Eˇzaˬlaˬ 10:18 - Akha

¹⁸ aˬ cawˬ tsawˇ jeuˬ-ahˇ sheuˬ-euˬ tsawˇ haˬ deuˬ-euˬ jaˇ laˇ-aˬ, heu loꞈ-ehˇ meh. Piˇ ma aˇ jeuˬ aˇ ca deuˬ laꞈ kʼoeˇ aˬ cawˬ tsawˇ jeuˬ-ahˇ sheuˬ-euˬ deuˬ-aˬ, Yeˬhawˇzaˬdaˆ-euˬ aˬ li Yawˇshuˆ hawˇ-eu aˬ yawꞈ-euˬ mehˇ nmˇ deuˬ-euˬ zaˬ deuˬ uˆ deuˬ pyeuꞈ-eu Mawˇseˬyaˇ, Eˇliˇzaˬ, Yaˬliˆ hawˇ-eu, Geˬdaˬliˇ meh.

Eˇzaˬlaˬ 10:18 ပူးပေါင်းရင်းမြစ်များ

Eˇzaˬlaˬ 10:17

Ba la smˇ siˬ laꞈ kʼoeˇ, aˬ cawˬ tsawˇ jeuˬ-ahˇ sheuˬ taˬ-euˬ tsawˇ haˬ kʼoeˇ deuˬ-euˬ gaˇ-ahˇ aˬ yawꞈ maꞈ pyehˆ tseˇ duˬ jiˇ-euˬ meh.

Eˇzaˬlaˬ 2:2

Aˬ yawꞈ maꞈ-euˬ aˬ yuiꞈ aˬ tsu deuˬ-aˬ, Yeˬluˇbaˬbeˬlaˇ, Yawˇshuˆ, Neˬhaˬmiˇ, Seˬlehˇyaˬ, Yeˬlaˇyaˬ, Mawˬdaˬkehˇ, Biˇlaˬshaˬ, Miˇsaˬpaˬ, Biˇgaˬbeˬ, Leˬhamˬ hawˇ-eu, Baˬnahˬ meh. Baˬbuˇloˬ miˇ kʼahˬ-ahˇ neh gʼoꞈ laˇ-euˬ Iˇsaˬleˬlaˆ tsawˇ jeuˬ tsawˇ ca aˬ yawꞈ jeuˬ yawꞈ hawˇ-eu tsawˇ haˬ aˇ gʼaˬ-euˬ jaˇ laˇ-aˬ, heu loꞈ-ehˇ meh.

Eˇzaˬlaˬ 2:36

Baˬbuˇloˬ miˇ kʼahˬ-ahˇ neh gʼoꞈ laˇ-euˬ piˇ ma aˇ jeuˬ aˇ ca deuˬ-euˬ jaˇ laˇ-aˬ, heu loꞈ-ehˇ meh. Yeˬshah-euˬ zaˬ deuˬ uˆ deuˬ pyeuꞈ-eu Yeˬdehˇyaˬ aˇ jeuˬ & gʼoeˬ yaˇ shiꞈ tseˇ smˇ gʼaˬ

Eˇzaˬlaˬ 3:2

Miˬyehˇ-euˬ tsawˇ haˬ pyeuꞈ-eu Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ loꞈ-ehˇ miˬ dzaˬ-ahˇ dzah puiˆ-awˇ lawˇ-eu jeˬ lawˇ nya shehˇ nya ni, Yeˬhawˇzaˬdaˆ-euˬ aˬ li Yawˇshuˆ hawˇ-eu aˬ yawꞈ-euˬ cawˬ piˇ ma deuˬ maˬ ehˇ, Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu aˬ yawꞈ-euˬ aˬ yuiꞈ aˬ nyiˇ deuˬ maˬ ehˇ, tiˬ kawˆ loꞈ-ehˇ Iˇsaˬleˬlaˆ tsawˇ jeuˬ-euˬ Miˬyehˇ-euˬ lawˇ duˬ gawˬ-euˬ meh.

