Eˇzaˬlaˬ 10:1 - Akha

¹ Eˇzaˬlaˬ ngoeˇ ngoeˇ-ehˇ iˬ baˇ kʼoeˇ deuˬ shaˇ pyehˬ-eu laꞈ kʼoeˇ Uˬ duˬ tahˬ nymˇ nymˇ ma mehˬ shi pawˬ tsuiꞈ paw dmˬ dmˬ-awˇ guiˬ lahˬ shaˇ luꞈ ngeh, Iˇsaˬleˬlaˆ tsawˇ jeuˬ kʼaˬ dzeˇ zaˬ deuˬ, zaˬ miˬ zaˬ deuˬ hawˇ-eu zaˬ deuˬ kʼawꞈ ngoeˇ ngoeˇ-ehˇ aˬ yawꞈ dawˬ peh uiˬ laˇ-euˬ meh.

Eˇzaˬlaˬ 10:1 ပူးပေါင်းရင်းမြစ်များ

1 Sahˬpaˬ 8:30

Ngaˇ maˬ ehˇ, nawˬ-euˬ tsawˇ haˬ deuˬ maˬ ehˇ, jawˇ duˬ heu tsahˇ-ahˇ mehˬ shiˬ pyawˇ-awˇ guiˬ lahˬ shaˇ ngeh, nawˇ naˇ haˬ nehˬ laꞈ-awˬ. Mˬ kʼoeˇ taˆ jaˆ-eu nawˬ-euˬ nymˇ-ahˇ jawˇ-awˇ, nga maꞈ-euˬ shaˇ dawˬ naˇ haˬ nehˬ laꞈ-eu laꞈ kʼoeˇ, nga maꞈ-ahˇ iˬ baˇ pyehˬ nehˬ laꞈ-awˬ.

1 Sahˬpaˬ 9:3

Aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Nawˬ neh guiˬ lahˬ shaˇ-euˬ dawˬ-ahˇ ngaˇ ya gaˬ-euˬ ma. Mˬ maˬ maˬ byaˆ zaˇ ziˇ ngaˬ-ahˇ uˬ duˬ tahˬ-eu jawˇ duˬ pyeuꞈ ni, nawˬ neh tsoˆ-euˬ Uˬ duˬ tahˬ nymˇ nymˇ ma heu nymˇ-ahˇ ngaˇ bi muiˬ bi shawˇ-awˇ, aˬ myah luꞈ bo saˆ haw piˇ nehˬ ma.

2 Laˬsaˬbaˬ 20:13

Yuˇdaˆ tsawˇ haˬ dawˬ tawˆ luꞈ, aˬ yawꞈ maꞈ-euˬ miˬ sawˇ zaˬ deuˬ nehˬ-ehˇ Uˬ duˬ tahˬ nymˇ nymˇ ma mehˬ shi yawꞈ luꞈ-eu meh.

Eˇzaˬlaˬ 10:6

Kʼoeˇ naˇ, Uˬ duˬ tahˬ nymˇ nymˇ ma mehˬ shi neh aˬ yawꞈ doˆ-iˇ-awˇ, Eˇlaˬshiˆ-euˬ aˬ li Yeˬhawˇhaˬnaˬ-euˬ nymˇ-ahˇ iˇ-awˇ, Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ deuˬ saˇ jaˇ maˬ jawˇ-eu gaˇ kawˆ ahˇ noeˬ shaˬ-eu laꞈ kʼoeˇ, tiˬ jeˬ-iˬ maˬ dzaˬ maˬ dawˇ ni uˬ ciꞈ ngoeˇ bya-euˬ meh.

Neˬhaˬmiˇ 1:4

Gaˇ kawˆ kʼoeˇ deuˬ-ahˇ ngaˇ ya gaˬ ngeh, nuiˇ-awˇ ngoeˇ-euˬ ma. Gʼawˬ mya nah byah ni ngaˇ maˬ dzaˬ maˬ dawˇ-ehˇ ngoeˇ-eu laꞈ kʼoeˇ, Miˬyehˇ-ahˇ heu loꞈ-ehˇ guiˬ lahˬ shaˇ-euˬ ma.

