Eˇzaˬlaˬ 2:1 - Akha

¹ Baˬbuˇloˬ miˇ kʼahˬ-ahˇ bi nyehꞈ gʼeh-awˇ jawˇ-euˬ tsawˇ haˬ gʼawˬ mya ni, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ jaˆ-eu yawˬ ha-euˬ meuˬ-ahˇ gʼoꞈ laˇ-euˬ meh. Sahˬ paˬ Neˬbuˬkaˬneˬzaˬ neh aˬ yawꞈ maꞈ-ahˇ nyehꞈ gʼeh ngeh neh, Baˬbuˇloˬ miˇ kʼahˬ-ahˇ aˬ yawꞈ maꞈ jawˇ luꞈ-eu meh.

Eˇzaˬlaˬ 2:1 ပူးပေါင်းရင်းမြစ်များ

2 Sahˬpaˬ 25:11

Meuˬ laꞈ kʼoeˇ dzeˇ yaꞈ-euˬ tsawˇ haˬ deuˬ hawˇ-eu laꞈ myawˬ laꞈ sawˆ nya-eu deuˬ-ahˇ, Baˬbuˇloˬ sahˬ paˬ jawˇ gaˇ cehˆ jawˇ leˇ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, Baˬbuˇloˬ miˇ kʼahˬ-ahˇ Neˬbuˬzaˬlaˬdaˬ neh sheuˬ gʼeh-euˬ meh.

1 Laˬsaˬbaˬ 9:1

Iˇsaˬleˬlaˆ tsawˇ haˬ dawˬ tawˆ luꞈ, aˇ jeuˬ aˇ ca aˬ yawꞈ ca yawꞈ tsawˇ myahˇ yuˇ-awˇ, Iˇsaˬleˬlaˆ sahˬ paˬ deuˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ meh. Yuˇdaˆ miˇ kʼahˬ zaˬ deuˬ-aˬ, aˬ yawꞈ maꞈ-euˬ iˬ baˇ baˬ da neh Baˬbuˇloˬ miˇ kʼahˬ-ahˇ bi nyehꞈ gʼeh-euˬ meh.

1 Laˬsaˬbaˬ 9:2

Yawˬ ha-euˬ nymˇ dahˬ myawˬ gahˬ jaˆ-eu yawˬ ha-euˬ meuˬ deuˬ laꞈ kʼoeˇ gʼoꞈ jawˇ laˇ beh beh-euˬ deuˬ laꞈ kʼoeˇ, Iˇsaˬleˬlaˆ tsawˇ haˬ miˇ kʼahˬ zaˬ deuˬ, piˇ ma deuˬ, Leˬbiˇ tsawˇ haˬ deuˬ hawˇ-eu, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu tsawˇ haˬ deuˬ ahˇ-eu meh.

Eˇzaˬlaˬ 1:11

Sheˬshaˆbaˬzaˬ hawˇ-eu Yuˇdaˆ tsawˇ haˬ tiˬ paˆ na deuˬ Baˬbuˇloˬ meuˬ-ahˇ neh Yeˬluˇsaˬlehˬ meuˬ-ahˇ gʼoꞈ leˇ ngeh, aˬ yawꞈ neh yuˇ kʼoꞈ gʼeh-euˬ shuiˇ hawˇ-eu pyuˇ neh jahˇ taˬ-euˬ naˬ bo kʼmˬ maˬ deuˬ hawˇ-eu nui jeˬ dawˬ tawˆ luꞈ, ngaˬ heˇ oeˬ yaˇ hmˬ byah-eu meh.

