Eˇpeˇsu 5:4 - Akha

⁴ Jawꞈ dui dui-eu dawˬ, gaˇ dahˇ maˬ tsoeˬ-eu dawˬ hawˇ-eu, yaw jawꞈ jeˬ gaˇ kawˆ cehꞈ lehꞈ ka niˇ gʼa-eu dawˬ heu deuˬ-ahˇ naw maꞈ tiˬ pawꞈ-iˬ ngehˬ-eu maˬ tsaˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Jawflafni ghae-eu dawq, aqdzawq argan-euq dawq hawr-eu caeflaefka nirgha-eu dawq heudeuq, nawmaf tiqpawf-iq ngaeq-eu maqtsaq-a. Miqyaer-anr jaceuq-eu dawq taef-aer ngaeq-eu tsaq mae.

Eˇpeˇsu 5:4 ပူးပေါင်းရင်းမြစ်များ

Jaceuq 33:1

Yaw tsaˬyaw dawˇtsawˇhaˬdeuˬ-oˇ, SahˬpaˬMiˬyehˇlaꞈkʼoeˇcehˇ-awˬ. Yawꞈ-euˬdawˬnaˇhaˬ-eu tsawˇhaˬ, yawꞈ-ahˇja ceuˬnehˬ-eu geuˇmeh.

Jaceuq 92:1

Sahˬpaˬ Miˬyehˇ-oˇ, nawˬ-euˬ guiˬ lahˬ-ahˇ ja ceuˬ-eu jeˬ aˇ naˆ ni muiˬ-eu nga. Huiˬ dui mahˇ dui dui-eu Miˬyehˇ-oˇ, nawˬ-ahˇ taˬ huiˬ taˬ mahˇ-eu caˇ dawˬ caˇ-eu jeˬ aˇ naˆ ni jaˬ-eu nga.

Dawqdaq 12:23

Yaw gahˇ deuˬ tsawˇ gahˇ ciˬ zaꞈ-awˇ, dawˇ ga deuˬ lawˇ behˇ baꞈ doˆ-eu meh.

Dawqdaq 15:2

Zaˬ siˬ mehˬ laˇ tsawˇ gahˇ myahˬ-awˇ, aˇ gah kʼaˬ meh dawˬ doeˇ kʼaˇ-eu meh.

Dawˬ tsoˆ 10:13

Aˬ dzawˬ-euˬ dawˬ neh aˇ dahˬ beh-awˇ, aˇ gah-euˬ dawˬ neh aˇ saˬ saˬ-eu meh.

Daˬyeˬlaˇ 6:10

Zahˇ sahˇ kʼoꞈ kʼoeˇ hmˬ-ahˇ laꞈ ma dehˬ gʼaˬ-euˬ gaˇ kawˆ Daˬyeˬlaˇ ya siˬ ngeh, iˇ kahˇ gʼoꞈ-iˇ-euˬ meh. Aˬ yawꞈ-euˬ nymˇ kʼoeˇ taˆ tiˆ-ahˇ, Yeˬluˇsaˬlehˬ meuˬ paw pyawˇ-eu laˇ gʼoˆ zaˬ dahˇ-eu meh. Aˬ myah luꞈ aˬ yawꞈ kʼaˇ mˇ haw-euˬ loꞈ-ehˇ, laˇ gʼoˆ zaˬ pah taˬ-euˬ mehˬ shi pawˬ tsuiꞈ pawˬ dmˬ dmˬ-awˇ, tiˬ nah smˬ poˆ Miˬyehˇ-ahˇ uˬ duˬ tahˬ-euˬ meh.

Maˬkuˆ 7:22

aˬ cawˬ-euˬ miˬ zaˬ yo zaˬ-ahˇ bahˬ-eu, aˬ cawˬ-euˬ myawˬ-ahˇ mehˇ juiˇ juiˇ-eu, yaw haiˬ jeˬ mˇ-eu, jaˬ myawꞈ myawꞈ-eu, smˇ kʼaˆ kʼaˆ-eu, myaˆ naˆ-eu, ja bu ja doeˇ-eu, nui ma huiˬ-eu mahˇ-eu, aˬ dzawˬ aˇ gah gah-eu, heu loꞈ-ehˇ gʼeh-eu deuˬ meh.

