Eˇpeˇsu 6:12 - Akha

¹² Aˬ jeˬ miˇ neh ehˇ naˇ, tsawˇ haˬ zaˬ-ahˇ aˬ dui deuˆ ceh ceh luꞈ-eu maˬ ngeuˇ. Maˬ mawˇ nya-eu haiˬ dui dui-eu mˬ taˆ-euˬ yaw sahˇ pyeuꞈ-eu uˆ lahˇ-eu deuˬ-ahˇ maˬ ehˇ, baoˬ deuˬ-ahˇ maˬ ehˇ, zahˇ tsui ni gʼeh-eu ziˇ heu ziˇ-ahˇ dzoeˬ luꞈ-eu mˬ hawˇ-eu miˇ yaw kaˬ-ahˇ jawˇ-eu deuˬ-ahˇ maˬ ehˇ, aˬ dui deuˆ ceh ceh luꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Aqjeq mirnae aernar-aq, aqdui guirdeuv deuv-eu-aq, shiq hawr-eu shaqjir-anr deuvluf-eu maqngeur. Aqdui heudeuq-anr deuvluf-eu ma, mqsanr deuq, aryaq deuq, mirtsaq yawzanr-euq khoertav baoq jav-eu deuq hawr-eu, mq-anr jawr-eu yawcawv-euq saflar deuq-anr deuvluf-eu ma.

Eˇpeˇsu 6:12 ပူးပေါင်းရင်းမြစ်များ

Yawˇbaˆ 2:2

“Nawˇ aˬ gaˇ iˇ teˬ” lehˇ Saˬdaˬ-ahˇ Sahˬpaˬ Miˬyehˇ naˇ haˬ ngeh, “Miˇ tsaˬ tahˬ kʼawˇ doe ni cah cah-ehˇ jawˇ luꞈ-eu ma” lehˇ Saˬdaˬ ehˇ-eu meh.

Maꞈtehˬ 16:17

Yeˬsuˇ ehˇ-eu, “Yawˇnaˆ-euˬ aˬ li Siˇmoˬ-oˇ, nawˇ-aˬ guiˬ lahˬ zawˇ huiˬ-eu tsawˇ haˬ meh. Aˬ jeˬ miˇ neh ehˇ naˇ, gaˇ kawˆ heu tsawˇ haˬ zaˬ neh nawˬ-ahˇ pah mehˬ-euˬ maˬ ngeuˇ-a. Mˬ kʼoeˇ taˆ jawˇ-eu ngaˬ Da neh nawˬ-ahˇ pah mehˬ nehˬ-euˬ meh.

Maˬkuˆ 4:19

Ehˇ kʼawꞈ, yaw dehꞈ dehꞈ-eu gaˇ kawˆ kʼahˬ lahˇ-eu jeˬ, pyuˇ shuiˇ myawˬ gahˬ-ahˇ gaˬ-eu jeˬ hawˇ-eu, miˇ tsaˬ kʼoeˇ taˆ nui kʼahˇ kʼaˇ jaˆ-eu jeˬ dawˬ tawˆ luꞈ keuˆ le teuˇ le ngeh, Miˬyehˇ-euˬ dawˬ kawˬ-ahˇ uˆ tehˬ-awˇ, aˇ siˬ maˬ siˬ le nya-a.

Luˇkaꞈ 13:24

“Gʼoˆ kʼehˬ yaw suꞈ-ahˇ ya uˇ leˇ ni leh jeh dui dui-awˬ. Tsawˇ haˬ gʼawˬ mya gʼaˬ kʼoeˇ gaˇ uˇ leˇ-eu lehˇ leh jeh kʼawꞈ, maˬ ya uˇ leˇ-a lehˇ, naw maꞈ-ahˇ ngaˇ ehˇ-eu ma.

Luˇkaꞈ 22:53

Naw maꞈ nehˬ-ehˇ Uˬ duˬ tahˬ nymˇ nymˇ ma laꞈ kʼoeˇ yawˬ nah na luꞈ ngaˇ jawˇ luꞈ ngeh, naw maꞈ ngaˬ-ahˇ maˬ nyehꞈ-a. Ehˇ kawꞈ, yaw zahˇ-euˬ baoˬ uˆ lahˇ-eu aˇ yamˬ heu yamˬ, naw maꞈ heu loꞈ-ehˇ mˇ-eu gʼaˇ duˬ tsaˬ dui dui-eu aˇ yamˬ meh.”

