˬ duˬ tahˬ nymˇ nymˇ ma tsoˆ-eu gaˇ-ahˇ laꞈ maˬ dawꞈ leˇ dah-euˬ kʼawꞈ, ba la shiꞈ siˬ tiˬ siˬ aˇ nah yaw beh nah-ahˇ neh dahˬ beh-awˇ, miˬ dzaˬ dzah puiˆ-awˇ lawˇ-eu jeˬ Sahˬpaˬ Miˬyehˇ-ahˇ lawˇ nehˬ-euˬ meh.

Eˇzaˬlaˬ 3:6 ပူးပေါင်းရင်းမြစ်များ

Eˇzaˬlaˬ 3:5

Kʼoeˇ uˬ taꞈ, aˬ myah luꞈ ya lawˇ-eu mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ maˬ ehˇ, la shuiꞈ lah-eu bawˬ-iˬ gʼeh ngeh lawˇ-eu jeˬ maˬ ehˇ, Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ uiˬ leˇ ngeh lawˇ-eu jeˬ maˬ ehˇ, nui ma keuˆ-eu laꞈ kʼoeˇ Sahˬpaˬ Miˬyehˇ-ahˇ lawˇ nehˬ-eu lawˇ-eu jeˬ maˬ ehˇ, aˬ yawꞈ maꞈ lawˇ-euˬ meh.

Eˇzaˬlaˬ 3:7

Tsaˬ byaˆ gawˬ-eu deuˬ hawˇ-eu laꞈ myawˬ laꞈ sawˆ mˇ-eu deuˬ-ahˇ biꞈ-eu gʼaˇ duˬ aˬ yawꞈ maꞈ pyuˇ damˬ-euˬ meh. Leˬbaˬnoˬ gawˬ jawˬ-ahˇ dehꞈ-eu shuˬ liˇ aˇ bawˇ nehˬ-ehˇ bi paˇ-eu gʼaˇ duˬ, dzaˬ dzaˬ dawˇ dawˇ hawˇ-eu saˬ loˬ tsiˇ deuˬ, Duˇlu meuˬ hawˇ-eu Siˇdoˬ meuˬ-ahˇ aˬ yawꞈ maꞈ biꞈ gʼeh-euˬ meh. Daˇ kawˬ kʼoeˇ deuˬ-ahˇ, iˬ ma laˆ shaˆ-ahˇ neh Yuˇbeˬ meuˬ-ahˇ ya hehˇ ka leꞈ-eu meh. Paˇshaˇ sahˬ paˬ Duˇlu neh aˬ kaw-aˬ biꞈ-euˬ loꞈ-ehˇ, kʼoeˇ deuˬ dawˬ tawˆ luꞈ-ahˇ aˬ yawꞈ maꞈ mˇ-euˬ meh.

Uˬ duˬ 23:24

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ba la shiꞈ siˬ tiˬ siˬ aˇ nah yaw beh nah-ahˇ nah lah lah-awˇ, daˇ heh teˇ saˇ mahˇ doˆ laˇ ngeh, uˬ duˬ tahˬ-eu gʼaˇ duˬ ya uiˬ leˇ meh.

Uˬ duˬ 23:25

Yawˬ ha-euˬ gaˇ maˬ mˇ ni lah-eu daw-eu laꞈ kʼoeˇ, Sahˬpaˬ Miˬyehˇ-ahˇ dzaˬ dzaˬ dawˇ dawˇ lawˇ-eu jeˬ ya lawˇ nehˬ meh.

Bawˇtsahˬ 29:1

Ba la shiꞈ siˬ tiˬ siˬ yaw beh nah-ahˇ, naw maꞈ gaˇ maˬ mˇ ni, tiˬ gaˇ uiˬ leˇ-awˇ, uˬ duˬ ya tahˬ meh.

Bawˇtsahˬ 29:2

Kʼoeˇ ngeh nah-ahˇ daˇ heh ya baw meh. Maˇ byawꞈ maˬ baw-eu mawˇ neˇ mawˇ gaw zaˬ nyiˬ mawˇ, maˇ byawꞈ maˬ baw-eu yawˇ aˬ buˬ tiˬ mawˇ, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ shiꞈ mawˇ, heu deuˬ yuˇ-awˇ, Sahˬpaˬ Miˬyehˇ nui ma tsaˬ-eu yaw saꞈ bi le-eu gʼaˇ duˬ, miˬ dzaˬ dzah puiˆ-awˇ lawˇ-eu jeˬ ya lawˇ meh.