Eˇpeˇsu 6:1 - Akha

¹ Zaˬ deuˬ-oˇ, Sahˬpaˬ Yeˬsuˇ laꞈ kʼoeˇ yawˬ ha-euˬ aˬ da aˬ ma ehˇ dawˬ naˇ haˬ-awˬ. Naw maꞈ kʼoeˇ loꞈ-ehˇ mˇ-eu tsaˬ dui dui meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Zaqdeuq-or! Sanqpaq Miqyaer-euq lafkhoer yawqha-euq aqma aqda-euq aerdawq narhaq geuf-awq. Nawmaf khoerlof-aer mr-eu-aq tsaq-eu mae.

Eˇpeˇsu 6:1 ပူးပေါင်းရင်းမြစ်များ

Aˇ dahˬ 28:7

Kʼoeˇ uˬ taꞈ, aˬ ma aˬ da-euˬ ehˇ dawˬ-ahˇ Yaˬkoˆ naˇ haˬ-awˇ, Maˬsoˬpoˬtaˬmiˇ miˇ kʼahˬ-ahˇ miˬ zaˬ poˆ leˇ-euˬ gaˇ kawˆ kʼawꞈ, aˬ yawꞈ paˇ ya siˬ-euˬ meh.

Aˇ dahˬ 37:13

“Nawˬ-euˬ aˇ doˆ deuˬ jeˬ zaˬ bo luꞈ-eu Sheˬkmˬ meuˬ paw iˇ haw sheˇ” lehˇ, Yoˇsehˆ-ahˇ Yaˬkoˆ ehˇ nehˬ ngeh, “Ngaˇ iˇ ma da-oˇ” lehˇ Yoˇsehˆ ehˇ kʼoꞈ nehˬ-euˬ meh.

Aˇ dahˬ 48:12

Kʼoeˇ ngeh, aˬ yawꞈ-euˬ aˬ li kʼoeˇ nyiˬ li-ahˇ, aˬ yawꞈ aˬ da-euˬ bawˇ kʼahˇ laꞈ kʼoeˇ neh Yoˇsehˆ ciˬ doˆ-awˇ, aˬ yawꞈ aˬ da-euˬ mehˬ shi pawˬ tsuiꞈ pawˬ dmˬ dmˬ-awˇ, miˇ tsa awˆ byaˆ-euˬ meh.

Aˇ dahˬ 50:12

Kʼoeˇ naˇ, aˬ yawꞈ maꞈ mehˇ nmˇ-euˬ aˬ da neh mehˬ nehˬ tsoˆ nehˬ yaꞈ-euˬ loꞈ-ehˇ, Yaˬkoˆ-euˬ aˬ li deuˬ mˇ-euˬ meh.

Neˬhaˬmiˇ 9:13

Siˇnaˆ gawˬ jawˬ kʼoeˇ taˆ mˬ-ahˇ neh nawˇ oe-awˇ, nawˬ-euˬ tsawˇ jeuˬ-ahˇ dawˬ ngehˬ cawˬ le-awˇ, muiˬ-eu tsaˬ-eu zahˇ sahˇ kʼoꞈ dawˬ kawˬ deuˬ, aˬ yawꞈ maꞈ-ahˇ nawˇ biꞈ le-euˬ meh.

Iˇsaˬtaˆ 2:20

Kʼoeˇ ngeh keuˆ ni, Iˇsaˬtaˆ gʼaˬ, yawˬ ha Yuˇdaˆ tsawˇ jeuˬ pyeuꞈ-eu gaˇ kawˆ maˬ bi siˬ ni zaꞈ taˬ-euˬ meh. Aˬ yawꞈ yaw nyiˇ ngeh neh Mawˬdaˬkehˇ-euˬ ehˇ dawˬ naˇ haˬ-euˬ loꞈ-ehˇ, yawˬ ha Yuˇdaˆ tsawˇ haˬ pyeuꞈ-eu gaˇ kawˆ aˬ cawˬ-ahˇ taˬ bi siˬ lehˇ Mawˬdaˬkehˇ neh aˬ yawꞈ-ahˇ ehˇ nehˬ-euˬ dawˬ kʼoeˇ dawˬ-ahˇ aˬ yawꞈ maˬ ngehˇ-a.

