Eˇzaˬlaˬ 2:68 - Akha

⁶⁸ Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ kʼoeˇ deuˬ Yeˬluˇsaˬlehˬ meuˬ-ahˇ jaˆ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ gʼoꞈ keuˆ laˇ ngeh, Uˬ duˬ tahˬ nymˇ nymˇ ma-ahˇ aˬ yawꞈ yaw oeˇ tsahˇ-ahˇ paˇ tsoˆ-eu gʼaˇ duˬ, aˇ jeuˬ aˇ ca deuˬ kʼoeˇ taˆ aˬ yuiꞈ aˬ tsu geuꞈ-eu tiˬ paˆ na deuˬ, yawˬ ha nui ma keuˆ-eu loꞈ-ehˇ damˬ-euˬ meh.

Eˇzaˬlaˬ 2:68 ပူးပေါင်းရင်းမြစ်များ

1 Laˬsaˬbaˬ 21:18

Sahˬpaˬ Miˬyehˇ-euˬ mˬ taˆ gʼaˬ kʼehˇ kʼoeˇ gʼaˬ, Gaˆ-ahˇ ehˇ nehˬ-eu, “Aˬyawˇnaˆ-euˬ cehˇ bymˇ saˬ kʼawꞈ-ahˇ iˇ-awˇ, Sahˬpaˬ Miˬyehˇ-ahˇ lawˇ duˬ tiˬ tsahˇ gawˬ nehˬ-eu gʼaˇ duˬ, Daˬbiˇ-ahˇ dawˬ biꞈ nehˬ-awˬ.”

1 Laˬsaˬbaˬ 22:1

Kʼoeˇ naˇ, Daˬbiˇ ehˇ-eu, “Heu-aˬ, Miˬyehˇ pyeuꞈ-eu Sahˬpaˬ Miˬyehˇ-euˬ nymˇ jaˆ-eu jawˇ duˬ meh. Iˇsaˬleˬlaˆ tsawˇ jeuˬ miˬ dzaˬ dzah puiˆ-awˇ lawˇ-eu jeˬ ya lawˇ-eu lawˇ duˬ kʼawꞈ, heu gaˇ jaˆ-eu meh.”

2 Laˬsaˬbaˬ 3:1

Sawˇlaˬmoˬ-euˬ aˬ da sahˬ paˬ Daˬbiˇ-aˬ, Uˬ duˬ tahˬ nymˇ nymˇ ma tsoˆ-eu pehˇ tsahˇ lehˬ hmˬ taˬ yaꞈ-euˬ meh. Pehˇ tsahˇ kʼoeˇ-aˬ, Yeˬluˇsaˬlehˬ meuˬ Mawˇliˇyaˆ gawˬ jawˬ kʼoeˇ taˆ jaˆ-eu Yeˬbuˇ tsawˇ haˬ Aˬyawˇnahˬ-euˬ cehˇ baw shawˇ duˬ pyeuꞈ-eu meh. Pehˇ tsahˇ kʼoeˇ tsahˇ-ahˇ, sahˬ paˬ Sawˇlaˬmoˬ Uˬ duˬ tahˬ nymˇ nymˇ ma tsoˆ-eu dawꞈ leˇ-euˬ meh.

Eˇzaˬlaˬ 2:67

Law taw oeˬ yaˇ smˬ tseˇ ngaˬ mawˇ hawˇ-eu, mahˬ liˬ dzeuˆ koꞈ heˇ shiꞈ yaˇ nyiˬ tseˇ mawˇ meh.

Eˇzaˬlaˬ 2:69

Gaˇ kʼoeˇ hmˬ mˇ pyeuꞈ-eu gʼaˇ duˬ aˬ yawꞈ maꞈ kʼaˇ gʼeh nya-eu loꞈ-ehˇ damˬ-awˇ, shuiˇ smˬ yaˇ jawꞈ-i, pyuˇ tiˬ heˇ koꞈ yaˇ yehꞈ tseˇ jawꞈ-i hawˇ-eu piˇ ma dm-eu pehˇ kʼahˬ pehˇ mahˇ tiˬ yaˇ kahˇ doˆ laˇ-euˬ meh.

Eˇzaˬlaˬ 3:3

Baˬbuˇloˬ miˇ kʼahˬ-ahˇ neh gʼoꞈ laˇ-euˬ Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ-euˬ miˇ kʼahˬ-ahˇ jawˇ luꞈ-eu tsawˇ haˬ deuˬ-ahˇ guˆ-eu nui ma ahˇ kʼawꞈ, aˇ hu lawˇ duˬ kʼaˇ jaˆ-euˬ jawˇ duˬ-ahˇ lawˇ duˬ paˇ tsoˆ-awˇ, yawˬ shawˬ yawˬ miˇ na luꞈ miˬ dzaˬ-ahˇ dzah puiˆ-awˇ lawˇ-eu jeˬ lawˇ dahˬ paˇ beh-euˬ meh.

