Eˇpeˇsu 6:4 - Akha

⁴ Aˬ da aˬ ma deuˬ-oˇ, naw maꞈ-euˬ zaˬ deuˬ nui ma pehˇ ni taˬ jahˇ. Sahˬpaˬ Yeˬsuˇ-euˬ zahˇ sahˇ kʼoꞈ mehˬ nehˬ tsoˆ nehˬ-awˇ, bo saˆ huiˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqda deuq-or! Nawmaf-euq zaqdeuq nuima paerlar paq-aer taqjanr. Nawmaf zaqciq zaqcu mr ngae, Sanqpaq Miqyaer nae maeqnaeq laf-euq lof-aer, aqyawf maf-anr maeqnaeq tsovnaeq-awr maeqbym naeq-awq.

Eˇpeˇsu 6:4 ပူးပေါင်းရင်းမြစ်များ

Aˇ dahˬ 18:19

Aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ zaˬ deuˬ uˆ deuˬ-ahˇ maˬ ehˇ, yaw tsaˬ yaw dawˇ jeˬ mˇ ni bi mehˬ nehˬ-eu gʼaˇ duˬ, ngaˇ aˬ yawꞈ-ahˇ tseˇ doˆ-eu ma. Aˬ yawꞈ maꞈ kʼoeˇ loꞈ-ehˇ mˇ naˇ, aˬ yawꞈ nehˬ-ehˇ ngaˇ saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ mˇ byah nehˬ ma.”

1 Laˬsaˬbaˬ 28:20

Aˬ yawꞈ-euˬ aˬ li Sawˇlaˬmoˬ-ahˇ sahˬ paˬ Daˬbiˇ heu loꞈ-ehˇ ehˇ nehˬ-euˬ meh. “Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ gʼeh-awˬ. Gaˇ mˇ-eu dawꞈ leˇ-awˇ, aˬ jeˬ pyeuꞈ kʼawꞈ maˬ byehˇ dzeh ni mˇ daˆ leꞈ-awˬ. Ngaˇ gʼoe luꞈ-eu Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ tehꞈ-a. Aˬ yawꞈ nawˬ-ahˇ maˬ byehˇ dzeh-ehˇ, aˬ yawꞈ-euˬ Uˬ duˬ tahˬ nymˇ nymˇ ma tsoˆ gaˇ taꞈ leˇ-eu yawˬ jeˬ na luꞈ-ahˇ nawˇ mˇ jiˇ ngeh keuˆ ni, nawˬ nehˬ-ehˇ aˬ yawꞈ jawˇ tehꞈ-a.

1 Laˬsaˬbaˬ 29:19

Nawˬ neh kʼaˇ mehˬ kʼaˇ tsoˆ nehˬ-euˬ yawˬ jeˬ na luꞈ-ahˇ naˇ haˬ geuꞈ mawꞈ-eu nui ma tiˬ byah ni ahˇ-awˇ, ngaˬ neh lehˬ hmˬ dah taˬ-euˬ Uˬ duˬ tahˬ nymˇ nymˇ ma heu nymˇ tsoˆ doˆ nya ni, ngaˬ li Sawˇlaˬmoˬ-ahˇ nawˇ ngehˬ gʼeh dah teˬ nehˬ-awˬ.”

Dawqdaq 19:18

Aˇ yamˬ tsaˬ ngeh zaˬ-ahˇ mehˬ paˇ tsoˆ paˇ-awˬ. zaˬ cawˆ-iˇ ni gʼaˬ baꞈ taˬ baꞈ.

Dawqdaq 22:15

Zaˬ laꞈ kʼoeˇ aˬ dzawˬ aˇ gah nui ma ahˇ-awˇ, daˇ cuiˇ neh mehˬ-awˇ ya teh doˆ-eu meh.

Dawqdaq 22:6

Zaˬ-ahˇ dehꞈ jeˬ dehꞈ kawˆ mehˬ nehˬ-awˬ. Aˬ yawꞈ-euˬ ziˇ jiˇ ngeh keuˆ ni maˬ ngehˇ leˇ-aˇ.

Dawqdaq 29:15

Zaˬ-ahˇ diˬ diˬ-ehˇ mehˬ nehˬ tsoˆ nehˬ-eu jeˬ-aˬ, zaˬ gʼaˇ duˬ muiˬ-eu meh. Kʼaˇ dehꞈ mawꞈ-eu bi dehꞈ naˇ, aˬ ma-euˬ myaˆ pyawˬ-ahˇ kʼaˬ naˆ sawˆ nya-eu meh.

Dawqdaq 29:17

Nawˬ li-ahˇ yaw muiˬ paˬ-ehˇ mehˬ nehˬ tsoˆ nehˬ naˇ, nawˇ kʼahˬ sehˇ za tehꞈ-a. Nawˇ bi shaꞈ dawˇ-eu jeˬ aˬ yawꞈ tiˬ jawˇ-iˬ maˬ mˇ-aˇ.

