Eˇzaˬlaˬ 3:11 - Akha

¹¹ Aˬ yawꞈ maꞈ ja ceuˬ-eu caˇ dawˬ caˇ ngeh, “Sahˬpaˬ Miˬyehˇ muiˬ dui dui meh. Iˇsaˬleˬlaˆ-ahˇ gaˬ-eu jeˬ, mˬ maˬ maˬ byaˆ zaˇ ziˇ ziꞈ meh” lehˇ ehˇ-eu kʼoeˇ tsahˇ-ahˇ caˇ poˆ caˇ poˆ-ehˇ caˇ-euˬ meh. Uˬ duˬ tahˬ nymˇ nymˇ ma-euˬ dawˬ pehˬ gawˬ dahˬ beh-eu dawꞈ leˇ-euˬ miˇ neh, yawˬ gʼaˬ na luꞈ gʼaˬ kʼaˇ jaˆ-eu shaˇ shaˇ-ehˇ guˇ-eu laꞈ kʼoeˇ Sahˬpaˬ Miˬyehˇ-ahˇ ja ceuˬ-euˬ meh.

Eˇzaˬlaˬ 3:11 ပူးပေါင်းရင်းမြစ်များ

1 Laˬsaˬbaˬ 16:34

Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ muiˬ dui dui-eu gʼaˬ meh. Aˬ yawꞈ-euˬ gʼoeˇ-eu gaˬ-eu jeˬ, mˬ maˬ maˬ byaˆ zaˇ ziˇ ziꞈ meh.

1 Laˬsaˬbaˬ 16:41

Mˬ maˬ maˬ byaˆ zaˇ ziˇ ziꞈ-eu Sahˬpaˬ Miˬyehˇ-euˬ gʼoeˇ-eu gaˬ-eu jeˬ baˬ da neh, aˬ yawꞈ-ahˇ ja ceuˬ-eu caˇ dawˬ caˇ-eu gʼaˇ duˬ tseˇ doˆ taˬ-euˬ deuˬ pyeuꞈ-eu, Heˬmaˬ, Yeˬduˇdoˬ aˬ nyaꞈ hawˇ-eu nui deuˬ kʼawꞈ, aˬ yawꞈ maꞈ nehˬ-ehˇ kʼoeˇ gaˇ jawˇ-eu meh.

2 Laˬsaˬbaˬ 5:13

Daˇ heh teˇ saˇ hawˇ-eu caˇ dawˬ caˇ-eu deuˬ-euˬ teˇ saˇ tiˬ teˇ tehꞈ-ehˇ gawꞈ leˇ-awˇ, Sahˬpaˬ Miˬyehˇ-ahˇ ja ceuˬ-euˬ meh. Daˇ heh teˇ saˇ, cehˇ lehˇ ciˆ-eu teˇ saˇ hawˇ-eu, teˇ saˇ gʼawˬ mya jeˬ laˆ mahˇ-eu nehˬ-ehˇ aˬ yawꞈ maꞈ yaw kʼaˆ-ehˇ guˇ kʼaˆ laˇ-awˇ, Sahˬpaˬ Miˬyehˇ-ahˇ heu loꞈ-ehˇ caˇ-awˇ ja ceuˬ-euˬ meh. “Aˬ yawꞈ muiˬ dui dui-awˇ, Aˬ yawꞈ-euˬ gʼoeˇ-eu gaˬ-eu jeˬ, mˬ maˬ maˬ byaˆ ziꞈ-eu miˇ neh, Sahˬpaˬ Miˬyehˇ-ahˇ ja ceuˬ-awˬ.” Kʼoeˇ naˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ juˬ kʼoeˬ tmˬ byah-euˬ meh.