Eˇzaˬlaˬ 2:2

Aˬ yawꞈ maꞈ-euˬ aˬ yuiꞈ aˬ tsu deuˬ-aˬ, Yeˬluˇbaˬbeˬlaˇ, Yawˇshuˆ, Neˬhaˬmiˇ, Seˬlehˇyaˬ, Yeˬlaˇyaˬ, Mawˬdaˬkehˇ, Biˇlaˬshaˬ, Miˇsaˬpaˬ, Biˇgaˬbeˬ, Leˬhamˬ hawˇ-eu, Baˬnahˬ meh. Baˬbuˇloˬ miˇ kʼahˬ-ahˇ neh gʼoꞈ laˇ-euˬ Iˇsaˬleˬlaˆ tsawˇ jeuˬ tsawˇ ca aˬ yawꞈ jeuˬ yawꞈ hawˇ-eu tsawˇ haˬ aˇ gʼaˬ-euˬ jaˇ laˇ-aˬ, heu loꞈ-ehˇ meh.

Eˇzaˬlaˬ 2:70

Piˇ ma deuˬ, Leˬbiˇ tsawˇ haˬ deuˬ hawˇ-eu miˇ kʼahˬ zaˬ tiˬ paˆ na deuˬ-aˬ, Yeˬluˇsaˬlehˬ meuˬ laꞈ kʼoeˇ hawˇ-eu meuˬ dawˬ peh jawˇ duˬ dah-euˬ meh. Caˇ dawˬ caˇ-eu deuˬ, Uˬ duˬ tahˬ nymˇ nymˇ ma-ahˇ loꞈ-eu deuˬ hawˇ-eu, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu deuˬ-aˬ, dawˬ peh jaˆ-eu meuˬ deuˬ laꞈ kʼoeˇ jawˇ duˬ dah-euˬ meh. Iˇsaˬleˬlaˆ tsawˇ haˬ nui deuˬ-aˬ, aˇ hu aˬ yawꞈ maꞈ-euˬ aˬ poeˬ aˬ bawˇ deuˬ jawˇ-euˬ meuˬ deuˬ-ahˇ jawˇ duˬ dah-euˬ meh.

Eˇzaˬlaˬ 5:8

“Sahˬ paˬ-oˇ, Yuˇdaˆ miˇ kʼahˬ-ahˇ nga maꞈ le ngeh, huiˬ dui mahˇ dui dui-eu Miˬyehˇ-euˬ Uˬ duˬ tahˬ nymˇ nymˇ ma-ahˇ huiˬ dui dui-eu kʼaˬ lo tsaˬ byaˆ neh tsoˆ muiˬ luꞈ-awˇ, kaˇ pyawˇ-ahˇ daˇ kawˬ pyaꞈ dmˬ gawˬ tehˬ gawˬ tehˬ-ehˆ tsoˆ luꞈ-eu ya mawˇ-euˬ gaˇ kawˆ nawˬ-ahˇ bi siˬ-eu ma. Aˬ yawꞈ maꞈ yaw muiˬ paˬ-ehˇ shaˇ noeˬ shaˇ noeˬ-ehˇ mˇ luꞈ-eu laꞈ kʼoeˇ, tiˬ jeˬ saˇ-i tiˬ jeˬ mˇ pyeuꞈ doˆ luꞈ gaˇ ya mawˇ-euˬ ma.

Eˇzaˬlaˬ 6:2

Ehˇ kʼawꞈ, Meˬdiˇ miˇ kʼahˬ Eˇbaˬtaˬnaˬ meuˬ-ahˇ sahˬ boꞈ tiˬ yoˆ mawˇ-euˬ meh. Sahˬ boꞈ kʼoeˇ yoˆ laꞈ kʼoeˇ heu loꞈ-ehˇ boꞈ taˬ-euˬ meh.