Iˇsaˬyaˇ 38:19

Dehꞈ luꞈ-eu tsawˇ haˬ deuˬ nawˬ-ahˇ ja ceuˬ-euˬ meh. Ngaˇ caˇ luꞈ-eu loꞈ-ehˇ caˇ-awˇ ja ceuˬ-eu meh. Nawˇ saˇ jaˇ ziꞈ-eu gaˇ kawˆ heu, aˬ da deuˬ zaˬ-ahˇ ya ja mehˬ tehꞈ-a.

Eˇpeˇsu 6:3

“Kʼoeˇ loꞈ-ehˇ yaw zeu baw naˇ, nawˇ yawˬ jeˬ na luꞈ laꞈ kʼoeˇ baw le za le-awˇ, miˇ tsaˬ kʼoeˇ taˆ dehꞈ ngeh ziˇ baw ziˇ za tehꞈ-a.”

Dawˬmehˬ 4:9

Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.

Dawˬmehˬ 6:7

Zahˇ dawˬ kʼoꞈ dawˬ kʼoeˇ deuˬ naw maꞈ-euˬ zaˬ deuˬ uˆ deuˬ-ahˇ mehˬ nehˬ tsoˆ nehˬ-awˬ. Iˇ kahˇ jawˇ ngeh maˬ ehˇ, gaˇ mahˇ kaˬ gaˇ ya -iˇ ngeh maˬ ehˇ, gʼaˬ naˬ naˬ luꞈ ngeh maˬ ehˇ, gaˇ mˇ luꞈ ngeh maˬ ehˇ, zahˇ dawˬ kʼoꞈ dawˬ kʼoeˇ deuˬ-ahˇ gui poˆ poˆ-awˬ.

Gawˇlawˇsehˇ 3:21

Aˬ da aˬ ma deuˬ-oˇ, yawˬ ha-euˬ zaˬ deuˬ nui ma pehˇ ni taˬ jahˇ. Kʼoeˇ loꞈ-ehˇ jahˇ nehˬ naˇ, yawˬ jeˬ na luꞈ laꞈ kʼoeˇ aˬ yawꞈ maꞈ nui ma baˬ-iˇ tehꞈ-a.

2 Tiˆmoˇseˬ 1:5

Shawˇ jehˆ ni gʼeh-eu nawˬ-euˬ jah-eu jeˬ-ahˇ ngaˇ noeˬ mawˇ luꞈ ma. Nawˬ-euˬ jah-eu jeˬ-aˬ, nawˬ piˬ Lawˇiˆ hawˇ-eu nawˬ ma Uˇniˇ-euˬ jah-eu jeˬ-ahˇ duˇ-eu meh. Jah-eu jeˬ kʼoeˇ, nawˬ-euˬ laꞈ kʼoeˇ kʼawꞈ ahˇ meh lehˇ ngaˇ siˬ duˬ ma.

2 Tiˆmoˇseˬ 3:15

Nawˇ nyiˇ ngeh neh Muiˬ-eu shawˇ-eu Jaˇliꞈ-ahˇ siˬ nya-euˬ gaˇ taˬ ngehˇ. Jaˇliꞈ kʼoeˇ-aˬ, Yeˬsuˇ Ka li-ahˇ jah-eu laꞈ kʼoeˇ ka kʼoꞈ-eu jeˬ za ni sheuˬ gʼeh-eu zaˬ siˬ tsawˇ gahˇ nawˬ-ahˇ biꞈ nehˬ laꞈ-euˬ meh.

Yawˇshuˆ 24:15

Aˬ yawꞈ-ahˇ naw maꞈ uˬ duˬ maˬ tahˬ mawꞈ te lehˇ ngeuˇ naˇ, aˬ geu gʼaˬ-ahˇ uˬ duˬ tahˬ nmˇ lehˇ iˬ nah noeˬ tsehˆ-awˬ. Maˬsoˬpoˬtaˬmiˇ miˇ kʼahˬ-ahˇ naw maꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ. Maˬ ngeuˇ naˇ, iˬ nah naw maꞈ jawˇ luꞈ-eu miˇ kʼahˬ-ahˇ jawˇ-eu Aˬ mawˇ liˆ tsawˇ haˬ deuˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ lehˇ noeˬ tsehˆ-awˬ. Ngaˇ hawˇ-eu ngaˬ-eu miˬ sawˇ zaˬ deuˬ law nmˇ-aˬ, Sahˬpaˬ Miˬyehˇ-ahˇ uˬ duˬ tahˬ ma.”

Yaˇ kʼaˬ daˇ 13:12

Kʼoeˇ naˇ, Maˬnoˇaˬ ehˇ-eu, “Nawˬ neh ehˇ-euˬ loꞈ-ehˇ pyeuꞈ laˇ ngeh, aˬ li kʼoeˇ gʼaˬ aˬ jeˬ mˇ nmˇ. Aˬ yawꞈ aˬ joˆ-ehˇ yaw dehꞈ ya dehꞈ nmˇ.”