Eˇzaˬlaˬ 3:8

Yeˬluˇsaˬlehˬ meuˬ Uˬ duˬ tahˬ nymˇ nymˇ ma nymˇ coeˬ-ahˇ aˬ yawꞈ maꞈ gʼoꞈ keuˆ laˇ-euˬ nyiˬ kʼoꞈ tiˬ kʼoꞈ ba la nyiˬ siˬ tiˬ siˬ-ahˇ, Uˬ duˬ tahˬ nymˇ nymˇ ma tsoˆ dahˬ beh-euˬ meh. Zeˬluˇbaˬbeˬlaˇ, Yawˇshuˆ hawˇ-eu aˬ yawꞈ maꞈ-euˬ miˇ kʼahˬ zaˬ deuˬ pyeuꞈ-eu piˇ ma deuˬ, Leˬbiˇ tsawˇ haˬ deuˬ ahˇ leˇ-ehˇ, Baˬbuˇloˬ miˇ kʼahˬ-ahˇ neh kʼaˇ gʼoꞈ laˇ-euˬ tsawˇ haˬ dawˬ tawˆ luꞈ, Uˬ duˬ tahˬ nymˇ nymˇ ma tsoˆ-eu gaˇ mˇ-euˬ meh. Nyiˬ tseˇ kʼoꞈ-ahˇ neh laꞈ taˆ paw-euˬ Leˬbiˇ tsawˇ haˬ dawˬ tawˆ luꞈ-ahˇ, gaˇ mˇ gaˇ bi haw bi pyaˆ-euˬ meh.

Eˇzaˬlaˬ 5:2

Aˬ yawꞈ nyaꞈ ehˇ-eu dawˬ-ahˇ Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu Yeˬhawˇzaˬdaˆ-euˬ aˬ li Yawˇshuˆ aˬ ha nyaꞈ ya gaˬ ngeh, Yeˬluˇsaˬlehˬ meuˬ-ahˇ jaˆ-eu Uˬ duˬ tahˬ nymˇ nymˇ ma tsoˆ muiˬ-eu gaˇ-ahˇ tiˬ poˆ paˇ dawꞈ leˇ-awˇ, Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ aˬ yawꞈ nyaꞈ-ahˇ caw ba nehˬ-euˬ meh.

Eˇzaˬlaˬ 9:1

Gaˇ kʼoeˇ deuˬ mˇ gʼaˬ jiˇ ngeh, Iˇsaˬleˬlaˆ tsawˇ haˬ aˬ yuiꞈ aˬ tsu tiˬ paˆ na deuˬ ngaˇ jawˇ gaˇ laˇ-awˇ, Iˇsaˬleˬlaˆ tsawˇ haˬ deuˬ, piˇ ma deuˬ hawˇ-eu Leˬbiˇ tsawˇ haˬ deuˬ-aˬ, aˬ yawꞈ maꞈ-euˬ dawˬ peh jawˇ-eu aˬ cawˬ tsawˇ jeuˬ deuˬ pyeuꞈ-eu Aˬmoˬ tsawˇ jeuˬ Mawˇbaˆ tsawˇ jeuˬ, Iˇjiˇtuˆ tsawˇ jeuˬ, Kaˬnaˬ tsawˇ jeuˬ, Heˬtaˆ tsawˇ jeuˬ, Paˬyehˆ tsawˇ jeuˬ, Yeˬbuˇ tsawˇ jeuˬ, Aˬmawˇliˆ tsawˇ jeuˬ kʼoeˇ deuˬ hawˇ-eu aˬ yawꞈ maꞈ-euˬ jawꞈ dui dui-eu zahˇ sahˇ kʼoꞈ deuˬ-ahˇ maˬ dehꞈ beu ni, dehꞈ keuˬ dehꞈ sho luꞈ-eu gaˇ kawˆ ehˇ laˇ-euˬ meh.