Eˇzaˬlaˬ 8:35

Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ dawˬ tawˆ luꞈ, Iˇsaˬleˬlaˆ tsawˇ jeuˬ-euˬ Miˬyehˇ-ahˇ lawˇ nehˬ-eu gʼaˇ duˬ, miˬ dzaˬ-ahˇ dzah puiˆ-awˇ lawˇ-eu jeˬ yuˇ laꞈ-euˬ meh. Iˇsaˬleˬlaˆ tsawˇ jeuˬ dawˬ tawˆ luꞈ gʼaˇ duˬ mawˇ neˇ tseˇ nyiꞈ mawˇ lawˇ-euˬ meh. Yawˇ aˬ buˬ gʼoeˬ tseˇ koꞈ mawˇ hawˇ-eu yawˇ zaˬ shiꞈ tseˇ shiꞈ mawˇ kʼawꞈ aˬ yawꞈ maꞈ lawˇ-euˬ meh. Kʼoeˇ uˬ taꞈ, aˬ yawꞈ maꞈ-euˬ iˬ baˇ shawˇ-eu gʼaˇ duˬ ciꞈ myehꞈ tseˇ nyiꞈ mawˇ lawˇ-euˬ meh. Jeˬ zaˬ heu deuˬ dawˬ tawˆ luꞈ miˬ dzaˬ-ahˇ dzah puiˆ-awˇ Sahˬpaˬ Miˬyehˇ-ahˇ lawˇ nehˬ-euˬ meh.

Neˬhaˬmiˇ 12:1

Heu-aˬ, Sheˬliˇlaˆ-euˬ aˬ li Yeˬluˇbaˬdeˬlaˇ hawˇ-eu Piˇ ma yaw huiˬ gʼaˬ pyeuꞈ-eu Yawˇshuˆ nehˬ-ehˇ Baˬbuˇloˬ miˇ kʼahˬ-ahˇ neh gʼoꞈ laˇ-euˬ piˇ ma deuˬ hawˇ-eu Leˬbiˇ tsawˇ haˬ deuˬ-euˬ jaˇ laˇ meh. Piˇ ma deuˬ laꞈ kʼoeˇ, Seˬlehˇyaˬ, Yeˬlaˬmiˇ, Eˇzaˬlaˬ,

Iˇsaˬtaˆ 1:1

Heu-aˬ, Gaˬlaˬnaˆ miˇ kʼahˬ-ahˇ neh Suˬdaˬ miˇ kʼahˬ-ahˇ keuˆ ni jaˆ-eu miˇ kʼahˬ tiˬ yaˇ nyiˬ tseˇ shiꞈ kʼahˬ-ahˇ uˆ lahˇ-euˬ sahˬ paˬ Dzeuˬsehˆ-euˬ ziˇ-ahˇ pyeuꞈ laˇ-euˬ gaˇ kawˆ deuˬ meh.

Iˇsaˬtaˆ 1:11

“Sahˬ paˬ miˬ zaˬ Baˬshaˬtiˇ-ahˇ sahˬ paˬ miˬ zaˬ ya kʼoˆ-eu shuiˇ uˬ kʼoˆ bi kʼoˆ-awˇ sheuˬ uˇ laꞈ-awˬ” lehˇ aˬ ha shiꞈ gʼaˬ-ahˇ sahˬ paˬ dawˬ biꞈ-euˬ meh. Sahˬ paˬ miˬ zaˬ kʼoeˇ gʼaˬ seuˆ dzeuꞈ aˇ gʼehˇ muiˬ dui dui-eu miˇ neh, aˬ yawꞈ-euˬ miˬ zaˬ aˇ gʼehˇ aˇ naˆ ni muiˬ-eu gaˇ kawˆ yaw huiˬ yaw mahˇ deuˬ hawˇ-eu aˬ yawꞈ-euˬ daˬ yah deuˬ bi haw mawˇ-eu gʼaˇ duˬ kʼoeˇ loꞈ-ehˇ bi sheuˬ uˇ laꞈ-eu lehˇ gʼeh-eu meh.

