Eˇzaˬlaˬ 3:12 - Akha

¹² Yaw beh jaˆ-eu Uˬ duˬ tahˬ nymˇ nymˇ ma kʼoeˇ nymˇ-ahˇ mawˇ haw-euˬ deuˬ pyeuꞈ-eu tsawˇ mawˬ mawˬ laˇ-euˬ piˇ ma deuˬ, Leˬbiˇ tsawˇ haˬ deuˬ hawˇ-eu, tsawˇ jeuˬ tsawˇ ca kʼoeˇ taˆ aˬ yuiꞈ aˬ tsu geuꞈ-eu deuˬ-aˬ, Uˬ duˬ tahˬ nymˇ nymˇ ma-euˬ dawˬ pehˬ gawˬ dahˬ beh gaˇ ya mawˇ ngeh, yaw kʼaˆ-ehˇ guˇ-awˇ ngoeˇ-eu meh. Ehˇ kʼawꞈ, kʼoeˇ gaˇ jawˇ luꞈ-eu tsawˇ haˬ nui deuˬ-aˬ, laˬ kʼaˬ cehˇ cehˇ-ehˇ guˇ-eu meh.

Eˇzaˬlaˬ 3:12 ပူးပေါင်းရင်းမြစ်များ

Eˇzaˬlaˬ 3:13

Laˬ kʼaˬ cehˇ-awˇ guˇ-eu hawˇ-eu noeˬ shaˬ-awˇ ngoeˇ-eu maˬ siˬ laˇ ni jaˆ-eu meh. Aˬ jeˬ miˇ neh ehˇ naˇ, aˬ yawꞈ maꞈ yaw kʼaˆ-ehˇ laˆ lawꞈ taˬ-euˬ miˇ neh, gaˇ mahˇ kaˬ gaˇ keuˆ ni gaˬ keuˆ-iˇ-euˬ meh.

Yawˇbaˆ 8:7

Nawˬ neh smˬ jiˇ-euˬ pyuˇ shuiˇ myawˬ gahˬ deuˬ-aˬ, Miˬyehˇ nawˬ-ahˇ biꞈ-eu lehˇ gʼeh-eu jeˬ nehˬ-ehˇ shaˇ cehˆ haw ngeh, ehˇ nyaꞈ maˬ nyeuˆ-a.

Jaceuq 126:6

Myaˆ biˇ shiˆ shiˆ-ehˇ cehˇ siˬ yoeˬ pi-awˇ doˆ-iˇ-euˬ deuˬ, laˬ kʼaˬ cehˇ-eu caˇ dawˬ caˇ caˇ-ehˇ, cehˇ pi-awˇ gʼoꞈ laˇ tehꞈ-a.

Jaceuq 147:1

Sahˬpaˬ Miˬyehˇ-ahˇ ja ceuˬ-awˬ. Aˬ dui-euˬ Miˬyehˇ-ahˇ ja ceuˬ-eu muiˬ dui dui meh. Aˬ yawꞈ-ahˇ ja ceuˬ-eu jeˬ tsaˬ-awˇ, nui kʼahˇ shiˇ dui dui nya.

Iˇsaˬyaˇ 41:14

Sahˬpaˬ Miˬyehˇ heu loꞈ-ehˇ ehˇ-eu meh. “Gʼaˬ baˬ-awˇ nyiˇ-eu tsawˇ jeuˬ pyeuꞈ-eu Iˇsaˬleˬlaˆ-oˇ, Taˬ guˆ. Ngaˇ nawˬ-ahˇ caw ba ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ-aˬ, naw maꞈ-ahˇ ka kʼoꞈ-eu gʼaˬ ma.

Iˇsaˬyaˇ 60:22

Teˬ dui nyiˇ dui dui-eu nawˬ-euˬ nymˇ jiˇ tiˬ nymˇ keuˆ ni, huiˬ dui dui-eu tsawˇ jeuˬ tiˬ jeuˬ loꞈ-ehˇ pyeuꞈ laˇ tehꞈ-a. Aˇ yamˬ tsaˬ laˇ ngeh jawˇ, kʼoeˇ loꞈ-ehˇ yaw kawˇ-ehˇ bi pyeuꞈ laˇ ma. Ngaˇ Sahˬpaˬ Miˬyehˇ ma.”

Yeˬlaˬmiˇ 50:4

Sahˬpaˬ Miˬyehˇ heu loꞈ-ehˇ ehˇ-eu meh. “Aˇ yamˬ kʼoeˇ yamˬ keuˆ le ngeh, Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ deuˬ ngoeˇ ngoeˇ-ehˇ, aˬ yawꞈ maꞈ-euˬ Miˬyehˇ pyeuꞈ-eu ngaˬ-ahˇ poˆ laˇ tehꞈ-a.

Haˬgaiˇ 2:3

“Aˇ hu Uˬ duˬ tahˬ nymˇ nymˇ ma heu nymˇ yaw shehꞈ kʼahˬ sehˇ aˇ naˆ ni huiˬ gaˇ haw mawˇ-euˬ tiˬ gʼaˬ-iˬ maˬ jawˇ loˇ. Nymˬ-mˇ aˬ jeˬ-ahˇ duˇ nga lehˇ haw sheˇ. Geuꞈ paˬ-ehˇ gʼeh-eu aˬ jeˬ paˇ ahˇ-eu nga.