Yoˇhaˬ 12:31

Nymˬ-mˇ miˇ tsaˬ heu-ahˇ yaˇ kʼaˬ daˇ-eu aˇ yamˬ tsaˬ laˇ-euˬ meh. Nymˬ-mˇ miˇ tsaˬ heu-ahˇ uˆ lahˇ luꞈ-eu gʼaˬ bi teh dzeh tehꞈ-a.

Yoˇhaˬ 14:30

Ngaˇ naw maꞈ nehˬ-ehˇ ngehˬ cawˬ ngehˬ cawˬ-ehˇ jawˇ-eu aˇ yamˬ maˬ paˇ jaˆ meh. Aˬ jeˬ miˇ neh ehˇ naˇ, miˇ tsaˬ-ahˇ uˆ lahˇ-eu gʼaˬ oe luꞈ meh. Aˬ yawꞈ-aˬ, ngaˬ-ahˇ maˬ zuiˆ gʼaˬ nya-a.

Yoˇhaˬ 16:11

Yaˇ kʼaˬ daˇ-eu gaˇ kawˆ aˬ yawꞈ maꞈ jah lehˬ-euˬ meh. Aˬ jeˬ miˇ neh ehˇ naˇ, miˇ tsaˬ-ahˇ uˆ lahˇ-eu gʼaˬ yaˇ kʼaˬ daˇ-eu jeˬ-ahˇ ya daˬ gʼaˬ-euˬ meh.

Gʼaˬkʼehˇ 26:18

Aˬ yawꞈ maꞈ jah-eu laꞈ kʼoeˇ iˬ baˇ pyehˬ nehˬ-euˬ jeˬ-ahˇ za-awˇ, Miˬyehˇ neh tseˇ doˆ-euˬ tsawˇ haˬ deuˬ nehˬ-ehˇ jawˇ duˬ za nya ni aˬ yawꞈ maꞈ-euˬ myaˆ nuiˆ nawˇ pah nehˬ-awˇ, yaw zahˇ laꞈ kʼoeˇ neh yaw shehꞈ-ahˇ ya sheuˬ kʼoꞈ laꞈ nehˬ-awˇ, Saˬdaˬ-euˬ baoˬ uˬ moˆ jawˇ luꞈ-eu deuˬ-ahˇ Miˬyehˇ jawˇ paw ya sheuˬ kʼoꞈ laꞈ nehˬ meh’ lehˇ ehˇ-eu meh.

Lormav 8:38

Aˬ jeˬ miˇ neh ehˇ naˇ, aˬ yawꞈ-euˬ gʼoeˇ-eu gaˬ-eu jeˬ-ahˇ aˬ dui ya gʼawˬ-iˇ ni tiˬ jeˬ-iˬ maˬlaˆ pyaˆ laˇ nya-aˇ lehˇ ngaˇ siˬ duˬ taˬ-euˬ ma. Shiˇ-eu jeˬ maˬ ehˇ, dehꞈ-eu jeˬ maˬ ehˇ, mˬ taˆ gʼaˬ kʼehˇ deuˬ maˬ ehˇ, mˬ kʼoeˇ taˆ uˆ lahˇ luꞈ-eu deuˬ maˬ ehˇ, mˬ taˆ-euˬ baoˬ deuˬ maˬ ehˇ, heu ziˇ maˬ ehˇ, aˬ kaˇ kaˇ ziˇ maˬ ehˇ,

1 Gawˇliˬtu 15:50

Aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ mawꞈ-eu-aˬ heu loꞈ-ehˇ ma. Shiˬ shaˬ jiˇ gʼawˇ mawˇ heu-aˬ, Miˬyehˇ Miˇkʼahˬ-ahˇ jawˇ leˇ nya-eu jeˬ maˬ ngeuˇ-a. Buꞈ-iˇ nya-eu jeˬ-aˬ, maˬ buꞈ-iˇ nya-eu jeˬ-ahˇ maˬ za nya-a.