Eˇzaˬlaˬ 9:2

Yuˇdaˆ tsawˇ haˬ deuˬ-aˬ, aˬ cawˬ tsawˇ jeuˬ-ahˇ sheuˬ-eu laꞈ kʼoeˇ Miˬyehˇ-euˬ muiˬ-eu shawˇ-eu tsawˇ jeuˬ-ahˇ tsawˇ keuˬ bi keuˬ iˇ-euˬ meh. Aˬ yuiꞈ aˬ tsu deuˬ hawˇ-eu yaw huiˬ yaw mahˇ geuꞈ-eu deuˬ kʼoeˇ loꞈ-ehˇ mehˬ huˬ huˬ-awˇ mˇ-eu meh lehˇ ehˇ laˇ-euˬ meh.

Neˬhaˬmiˇ 12:10

Piˇ ma yaw huiˬ gʼaˬ pyeuꞈ-eu Yawˇshuˆ-ahˇ neh gui ka leꞈ-euˬ tsuiꞈ-aˬ, Yawˇshuˆ, Yawˇyaˬkmˬ, Eˇlaˬshiˆ, Yawˇyaˬdaˇ,

Neˬhaˬmiˇ 13:28

Yawˇyaˬdaˇ-aˬ, Piˇ ma yaw huiˬ gʼaˬ pyeuꞈ-eu Eˇlaˬshiˆ-euˬ aˬ li meh. Ehˇ kʼawꞈ, Yawˇyaˬdaˇ-euˬ aˬ li tiˬ li-aˬ, Behˬhawˇleuˬ meuˬ-ahˇ jawˇ-eu Sahˬbaˬlaˆ-euˬ aˬ buˇ-ahˇ sheuˬ-euˬ meh. Kʼoeˇ miˇ neh, Yawˇyaˬdaˇ-ahˇ Yeˬluˇsaˬlehˬ meuˬ-ahˇ neh ngaˇ teh doˆ-euˬ ma.

Neˬhaˬmiˇ 8:4

Kʼoeˇ loꞈ-ehˇ gui mehˬ ngeh bi zmˬ-eu gʼaˇ duˬ teˇ byaꞈ neh tsoˆ taˬ-euˬ guiˇ ga kʼoeˇ taˆ Eˇzaˬlaˬ yawꞈ-euˬ meh. Maˬtiˇdiˇ, Sheˬmaˬ, Aˬnaˬyaˆ, Uˇliˇyaˆ, Hiˇlaˬkiˇ, Maˬseˬyaˇ aˬ ha maꞈ aˬ yawꞈ-euˬ aˇ maˇ paw yawꞈ-awˇ, Peˬdehˇyaˬ, Miˇsheˬlaˇ, Maˬlaˬkiˇyaˬ, Haˬshuˬ, Haˬshaˬbaˬdaˬnaˬ, Zaˬkaˬliˇ, Meˬshuˇlamˬ aˬ ha maꞈ aˬ yawꞈ-euˬ aˇ caˇ paw yawꞈ-euˬ meh.

Neˬhaˬmiˇ 8:7

Kʼoeˇ naˇ, aˬ yawꞈ maꞈ yawˬ ha jawˇ duˬ-ahˇ yawˬ ha tuˇ-awˇ, Leˬbiˇ tsawˇ haˬ deuˬ pyeuꞈ-eu Yeˬshah, Baˬniˬ, Sheˬleˬbiˇ, Yaˬmeˬ, Aˬkuˇ, Shaˬbaˬdehˇ, Hawˇdiˇyaˆ, Maˬseˬyaˇ, Geˬliˇtaˬ, Aˬzaˬliˇ, Yawˇzaˬbaˆ, Haˬnaˬ, Peˬlaˇyaˬ aˬ ha maꞈ neh aˬ yawꞈ maꞈ-ahˇ Zahˇ dawˬ kʼoꞈ dawˬ-euˬ dawˬ tsuiꞈ ja mehˬ nehˬ-euˬ meh.

