Eˇzaˬlaˬ 10:14 - Akha

¹⁴ Nga maꞈ kʼoeˇ taˆ yaw huiˬ yaw mahˇ geuꞈ luꞈ-eu deuˬ-ahˇ gaˇ heu hmˬ a nehˬ-awˇ, Yeˬluˇsaˬlehˬ meuˬ-ahˇ jawˇ-awˇ bi mˇ luiˆ-awˬ. Aˬ cawˬ tsawˇ jeuˬ zaˬ miˬ zaˬ-ahˇ sheuˬ taˬ-euˬ tsawˇ haˬ yawˬ gʼaˬ na luꞈ, nah paˇ paˇ taˬ-euˬ aˇ nah-ahˇ, yawˬ ha-euˬ meuˬ-ahˇ jawˇ-eu aˬ yuiꞈ aˬ tsu deuˬ hawˇ-eu yaˇ kʼaˬ daˇ-eu deuˬ sheuˬ-awˇ laˇ luꞈ-uˇ. Kʼoeˇ loꞈ-ehˇ jahˇ-eu laꞈ kʼoeˇ, gaˇ kawˆ heu hmˬ kʼoeˇ taˆ Miˬyehˇ nui ma pehˇ-eu jeˬ byoˆ-iˇ ni mˇ luꞈ-uˇ.”

Eˇzaˬlaˬ 10:14 ပူးပေါင်းရင်းမြစ်များ

2 Sahˬpaˬ 23:26

Ehˇ kʼawꞈ, Sahˬpaˬ Miˬyehˇ nui ma pehˇ ni sahˬ paˬ Maˬnaˇseˬ neh mˇ yaꞈ-eu gaˇ deuˬ baˬ da neh, Yuˇdaˆ miˇ kʼahˬ-ahˇ Sahˬpaˬ Miˬyehˇ nui ma pehˇ-eu maˬ taˬ leˇ-a.

2 Laˬsaˬbaˬ 28:11

Ngaˇ ehˇ gaˇ naˇ haˬ sheˇ. Naw maꞈ neh nyehꞈ laꞈ-euˬ tsawˇ haˬ heu deuˬ-aˬ, naw maꞈ-euˬ aˬ yuiꞈ aˬ nyiˇ pyeuꞈ-eu meh. Aˬ yawꞈ maꞈ-ahˇ bi gʼoꞈ-iˇ-awˬ. Maˬ bi gʼoꞈ-iˇ naˇ, Sahˬpaˬ Miˬyehˇ nui ma pehˇ-eu laꞈ kʼoeˇ naw maꞈ-ahˇ kʼehˬ nehˬ kʼaˆ nehˬ laꞈ tehꞈ-a.”

2 Laˬsaˬbaˬ 29:10

“Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-ahˇ nui ma pehˇ-eu jeˬ byoˆ-iˇ ni, aˬ yawꞈ nehˬ-ehˇ dawˬ ma saˇ jaˇ dzaˬ-eu gʼaˇ duˬ nymˬ-mˇ ngaˇ noeˬ tsehˆ taˬ-euˬ ma.

2 Laˬsaˬbaˬ 30:8

Aˬ yawꞈ maꞈ loꞈ-ehˇ nui ma maˬ gʼahˇ ni, Sahˬpaˬ Miˬyehˇ-euˬ ehˇ dawˬ naˇ haˬ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh mˬ maˬ maˬ byaˆ zaˇ ziˇ bi muiˬ bi shawˇ laˇ gʼaˬ-euˬ Yeˬluˇsaˬlehˬ meu-ahˇ jaˆ-eu Uˬ duˬ tahˬ nymˇ nymˇ ma-ahˇ laˇ-awˇ, aˬ yawꞈ naw maꞈ-ahˇ nui ma pehˇ-eu jeˬ byoˆ-iˇ ni, aˬ yawꞈ-ahˇ uˬ duˬ tahˬ laˇ-awˬ.

Eˇzaˬlaˬ 10:13

Ehˇ kʼawꞈ, nga maꞈ tsawˇ haˬ aˇ dzehˬ myaˬ dzeuˇ-awˇ, uˬ yehˇ yehˇ ma ma luꞈ-eu miˇ neh, pu kaˬ-ahˇ maˬ paˇ jawˇ tehˬ coeˇ miˇ-a. Tiˬ nah nyiˬ nah laꞈ kʼoeˇ tehꞈ-ehˇ gaˇ heu hmˬ jahˇ jiˇ nya-eu jeˬ maˬ ngeuˇ-a. Aˬ jeˬ miˇ neh ehˇ naˇ, nga maꞈ laꞈ kʼoeˇ iˬ baˇ heu jeˬ mˇ taˬ-euˬ tsawˇ haˬ gʼawˬ mya ni jawˇ luꞈ-eu ma.