Yoˇhaˬ 6:23

Ehˇ kʼawꞈ, Sahˬpaˬ Yeˬsuˇ neh Miˬyehˇ-euˬ guiˬ lahˬ-ahˇ ja ceuˬ-awˇ aˬ yawꞈ maꞈ kaˬ muˇ dzaˬ-euˬ jawˇ duˬ kʼoeˇ tsahˇ-euˬ dawˬ peh, Deˬbeˬliˇ meuˬ-ahˇ neh lawˬ tiˬ deuˬ oe-euˬ meh.

Lormav 1:28

Miˬyehˇ gaˇ kawˆ dawˇ coe ni siˬ nya taˬ paˬ-ehˇ gʼeh-eu jeˬ-ahˇ aˬ yawꞈ maꞈ maˬ shaˇ noeˬ-eu baˬ da neh, aˬ yawꞈ maꞈ maˬ mˇ kʼmˬ-eu jeˬ mˇ ni, bahˬ dui jawꞈ dui dui-eu jeˬ mˇ-eu nui ma jaˆ gaˇ, Miˬyehˇ neh aˬ yawꞈ maꞈ-ahˇ a dzeh nehˬ-euˬ meh.

2 Gawˇliˬtu 9:15

Miˬyehˇ aˬ dui-ahˇ maˬ ehˇ jiˇ coeˇ-eu laꞈ sawˬ biꞈ laꞈ-euˬ miˇ neh, aˬ yawꞈ-euˬ guiˬ lahˬ-ahˇ ja ceuˬ kaˇ-euˇ.

Eˇpeˇsu 1:16

naw maꞈ gʼaˇ duˬ Miˬyehˇ-euˬ guiˬ lahˬ-ahˇ maˬ naˬ leˇ ni ja ceuˬ luꞈ ma. Ngaˇ guiˬ lahˬ shaˇ ngeh naw maꞈ gʼaˇ duˬ shaˇ-eu ma.

Eˇpeˇsu 4:29

Aˬ cawˬ-ahˇ bi coeˬ leˇ-eu dawˬ taˬ ngehˬ. Ehˇ kʼawꞈ, nawˬ neh ngehˬ-euˬ dawˬ aˬ cawˬ gʼaˇ duˬ muiˬ ni, loˬ-eu jeˬ-ahˇ caw ba nya-awˇ bi huiˬ bi mahˇ laˇ nya-eu gaˇ dahˇ tsoeˬ-eu dawˬ ngehˬ-awˬ.

Piˇliˇpiˆ 4:6

Tiˬ jeˬ-ahˇ-iˬ kʼahˬ taˬ lahˇ. Ehˇ kʼawꞈ, naw maꞈ guiˬ lahˬ kʼaˇ shaˇ ngeh, naw maꞈ loˬ-eu jeˬ Miˬyehˇ-ahˇ shaˇ-awˬ. Aˬ myah luꞈ aˬ yawꞈ-ahˇ guiˬ lahˬ huiˬ-eu nui ma ahˇ-eu laꞈ kʼoeˇ shaˇ-awˬ.

Gawˇlawˇsehˇ 3:8

Nui ma pehˇ-eu, nui ma daˆ-eu, aˬ cawˬ-ahˇ yaw doeˇ jahˇ mawꞈ-eu, heu deuˬ-ahˇ naw maꞈ nymˬ-mˇ byehˇ tsehˆ tsehˆ-awˬ. Aˬ cawˬ-ahˇ dawˬ doeˇ ngehˬ daˆ-eu jeˬ hawˇ-eu jawꞈ dui dui-eu dawˬ ngehˬ-eu jeˬ, naw maꞈ-euˬ kʼaˬ meh-ahˇ taˬ paˇ bi doˆ laˇ.

1 Teˇsaˬloˇni 3:9

Naw maꞈ gʼaˇ duˬ Miˬyehˇ-euˬ guiˬ lahˬ-ahˇ nymˬ-mˇ nga maꞈ ja ceuˬ-eu ma. Naw maꞈ baˬ da neh aˬ yawꞈ-euˬ mehˬ shi nga maꞈ laˬ kʼaˬ ya cehˇ-eu miˇ neh, aˬ yawꞈ-euˬ guiˬ lahˬ-ahˇ ja ceuˬ-eu ma.