2 Laˬsaˬbaˬ 7:3

Mˬ kʼoeˇ taˆ neh miˬ dzaˬ ga le-awˇ, Uˬ duˬ tahˬ nymˇ nymˇ ma laꞈ kʼoeˇ yaw shehꞈ bya gaˇ Iˇsaˬleˬlaˆ tsawˇ haˬ deuˬ ya mawˇ ngeh, miˇ tsa awˆ byaˆ-awˇ, Miˬyehˇ-ahˇ uˬ duˬ tahˬ-eu laꞈ kʼoeˇ, aˬ yawꞈ-euˬ guiˬ lahˬ hawˇ-eu mˬ maˬ maˬ byaˆ zaˇ ziˇ ziꞈ-eu aˬ yawꞈ-euˬ gʼoeˇ-eu gaˬ-eu jeˬ-ahˇ ja ceuˬ-euˬ meh.

Neˬhaˬmiˇ 12:24

Haˬshaˬbiˇ, Sheˬleˬbiˇ, Yeˬshah, Biˇnuiˇ hawˇ-eu Kaˬdaˬmeˬlaˇ aˬ ha maꞈ neh mehˬ nehˬ tsoˆ nehˬ-euˬ loꞈ-ehˇ, Leˬbiˇ tsawˇ haˬ deuˬ-ahˇ aˇ muˇ biˇ-euˬ meh. Miˬyehˇ-euˬ tsawˇ haˬ pyeuꞈ-eu sahˬpaˬ Daˬbiˇ neh mehˬ taˬ tsoˆ taˬ yaꞈ-euˬ loꞈ-ehˇ, tiˬ yamˬ laꞈ kʼoeˇ nyiˬ muˇ, tiˬ muˇ tiˬ poˆ caˇ caˇ-ehˇ Miˬyehˇ-ahˇ ja ceuˬ-euˬ meh.

Neˬhaˬmiˇ 12:40

Kʼoeˇ loꞈ-ehˇ, Miˬyehˇ-ahˇ ja ceuˬ-eu aˇ muˇ kʼoeˇ nyiˬ muˇ luꞈ Uˬ duˬ tahˬ nymˇ nymˇ ma dawˬ peh le keuˆ-euˬ meh. Ngaˬ nehˬ-ehˇ cah-euˬ aˬ yuiꞈ aˬ tsu deuˬ uˬ taꞈ,

Jaceuq 100:5

Sahˬpaˬ Miˬyehˇ-aˬ, muiˬ-eu jaˬ-eu meh. Aˬ yawꞈ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ gmˬ-awˇ, aˬ yawꞈ saˇ jaˇ ziꞈ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 103:17

Ehˇ kʼawꞈ, Sahˬpaˬ Miˬyehˇ-ahˇ taˬ huiˬ taˬ mahˇ-eu deuˬ-ahˇ, aˬ yawꞈ gaˬ-eu jeˬ maˬ byoˆ-iˇ-ehˇ, aˬ yawꞈ-euˬ muiˬ-eu guiˬ lahˬ mˬ maˬ maˬ byaˆ zaˇ ziˇ bi keuˆ le-eu meh.

Jaceuq 106:1

Sahˬpaˬ Miˬyehˇ-ahˇ ja ceuˬ-awˬ. Aˬ dui kʼoeˇ taˆ aˬ yawꞈ muiˬ-eu miˇ neh, Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ yawꞈ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 107:1

Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ yawꞈ aˬ dui kʼoeˇ taˆ muiˬ-eu meh. Aˬ yawꞈ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 118:1

Sahˬpaˬ Miˬyehˇ muiˬ-euˬ jaˬ-eu miˇ neh, aˬ yawꞈ-euˬ guiˬ lahˬ-ahˇ ja ceuˬ-awˬ. Aˬ yawꞈ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 131:1

Sahˬpaˬ Miˬyehˇ-oˇ, nui ma huiˬ-eu mahˇ-eu jeˬ ngaˇ byehˇ dzeh-awˇ, nui nahˬ nui yu laꞈ kʼoeˇ dehꞈ ma. Ngaˇ maˬ gʼaˬ leˇ-eu kʼaˆ-eu shaˬ-eu gaˇ deuˬ ngaˇ maˬ mˇ.

Jaceuq 135:3

Sahˬpaˬ Miˬyehˇ muiˬ-eu jaˬ-eu miˇ neh, aˬ yawꞈ-ahˇ ja ceuˬ-awˬ. Aˬ yawꞈ gʼawˬ shaˬ gaˬ nya-eu miˇ neh, aˬ yawꞈ-euˬ tsawˇ myahˇ-ahˇ caˇ-awˇ ja ceuˬ-awˬ.

