Eˇpeˇsu 6:21 - Akha

²¹ Ngaˇ aˬ joˆ-ehˇ mˇ luꞈ shaˇ luꞈ-eu gaˇ kawˆ naw maꞈ ya siˬ ni, aˬ dui-euˬ aˬ nyiˇ Duˇjiˇ naw maꞈ-ahˇ ja mehˬ jiˇ nehˬ laꞈ tehꞈ-a. Aˬ yawꞈ-aˬ, Sahˬpaˬ Yeˬsuˇ-euˬ gaˇ mˇ-eu saˇ jaˇ ziꞈ-eu zaˬ kʼaˆ tiˬ gʼaˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Ngar aqjox-aer pyeufluf-awr, aqjox-aer mrluf sharluf-eu garkawv nawmaf yasiqni, sarjax zif-awr Sanqpaq Miqyaer-euq kuirlaf zaqkhav pyeuf-eu, ngar zawr gaq-eu maernmr Durjir, nawmaf-anr yawqjeq navluf ja’maeq naeqlaf taef-a.

Eˇpeˇsu 6:21 ပူးပေါင်းရင်းမြစ်များ

Gʼaˬkʼehˇ 20:4

Beˬliˇ meuˬ-ahˇ jawˇ-eu Buˇluˆ-euˬ aˬ li Soˇbaˬdaˬluˇ, Teˇsaˬloˇni meuˬ-ahˇ jawˇ-eu Aˬliˬdaˬguˇ hawˇ-eu Seˬguˬduˇ, Deˬbeˬ meuˬ-ahˇ jawˇ-eu Gaˬyuˇ, Aˬshaˆ miˇ kʼahˬ-ahˇ jawˇ-eu Duˇjiˇ hawˇ-eu Daˬloˇbeˬ aˬ ha maꞈ hawˇ-eu Tiˆmoˇseˬ kʼawꞈ, Pawˇluˆ nehˬ-ehˇ iˇ-euˬ meh.

1 Gawˇliˬtu 4:17

Ngaˇ kʼoeˇ loꞈ-ehˇ noeˬ-awˇ, Sahˬpaˬ Miˬyehˇ laꞈ kʼoeˇ ngaˇ gaˬ dui dui-eu saˇ jaˇ ziꞈ-eu aˬ li pyeuꞈ-eu Tiˆmoˇseˬ-ahˇ naw maꞈ jawˇ gaˇ kʼehˇ gʼeh leꞈ-euˬ ma. Ngaˇ caw teh luꞈ-eu gaˇ ma pyeuꞈ-eu Ka li laꞈ kʼoeˇ aˬ joˆ-ehˇ ya dehꞈ ya jawˇ-eu gaˇ kawˆ kʼoeˇ hmˬ-ahˇ naw maꞈ maˬ ya ngehˇ ni aˬ yawꞈ sheuˬ gʼeh nehˬ laꞈ tehꞈ-a. Gaˇ kawˆ kʼoeˇ hmˬ-ahˇ ka li zaˬ aˇ muˇ kʼaˇ jaˆ gaˇ ngaˇ mehˬ-eu ma.

Piˇliˇpiˆ 1:12

Aˬ yuiꞈ aˬ nyiˇ Ka li zaˬ deuˬ-oˇ, ngaˇ ya daˬ luꞈ-eu heu-aˬ, Laˬ kʼaˬ cehˇ-eu Guiˬ lahˬ dawˬ bi gaˬ doe-iˇ-eu gʼaˇ duˬ gaˇ dahˇ tsoeˬ-eu gaˇ kawˆ naw maꞈ bi siˬ nya mawꞈ miˇ-a.

Gawˇlawˇsehˇ 1:7

Nga maꞈ-euˬ dah zaˇ Ka li-euˬ gaˇ-ahˇ saˇ jaˇ ziꞈ-awˇ mˇ luꞈ-eu gaˇ mˇ cawˬ Iˇbaˬpaˬlaˇ neh Miˬyehˇ gʼawˬ shaˬ gaˬ-eu guiˬ lahˬ yaw dzahˇ gaˇ kawˆ naw maꞈ-ahˇ mehˬ nehˬ-euˬ meh.