Neˬhaˬmiˇ 1:6

Sahˬpaˬ Miˬyehˇ-oˇ, nawˬ-euˬ zaˬ kʼaˆ pyeuꞈ-eu Iˇsaˬleˬlaˆ tsawˇ haˬ deuˬ gʼaˇ duˬ uˬ ciꞈ nah gʼahˇ maˬ ehˇ ngaˇ guiˬ lahˬ shaˇ luꞈ ngeh, ngaˬ-ahˇ haw-awˇ ngaˬ-euˬ shaˇ dawˬ-ahˇ naˇ haˬ nehˬ laꞈ-awˬ. Iˇsaˬleˬlaˆ tsawˇ jeuˬ pyeuꞈ-eu nga maꞈ neh mˇ lehˬ-euˬ iˬ baˇ-ahˇ ngaˇ shaˇ pyehˬ-eu ma. Ngaˬ-euˬ aˬ poeˬ aˬ bawˇ deuˬ hawˇ-eu ngaˇ kʼawꞈ iˬ baˇ ahˇ-eu ma.

Neˬhaˬmiˇ 10:28

Nga maꞈ Iˇsaˬleˬlaˆ tsawˇ haˬ deuˬ, piˇ ma deuˬ, Leˬbiˇ tsawˇ haˬ deuˬ, Uˬ duˬ tahˬ nymˇ nymˇ ma-ahˇ loꞈ-eu deuˬ, Uˬ duˬ tahˬ nymˇ nymˇ ma-ahˇ caˇ dawˬ caˇ-eu deuˬ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu deuˬ hawˇ-eu, Miˬyehˇ-euˬ zahˇ dawˬ kʼoꞈ dawˬ-ahˇ naˇ haˬ geuꞈ-eu laꞈ kʼoeˇ nga maꞈ-euˬ miˇ kʼahˬ laꞈ kʼoeˇ jawˇ luꞈ-eu aˬ cawˬ tsawˇ jeuˬ deuˬ nehˬ-ehˇ kʼaˇ dehꞈ kʼaˇ jawˇ gʼawˬ-euˬ deuˬ dawˬ tawˆ luꞈ, yawˬ ha-euˬ miˬ zaˬ deuˬ hawˇ-eu noeˬ siˬ nya laˇ-euˬ yawˬ ha-euˬ zaˬ deuˬ ahˇ leˇ-ehˇ,

Neˬhaˬmiˇ 8:9

Zahˇ dawˬ kʼoꞈ dawˬ-ahˇ tsawˇ haˬ kʼoeˇ deuˬ gʼoˆ siˬ gʼaˬ ngeh, nui ma-ahˇ zaw dui dui leˇ-awˇ ngoeˇ-euˬ meh. Kʼoeˇ ngeh, Yuˇdaˆ miˇ kʼahˬ-ahˇ uˆ lahˇ-eu gʼaˬ pyeuꞈ-eu Neˬhaˬmiˇ, piˇ ma hawˇ-eu zahˇ dawˬ kʼoꞈ dawˬ siˬ nya-eu zahˇ dzoeˬ miˬ ma pyeuꞈ-eu Eˇzaˬlaˬ hawˇ-eu, zahˇ dawˬ kʼoꞈ dawˬ-euˬ dawˬ tsuiꞈ mehˬ nehˬ-eu Leˬbiˇ tsawˇ haˬ deuˬ aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Iˬ nah-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ muiˬ-eu shawˇ-eu aˇ nah meh. Kʼoeˇ miˇ neh naw maꞈ taˬ ngoeˇ.

Jaceuq 119:136

Tsawˇ haˬ heu deuˬ nawˬ-euˬ zahˇ dawˬ kʼoꞈ dawˬ-ahˇ byehˇ-euˬ miˇ neh, ngaˬ-euˬ myaˆ biˇ lawˇ baˬ yoeˇ le miˇ-a.