Iˇsaˬtaˆ 1:3

Aˬ yawꞈ uˆ lahˇ-eu smˇ kʼoꞈ tiˬ kʼoꞈ-ahˇ, aˬ yawꞈ-euˬ laꞈ oˆ gaˇ mˇ luꞈ-eu yaw huiˬ yaw mahˇ deuˬ hawˇ-eu miˇ kʼahˬ-ahˇ haw luꞈ pyaˆ luꞈ-eu sahˬ paˬ sahˬ ma deuˬ-ahˇ aˬ yawꞈ dzaˬ byawˇ lawˇ nehˬ-euˬ meh. Paˇshaˇ miˇ kʼahˬ hawˇ-eu Meˬdiˇ miˇ kʼahˬ-euˬ guiˇ maꞈ deuˬ maˬ ehˇ, aˬ yawꞈ-euˬ miˇ kʼahˬ deuˬ-ahˇ uˆ lahˇ-eu sahˬ paˬ sahˬ ma geuꞈ luꞈ-eu deuˬ maˬ ehˇ, dzaˬ byawˇ-ahˇ laˇ uiˬ taˬ-euˬ meh.

Iˇsaˬtaˆ 1:8

Yawˬ gʼaˬ na luꞈ-ahˇ yawˬ ha kʼaˇ dawˇ coeˇ-eu bi dawˇ-eu gʼaˇ duˬ, sahˬ paˬ-euˬ nymˇ-ahˇ zaˬ kʼaˆ geuꞈ luꞈ-eu deuˬ-ahˇ sahˬ paˬ dawˬ biꞈ-awˇ, liˬ gʼaˬ-euˬ maˬ baw ni liˬ nehˬ-euˬ meh.

Iˇsaˬtaˆ 8:9

Ba la smˇ siˬ tiˬ siˬ pyeuꞈ-eu Siˬbaˬ ba la nyiˬ tseˇ smˬ nah-ahˇ heu loꞈ-ehˇ jahˇ-euˬ meh. Sahˬ paˬ-euˬ sahˬ boꞈ boꞈ-eu tsawˇ haˬ deuˬ-ahˇ Mawˬdaˬkehˇ kuˇ uiˬ-awˇ, Gaˬlaˬnaˆ miˇ kʼahˬ-ahˇ neh Suˬdaˬ miˇ kʼahˬ-ahˇ keuˆ ni jaˆ-eu miˇ kʼahˬ tiˬ yaˇ nyiˬ tseˇ shiꞈ kʼahˬ laꞈ kʼoeˇ kʼaˇ jawˇ-eu Yuˇdaˆ tsawˇ haˬ deuˬ hawˇ-eu, miˇ kʼahˬ-ahˇ uˆ lahˇ-eu sahˬ paˬ sahˬ ma deuˬ hawˇ-eu yaw huiˬ yaw mahˇ dawˬ tawˆ luꞈ jawˇ gaˇ, aˬ yawꞈ neh kʼaˇ ehˇ-euˬ dawˬ deuˬ bi boꞈ ahˇ gʼeh-euˬ meh. Miˇ kʼahˬ aˬ yawꞈ kʼahˬ yawꞈ laꞈ kʼoeˇ kʼaˇ zmˬ luꞈ-eu dawˬ-ahˇ neh bi boꞈ-awˇ, Yuˇdaˆ tsawˇ haˬ deuˬ-ahˇ Yuˇdaˆ sahˬ boꞈ boꞈ ahˇ nehˬ-euˬ meh.

Iˇsaˬyaˇ 48:20

Baˬbuˇloˬ meuˬ laꞈ kʼoeˇ neh doˆ-iˇ-awˇ, iˇ buˬ iˇ law gʼeh-awˬ. Gaˇ kawˆ kʼoeˇ laˬ kʼaˬ cehˇ taˆ ni guˇ-awˇ, yawˬ gaˇ na luꞈ bi gaˬ doe-awˬ. “Aˬ yawꞈ-euˬ zaˬ kʼaˆ Iˇsaˬleˬlaˆ-ahˇ, Sahˬpaˬ Miˬyehˇ ka kʼoꞈ-euˬ meh” lehˇ guˇ gaˬ-awˬ.

