Eˇpeˇsu 6:24 - Akha

²⁴ Aˬ dui-euˬ Sahˬpaˬ Yeˬsuˇ ka li-ahˇ tiˬ jawˇ-iˬ maˬ piˬ maˬ byoˆ-iˇ nya-eu gʼoeˇ-eu gaˬ-eu jeˬ neh kʼaˇ gaˬ-eu tsawˇ haˬ dawˬ tawˆ luꞈ kʼoeˇ taˆ, Miˬyehˇ gʼawˬ shaˬ gaˬ-eu guiˬ lahˬ yaw dzahˇ jaˆ luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Aqdui-euq Sanqpaq Yeqsur Kali-anr maqbyov-ir ni gaq-eu tsawrhaq yawqghaq navluf-euq khoertav, guiqlanq yawdzanr jav luf-ur. Aqmeq.

Eˇpeˇsu 6:24 ပူးပေါင်းရင်းမြစ်များ

Maꞈtehˬ 22:37

Yeˬsuˇ ehˇ-eu, “‘Nawˬ-euˬ nui ma dawˬ tawˆ luꞈ, nawˬ-euˬ saꞈ laˇ dawˬ tawˆ luꞈ, nawˬ-euˬ nui noeˬ nui duˇ dawˬ tawˆ luꞈ, nawˬ-euˬ Miˬyehˇ pyeuꞈ-eu SahˬpaˬMiˬyehˇ-ahˇ gaˬ-awˬ.’

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Lormav 2:7

Tsawˇ haˬ tiˬ paˆ na deuˬ-aˬ, yaw muiˬ jeˬ-ahˇ maˬ tsehˆ leˇ ni mˇ-eu laꞈ kʼoeˇ, yaw shehꞈ kʼahˬ sehˇ hawˇ-eu taˬ huiˬ taˬ mahˇ nehˬ-eu jeˬ-ahˇ maˬ ehˇ, mˬ maˬ maˬ byaˆ zaˇ ziˇ maˬ shiˇ ni ya dehꞈ-eu jeˬ-ahˇ maˬ ehˇ, poˆ luꞈ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ dehꞈ-eu jeˬ Miˬyehˇ biꞈ nehˬ tehꞈ-a.

2 Gawˇliˬtu 8:12

Damˬ mawꞈ-eu nui ma ahˇ naˇ, naw maꞈ kʼaˇ gʼeh nya-eu loꞈ-ehˇ damˬ-euˬ gaˇ Miˬyehˇ ha geuꞈ nehˬ laꞈ tehꞈ-a. Maˬ gʼeh nya gaˇ keuˆ ni damˬ-awˬ lehˇ maˬ ehˇ-a.

2 Gawˇliˬtu 8:8

Maˬ mˇ-ehˇ maˬ gʼeh nya-a lehˇ naw maꞈ-ahˇ ciˬ pi nehˬ-eu maˬ ngeuˇ. Aˬ cawˬ caw ba mawꞈ-eu nui ma aˇ naˆ ni ahˇ-eu gaˇ kawˆ naw maꞈ-ahˇ bi siˬ bi mawˇ-eu laꞈ kʼoeˇ, naw maꞈ-euˬ gʼoeˇ-eu gaˬ-eu jeˬ aˇ naˆ ni duˬ-eu ciˇ-eu gaˇ kawˆ ngaˇ siˬ duˬ mawꞈ-eu ma.

Eˇpeˇsu 6:23

Aˬda Miˬyehˇ hawˇ-eu Sahˬpaˬ Yeˬsuˇ Ka li-euˬ nui saˇ oꞈ-eu jeˬ maˬ ehˇ, gʼoeˇ-eu gaˬ-eu jeˬ maˬ ehˇ, jah-eu jeˬ maˬ ehˇ, aˬ yuiꞈ aˬ nyiˇ Ka li zaˬ dawˬ tawˆ luꞈ kʼoeˇ taˆ jaˆ luꞈ-uˇ.

Piˇliˇpiˆ 1:1

Yeˬsuˇ Ka li-euˬ zaˬ kʼaˆ pyeuꞈ-eu Pawˇluˆ hawˇ-eu Tiˆmoˇseˬ nga nyaꞈ, Yeˬsuˇ Ka li laꞈ kʼoeˇ Piˇliˇpiˆ meuˬ-ahˇ jawˇ luꞈ-eu Ka li zaˬ aˇ muˇ-ahˇ sheuˬ gʼeh-eu deuˬ, caw dehˬ caw toˆ-eu deuˬ hawˇ-eu, Miˬyehˇ-euˬ tsawˇ haˬ dawˬ tawˆ luꞈ-ahˇ sahˬ boꞈ boꞈ ahˇ laꞈ-eu ma.

Gawˇlawˇsehˇ 4:18

Pawˇluˆ naw maꞈ-ahˇ dawˬ cawˬ puˬ ahˇ laꞈ-eu ma lehˇ ngaˬ-euˬ aˬ laꞈ neh boꞈ-euˬ ma. Ngaˇ shmˇ caˆ daˬ luꞈ gaˇ taˬ ngehˇ de. Miˬyehˇ-euˬ guiˬ lahˬ yaw dzahˇ naw maꞈ kʼoeˇ taˆ jaˆ luꞈ-uˇ.

2 Tiˆmoˇseˬ 4:22

Nawˬ-euˬ nui ma laꞈ kʼoeˇ Sahˬpaˬ Yeˬsuˇ jawˇ luꞈ-uˇ. Miˬyehˇ-euˬ guiˬ lahˬ yaw dzahˇ naw maꞈ dawˬ tawˆ luꞈ kʼoeˇ taˆ jaˆ luꞈ-uˇ.

Tiˇtuˆ 2:7

Yawˬ jeˬ na luꞈ laꞈ kʼoeˇ, nawˬ-ahˇ aˬ cawˬ yaw muiˬ jeˬ dzaw geuꞈ paˬ-ehˇ dehꞈ mehˬ jawˇ mehˬ nehˬ-awˬ. Nawˇ mehˬ nehˬ tsoˆ nehˬ ngeh, nui ma keuˆ-eu laꞈ kʼoeˇ dawˇ coe ni mehˬ nehˬ-awˬ.

Tiˇtuˆ 3:15

Ngaˬ nehˬ-ehˇ jawˇ-eu tsawˇ haˬ dawˬ tawˆ luꞈ nawˬ-ahˇ dawˬ cawˬ puˬ ahˇ leꞈ-euˬ meh. Nga maꞈ dawˬ cawˬ puˬ ahˇ leꞈ-euˬ meh lehˇ, Ka li-ahˇ jah-eu cawˬ deuˬ-ahˇ tiˬ poˆ tsaꞈ gaˬ nehˬ-awˬ. Miˬyehˇ-euˬ guiˬ lahˬ yaw dzahˇ naw maꞈ dawˬ tawˆ luꞈ kʼoeˇ taˆ jaˆ luꞈ-uˇ.

HeˬByehˇ 13:25

Naw maꞈ dawˬ tawˆ luꞈ-euˬ kʼoeˇ taˆ, Miˬyehˇ-euˬ guiˬ lahˬ yaw dzahˇ jaˆ luꞈ-uˇ. Aˬ miˬ