Jaceuq 32:5

Kʼoeˇnaˇ yaw lehˬmaˬpaˇzaꞈni, ngaˬ-euˬ iˬbaˇja doˆ-euˬma. “Iˬbaˇkʼaˇmˇtaˬ-euˬdawˬtawˆ, SahˬpaˬMiˬyehˇ-ahˇdzawˇma” lehˇ, yawˬhaˇyawˬha ngaˇehˇngeh jawˇ, nawˇiˬbaˇpyehˬnehˬlaꞈ-euˬmeh.

Yeˬlaˬmiˇ 13:17

Ehˇ kʼawꞈ, naw maꞈ maˬ naˇ haˬ naˇ, naw maꞈ nui ma huiˬ-eu mahˇ-eu miˇ neh, aˬ cawˬ maˬ bi siˬ ni ngaˇ ngoeˇ kʼoeˬ ma. Sahˬpaˬ Miˬyehˇ-euˬ tsawˇ haˬ deuˬ, aˬ cawˬ neh bi nyehꞈ byoˆ gʼeh-eu miˇ neh, ngaˇ ya ngoeˇ dui dui-awˇ, myaˆ biˇ daˇ lawˇ yoeˇ le tehꞈ-a.

Yeˬlaˬmiˇ 9:1

Aˬ cawˬ neh bi sehꞈ-euˬ ngaˬ-euˬ tsawˇ jeuˬ gʼaˇ duˬ, uˬ ciꞈ nah gʼahˇ ngaˇ ngoeˇ coeˇ ni, uˬ duˬ iˇ cuꞈ lah duˬ pyeuꞈ-awˇ, myaˆ biˇ iˇ beuˆ yoeˇ nmˇ duˇ nya.

Daˬyeˬlaˇ 9:20

Ngaˇ guiˬ lahˬ shaˇ shaˇ-ehˇ, ngaˬ-euˬ iˬ baˇ hawˇ-eu ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-euˬ iˬ baˇ ehˇ doˆ-awˇ, aˬ yawꞈ-euˬ muiˬ-eu shawˇ-eu Uˬ duˬ tahˬ nymˇ nymˇ ma paˇ tsoˆ muiˬ-eu gʼaˇ duˬ, ngaˬ-eu Miˬyehˇ pyeuꞈ-eu Sahˬpaˬ Miˬyehˇ-ahˇ shaˇ-euˬ ma.

Hawˇseˬ 14:2

Guiˬ lahˬ shaˇ dawˬ heu yuˇ laꞈ-awˇ, lawˇ-eu shehˇ-eu tiˬ jeˬ loꞈ-ehˇ, Sahˬpaˬ Miˬyehˇ-ahˇ damˬ nehˬ-awˬ. “Nga maꞈ-euˬ iˬ baˇ pyehˬ laꞈ-awˇ, nga maꞈ shaˇ dawˬ naˇ haˬ nehˬ laꞈ. Nga maꞈ saˇ jaˇ dzaˬ-euˬ loꞈ-ehˇ, nawˬ-ahˇ nga maꞈ ja ceuˬ-eu ma.

Zaˬkaˬliˇ 12:10

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.

Maꞈtehˬ 3:6

Aˬ yawꞈ maꞈ yawˬ ha-euˬ iˬ baˇ ja doˆ jiˇ-awˇ, Yawˇdaˬ lawˇ baˬ laꞈ kʼoeˇ Yoˇhaˬ neh iˇ cuꞈ bi shawˇ nehˬ-euˬ meh.