Eˇzaˬlaˬ 9:9

Nga maꞈ aˬ cawˬ zaˬ kʼaˆ geuꞈ luꞈ kʼawꞈ, nawˇ nga maꞈ-ahˇ byehˇ dzeh-awˇ kʼoeˇ loꞈ-ehˇ tehꞈ-ehˇ maˬ bi dehꞈ laꞈ-aˬ. Paˇshaˇ sahˬ paˬ deuˬ nga maꞈ-ahˇ gʼawˬ shaˬ gaˬ-awˇ, cawˆ-iˇ taˬ-euˬ nawˬ-euˬ Uˬ duˬ tahˬ nymˇ nymˇ ma-ahˇ paˇ bi tsoˆ muiˬ leˇ nehˬ laꞈ-awˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ guˆ kʼaˇ maˬ za ni nga maꞈ ya dehꞈ ya jawˇ-eu gʼaˇ duˬ, aˬ yawꞈ maꞈ-euˬ nui ma-ahˇ nawˇ laˆ saˆ nehˬ-euˬ meh.

Jaceuq 110:3

Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

Doˆ-iˇ 25:2

“Ngaˬ-ahˇ tiˬ jeˬ paˬ ya damˬ nehˬ laꞈ meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Tsawˇ haˬ aˬ geu gʼaˬ maˬ kaˬ, nui ma keuˆ-eu laꞈ kʼoeˇ, tiˬ jeˬ paˬ damˬ laˇ naˇ, ha geuꞈ nehˬ-awˬ.

Doˆ-iˇ 35:21

Kʼoeˇ naˇ, Sahˬpaˬ Miˬyehˇ jawˇ-eu sehˬ gʼawˆ tsoˆ gaˇ nui ma keuˆ-eu tsawˇ haˬ yawˬ gʼaˬ na luꞈ, Sahˬpaˬ Miˬyehˇ-ahˇ damˬ nehˬ laˇ-euˬ meh. Uˬ duˬ tahˬ ngeh zmˬ-eu gʼaˇ duˬ loˬ-eu jeˬ hawˇ-eu, piˇ ma deuˬ-euˬ dm gʼaˬ dm lmˇ guꞈ-eu gʼaˇ duˬ loˬ-eu jeˬ, aˬ yawꞈ maꞈ damˬ nehˬ laˇ-euˬ meh.

Doˆ-iˇ 35:29

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, nui ma keuˆ-eu Iˇsaˬleˬlaˆ tsawˇ haˬ dawˬ tawˆ luꞈ, Sahˬpaˬ Miˬyehˇ-ahˇ damˬ nehˬ laˇ-euˬ meh.

Doˆ-iˇ 36:3

Muiˬ-eu shawˇ-eu Sehˬ gʼawˆ tsoˆ-eu gʼaˇ duˬ, Iˇsaˬleˬlaˆ tsawˇ haˬ neh kʼaˇ damˬ taˬ-euˬ jeˬ dawˬ tawˆ luꞈ, aˬ yawꞈ maꞈ-ahˇ Moˇseˬ biꞈ nehˬ-euˬ meh.

2 Gawˇliˬtu 8:12

Damˬ mawꞈ-eu nui ma ahˇ naˇ, naw maꞈ kʼaˇ gʼeh nya-eu loꞈ-ehˇ damˬ-euˬ gaˇ Miˬyehˇ ha geuꞈ nehˬ laꞈ tehꞈ-a. Maˬ gʼeh nya gaˇ keuˆ ni damˬ-awˬ lehˇ maˬ ehˇ-a.

2 Gawˇliˬtu 8:3

Aˬ yawꞈ maꞈ kʼaˇ gʼeh nya gaˇ keuˆ ni damˬ nehˬ-eu uˬ taꞈ, maˬ gʼeh nya gaˇ keuˆ ni kʼawꞈ damˬ-eu meh lehˇ naw maꞈ-ahˇ ngaˇ ehˇ tsehˆ peuˬ ma. Aˬ yawꞈ maꞈ yawˬ haˇ yawˬ ha noeˬ siˬ noeˬ mawˇ-eu laꞈ kʼoeˇ,

2 Gawˇliˬtu 9:7

Kʼoeˇ miˇ neh, aˬ yawꞈ gʼaˬ yawꞈ yawˬ ha neh kʼaˇ noeˬ tsehˆ taˬ-euˬ loꞈ-ehˇ damˬ-awˬ. Nui ma maˬ keuˆ ni damˬ-eu maˬ ehˇ, aˬ cawˬ ehˇ-eu miˇ neh damˬ-eu maˬ ehˇ, taˬ bi pyeuꞈ. Aˬ jeˬ miˇ neh ehˇ naˇ, laˬ kʼaˬ tiˬ cehˇ damˬ-eu tsawˇ haˬ-ahˇ Miˬyehˇ gaˬ-eu meh.