Eˇzaˬlaˬ 3:1 - Akha

¹ Ba la shiꞈ siˬ tiˬ siˬ keuˆ laˇ ngeh, Iˇsaˬleˬlaˆ tsawˇ haˬ dawˬ tawˆ luꞈ yawˬ ha-euˬ meuˬ-ahˇ jawˇ duˬ dah gʼaˬ jiˇ-euˬ meh. Kʼoeˇ naˇ, aˬ yawꞈ maꞈ dawˬ tawˆ luꞈ Yeˬluˇsaˬlehˬ meuˬ-ahˇ uiˬ leˇ-euˬ meh.

Eˇzaˬlaˬ 3:1 ပူးပေါင်းရင်းမြစ်များ

Neˬhaˬmiˇ 7:72

Miˇ kʼahˬ zaˬ deuˬ neh damˬ-euˬ dawˬ tawˆ luꞈ, shuiˇ 100 jawꞈ-i, pyuˇ 680 jawꞈ-i hawˇ-eu, piˇ ma dm-eu pehˇ kʼahˬ pehˇ mahˇ 67 kahˇ damˬ-euˬ meh.

Neˬhaˬmiˇ 7:73

Piˇ ma deuˬ, Leˬbiˇ tsawˇ haˬ deuˬ, Uˬ duˬ tahˬ nymˇ nymˇ ma-ahˇ loꞈ-eu deuˬ, caˇ dawˬ caˇ-eu deuˬ, miˇ kʼahˬ zaˬ deuˬ, Uˬ duˬ tahˬ nymˇ nymˇ ma-ahˇ gaˇ mˇ-eu deuˬ hawˇ-eu, Iˇsaˬleˬlaˆ tsawˇ haˬ nui deuˬ dawˬ tawˆ luꞈ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ jawˇ duˬ dah-euˬ meh.

Neˬhaˬmiˇ 8:1

Ba la shiꞈ siˬ tiˬ siˬ-ahˇ, Iˇsaˬleˬlaˆ tsawˇ haˬ deuˬ yawˬ ha-euˬ meuˬ deuˬ-ahˇ jawˇ duˬ dah jiˇ-euˬ meh. Ba la kʼoeˇ siˬ yaw beh nah-ahˇ, Yeˬluˇsaˬlehˬ laꞈ kʼoeˇ Iˇ cuꞈ lahˇ kʼehˬ dawˬ peh jaˆ-eu pu kaˬ kʼoeˇ tsahˇ-ahˇ aˬ yawꞈ maꞈ uiˬ laˇ jiˇ-euˬ meh. Sahˬpaˬ Miˬyehˇ neh Iˇsaˬleˬlaˆ tsawˇ haˬ deuˬ-ahˇ biꞈ taˬ-euˬ Moˇseˬ-euˬ zahˇ dawˬ kʼoꞈ dawˬ sahˬ boꞈ yuˇ doˆ leꞈ-awˬ lehˇ, piˇ ma hawˇ-eu zahˇ dzoeˬ miˬ ma pyeuꞈ-eu Eˇzaˬlaˬ-ahˇ aˬ yawꞈ maꞈ shaˇ-euˬ meh.

Neˬhaˬmiˇ 8:14

Sehˬ gʼawˆ-euˬ bawˬ-iˬ gʼeh ngeh Iˇsaˬleˬlaˆ tsawˇ haˬ deuˬ sehˬ gʼawˆ gʼawˆ-awˇ ya jawˇ meh lehˇ, Moˇseˬ-ahˇ gʼoe-awˇ Sahˬpaˬ Miˬyehˇ neh biꞈ taˬ-euˬ zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ gaˇ, aˬ yawꞈ maꞈ ya mawˇ-euˬ meh.

Uˬ duˬ 16:29

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu deuˬ-ahˇ aˬ myah luꞈ ya caw teh meh. Ba la shiꞈ siˬ tiˬ siˬ tseˇ nah tiˬ nah-ahˇ, Iˇsaˬleˬlaˆ tsawˇ haˬ deuˬ hawˇ-eu aˬ yawꞈ maꞈ nehˬ-ehˇ jawˇ-eu boeˇ miˬ siˬ kʼaˬ deuˬ, maˬ dzaˬ maˬ dawˇ-ehˇ, gaˇ maˬ mˇ ni jawˇ-awˇ, ya lah ya daw meh.

Uˬ duˬ 23:24

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ba la shiꞈ siˬ tiˬ siˬ aˇ nah yaw beh nah-ahˇ nah lah lah-awˇ, daˇ heh teˇ saˇ mahˇ doˆ laˇ ngeh, uˬ duˬ tahˬ-eu gʼaˇ duˬ ya uiˬ leˇ meh.

