Eˇpeˇsu 5:9 - Akha

⁹ Aˬ jeˬ miˇ neh ehˇ naˇ, yaw muiˬ yawˬ jeˬ na luꞈ, yaw tsaˬ yaw dawˇ yawˬ jeˬ na luꞈ hawˇ-eu, maˇ jawˆ ni gʼeh-eu yawˬ jeˬ na luꞈ, yaw shehꞈ laꞈ kʼoeˇ neh doˆ le-euˬ tehꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ (Aqjeq mirnae aernar-aq, muiq-eu Saflar-euq arsiq-aq, tsaq-awr dawr-eu jeq, yawtsaq yawdawr jeq hawr-eu yawmuiq jeq dawqtawv luf-euq lafkhoer anr-eu mae).

Eˇpeˇsu 5:9 ပူးပေါင်းရင်းမြစ်များ

Maꞈtehˬ 3:8

Naw maꞈ iˬ baˇ noeˬ poˆ-euˬ gaˇ kawˆ bya cehˆ ni siˬ duˬ mawˇ duˬ laˇ paˬ-ehˇ dehꞈ-awˬ.

Yoˇhaˬ 1:47

Naˬdaˬneˬlaˇ aˬ yawꞈ jawˇ gaˇ laˇ luꞈ-eu ya mawˇ ngeh, Yeˬsuˇ ehˇ-eu, “Maˇ maˇ ni gʼeh-eu Iˇsaˬleˬlaˆ tsawˇ haˬ laˇ ngaˇ. Aˬ yawꞈ laꞈ kʼoeˇ jaˬ myawꞈ myawꞈ-eu jeˬ tiˬ pawꞈ-iˬ maˬ ahˇ-a.”

Lormav 15:14

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ yaw muiˬ jeˬ tiˬ byah ni ahˇ-awˇ, aˬ joˆ-ehˇ ya mˇ ya shaˇ-eu dawˬ tawˆ luꞈ siˬ nya-eu uˬ taꞈ, tiˬ gʼaˬ tiˇ gʼaˬ mehˬ nehˬ tsoˆ nehˬ nya meh lehˇ ngaˇ siˬ duˬ-awˇ nui kʼahˇ shiˇ-eu ma.

Lormav 2:4

Maˬ ngeuˇ naˇ, aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ, oˇ coeˇ-eu jeˬ, nui ma mahˇ-eu jeˬ, heu deuˬ-ahˇ nawˇ yehˬ bawˬ sehˇ lu-ehˇ gʼeh te loˇ. Miˬyehˇ gʼawˬ shaˬ gaˬ-eu jeˬ ahˇ meh lehˇ nawˇ siˬ duˬ meh. Aˬ jeˬ miˇ neh ehˇ naˇ, nawˇ iˬ baˇ noeˬ poˆ laˇ ni aˬ yawꞈ leh jeh luꞈ-eu meh.

Eˇpeˇsu 4:15

Gʼoeˇ-eu gaˬ-eu nui ma ahˇ-eu laꞈ kʼoeˇ yaw tsaˬ yaw dawˇ jeˬ ngehˬ-awˇ, aˬ dui-euˬ uˬ duˬ pyeuꞈ-eu Ka li laꞈ kʼoeˇ yawˬ jeˬ na luꞈ ya bi huiˬ ya bi mahˇ laˇ tehꞈ-a.

Eˇpeˇsu 4:25

Kʼoeˇ miˇ neh, jaˬ myawꞈ taˬ paˇ mawꞈ. Ka li zaˬ cawˬ cawˬ yawˬ gʼaˬ na luꞈ yaw tsaˬ yaw dawˇ jeˬ ngehˬ-awˬ tmˇ-awˬ. Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li-euˬ gʼawˇ mawˇ laꞈ kʼoeˇ tiˬ gaˇ taꞈ-eu ma.

Eˇpeˇsu 6:14

Kʼoeˇ miˇ neh, yaw sui yaw dawˇ jeˬ joꞈ paꞈ paꞈ-awˇ, yaw tsaˬ yaw dawˇ jeˬ kʼahˬ-ahˇ dehˬ kaˬ-awˇ yawꞈ-awˬ.