1 Tiˆmoˇseˬ 4:6

Gaˇ kawˆ heu deuˬ aˬ yuiꞈ aˬ nyiˇ Ka li zaˬ deuˬ-ahˇ nawˇ mehˬ nehˬ naˇ, nawˇ-aˬ, nawˬ neh caw teh gʼeh-euˬ jah-eu jeˬ-ahˇ taꞈ-eu yaw tsaˬ yaw dawˇ jeˬ laꞈ kʼoeˇ hawˇ-eu muiˬ dui dui-eu mehˬ-eu tsoˆ-eu dawˬ deuˬ laꞈ kʼoeˇ huiˬ laˇ-euˬ, Yeˬsuˇ Ka li-euˬ muiˬ-eu zaˬ kʼaˆ tiˬ gʼaˬ pyeuꞈ tehꞈ-a.

2 Tiˆmoˇseˬ 4:12

Duˇjiˇ-ahˇ Eˇpeˇsu meuˬ-ahˇ kʼehˇ gʼeh-euˬ ma.

Tiˇtuˆ 3:12

Aˬdeˬmaˇ hawˇ-eu Diˇjiˇ aˬ nyaꞈ tiˬ gʼaˬ-ahˇ ngaˇ kʼehˇ gʼeh leꞈ naˇ, Niˇgawˇbaˬliˇ meuˬ-ahˇ leh jeh-awˇ laˇ keuˆ-awˬ. Aˬ jeˬ miˇ neh ehˇ naˇ, tsahˬ gaˆ yamˬ-ahˇ ngaˇ kʼoeˇ gaˇ jawˇ-eu gʼaˇ duˬ noeˬ tsehˆ taˬ-euˬ ma.

Piˇleˇmoˬ 1:16

Nymˬ-mˇ-aˬ, aˬ yawꞈ zaˬ kʼaˆ tiˬ gʼaˬ loˆ ni tehꞈ maˬ paˇ ngeuˇ meh. Ka li laꞈ kʼoeˇ aˬ yuiꞈ aꞈ nyiˇ tiˬ gʼaˬ loꞈ-ehˇ pyeuꞈ laˇ-euˬ meh. Aˬ yawꞈ-aˬ, ngaˬ-euˬ gʼaˇ duˬ gaˇ dahˇ tsoeˬ dui dui-eu meh. Ngaˬ-euˬ gʼaˇ duˬ gaˇ dahˇ tsoeˬ-eu naˆ maˬ tseˇ, nawˬ-euˬ gʼaˇ duˬ zaˬ kʼaˆ tiˬ gʼaˬ loꞈ-ehˇ maˬ ehˇ, Sahˬpaˬ Yeˬsuˇ laꞈ kʼoeˇ aˬ yuiꞈ aꞈ nyiˇ tiˬ gʼaˬ loꞈ-ehˇ maˬ ehˇ, gaˇ dahˇ tsoeˬ dzehˬ tehꞈ-a.

1 Beˬtuˆluˆ 5:12

Ngaˇ jah coeˇ-eu aˬ nyiˇ Siˬlaˇ-ahˇ gʼoe-awˇ, naw maꞈ-ahˇ sahˬ boꞈ heu taꞈ yaw nymˇ nymˇ-ehˇ boꞈ ahˇ laꞈ-eu ma. Naw maꞈ-ahˇ gʼaˬ biꞈ mawꞈ-eu miˇ neh sahˬboꞈ heu taꞈ ngaˇ boꞈ-euˬ ma. Sahˬ boꞈ heu taꞈ-aˬ, maˇ maˇ ni Miˬyehˇ-euˬ guiˬ lahˬ yaw dzahˇ pyeuꞈ-eu ma. Guiˬ lahˬ yaw dzahˇ heu-euˬ laꞈ kʼoeˇ ziꞈ dah ni jawˇ-awˬ.

2 Beˬtuˆluˆ 3:15

Miˬyehˇ neh biꞈ-euˬ zaˬ siˬ nui gahˇ-ahˇ gʼoe-awˇ, aˬ dui gaˬ dui dui-eu aˬ yuiꞈ aˬ nyiˇ pyeuꞈ-eu Pawˇluˆ neh naw maꞈ-ahˇ sahˬ boꞈ boꞈ ahˇ laꞈ-euˬ loꞈ-ehˇ, naw maꞈ ka kʼoꞈ-eu jeˬ bi za-eu gʼaˇ duˬ Sahˬpaˬ Yeˬsuˇ oˇ oˇ-ehˇ dawˬ luꞈ meh lehˇ noeˬ siˬ noeˬ mawˇ-awˬ.