Eˇzaˬlaˬ 10:6 - Akha

⁶ Kʼoeˇ naˇ, Uˬ duˬ tahˬ nymˇ nymˇ ma mehˬ shi neh aˬ yawꞈ doˆ-iˇ-awˇ, Eˇlaˬshiˆ-euˬ aˬ li Yeˬhawˇhaˬnaˬ-euˬ nymˇ-ahˇ iˇ-awˇ, Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ deuˬ saˇ jaˇ maˬ jawˇ-eu gaˇ kawˆ ahˇ noeˬ shaˬ-eu laꞈ kʼoeˇ, tiˬ jeˬ-iˬ maˬ dzaˬ maˬ dawˇ ni uˬ ciꞈ ngoeˇ bya-euˬ meh.

Eˇzaˬlaˬ 10:6 ပူးပေါင်းရင်းမြစ်များ

Eˇzaˬlaˬ 10:1

Eˇzaˬlaˬ ngoeˇ ngoeˇ-ehˇ iˬ baˇ kʼoeˇ deuˬ shaˇ pyehˬ-eu laꞈ kʼoeˇ Uˬ duˬ tahˬ nymˇ nymˇ ma mehˬ shi pawˬ tsuiꞈ paw dmˬ dmˬ-awˇ guiˬ lahˬ shaˇ luꞈ ngeh, Iˇsaˬleˬlaˆ tsawˇ jeuˬ kʼaˬ dzeˇ zaˬ deuˬ, zaˬ miˬ zaˬ deuˬ hawˇ-eu zaˬ deuˬ kʼawꞈ ngoeˇ ngoeˇ-ehˇ aˬ yawꞈ dawˬ peh uiˬ laˇ-euˬ meh.

Eˇzaˬlaˬ 10:7

Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ dawˬ tawˆ luꞈ Yeˬluˇsaˬlehˬ meuˬ-ahˇ ya uiˬ laˇ meh lehˇ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ doe ni bi tsaꞈ gaˬ doe-euˬ meh.

Eˇzaˬlaˬ 9:4

Ngaˇ noeˬ shaˬ dui dui-eu laꞈ kʼoeˇ uˬ ciꞈ uˬ taw paw poˆ lawˇ-eu shehˇ-eu yamˬ keuˆ laˇ ngeh keuˆ ni kʼoeˇ loꞈ-ehˇ dzuˇ luꞈ ngeh, Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ kʼoeˇ deuˬ neh mˇ-euˬ iˬ baˇ gaˇ kawˆ-ahˇ Iˇsaˬleˬlaˆ tsawˇ jeuˬ-euˬ Miˬyehˇ neh ehˇ-euˬ gaˇ kʼaˇ guˆ-eu tsawˇ haˬ dawˬ tawˆ luꞈ ngaˬ-euˬ dawˬ peh uiˬ laˇ-euˬ meh.

Neˬhaˬmiˇ 12:10

Piˇ ma yaw huiˬ gʼaˬ pyeuꞈ-eu Yawˇshuˆ-ahˇ neh gui ka leꞈ-euˬ tsuiꞈ-aˬ, Yawˇshuˆ, Yawˇyaˬkmˬ, Eˇlaˬshiˆ, Yawˇyaˬdaˇ,

Neˬhaˬmiˇ 12:22

Piˇ ma yaw huiˬ gʼaˬ geuꞈ-euˬ deuˬ pyeuꞈ-eu Eˇlaˬshiˆ, Yawˇyaˬdaˇ, Yawˇnaˆshaˬ, Yaˬduˇ heu deuˬ-euˬ ziˇ-ahˇ, Leˬbiˇ tsawˇ jeuˬ tsawˇ ca kʼoeˇ taˆ aˬ yuiꞈ aˬ tsu geuꞈ-euˬ deuˬ hawˇ-eu, piˇ ma aˇ jeuˬ aˇ ca kʼoeˇ taˆ aˬ yuiꞈ aˬ tsu geuꞈ-euˬ deuˬ-euˬ tsawˇ myahˇ yuˇ taˬ-euˬ meh. Sahˬpaˬ Daˬliˇ Paˇshaˇ miˇ kʼahˬ-ahˇ uˆ lahˇ-eu aˇ yamˬ laꞈ kʼoeˇ tsawˇ myahˇ jaˇ laˇ yuˇ gʼaˬ-euˬ meh.

Neˬhaˬmiˇ 13:28

Yawˇyaˬdaˇ-aˬ, Piˇ ma yaw huiˬ gʼaˬ pyeuꞈ-eu Eˇlaˬshiˆ-euˬ aˬ li meh. Ehˇ kʼawꞈ, Yawˇyaˬdaˇ-euˬ aˬ li tiˬ li-aˬ, Behˬhawˇleuˬ meuˬ-ahˇ jawˇ-eu Sahˬbaˬlaˆ-euˬ aˬ buˇ-ahˇ sheuˬ-euˬ meh. Kʼoeˇ miˇ neh, Yawˇyaˬdaˇ-ahˇ Yeˬluˇsaˬlehˬ meuˬ-ahˇ neh ngaˇ teh doˆ-euˬ ma.