Piˇliˇpiˆ 1:11

Miˬyehˇ-euˬ yaw shehꞈ kʼahˬ sehˇ-ahˇ aˬ cawˬ taˬ huiˬ-awˇ Miˬyehˇ-ahˇ ja ceuˬ laˇ gaˇ keuˆ ni Yeˬsuˇ Ka li tehꞈ-ehˇ jahˇ nehˬ nya-eu maˇ maˇ ni muiˬ-eu jeˬ kʼoeˇ, naw maꞈ yaw dehꞈ dehꞈ-eu laꞈ kʼoeˇ byah laˇ tehꞈ-a.

Gawˇlawˇsehˇ 3:18

Miˬ zaˬ deuˬ-oˇ, yawˬ ha-euˬ kʼaˬ dzeˇ zaˬ uˆ lahˇ-eu uˬ moˆ dehꞈ-awˬ. Aˬ jeˬ miˇ neh ehˇ naˇ, naw maꞈ Ka li zaˬ pyeuꞈ-eu miˇ neh kʼoeˇ loꞈ-ehˇ dehꞈ-eu tsaˬ meh.

1 Tiˆmoˇseˬ 6:11

Ehˇ kʼawꞈ, Miˬyehˇ-euˬ tsawˇ haˬ pyeuꞈ-eu nawˇ-aˬ, heu deuˬ dawˬ tawˆ luꞈ-ahˇ gaˇ jaw jaw-awˬ. Yaw tsaˬ yaw dawˇ jeˬ, Miˬyehˇ-ahˇ yaw zeu baw-eu jeˬ, jah-eu jeˬ, gʼoeˇ-eu gaˬ-eu jeˬ, daˬ coeˇ oˇ coeˇ-eu jeˬ, nui nahˬ nui yu ahˇ-eu jeˬ, heu deuˬ-ahˇ leh jeh dui dui-awˬ.

HeˬByehˇ 1:8

Ehˇ kʼawꞈ, Zaˬmaˇ-euˬ gaˇ kawˆ Miˬyehˇ neh heu loꞈ-ehˇ ehˇ taˬ-euˬ meh. “Miˬyehˇ-oˇ, nawˬ-euˬ miˇ kʼahˬ, mˬ maˬ maˬ byaˆ zaˇ ziˇ ziꞈ meh. Nawˬ-euˬ tsawˇ haˬ deuˬ kʼoeˇ taˆ nawˇ, yaw tsaˬ yaw dawˇ neh uˆ lahˇ meh.

HeˬByehˇ 11:33

Jah-eu jeˬ baˬ da neh aˬ cawˬ-euˬ miˇ kʼahˬ deuˬ-ahˇ aˬ yawꞈ maꞈ guiˇ deuˆ gʼaˬ-euˬ meh. Yaw tsaˬ yaw dawˇ jeˬ aˬ yawꞈ maꞈ mˇ-awˇ, Miˬyehˇ neh saˇ jaˇ dzaˬ taˬ-euˬ jeˬ-ahˇ za-euˬ meh. Aˇ laˬ jaˬ shiˇ-ahˇ mehˬ cuꞈ cuꞈ nya-euˬ meh.

1 Yoˇhaˬ 2:29

Ka li yaw tsaˬ yaw dawˇ meh lehˇ naw maꞈ siˬ nya luꞈ-eu-aˬ, yaw tsaˬ yaw dawˇ jeˬ kʼaˇ mˇ-eu tsawˇ haˬ yawˬ gʼaˬ na luꞈ Miˬyehˇ-euˬ zaˬ meh lehˇ naw maꞈ siˬ nya-eu tsaˬ meh.

3 Yoˇhaˬ 1:11

Ngaˇ gaˬ dui dui-eu cawˬ-oˇ, maˬ muiˬ-eu jeˬ-ahˇ maˬ dzaw geuꞈ ni, yaw muiˬ jeˬ-ahˇ tehꞈ-ehˇ dzaw geuꞈ-awˬ. Yaw muiˬ jeˬ kʼaˇ mˇ-eu tsawˇ haˬ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, maˬ muiˬ-eu jeˬ kʼaˇ mˇ-eu tsawˇ haˬ-aˬ, Miˬyehˇ-ahˇ maˬ siˬ maˬ mawˇ haw-euˬ tsawˇ haˬ pyeuꞈ-eu meh.