Luˇkaꞈ 19:41

Aˬ yawꞈ meuˬ dawˬ peh le keuˆ-awˇ, meuˬ-ahˇ ya mawˇ ngeh, meuˬ-euˬ gʼaˇ duˬ tsawˇ ngoeˇ ngoeˇ-awˇ,

Gʼaˬkʼehˇ 10:30

Gawˬneˬliˇ ehˇ-eu, “Dzeuˇ yaꞈ-euˬ smˬ nah-ahˇ, nymˬ-mˇ loꞈ-ehˇ uˬ ciꞈ uˬ taw naˬ liˬ smˇ laꞈ kʼoeˇ kaˬ-ahˇ, ngaˬ-euˬ nymˇ laꞈ kʼoeˇ ngaˇ guiˬ lahˬ shaˇ luꞈ-eu ma. Ja pyuˬ ni, yaw shehꞈ bya-eu mehˬ tsoeˬ dm luꞈ-eu tsawˇ haˬ tiˬ gʼaˬ ngaˬ-euˬ mehˬ shi yawꞈ le-euˬ meh.

Gʼaˬkʼehˇ 21:5

Ehˇ kʼawꞈ, nga maꞈ aˬ yawꞈ maꞈ nehˬ-ehˇ jawˇ-eu aˇ yamˬ jiˇ laˇ ngeh, mehˬ hu paw iˇ-euˬ ma. Aˬ yawꞈ maꞈ hawˇ-eu aˬ yawꞈ maꞈ-euˬ miˬ sawˇ zaˬ dawˬ tawˆ luꞈ, meuˬ-ahˇ neh iˬ ma laˆ shaˆ lawˇ deh-ahˇ keuˆ ni nga maꞈ-ahˇ sheuˬ keuˆ ha le-awˇ, nga maꞈ dawˬ tawˆ luꞈ kʼoeˇ gaˇ pawˬ tsuiꞈ pawˬ dmˬ dmˬ-awˇ guiˬ lahˬ shaˇ-euˬ ma.

Lormav 9:2

Ngaˇ aˇ naˆ ni noeˬ shaˬ luꞈ-eu nga. Ngaˬ-euˬ shiˬ shaˬ pyeuꞈ-eu ngaˬ-euˬ tsawˇ haˬ deuˬ gʼaˇ duˬ, ngaˬ-euˬ nui ma laꞈ kʼoeˇ maˬ tsehˆ leˇ ni shaˬ zahˬ aˇ naˆ ni ya mˇ luꞈ-eu nga.

Dawˬmehˬ 31:12

Yawˬ gʼaˬ na luꞈ ya gaˬ-eu laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ yaw zeu baw-eu siˬ nya laˇ-awˇ, aˬ yawꞈ neh mehˬ nehˬ tsoˆ nehˬ-euˬ jeˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ nya laˇ ni, kʼaˬ dzeˇ zaˬ deuˬ, zaˬ miˬ zaˬ deuˬ, zaˬ deuˬ hawˇ-eu naw maꞈ-euˬ meuˬ deuˬ laꞈ kʼoeˇ jawˇ luꞈ-eu boeˇ miˬ siˬ kʼaˬ dawˬ tawˆ luꞈ-ahˇ kuˇ uiˬ-awˬ.

Yawˇshuˆ 7:6

Yawˇshuˆ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ noeˬ shaˬ dui dui-eu laꞈ kʼoeˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ shi miˇ tsa ga lah-awˇ, uˬ ciꞈ uˬ taw paw keuˆ ni uˬ duˬ-ahˇ kʼaˬ lehˇ tawˆ daˆ-awˇ ga-euˬ meh.

Yawˇshuˆ 8:35

Zaˬ miˬ zaˬ deuˬ, zaˬ deuˬ hawˇ-eu, aˬ yawꞈ maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ deuˬ ahˇ leˇ-ehˇ, kʼaˇ uiˬ laˇ taˬ-euˬ tsawˇ haˬ dawˬ tawˆ luꞈ-ahˇ, Moˇseˬ-euˬ Zahˇ dawˬ kʼoꞈ dawˬ tiˬ dawˬ-iˬ maˬ bi dzeˇ yaꞈ ni Yawˇshuˆ gui mehˬ nehˬ-euˬ meh.