Neˬhaˬmiˇ 13:5

Aˬ yawꞈ-aˬ, Tawˇbyaˬ-ahˇ huiˬ dui dui-eu aˇ lawˆ tiˬ lawˆ biꞈ-awˇ bi zmˬ-euˬ meh. Aˇ lawˆ kʼoeˇ lawˆ-aˬ, damˬ nehˬ laˇ-euˬ dzaˬ la gʼo cehˇ hawˇ-eu tsiˇ yaw saw jeˬ, Uˬ duˬ tahˬ nymˇ nymˇ ma-ahˇ zmˬ-eu mˇ myawˬ keu ka deuˬ, piˇ ma deuˬ-ahˇ damˬ nehˬ-euˬ jeˬ hawˇ-eu, Leˬbiˇ tsawˇ haˬ deuˬ, Uˬ duˬ tahˬ nymˇ nymˇ ma laꞈ kʼoeˇ caˇ dawˬ caˇ-eu deuˬ hawˇ-eu Uˬ duˬ tahˬ nymˇ nymˇ ma-ahˇ loꞈ-eu deuˬ gʼaˇ duˬ damˬ taˬ-euˬ cehˇ, aˬ gaꞈ dzaˇ uiˇ hawˇ-eu saˬ loˬ tsiˇ tseˇ bymˇ tiˬ bymˇ, heu deuˬ jeˬ hmˬ taˬ-euˬ gʼaˇ duˬ bi jaˆ-eu lawˆ pyeuꞈ-eu meh.

Neˬhaˬmiˇ 3:1

Yeˬluˇsaˬlehˬ meuˬ lahˇ paˇ gawˬ muiˬ-euˬ gaˇ kawˆ-aˬ, heu loꞈ-ehˇ meh. Piˇ ma Yaw huiˬ gʼaˬ pyeuꞈ-eu Eˇlaˬshiˆ hawˇ-eu aˬ yawꞈ-euˬ cawˬ piˇ ma deuˬ Yawˇ lahˇ kʼehˬ-ahˇ gawˬ muiˬ-awˇ, Miˬyehˇ-ahˇ a nehˬ-awˇ laˇ gʼoˆ paꞈ dawˆ tsoꞈ-euˬ meh. Tiˬ yaˇ gʼaˬ loꞈ-eu nymˇ goˇ hawˇ-eu Haˬnaˬneˬlaˇ-euˬ loꞈ-eu nymˇ goˇ-ahˇ keuˆ ni jaˆ-eu meuˬ meuˬ lahˇ-ahˇ aˬ yawꞈ maꞈ Miˬyehˇ-ahˇ a nehˬ-euˬ meh.

Neˬhaˬmiˇ 3:20

Zaˬbaiˇ-euˬ aˬ li Baˬluˆ gʼaˬ tiˬ deuˆ paˇ gawˬ tsaꞈ gʼeh-awˇ, Piˇ ma yaw huiˬ gʼaˬ pyeuꞈ-eu Eˇlaˬshiˇ-euˬ nymˇ gʼoˆ kʼeh keuˆ ni gawˬ keuˆ-euˬ meh.

Yawˇbaˆ 23:12

Aˬ yawꞈ-euˬ ehˇ dawˬ-ahˇ ngaˇ aˬ myah luꞈ naˇ haˬ geuꞈ-awˇ, ngaˬ-euˬ nui kʼahˇ maˬ mˇ ni aˬ yawꞈ-euˬ nui noeˬ-ahˇ caw teh luꞈ-eu ma.

Jaceuq 102:4

Ngaˬ-euˬ gʼawˇ mawˇ diˬ meuˇ taˬ-euˬ yaˇ moꞈ yaw koˆ-ahˇ duˇ-awˇ, dzaˇ dzaˬ mawꞈ-eu nui ma maˬ ahˇ nya.

Doˆ-iˇ 34:28

Oeˬ tseˇ nah oeˬ tseˇ miˇ keuˆ ni, Moˇseˬ tiˬ jeˬ-iˬ maˬ dzaˬ maˬ dawˇ ni, Sahˬpaˬ Miˬyehˇ nehˬ-ehˇ kʼoeˇ gaˇ jawˇ-euˬ meh. Dawˬ ma saˇ jaˇ dawˬ deuˬ pyeuꞈ-eu zahˇ dawˬ kʼoꞈ dawˬ tseˇ dawˬ-ahˇ, kʼaˬ lo teˇ byaꞈ kʼoeˇ taˆ aˬ yawꞈ boꞈ-euˬ meh.

Iˇsaˬyaˇ 22:12

Kʼoeˇ naˇ, nawˇ noeˬ shaˬ-awˇ ngoeˇ-eu laꞈ kʼoeˇ, uˬ jehˆ jehˆ-awˇ guˬ daˇ pehˇ zeuˇ mehˬ tsoeˬ dm-eu gʼaˇ duˬ, Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ, nawˬ-ahˇ kuˇ le tehꞈ-a.

Daˬyeˬlaˇ 9:3

Kʼoeˇ naˇ, ngaˇ maˬ dzaˬ maˬ dawˇ ni jawˇ-awˇ, guˬ daˇ pehˇ zeuˇ mehˬ tsoeˬ dm-euˬ uˬ taꞈ, kʼaˬ lehˇ tsahˬ-ahˇ nuiˇ-awˇ, Sahˬpaˬ Miˬyehˇ pyeuꞈ-eu Miˬyehˇ-ahˇ guiˬ lahˬ shaˇ dui dui-euˬ ma.

Dawˬmehˬ 9:18

Kʼoeˇ naˇ, oeˬ tseˇ nah oeˬ tseˇ miˇ keuˆ ni, Sahˬpaˬ Miˬyehˇ-euˬ mehˬ shi ngaˇ awˆ byaˆ-awˇ, maˬ dzaˬ maˬ dawˇ ni jawˇ-euˬ ma. Naw maꞈ Sahˬpaˬ Miˬyehˇ-ahˇ mˇ bahˬ-awˇ, aˬ yawꞈ nui ma pehˇ ni jahˇ-euˬ baˬ da neh, ngaˇ kʼoeˇ loꞈ-ehˇ jawˇ-euˬ ma.