Eˇzaˬlaˬ 10:15

Meˬshuˇlamˬ hawˇ-eu Leˬbiˇ tsawˇ haˬ Shaˬbaˬdehˇ neh gʼaˬ biꞈ-euˬ deuˬ pyeuꞈ-eu Aˬsaˬheˬlaˇ-euˬ aˬ li Yawˇnaˆshaˬ hawˇ-eu Tiˇkaˬbaˬ-euˬ aˬ li Yaˬhaˬzehˇ aˬ nyaꞈ maˬ ngeuˇ naˇ, kʼoeˇ loꞈ-ehˇ mˇ ma lehˇ ehˇ-euˬ gaˇ nui ma maˬ tsaˬ ni laˆ tsoeˬ-eu tiˬ gʼaˬ-iˬ maˬ jawˇ-a.

Jaceuq 78:38

Ehˇ kʼawꞈ, aˬ yawꞈ-euˬ tsawˇ haˬ deuˬ-ahˇ Miˬyehˇ gʼawˬ shaˬ gaˬ-awˇ, aˬ yawꞈ maꞈ-ahˇ iˬ baˇ pyehˬ nehˬ-eu laꞈ kʼoeˇ, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ maˬ bi keuˆ le-a. Aˬ yawꞈ nui ma kʼaˇ pehˇ-eu loꞈ-ehˇ aˬ laꞈ maˬ bi keuˆ leˇ ni, gʼawˬ mya poˆ oˇ dzeuˇ nehˬ-euˬ meh.

Iˇsaˬyaˇ 12:1

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-oˇ, nawˬ-ahˇ ngaˇ ja ceuˬ-eu ma. Yaw beh nawˇ ngaˬ-ahˇ nui ma pehˇ-euˬ kʼawꞈ, nymˬ-mˇ nui ma maˬ paˇ pehˇ-ehˇ, ngaˬ-euˬ nui ma-ahˇ laˆ saˆ nehˬ laꞈ-euˬ meh.

Bawˇtsahˬ 25:4

Kʼoeˇ ngeh, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Ngaˬ-euˬ ehˇ dawˬ naˇ haˬ-eu laꞈ kʼoeˇ, Iˇsaˬleˬlaˆ tsawˇ haˬ aˬ yuiꞈ aˬ tsu dawˬ tawˆ luꞈ kuˇ uiˬ-awˇ, nah gʼahˇnah gaˆ-ahˇ sehꞈ jiˇ nehˬ-awˬ. Kʼoeˇ loꞈ-ehˇ jahˇ naˇ, Iˇsaˬleˬlaˆ tsawˇ haˬ deuˬ-ahˇ ngaˇ nui ma maˬ paˇ pehˇ ma.”

Dawˬmehˬ 13:17

Sahˬpaˬ Miˬyehˇ nui ma pehˇ-eu shuꞈ-iˇ-awˇ, naw maꞈ-ahˇ gʼawˬ shaˬ gaˬ ni, bi laˆ luˬ bi laˆ seˇ-eu gʼaˇ duˬ yaˬ kʼehˇ yaˬ nehˬ taˬ-euˬ myawˬ kʼoeˇ deuˬ, naw maꞈ gʼaˇ duˬ maˬ ya yuˇ geuꞈ-a. Iˬ nah naw maꞈ-ahˇ biꞈ-euˬ aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ-awˇ, aˬ yawꞈ neh kʼaˇ bi mˇ-euˬ jeˬ-ahˇ naw maꞈ mˇ naˇ, naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ loꞈ-ehˇ,

Dawˬmehˬ 17:9

Leˬbiˇ tsawˇ jeuˬ piˇ ma deuˬ hawˇ-eu, kʼoeˇ gaˇ jawˇ luꞈ-eu yaˇ kʼaˬ daˇ-eu deuˬ-ahˇ, gaˇ kʼoeˇ a nehˬ-awˇ, bi daˇ tsehˆ-awˬ.

Yawˇshuˆ 7:26

Aˬ yawꞈ-euˬ kʼoeˇ taˆ kʼaˬ lo lo bymˇ bymˇ ma baꞈ bymˇ-awˇ, iˬ nah keuˆ ni kʼoeˇ loꞈ-ehˇ jaˆ luꞈ-eu meh. Kʼoeˇ miˇ neh, jawˇ duˬ kʼoeˇ tsahˇ-ahˇ, Shaˬ zahˬ Deh kʼawꞈ lehˇ kuˇ-eu meh. Kʼoeˇ naˇ, Sahˬpaˬ Miˬyehˇ nui ma pehˇ-eu taˬ leˇ-euˬ meh.