Yeˬlaˬmiˇ 50:19

Ehˇ kʼawꞈ, Iˇsaˬleˬlaˆ tsawˇ haˬ deuˬ-ahˇ-aˬ, aˬ yawꞈ maꞈ-euˬ miˇ kʼahˬ-ahˇ sheuˬ kʼoꞈ gʼeh nehˬ ma. Gaˬlaˬmeˬlaˇ gawˬ jawˬ hawˇ-eu Baˬshaˬ gahˬ kaˬ-ahˇ dehꞈ-eu dzaˇ deuˬ aˬ yawꞈ maꞈ dzaˬ-awˇ, Eˇpaˬleˬ miˇ kʼahˬ hawˇ-eu Giˇlaˆ miˇ kʼahˬ laꞈ kʼoeˇ dehꞈ-eu dzaˬ la gʼo cehˇ deuˬ, aˬ yawꞈ maꞈ kʼaˇ dzaˬ mawꞈ-eu dzaˬ tehꞈ-a.

Ngoeˇ dawˬ 1:3

Aˬ cawˬ kʼehˬ-eu kʼaˆ-eu uˬ moˆ, Yuˇdaˆ tsawˇ haˬ bi nyehꞈ byoˆ-awˇ, aˬ cawˬ miˇ kʼahˬ doe ni jawˇ-awˇ, gʼaˬ naˬ naˬ dah kʼaˇ maˬ za-ehˇ, muiˇ-eu deuˬ neh loꞈ jawˬ taˬ-euˬ, cehˆ dzeuˇ-eu gaˇ ma maˬ dahˇ-a.

Ngoeˇ dawˬ 1:5

Iˬ baˇ mˇ dui dui-euˬ miˇ neh, Sahˬpaˬ Miˬyehˇ yawꞈ-ahˇ kʼehˬ-awˇ, muiˇ-eu deuˬ gʼaˬ bi kʼaˆ laˇ-awˇ, yawꞈ-euˬ kʼoeˇ taˆ bi dzoeˬ-euˬ meh. Yawꞈ-euˬ aˬ buˇ aˬ li deuˬ-ahˇ, muiˇ-eu deuˬ nyehꞈ byoˆ gʼeh-euˬ meh.

Ngoeˇ dawˬ 4:22

Ziˇoˬ meuˬ-oˇ, nawˬ-ahˇ kʼehˬ-eu, gʼawˬ myahˇ ni maˬ paˇ ya daˬ meh. Aˬ cawˬ miˇ kʼahˬ laꞈ kʼoeˇ, aˬ dui, gʼawˬ myahˇ ni maˬ paˇ ya shaˬ meh. Ehˇ kʼawꞈ Eˬdoˬ meuˬ-oˇ nawˇ-aˬ, nawˬ-euˬ iˬ baˇ bi pah dzeh-awˇ, Sahˬpaˬ Miˬyehˇ neh bi kʼehˬ meh.

Zeˬpaˬniˇ 2:7

Buˬ-iˇ-euˬ Yuˇdaˆ tsawˇ haˬ deuˬ, naw maꞈ miˇ kʼahˬ jawˇ geuꞈ tehꞈ-a. Aˬ yawꞈ maꞈ kʼoeˇ gaˇ yawˇ bo-awˇ, Aˬshaˇgaˬloˇ meuˬ-euˬ nymˇ deuˬ, aˬ yawꞈ maꞈ yuꞈ duˬ pyeuꞈ tehꞈ-a. Sahˬpaˬ Miˬyehˇ pyeuꞈ-eu Miˬyehˇ, aˬ yawꞈ maꞈ-ahˇ dah teˬ nehˬ-awˇ, paˇ bi dehꞈ doˆ dzaˬ laˇ tehꞈ-a.

Gʼaˬkʼehˇ 23:34

Sahˬ paˬ kʼoeˇ gʼaˬ sahˬ boꞈ kʼoeˇ taꞈ gui haw-awˇ, Pawˇluˆ-ahˇ miˇ kʼahˬ aˬ geu kʼahˬ-ahˇ jawˇ-eu gaˇ kawˆ naˇ haˬ ngeh, Giˇliˇciˆ miˇ kʼahˬ-ahˇ jawˇ-eu gaˇ kawˆ ya siˬ-euˬ meh.