1 Teˇsaˬloˇni 5:18

Aˬ geu jeˬ keuˆ le-eu maˬ kaˬ, Miˬyehˇ-euˬ guiˬ lahˬ-ahˇ ja ceuˬ-awˬ. Yeˬsuˇ Ka li laꞈ kʼoeˇ naw maꞈ kʼoeˇ loꞈ-ehˇ dehꞈ gaˇ Miˬyehˇ geuꞈ mawꞈ-eu meh.

Piˇleˇmoˬ 1:8

Miˬyehˇ-euˬ tsawˇ haˬ deuˬ-ahˇ nawˇ kʼoeˇ loꞈ-ehˇ gaˬ-eu miˇ neh, Ka li laꞈ kʼoeˇ ngaˇ nawˬ-euˬ aˇ doˆ pyeuꞈ-eu loꞈ-ehˇ, mˇ paˬ-ehˇ gʼeh-eu jeˬ-ahˇ nawˇ mˇ-eu gʼaˇ duˬ, kʼaˬ duˬ ni dawˬ biꞈ nya-eu tsawˇ haˬ ma.

HeˬByehˇ 13:15

Kʼoeˇ miˇ neh, aˬ dui Yeˬsuˇ-ahˇ gʼoe-eu laꞈ kʼoeˇ Miˬyehˇ-ahˇ ja ceuˬ-eu jeˬ lawˇ nehˬ kaˇ-euˇ. Kʼoeˇ-aˬ, aˬ yawꞈ aˬ dui-euˬ Sahˬpaˬ pyeuꞈ-eu gaˇ kawˆ bi siˬ bi mawˇ-eu, kʼaˬ meh mehˬ boeˬ neh lawˇ-eu jeˬ pyeuꞈ-eu meh.

2 Beˬtuˆluˆ 2:18

Aˬ yawꞈ maꞈ aˬ dzawˬ aˇ gah-euˬ dawˬ ngehˬ-awˇ kʼahˬ sehˇ jehˆ-eu laꞈ kʼoeˇ, yaw lehˬ jeˬ mˇ mˇ-ehˇ dehꞈ-eu tsawˇ haˬ deuˬ-euˬ baꞈ dzah laꞈ kʼoeˇ dzeuˇ-iˇ ni leh jeh dahˬ beh luꞈ-eu tsawˇ haˬ deuˬ-ahˇ, shiˬ shaˬ jiˇ-euˬ nui kʼahˇ mˇ-eu jeˬ-ahˇ gʼoe-awˇ lahˇ ju kʼmˇ-eu meh.

2 Beˬtuˆluˆ 2:7

Haiˬ-eu tsawˇ haˬ kʼoeˇ deuˬ jawꞈ dui dui-eu jeˬ mˇ gaˇ noeˬ shaˬ dui dui-euˬ tsawˇ muiˬ tiˬ gʼaˬ pyeuꞈ-eu Lawˇtaˬ-ahˇ tehꞈ-ehˇ, aˬ yawꞈ ka kʼoꞈ-euˬ meh.

Yuˇdaˆ 1:10

Ehˇ kʼawꞈ, tsawˇ haˬ heu deuˬ-aˬ, yawˬ ha maˬ siˬ nya-eu yawˬ jeˬ na luꞈ-ahˇ dawˬ doeˇ ngehˬ daˆ-eu meh. Bawˇ tsahˬ jeˬ zaˬ deuˬ siˬ nya-eu loˆ ni tehꞈ-ehˇ aˬ yawꞈ maꞈ siˬ nya-eu kʼoeˇ-aˬ, aˬ yawꞈ maꞈ-ahˇ laˆ cawˆ-eu jeˬ pyeuꞈ-eu meh.

Yuˇdaˆ 1:13

Aˬ yawꞈ maꞈ-aˬ, iˬ ma laˆ shaˆ iˇ luˆ dzeh gaˇ duˇ-awˇ, yawˬ ha neh mˇ-euˬ shaꞈ dawˇ dui dui paˬ-ehˇ gʼeh-eu jeˬ boeˇ loeˇ yoˆ-i bi siˬ bi mawˇ-eu meh. Miˬyehˇ neh lehˬ hmˬ taˬ-euˬ yaw zahˇ zahˇ dui dui-eu jawˇ duˬ-ahˇ mˬ maˬ maˬ byaˆ zaˇ ziˇ ya jawˇ leˇ-eu, gaˇ ma maˬ poˆ ni doe doe gʼa gʼa-ehˇ cah luꞈ-eu aˬ guiˇ-ahˇ duˇ-eu meh.