Jaceuq 47:1

Tsawˇ jeuˬ dawˬ tawˆ luꞈ laˬ kʼaˬ cehˇ-eu laꞈ kʼoeˇ laꞈ kʼawˆ tehˆ-awˬ. Yaw kʼaˆ-ehˇ guˇ-eu laꞈ kʼoeˇ caˇ dawˬ caˇ-awˇ, Miˬyehˇ-ahˇ ja ceuˬ-awˬ.

Jaceuq 47:5

Miˬyehˇ aˬ yawꞈ-euˬ nuiˇ mahˬ-ahˇ gʼoꞈ daˆ leˇ-eu meh. Sahˬpaˬ Miˬyehˇ gʼoꞈ daˆ leˇ-eu nehˬ-ehˇ, laˬ kʼaˬ cehˇ-awˇ guˇ-eu teˇ saˇ hawˇ-eu, daˇ heh baw-eu teˇ saˇ mahˇ laˇ-eu meh.

Doˆ-iˇ 15:21

Aˬ yawꞈ maꞈ-ahˇ Miˇliˬyaˬ dawˬ caˇ caˇ mehˬ nehˬ-eu, “Sahˬpaˬ Miˬyehˇ-aˬ, yaw shehꞈ kʼahˬ sehˇ huiˬ-eu laꞈ kʼoeˇ, guiˇ deuˆ-eu gʼaˬ leˇ-euˬ miˇ neh, aˬ yawꞈ-ahˇ caˇ-awˇ ja ceuˬ-awˬ. Aˬ yawꞈ-aˬ, mahˬ kʼoeˇ deuˬ hawˇ-eu, mahˬ dziˬ-eu deuˬ-ahˇ, iˬ ma laˆ shaˆ laꞈ kʼoeˇ biˬ puꞈ jiˇ-euˬ meh.”

Iˇsaˬyaˇ 12:6

Ziˇoˬ meuˬ-ahˇ kʼaˇ jawˇ-eu deuˬ, laˬ kʼaˬ tiˬ cehˇ guˇ-awˇ caˇ-awˬ. Iˇsaˬleˬlaˆ Miˬyehˇ huiˬ dui mahˇ dui dui-awˇ, aˬ yawꞈ-euˬ tsawˇ haˬ deuˬ nehˬ-ehˇ jawˇ meh.”

Iˇsaˬyaˇ 44:23

Mˬ-oˇ, laˬ kʼaˬ cehˇ-awˇ guˇ-awˬ. Miˇ tsaˬ yaw naꞈ tsahˇ-oˇ, guˇ-awˬ. Gawˬ jawˬ deuˬ laˬ kʼaˬ cehˇ-awˇ yaw kʼaˆ-ehˇ guˇ-awˬ. Sahˬ kʼaˆ-ahˇ kʼaˇ dehꞈ-eu aˇ bawˇ yawˬ bawˇ na luꞈ guˇ-awˬ. Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ ka kʼoꞈ-eu laꞈ kʼoeˇ, aˬ yawꞈ huiˬ-eu mahˇ-eu gaˇ kawˆ bi mawˇ-euˬ meh.

Iˇsaˬyaˇ 6:3

Aˬ yawꞈ maꞈ tiˬ gʼaˬ tiˇ gʼaˬ heu loꞈ-ehˇ guˇ cawˬ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ meh.”