2 Gawˇliˬtu 11:14

Aˬ yawꞈ maꞈ kʼoeˇ loꞈ-ehˇ gʼeh gaˇ zahˬ leˇ duˬ maˬ jaˆ-a. Nehꞈ Saˬdaˬ kʼawꞈ yaw shehꞈ bya-eu mˬ taˆ gʼaˬ kʼehˇ jahˇ geuꞈ nya-eu meh.

2 Gawˇliˬtu 4:4

Miˇ tsaˬ heu-ahˇ uˆ lahˇ luꞈ-eu miˬyehˇ pyeuꞈ-eu nehꞈ Saˬdaˬ neh aˬ yawꞈ maꞈ-euˬ nui ma-ahˇ yaw zahˇ laꞈ kʼoeˇ piˬ lahˇ taˬ-euˬ miˇ neh, aˬ yawꞈ maꞈ maˬ jah-a. Kʼoeˇ miˇ neh, Miˬyehˇ-ahˇ duˇ duˇ dehꞈ dehꞈ pyeuꞈ-eu Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ-euˬ yaw shehꞈ kʼahˬ sehˇ aˬ yawꞈ maꞈ kʼoeˇ taˆ bya luꞈ gaˇ aˬ yawꞈ maꞈ maˬ mawˇ nya-a.

Gaˬlaˬtiˆ 1:16

Aˬ yawꞈ-euˬ gaˇ kawˆ Yuˇdaˆ tsawˇ haˬ deuˬ-ahˇ bi mehˬ-eu gʼaˇ duˬ, aˬ yawꞈ-euˬ Zaˬmaˇ neh ngaˬ-ahˇ pah mehˬ nehˬ laꞈ-euˬ meh. Tsawˇ haˬ zaˬ tiˬ gʼaˬ-ahˇ-iˬ, ngaˇ nui noeˬ nui duˇ maˬ shaˇ haw-aˬ.

Eˇpeˇsu 1:21

Mˬ kʼoeˇ taˆ uˆ lahˇ luꞈ-eu deuˬ pyeuꞈ-eu, uˆ lahˇ-eu deuˬ, sahˬ paˬ sahˬ ma deuˬ, baoˬ deuˬ hawˇ-eu, miˇ kʼah-ahˇ haw-eu pyaˆ-eu deuˬ dawˬ tawˆ luꞈ kʼoeˇ taˆ Ka li uˆ lahˇ-eu meh. Heu ziˇ maˬ ehˇ, aˬ kaˇ kaˇ ziˇ maˬ ehˇ, kʼaˇ biꞈ taˬ-euˬ tsawˇ myahˇ dawˬ tawˆ luꞈ kʼoeˇ taˆ huiˬ dzehˬ-eu tsawˇ myahˇ aˬ yawꞈ jaˆ-eu meh.

Eˇpeˇsu 1:3

Aˬ dui-euˬ Sahˬpaˬ Yeˬsuˇ Ka liˬeuˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ jeˬ miˇ neh ehˇ naˇ, mˬ taˆ miˇ kʼahˬ-ahˇ jaˆ-eu saꞈ laˇ paw-euˬ guiˬ lahˬ yawˬ jeˬ na luꞈ, Yeˬsuˇ Ka li laꞈ kʼoeˇ aˬ dui-ahˇ aˬ yawꞈ biꞈ laꞈ-euˬ meh.

Eˇpeˇsu 2:2

Kʼoeˇ ngeh, miˇ tsaˬ heu-ahˇ taꞈ-eu maˬ muiˬ maˬ jaˬ-eu jeˬ mehˬ nah naw maꞈ caw teh-awˇ, mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ-euˬ mehˬ nah caw teh-euˬ meh. Yaw sahˇ kʼoeˇ-aˬ, nymˬ-mˇ Miˬyehˇ-euˬ dawˬ-ahˇ maˬ naˇ haˬ-eu deuˬ-ahˇ uˆ lahˇ luꞈ-eu meh.