Zeˬpaˬniˇ 3:9

“Kʼoeˇ naˇ, miˇ kʼahˬ tsawˇ jeuˬ dawˬ tawˆ, nui ma paˇ laˇ ni ngaˇ jahˇ-awˇ, miˬ yehˇ nui deuˬ-ahˇ maˬ gʼoe ni, ngaˬ-ahˇ tehꞈ-ehˇ gʼoe-eu laꞈ kʼoeˇ, ngaˬ-euˬ ehˇ dawˬ naˇ haˬ tehꞈ-a.

Gʼaˬkʼehˇ 2:46

Aˬ yawꞈ nah yawꞈ Uˬ duˬ tahˬ nymˇ nymˇ ma laꞈ kʼoeˇ tahˬ dzoeˇ-awˇ, aˬ yawꞈ maꞈ-euˬ nymˇ laꞈ kʼoeˇ laˬ kʼaˬ cehˇ-awˇ nui gaˬ shaˬ coeˇ byah-eu laꞈ kʼoeˇ dzaˬ taꞈ dawˇ taꞈ-euˬ meh.

Gʼaˬkʼehˇ 4:32

Jah-eu tsawˇ haˬ-euˬ aˇ muˇ kʼoeˇ muˇ-aˬ, nui ma tiˬ siˬ tehꞈ-ehˇ taˬ-awˇ, nui noeˬ tiˬ gaˇ taꞈ-eu meh. Yawˬ ha kʼaˇ jaˆ-eu myawˬ gahˬ-aˬ, yawˬ ha-euˬ tehꞈ ma lehˇ tiˬ gʼaˬ-iˬ maˬ ehˇ ni, kʼaˇ jaˆ-eu yawˬ jeˬ na luꞈ tiˬ kawˆ loꞈ-ehˇ geuꞈ-euˬ meh.

1 Gawˇliˬtu 1:10

Aˬ yuiꞈ aˬ nyiˇ Ka li zaˬ deuˬ-oˇ, aˬ dui-euˬ Sahˬpaˬ Yeˬsuˇ Ka li-euˬ tsawˇ myahˇ uˬ moˆ naw maꞈ-ahˇ ngaˇ heu loꞈ-ehˇ shaˇ mawꞈ-eu ma. Naw maꞈ aˇ muˇ maˬ ya muˇ paˆ-eu gʼaˇ duˬ, ngehˬ-eu tmˇ-eu laꞈ kʼoeˇ tsaˬ leˇ dzoeˇ leˇ-eu jeˬ bi ahˇ-awˬ. Nui ma tiˬ siˬ tehꞈ-ehˇ taˬ-awˇ, nui noeˬ tiˬ gaˇ taꞈ-awˬ.

Dawˬmehˬ 16:16

“Baˬsaˬkaˬ Bawˬ-iˬ, Cehˇ laˆ luiˆ-eu Bawˬ-iˬ hawˇ-eu, Sehˬ gʼawˆ-euˬ Bawˬ-iˬ heu smˇ hmˬ laꞈ kʼoeˇ, tiˬ kʼoꞈ smˬ poˆ, naw maꞈ tsawˇ haˬ kʼaˬ dzeˇ zaˬ dawˬ tawˆ luꞈ Sahˬpaˬ Miˬyehˇ-ahˇ uˬ duˬ ya tahˬ laˇ meh. Aˬ yawꞈ gʼaˬ yawꞈ, yawꞈ ngehꞈ-ehˇ maˬ laˇ ni, laꞈ sawˬ ya yuˇ laꞈ meh.

Yaˇ kʼaˬ daˇ 20:1

Kʼoeˇ ngeh, laꞈ taˆ paw jaˆ-eu Daˬ meuˬ-ahˇ neh, laꞈ oˆ paw jaˆ-eu Beˬlaˇsheˬba meuˬ-ahˇ keuˆ ni jawˇ-eu Iˇsaˬleˬlaˆ tsawˇ haˬ deuˬ maˬ ehˇ, Nahˇ ma doˆ kʼehˬ paw jaˆ-eu Giˇlaˆ miˇ kʼahˬ-ahˇ jawˇ-eu Iˇsaˬleˬlaˆ tsawˇ haˬ deuˬ maˬ ehˇ, dawˬ tawˆ luꞈ nui ma tiˬ siˬ tehꞈ-ehˇ taˬ-awˇ, Miˇzaˬpaˬ meuˬ-ahˇ Sahˬpaˬ Miˬyehˇ-euˬ mehˬ shi uiˬ laˇ-euˬ meh.