Yeˬlaˬmiˇ 33:11

Laˬ kʼaˬ cehˇ-awˇ guˇ-eu teˇ saˇ hawˇ-eu, oeˇ mˇ baˇ-awˇ byawˬ gʼa-eu teˇ saˇ nawˇ paˇ ya gaˬ tehꞈ-a. Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ lawˇ-eu shehˇ-eu jeˬ mˇ-eu laꞈ kʼoeˇ, caˇ dawˬ caˇ-eu teˇ saˇ nawˇ ya gaˬ tehꞈ-a. Aˬ yawꞈ maꞈ heu loꞈ-ehˇ caˇ tehꞈ-a. ‘Baoˬ huiˬ-eu Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ jeˬ miˇ neh ehˇ naˇ, aˬ yawꞈ muiˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ-a.’ Miˇ kʼahˬ heu kʼahˬ-ahˇ, dzeuˇ laˇ ngeh loꞈ-ehˇ bi baw bi za le ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Haˬgaiˇ 2:3

“Aˇ hu Uˬ duˬ tahˬ nymˇ nymˇ ma heu nymˇ yaw shehꞈ kʼahˬ sehˇ aˇ naˆ ni huiˬ gaˇ haw mawˇ-euˬ tiˬ gʼaˬ-iˬ maˬ jawˇ loˇ. Nymˬ-mˇ aˬ jeˬ-ahˇ duˇ nga lehˇ haw sheˇ. Geuꞈ paˬ-ehˇ gʼeh-eu aˬ jeˬ paˇ ahˇ-eu nga.

Zaˬkaˬliˇ 4:7

Nawˬ-euˬ mehˬ shi gawˬ jawˬ jawˬ ma kaˬ luꞈ kʼawꞈ, byoˆ-iˇ jiˇ tehꞈ-a. Uˬ duˬ tahˬ nymˇ nymˇ ma nawˇ paˇ tsoˆ gʼaˬ nya-awˇ, aˇ saˬ saˬ-eu kʼaˬ lo kʼoeˇ siˬ ciˬ daˆ-awˇ gawˬ ngeh, miˇ kʼahˬ zaˬ deuˬ ‘ Guiˬ lahˬ huiˬ dui dui ngaˇ. Guiˬ lahˬ huiˬ dui dui ngaˇ’ lehˇ guˇ tehꞈ-a.”

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

Luˇkaꞈ 1:50

Aˬ yawꞈ-ahˇ taˬ huiˬ-eu deuˬ-ahˇ, aˬ yawꞈ-euˬ gʼawˬ shaˬ gaˬ-eu jeˬ, mˬ maˬ maˬ byaˆ zaˇ ziˇ gmˬ meh.

Yawˇshuˆ 6:10

Ehˇ kʼawꞈ, aˬ yawꞈ dawˬ maˬ biꞈ kʼoeˇ keuˆ ni, guˇ-eu maˬ ehˇ, dawˬ ngehˬ cawˬ-eu maˬ ehˇ, maˬ ya gʼeh-a lehˇ aˬ yawꞈ-euˬ tsawˇ haˬ deuˬ-ahˇ Yawˇshuˆ ehˇ nehˬ taˬ-euˬ meh.

Yawˇshuˆ 6:16

Shiꞈ jawˬ tiˬ jawˬ keuˆ laˇ-awˇ, piˇ ma deuˬ daˇ heh baw-eu lehˇ gʼeh ngeh, aˬ yawꞈ-euˬ tsawˇ haˬ deuˬ-ahˇ “Guˇ-awˬ” lehˇ Yawˇshuˆ dawˬ biꞈ nehˬ-awˇ, heu loꞈ-ehˇ ehˇ nehˬ-euˬ meh. “Meuˬ heu meuˬ Sahˬpaˬ Miˬyehˇ naw maꞈ-ahˇ biꞈ gʼaˬ-euˬ meh.

Yawˇshuˆ 6:5

Kʼoeˇ naˇ, aˬ yawꞈ maꞈ-ahˇ daˇ heh teˇ saˇ gʼawˬ mahˇ ni bi baw yeu gʼeh-awˬ. Teˇ saˇ kʼoeˇ naw maꞈ ya gaˬ-eu nehˬ-ehˇ, tsawˇ haˬ dawˬ tawˆ luꞈ guˇ kʼaˆ leꞈ-awˬ. Kʼoeˇ ngeh, meuˬ meuˬ lahˇ byaˆ le tehꞈ-a. Kʼoeˇ naˇ, guiˇ guiˇ maꞈ maꞈ lah-ehˇ meuˬ laꞈ kʼoeˇ uˇ leˇ-awˬ.”