Yeˬlaˬmiˇ 23:10

Sahˬpaˬ Miˬyehˇ-ahˇ saˇ jaˇ maˬ ziꞈ-eu tsawˇ haˬ, miˇ kʼahˬ heu kʼahˬ laꞈ kʼoeˇ byah-awˇ, haiˬ-eu jeˬ-ahˇ poˆ-awˇ dehꞈ-eu laꞈ kʼoeˇ, aˬ yawꞈ maꞈ-euˬ baoˬ-ahˇ yehˬ bawˬ-ehˇ zmˬ-eu meh. Sahˬpaˬ Miˬyehˇ yaˬ kʼehˇ yaˬ-euˬ miˇ neh,. miˇ tsaˬ tahˬ kʼawˇ tsawˇ ngoeˇ ngoeˇ-awˇ, jeˬ zaˬ gaˆ kʼahˬ nyoeˬ-iˇ koˆ-iˇ-eu meh.

Yeˬlaˬmiˇ 23:11

Sahˬpaˬ Miˬyehˇ ehˇ-eu, “Miˬyehˇ gʼaˇ duˬ ngehˬ dah-eu deuˬ hawˇ-eu, piˇ ma deuˬ Miˬyehˇ maˬ baw-ehˇ, Uˬ duˬ tahˬ nymˇ nymˇ ma laꞈ kʼoeˇ yaw haiˬ jeˬ mˇ luꞈ-eu, ngaˇ nyehꞈ duˬ taˬ-euˬ ma.

Yeˬlaˬmiˇ 23:14

Ehˇ kʼawꞈ Yeˬluˇsaˬlehˬ meuˬ-ahˇ ngaˬ-euˬ gʼaˇ duˬ ngehˬ dah-eu deuˬ, kʼoeˇ naˆ maˬ tseˇ doeˇ gaˇ ngaˇ mawˇ-euˬ ma. Aˬ cawˬ-euˬ miˬ zaˬ-ahˇ aˬ yawꞈ maꞈ bahˬ gʼa muˆ gʼa-awˇ, jaˬ myawꞈ mehˇ shuiˇ dawˬ ngehˬ-eu meh. Tsawˇ haˬ yawˬ gʼaˬ na luꞈ yaw haiˬ jeˬ maˬ byehˇ ni mˇ-eu gʼaˇ duˬ, yaw lehˬ mˇ gaˇ aˬ yawꞈ maꞈ gʼaˬ baꞈ baꞈ-eu meh. Aˬ yawꞈ maꞈ dawˬ tawˆ luꞈ ngaˬ-euˬ mehˬ shi, Sawˇdoˬ hawˇ-eu Gawˇmawˇlaˆ meuˬ loꞈ-ehˇ, doeˇ dui dui-eu tsawˇ haˬ deuˬ pyeuꞈ-eu meh.”

Yeˬsaˬgeˬlaˇ 44:22

Aˬ cawˬ-euˬ miˬ kʼoꞈ-ahˇ maˬ ya sheuˬ-a. Iˇsaˬleˬlaˆ tsawˇ jeuˬ miˬ daꞈ hawˇ-eu, piˇ ma-euˬ miˬ coeˬ miˬ ma-ahˇ tehꞈ-ehˇ ya sheuˬ meh.

Uˬ duˬ 21:7

Meh maˬ laˇ geuꞈ haw-euˬ zaˬ miˬ zaˬ-ahˇ maˬ ehˇ, kʼaˬ dzeˇ zaˬ neh bi toeˬ ciˆ gʼaˬ-euˬ miˬ daꞈ-ahˇ maˬ ehˇ, miˬ kʼoꞈ-ahˇ maˬ ehˇ, piˇ ma geuꞈ-eu gʼaˬ maˬ ya sheuˬ-a. Aˬ jeˬ miˇ neh ehˇ naˇ, piˇ ma-aˬ, muiˬ-eu shawˇ-eu tsawˇ haˬ meh.