Yawˇbaˆ 33:27

Kʼoeˇ ngeh, tsawˇ haˬ aˇ maꞈ mehˬ shi aˬ yawꞈ heu loꞈ-ehˇ ehˇ tehꞈ-a. ‘Ngaˇ yaw tsaˬ yaw dawˇ jeˬ maˬ mˇ ni iˬ baˇ mˇ-euˬ ma. Ehˇ kʼawꞈ, Miˬyehˇ ngaˬ-ahˇ bi buˬ-iˇ laꞈ-euˬ meh.

Jaceuq 119:128

Kʼoeˇ miˇ neh, nawˬ neh mehˬ nehˬ tsoˆ nehˬ laꞈ-euˬ loꞈ-ehˇ ngaˇ dehꞈ-awˇ, maˬ tsaˬ maˬ dawˇ-eu jeˬ-ahˇ ngaˇ bye-eu ma.

Jaceuq 119:75

Sahˬpaˬ Miˬyehˇ-oˇ, nawˇ yaˇ kʼaˬ daˇ-eu jeˬ yaw tsaˬ yaw dawˇ meh lehˇ ngaˇ siˬ nya ma. Nawˇ saˇ jaˇ ziꞈ-eu miˇ neh ngaˬ-ahˇ kʼehˬ nehˬ laꞈ-euˬ meh lehˇ ngaˇ siˬ nya ma.

Jaceuq 19:8

SahˬpaˬMiˬyehˇ-euˬ zahˇkʼoꞈ-aˬ, tsaˬ-eu dawˇ-eu zahˇkʼoꞈpyeuꞈ-awˇ, naˇhaˬgeuꞈ-eu tsawˇhaˬdeuˬ-ahˇ, laˬkʼaˬcehˇ-eu jeˬ biꞈ-eu meh. SahˬpaˬMiˬyehˇbiꞈ-euˬdawˬ-aˬ, shawˇjehˆni gʼeh-eu dawˬpyeuꞈ-awˇ, myaˆnuiˆbi mawˇshawˇlaˇ-eu meh.

Dawqdaq 1:8

Ngaˬ li-oˇ, nawˬ da dawˬ mehˬ dawˬ tsoˆ tsoˆ gaˇ naˇ haˬ geuꞈ-awˇ, nawˬ ma neh mehˬ nehˬ laꞈ-euˬ dawˬ-ahˇ taˬ byehˇ.

Dawqdaq 23:22

Nawˬ da baˬ da neh nawˇ ya dehꞈ le-euˬ loꞈ-ehˇ, nawˬ da-euˬ ehˇ dawˬ naˇ haˬ-awˬ. Nawˬ ma tsawˇ mawˬ mawˬ laˇ ngeh, yaw zeu baw nehˬ-awˬ.

Dawqdaq 30:11

Aˬ da-ahˇ yaˬ kʼehˇ yaˬ-awˇ, aˬ ma-ahˇ maˬ taˬ huiˬ-eu tsawˇ haˬ jawˇ-eu meh.

Dawqdaq 30:17

Yawˬ ha aˬ da-ahˇ cehꞈ lehꞈ ka niˇ gʼa-awˇ, aˬ ma ma mawˬ-ahˇ maˬ haw nahˇ-eu tsawˇ haˬ-aˬ, jeˬ shiˇ kʼaˬ dzeˇ neh bi dzaˬ-awˇ, dzeˇ ngawˇ neh myaˆ nuiˆ bi keuꞈ doˆ-eu tsaˬ meh.

Dawqdaq 6:20

Ngaˬ li-oˇ, nawˬ da neh mehˬ-euˬ dawˬ-ahˇ taˬ ngehˇ, nawˬ ma neh tsoˆ-euˬ dawˬ-ahˇ taˬ byehˇ.

Yeˬlaˬmiˇ 35:14

Yawˇnaˬdehˇ-euˬ zaˬ deuˬ uˆ deuˬ-aˬ, aˬ yawꞈ maꞈ-euˬ aˬ poeˬ Yawˇnaˬdehˇ neh dawˬ biꞈ taˬ-euˬ gaˇ naˇ haˬ geuꞈ-eu laꞈ kʼoeˇ, iˬ nah keuˆ ni aˬ gaꞈ dzaˇ uiˇ maˬ dawˇ ni jawˇ-eu meh. Naw maꞈ-ahˇ ngaˇ teu naˆ naˆ-ehˇ mehˬ nehˬ luꞈ kʼawꞈ, naw maꞈ maˬ naˇ haˬ geuꞈ-a.