Eˇpeˇsu 3:10

Kʼoeˇ loꞈ-ehˇ dehˬ kaˬ taˬ-euˬ kʼoeˇ-aˬ, nymˬ-mˇ-euˬ aˇ yamˬ-ahˇ Ka li zaˬ aˇ muˇ-ahˇ gʼoe-eu laꞈ kʼoeˇ, mˬ kʼoeˇ taˆ uˆ lahˇ luꞈ-eu mˬ taˆ gʼaˬ kʼehˇ deuˬ hawˇ-eu baoˬ jaˆ-eu deuˬ-ahˇ Miˬyehˇ-euˬ zaˬ siˬ tsawˇ gahˇ gʼawˬ mya jeˬ bi siˬ bi mawˇ-eu gʼaˇ duˬ pyeuꞈ-eu meh.

Gawˇlawˇsehˇ 1:13

Yaw zahˇ-euˬ baoˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-awˇ, aˬ yawꞈ-euˬ Zaˬmaˇ-euˬ miˇ kʼahˬ laꞈ kʼoeˇ aˬ dui-ahˇ sheuˬ ahˇ nehˬ laꞈ-euˬ meh.

Gawˇlawˇsehˇ 2:15

Laꞈ yaꞈ kʼoeˇ-euˬ kʼoeˇ taˆ, mˬ hawˇ-eu miˇ yaw kaˬ-ahˇ uˆ lahˇ luꞈ-eu yaw sahˇ deuˬ hawˇ-eu baoˬ deuˬ-euˬ aˬ laꞈ laꞈ kʼoeˇ, Ka li yawˬ haˇ yawˬ ha bi buˬ-iˇ-euˬ meh. Aˬ yawꞈ gʼaˬ leˇ-euˬ bawˬ-iˬ gʼeh ngeh miˇ kʼahˬ zaˬ deuˬ bi haw-eu gʼaˇ duˬ, aˬ yawꞈ maꞈ-ahˇ paꞈ-awˇ tsahˇ tsahˇ-ehˇ cah-euˬ meh.

2 Tiˆmoˇseˬ 2:5

Cehˆ ceh ceh-eu tsawˇ haˬ tiˬ gʼaˬ-aˬ, niˇ gʼa-eu zahˇ sahˇ kʼoꞈ-ahˇ maˬ caw teh naˇ laꞈ sawˬ maˬ za nya-a.

HeˬByehˇ 12:1

Jah-eu jeˬ gaˇ kawˆ saˇ kiˇ kamˬ-euˬ tsawˇ haˬ kʼoeˇ deuˬ, aˬ dui-euˬ tiˬ jawˬ tiˬ byah ni jawˇ luꞈ ma. Kʼoeˇ miˇ neh, gaˇ ma-ahˇ kʼaˇ jaˆ tsoeˬ-eu yawˬ jeˬ na luꞈ-ahˇ aˬ dui teuˆ lehˆ-awˇ, aˬ dui-ahˇ deuˇ geuˆ ni lahˇ cuꞈ taꞈ-euˬ iˬ baˇ-ahˇ behˇ lehˆ-awˇ, aˬ dui mehˬ shi laˆ saˆ taˬ-euˬ cehˆ ceh ceh-eu gaˇ ma-ahˇ nui ma ziꞈ dah ni cehˆ gʼeh kaˇ-euˇ.

HeˬByehˇ 12:4

Aˬ jeˬ miˇ neh ehˇ naˇ, naw maꞈ iˬ baˇ-ahˇ deuˆ ceh ceh-eu kʼoeˇ-aˬ, shiˇ-eu aˇ tiˆ-ahˇ maˬ keuˆ-a siˬ.

1 Beˬtuˆluˆ 3:22

Gʼoꞈ dehꞈ laˇ-euˬ Ka li-aˬ, mˬ kʼoeˇ taˆ daˆ gʼoꞈ leˇ-awˇ Miˬyehˇ-euˬ aˇ maˇ paw nuiˇ-eu laꞈ kʼoeˇ, mˬ taˆ gʼaˬ kʼehˇ dawˬ tawˆ luꞈ kʼoeˇ taˆ maˬ ehˇ, mˬ taˆ-euˬ sahˬ paˬ sahˬ ma deuˬ hawˇ-eu baoˬ ahˇ-eu deuˬ dawˬ tawˆ luꞈ kʼoeˇ taˆ maˬ ehˇ, uˆ lahˇ luꞈ-eu meh.