Haˬgaiˇ 1:1

Paˇshaˇ miˇ kʼahˬ-ahˇ sahˬ paˬ Daˬliˇ uˆ lahˇ-euˬ nyiˬ kʼoꞈ tiˬ kʼoꞈ ba la koꞈ siˬ tiˬ siˬ yaw beh nah-ahˇ, Haˬgaiˇ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ jawˇ gaˇ, Sahˬpaˬ Miˬyehˇ-euˬ dawˬ keuˆ le-euˬ meh. Dawˬ kʼoeˇ deuˬ-aˬ, Yuˇdaˆ miˇ kʼahˬ-ahˇ uˆ lahˇ luꞈ-eu gʼaˬ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu, piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ gʼaˇ duˬ pyeuꞈ-eu meh.

Haˬgaiˇ 1:12

Kʼoeˇ naˇ, Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ maˬ ehˇ, Baˬbuˇloˬ miˇ kʼahˬ-ahˇ neh gʼoꞈ doˆ laˇ-euˬ tsawˇ haˬ dawˬ tawˆ luꞈ maˬ ehˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ mˇ-euˬ meh. Aˬ yawꞈ maꞈ Sahˬpaˬ Miˬyehˇ-ahˇ guˆ-eu laꞈ kʼoeˇ, Sahˬpaˬ Miˬyehˇ gʼaˇ duˬ ngehˬ dah-eu Haˬgaiˇ-euˬ dawˬ-ahˇ naˇ haˬ geuꞈ-euˬ meh.

Haˬgaiˇ 2:4

Ehˇ kʼawꞈ, naw maꞈ tiˬ gʼaˬ-iˬ nui ma taꞈ cawˆ. Zeˬluˇbaˬbeˬlaˇ-oˇ, Piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ-oˇ, Miˇ kʼahˬ zaˬ dawˬ tawˆ luꞈ-oˇ, nui ma taˬ cawˆ. Naw maꞈ nehˬ-ehˇ ngaˇ jawˇ ma.

Zaˬkaˬliˇ 3:1

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Sahˬpaˬ Miˬyehˇ ngaˬ- ahˇ heu loꞈ-ehˇ paˇ bi mawˇ laꞈ-euˬ meh. Piˇ ma yaw huiˬ gʼaˬ pyeuꞈ-eu Yawˇshuˆ-aˬ, Sahˬpaˬ Miˬyehˇ-euˬ mˬ taˆ gʼaˬ kʼehˇ dawˬ peh yawꞈ luꞈ-awˇ, aˬ yawꞈ-euˬ dawˬ peh nehꞈ saˬdaˬ yawꞈ luꞈ-awˇ, aˬ yawꞈ-ahˇ yaˇ kʼaˬ ja-eu lehˇ gʼeh-eu meh.

Zaˬkaˬliˇ 6:11

Pyuˇ hawˇ-eu shuiˇ kʼoeˇ deuˬ neh shuiˇ uˬ kʼoˆ jahˇ-awˇ, Yeˬhawˇzaˬdaˆ-euˬ aˬ li piˇ ma yaw huiˬ gʼaˬ pyeuꞈ-eu Yawˇshuˆ-ahˇ bi kʼoˆ-awˬ.

1 Tiˆmoˇseˬ 3:11

Zaˬ miˬ zaˬ deuˬ kʼawꞈ, aˬ cawˬ yaw zeu baw-eu tsawˇ haˬ ya bi pyeuꞈ meh. Aˬ cawˬ-euˬ gaˇ kawˆ ja ja-ehˇ cah-eu tsawˇ haˬ maˬ ya bi pyeuꞈ-a. Noeˬ dahˇ doe-awˇ, yawˬ jeˬ na luꞈ laꞈ kʼoeˇ saˇ jaˇ jawˇ-eu tsawˇ haˬ ya bi pyeuꞈ meh.