Yeˬlaˬmiˇ 35:18

Kʼoeˇ naˇ, Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Leˬkaˆ tsawˇ haˬ deuˬ-ahˇ ngaˇ ehˇ nehˬ-euˬ ma. “Naw maꞈ-euˬ aˬ poeˬ Yawˇnaˬdehˇ neh biꞈ taˬ yaꞈ-euˬ dawˬ-ahˇ naw maꞈ naˇ haˬ-awˇ dehꞈ-euˬ meh. Aˬ yawꞈ neh kʼaˇ mehˬ kʼaˇ tsoˆ taˬ-euˬ jeˬ-ahˇ naw maꞈ caw teh-awˇ, aˬ yawꞈ neh dawˬ kʼaˇ biꞈ taˬ-euˬ yawˬ jeˬ na luꞈ naw maꞈ mˇ-euˬ meh.

Yeˬlaˬmiˇ 35:8

Yawˇnaˬdehˇ neh mehˬ yaꞈ tsoˆ yaꞈ-euˬ loꞈ-ehˇ nga maꞈ dehꞈ-euˬ ma. Nga maꞈ maˬ ehˇ, nga maꞈ-euˬ miˬ zaˬ deuˬ hawˇ-eu aˬ buˇ aˬ li deuˬ maˬ ehˇ, tiˬ gʼaˬ-iˬ aˬ gaꞈ dzaˇ uiˇ maˬ dawˇ.

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

Uˬ duˬ 19:3

Ngaˬ neh dawˬ biꞈ taˬ-euˬ loꞈ-ehˇ, naw maꞈ yawˬ gʼaˬ na luꞈ, yawˬ ha-euˬ aˬ ma aˬ da-ahˇ yaw zeu baw-awˇ, jawˇ nah-ahˇ lah daw-awˬ. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Luˇkaꞈ 2:51

Kʼoeˇ naˇ, aˬ yawꞈ nyaꞈ nehˬ-ehˇ Naˬzaˬlehˇ meuˬ-ahˇ Yeˬsuˇ gʼoꞈ-iˇ-awˇ, ehˇ dawˬ naˇ haˬ naˇ haˬ-ehˇ jawˇ-euˬ meh. Aˬ yawꞈ-euˬ aˬ ma-aˬ, gaˇ kawˆ kʼoeˇ deuˬ dawˬ tawˆ luꞈ, nui ma laꞈ kʼoeˇ juiˇ taˬ-euˬ meh.

Lormav 12:2

Miˇ tsaˬ zaˬ deuˬ dehꞈ-eu loꞈ-ehˇ maˬ dehꞈ ni, naw maꞈ-euˬ nui ma poˆ laˆ laˆ doˆ-awˇ, naw maꞈ-euˬ laꞈ kʼoeˇ paw Miˬyehˇ neh yaw shuiꞈ bi jahˇ paˇ-awˬ. Kʼoeˇ loꞈ-ehˇ jahˇ naˇ, Miˬyehˇ-euˬ nui kʼahˇ-ahˇ naw maꞈ siˬ nya laˇ tehꞈ-a. Muiˬ-eu jeˬ, aˬ yawꞈ nui ma tsaˬ-eu jeˬ hawˇ-eu, byah dui dui-eu jeˬ-ahˇ naw maꞈ siˬ nya laˇ tehꞈ-a.

Lormav 16:2

Miˬyehˇ-euˬ tsawˇ haˬ deuˬ ya mˇ-eu loꞈ-ehˇ Sahˬpaˬ Miˬyehˇ-euˬ tsawˇ myahˇ uˬ moˆ aˬ yawꞈ-ahˇ ha geuꞈ-awˇ, aˬ yawꞈ kʼaˇ loˬ-eu jeˬ tiˬ poˆ caw ba nehˬ-awˬ. Aˬ jeˬ miˇ neh ehˇ naˇ, aˬ yawꞈ-aˬ, aˬ cawˬ-ahˇ caw ba nehˬ nya dui dui-awˇ, ngaˬ-ahˇ kʼawꞈ caw ba nehˬ laꞈ-euˬ meh.

