Eˇzaˬlaˬ 1:6 - Akha

⁶ Aˬ yawꞈ maꞈ dawˬ peh jawˇ-eu tsawˇ haˬ deuˬ aˬ yawꞈ maꞈ-ahˇ, pyuˇ myawˬ guˇ deuˬ, shuiˇ deuˬ, dzaˬ dzaˬ dawˇ dawˇ deuˬ, myawˬ tawˬ-eu jeˬ zaˬ deuˬ hawˇ-eu, gaˇ dahˇ tsoeˬ-eu mˇ myawˬ deuˬ uˬ taꞈ, Uˬ duˬ tahˬ nymˇ nymˇ ma-ahˇ lawˇ-eu gʼawˬ mya jeˬ biꞈ-euˬ meh.

Eˇzaˬlaˬ 1:6 ပူးပေါင်းရင်းမြစ်များ

1 Laˬsaˬbaˬ 29:9

Iˇsaˬleˬlaˆ tsawˇ haˬ deuˬ nui ma keuˆ-eu laꞈ kʼoeˇ Sahˬpaˬ Miˬyehˇ-ahˇ damˬ nehˬ-awˇ, pyuˇ shuiˇ myawˬ gahˬ gʼawˬ mya ni uiˬ laˇ taˬ-euˬ gaˇ ya mawˇ ngeh, aˬ yawꞈ maꞈ laˬ kʼaˬ cehˇ-eu meh. Sahˬ paˬ Daˬbiˇ kʼawꞈ laˬ kʼaˬ cehˇ dui dui-eu meh.

Eˇzaˬlaˬ 1:4

Heu gaˇ jawˇ luꞈ-eu Miˬyehˇ-euˬ tsawˇ haˬ tiˬ gʼaˬ na Yeˬluˇsaˬlehˬ meuˬ-ahˇ gʼoꞈ leˇ nya-eu gʼaˇ duˬ caw ba nehˬ-eu jeˬ loˬ naˇ, aˬ yawꞈ-euˬ dawˬ peh jawˇ-eu deuˬ aˬ yawꞈ-ahˇ heu loꞈ-ehˇ ya caw ba nehˬ meh. Pyuˇ hawˇ-eu shuiˇ maˬ ehˇ, dzaˬ dzaˬ dawˇ dawˇ hawˇ-eu mˇ myawˬ bi tawˬ-eu jeˬ zaˬ deuˬ maˬ ehˇ, Yeˬluˇsaˬlehˬ meuˬ-ahˇ jaˆ-eu Uˬ duˬ tahˬ nymˇ nymˇ ma-ahˇ lawˇ-eu shehˇ-eu gʼaˇ duˬ loˬ-eu jeˬ maˬ ehˇ, ya caw ba nehˬ meh.”

Eˇzaˬlaˬ 8:33

Oeˬ nah tiˬ nah-ahˇ Uˬ duˬ tahˬ nymˇ nymˇ ma-ahˇ nga maꞈ le-awˇ, pyuˇ, shuiˇ, myawˬ guˇ, kʼoeˇ deuˬ-ahˇ saˆ haw-awˇ, Uˇliˇyaˆ-euˬ aˬ li piˇ ma Meˬlaˬmoˇ-ahˇ a nehˬ-euˬ ma. Piˇnaˬhaˇ-euˬ aˬ li Eˇlaˬzaˬ hawˇ-eu, Leˬbiˇ tsawˇ haˬ deuˬ pyeuꞈ-eu Yeˬshah-euˬ aˬ li Yawˇzaˬbaˆ hawˇ-eu Biˇnuiˇ-euˬ aˬ li Nawˇdiˆ aˬ nyaꞈ kʼawꞈ, aˬ yawꞈ nehˬ-ehˇ jawˇ luꞈ-eu meh.

Neˬhaˬmiˇ 6:9

Aˬ yawꞈ maꞈ-aˬ, nga maꞈ-ahˇ ja guˆ-awˇ gaˇ maˬ mˇ ni bi byehˇ-eu lehˇ leh jeh luꞈ-eu meh. “Miˬyehˇ-oˇ, nymˬ-mˇ ngaˬ-ahˇ gʼaˬ biꞈ lahˬ laꞈ-awˬ” lehˇ, ngaˇ guiˬ lahˬ shaˇ-euˬ ma.

Jaceuq 106:46

kʼehˬ-eu kʼaˆ-eu tsawˇ haˬ deuˬ aˬ yawꞈ maꞈ-ahˇ gʼawˬ shaˬ haw gaˬ ni, aˬ yawꞈ laˆ saˆ nehˬ-euˬ meh.

Jaceuq 110:3

Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

Doˆ-iˇ 12:35

Moˇseˬ hawˇ-eu Aˬloˬ neh ehˇ nehˬ-euˬ loꞈ-ehˇ, Iˇsaˬleˬlaˆ tsawˇ haˬ deuˬ-aˬ, Iˇ jiˇ tuˆ tsawˇ haˬ deuˬ-ahˇ, pyuˇ myawˬ guˇ, shuiˇ myawˬ guˇ hawˇ-eu dm gʼaˬ dm lmˇ deuˬ shaˇ-euˬ meh.

Doˆ-iˇ 12:36

Iˇ jiˇ tuˆ tsawˇ haˬ deuˬ Iˇ saˬ leˬ laˇ tsawˇ haˬ deuˬ-ahˇ yaw zeu baw-awˇ, aˬ yawꞈ maꞈ kʼaˇ shaˇ-eu jeˬ biꞈ ni, Iˇ jiˇ tuˆ tsawˇ haˬ deuˬ-euˬ nui ma-ahˇ Sahˬpaˬ Miˬyehˇ laˆ saˆ nehˬ-euˬ meh. Kʼoeˇ loꞈ-ehˇ jahˇ-awˇ, Iˇ jiˇ tuˆ tsawˇ haˬ deuˬ-euˬ pyuˇ shuiˇ myawˬ gahˬ, Iˇ saˬ leˬ laˇ tsawˇ haˬ deuˬ yuˇ geuꞈ gʼeh-euˬ meh.

Iˇsaˬyaˇ 35:3

Gʼaˬ juˬ-eu aˬ laꞈ hawˇ-eu yaˇ laˇ-euˬ pawˬ tsuiꞈ-ahˇ, gʼaˬ biꞈ lahˬ nehˬ-awˬ.

2 Gawˇliˬtu 9:7

Kʼoeˇ miˇ neh, aˬ yawꞈ gʼaˬ yawꞈ yawˬ ha neh kʼaˇ noeˬ tsehˆ taˬ-euˬ loꞈ-ehˇ damˬ-awˬ. Nui ma maˬ keuˆ ni damˬ-eu maˬ ehˇ, aˬ cawˬ ehˇ-eu miˇ neh damˬ-eu maˬ ehˇ, taˬ bi pyeuꞈ. Aˬ jeˬ miˇ neh ehˇ naˇ, laˬ kʼaˬ tiˬ cehˇ damˬ-eu tsawˇ haˬ-ahˇ Miˬyehˇ gaˬ-eu meh.