Lormav 7:12

Kʼoeˇ miˇ neh, Zahˇ dawˬ kʼoꞈ dawˬ-aˬ yaw muiˬ yaw shawˇ meh. Yawˬ dawˬ na luꞈ yaw shawˇ meh. Yaw dawˇ meh. Yaw muiˬ meh.

1 Gawˇliˬtu 15:58

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, gʼaˬ byehˆ maˬ byehˆ-ehˇ ziꞈ dah ni yawꞈ tehˬ taˬ-eu laꞈ kʼoeˇ, Sahˬpaˬ Yeˬsuˇ-euˬ gaˇ mˇ-eu yawꞈ ngehꞈ maˬ ngeuˇ-a lehˇ siˬ nya-awˇ, Sahˬpaˬ Yeˬsuˇ-euˬ gaˇ mˇ-eu leh jeh dui dui-awˬ.

Dawˬmehˬ 21:18

“Tsawˇ haˬ tiˬ gʼaˬ, aˬ ma aˬ da-ahˇ puiˬ mawꞈ-eu, nui ma gʼahˇ-eu aˬ li tiˬ li jawˇ-eu ehˇ-awˬ. Aˬ li kʼoeˇ li-ahˇ aˬ ma aˬ da deuˬ diˬ diˬ-ehˇ mehˬ nehˬ kʼawꞈ, ehˇ dawˬ maˬ naˇ haˬ-eu ehˇ-awˬ.

1 Tiˆmoˇseˬ 5:4

Ehˇ kʼawꞈ, miˬ coeˬ miˬ ma tiˬ gʼaˬ zaˬ hawˇ-eu oeˬ paˬ oeˬ ma jawˇ naˇ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-awˇ, aˬ yawꞈ maꞈ yawˬ ha-euˬ nymˇ jiˇ-ahˇ mˇ nehˬ paˬ-ehˇ gʼeh-eu jeˬ-ahˇ jeˬ huˬ mˇ dzaw-eu tsaˬ meh. Aˬ jeˬ miˇ neh ehˇ naˇ, kʼoeˇ-aˬ, aˬ ma aˬ da, aˬ piˬ aˬ bawˇ deuˬ-ahˇ guiˬ lahˬ jahˇ kʼoꞈ nehˬ-eu jeˬ pyeuꞈ-awˇ, Miˬyehˇ nui ma tsaˬ-eu jeˬ pyeuꞈ-eu meh.

1 Beˬtuˆluˆ 2:13

Sahˬpaˬ Yeˬsuˇ-euˬ myaˆ pyawˬ-ahˇ haw-awˇ, miˇ kʼahˬ sahˬpaˬ sahˬ ma dawˬ tawˆ luꞈ-euˬ laꞈ oˆ dehꞈ-awˬ. Miˇ kʼahˬ sahˬ paˬ dawˬ tawˆ luꞈ kʼoeˇ taˆ huiˬ dzehˬ-eu gʼaˬ pyeuꞈ-eu Gehˇsaˬ sahˬ paˬ-euˬ ehˇ dawˬ-ahˇ maˬ ehˇ,

Luˇta 3:5

Luˇta ehˇ-eu, “Nawˇ kʼaˇ ehˇ-eu loꞈ-ehˇ ngaˇ mˇ ma.”

1 Saˬmeuˬlaˆ 17:20

Yawˬ nah yawˬ uˬ shawˬ yaw naꞈ-ehˇ Daˬbiˇ tuˇ-awˇ, yawˇ kʼoeˇ deuˬ-ahˇ yawˬ gʼaˬ yawˬ bi haw tawˬ yaꞈ-awˇ, Yeˬshehˇ neh aˬ yawꞈ-ahˇ ehˇ nehˬ-euˬ loꞈ-ehˇ, dzaˬ dzaˬ dawˇ dawˇ kʼoeˇ deuˬ yuˇ-awˇ le-euˬ meh. Aˬ yawꞈ taˆ-ahˇ le keuˆ-eu nehˬ-ehˇ, Iˇsaˬleˬlaˆ tsawˇ haˬ deuˬ guˇ guˇ-ehˇ guiˇ deuˆ duˬ-ahˇ le luꞈ gaˇ ya mawˇ-euˬ meh.