Eˇpeˇsu 5:2 - Akha

² Ka li aˬ dui-ahˇ gaˬ-eu miˇ neh, Miˬyehˇ nui kʼahˇ shiˇ-eu saw dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ aˬ dui gʼaˇ duˬ lawˇ nehˬ-euˬ gaˇ duˇ ni, gʼoeˇ-eu gaˬ-eu jeˬ laꞈ kʼoeˇ dehꞈ gʼeh-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Kali, aqdui-anr gaq-awr, aqyawf-euq mawrdo, Miqyaer-anr damqnaeq-eu jeq hawr-eu lawrnaeq-eu yawsaw jeq lof-aer aqdui-anr bifnaeq laf-euq mae. Khoermirnae, nawmaf khawf gaq-eu lafkhoer daef-awq.

Eˇpeˇsu 5:2 ပူးပေါင်းရင်းမြစ်များ

Aˇ dahˬ 8:21

Aˬ yawꞈ neh lawˇ nehˬ-euˬ yaw saꞈ kʼoeˇ Sahˬpaˬ Miˬyehˇ-ahˇ saw leˇ ngeh, Sahˬpaˬ Miˬyehˇ nui kʼahˇ shiˇ-awˇ, yawˬ haˇ yawˬ ha heu loꞈ-ehˇ ehˇ-eu meh. “Aˬ kaˇ naˇ, tsawˇ haˬ zaˬ yaw lehˬ jeˬ mˇ-eu baˬ da neh, miˇ tsaˬ-ahˇ yaˬ kʼehˇ yaˬ-awˇ tiˬ jawˇ-iˬ maˬ paˇ kʼehˬ nehˬ ma. Tsawˇ haˬ zaˬ-euˬ nui noeˬ-aˬ, yaw nyiˇ gʼeh ngeh neh maˬ tsaˬ maˬ dawˇ-a lehˇ ngaˇ siˬ nya ma. Heu poˆ loꞈ-ehˇ, kʼaˇ dehꞈ kʼaˇ jawˇ-eu jeˬ-ahˇ ngaˇ tiˬ jawˇ-iˬ maˬ paˇ laˆ cawˆ nehˬ ma.

Doˆ-iˇ 29:18

Yawˇ kʼoeˇ mawˇ mawˇ lah-ehˇ, lawˇ duˬ kʼoeˇ taˆ puiˆ-awˬ. Heu-aˬ, dzaˬ dzaˬ dawˇ dawˇ lawˇ-eu jeˬ pyeuꞈ-awˇ, lawˇ-euˬ yaw saꞈ kʼoeˇ-ahˇ ngaˇ nui ma tsaˬ-eu ma.

Doˆ-iˇ 29:25

Kʼoeˇ naˇ, aˬ yawꞈ maꞈ yuˇ luꞈ-eu kʼoeˇ deuˬ yuˇ doˆ-awˇ, miˬ dzaˬ-ahˇ dzah puiˆ-awˇ lawˇ-eu jeˬ lawˇ taˬ-euˬ kʼoeˇ taˆ lawˇ daˆ gʼeh-awˬ. Lawˇ-eu heu jeˬ-aˬ, dzaˬ dzaˬ dawˇ dawˇ lawˇ-eu jeˬ pyeuꞈ-awˇ, kʼoeˇ-euˬ yaw saꞈ-ahˇ ngaˇ nui ma tsaˬ-eu meh.

Uˬ duˬ 1:13

Jeˬ zaˬ kʼoeˇ mawˇ-euˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ-ahˇ tsawˇ haˬ kʼoeˇ gʼaˬ ya tsiˬ shawˇ meh. Kʼoeˇ naˇ, lawˇ-eu jeˬ kʼoeˇ-ahˇ, piˇ ma gʼaˬ Sahˬpaˬ Miˬyehˇ jawˇ gaˇ yuˇ gʼeh-awˇ, mawˇ lah-ehˇ lawˇ duˬ kʼoeˇ taˆ dzah puiˆ-awˇ ya lawˇ meh. Heu loꞈ-ehˇ lawˇ-eu dzaˬ dzaˬ dawˇ dawˇ lawˇ-eu jeˬ-euˬ yaw saꞈ-ahˇ, Sahˬpaˬ Miˬyehˇ nui ma tsaˬ-eu meh.

Uˬ duˬ 1:17

Aˇ jiˇ kʼoeˇ mawˇ-euˬ a dahˇ-ahˇ aˬ yawꞈ tuˆ tehˬ-awˇ, aˬ dahˇ maˬ gʼeu tsehˆ doˆ-ehˇ, ya ngawˬ paˆ meh. Kʼoeˇ naˇ, mawˇ lah-ehˇ lawˇ duˬ kʼoeˇ taˆ ya dzah puiˆ meh. Heu loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ-ahˇ, Sahˬpaˬ Miˬyehˇ nui ma tsaˬ-eu meh.

Uˬ duˬ 1:9

Tsawˇ haˬ kʼoeˇ gʼaˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ ya tsiˬ shawˇ-awˇ, aˬ yuiꞈ geuꞈ-awˇ gaˇ mˇ luꞈ-eu piˇ ma gʼaˬ-aˬ, mawˇ neˇ kʼoeˇ mawˇ mawˇ lah ni lawˇ duˬ kʼoeˇ taˆ ya dzah puiˆ meh. Heu loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ kʼoeˇ-ahˇ, Sahˬpaˬ Miˬyehˇ nui ma tsaˬ-eu meh.

Uˬ duˬ 3:16

Sahˬpaˬ Miˬyehˇ nui ma tsaˬ-eu dzaˬ dzaˬ dawˇ dawˇ lawˇ-eu jeˬ lawˇ nehˬ-eu gʼaˇ duˬ, heu deuˬ dawˬ tawˆ luꞈ-ahˇ piˇ ma gʼaˬ yuˇ-awˇ, lawˇ duˬ kʼoeˇ taˆ dzah puiˆ-awˇ ya lawˇ meh. Shaˬ tsuˇ dawˬ tawˆ luꞈ, Sahˬpaˬ Miˬyehˇ-euˬ pyeuꞈ-eu meh.

Aˬmoˆ 5:21

Sahˬpaˬ Miˬyehˇ ehˇ-eu, “Naw maꞈ uˬ duˬ tahˬ-eu zahˇ sahˇ kʼoꞈ bawˬ-iˬ jahˇ gaˇ ngaˇ nui daˆ daˆ-awˇ, maˬ haw cawˬ nahˇ nya.

Bawˇtsahˬ 7:21

miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ hawˇ-eu ,tiˬ myaˇ byah-eu yawˇ zaˬ aˬ buˬ tiˬ mawˇ,

Maꞈtehˬ 20:28

Tsawˇhaˬ-euˬ Zaˬmaˇ kʼawꞈ, aˬ cawˬ neh bi mˇ cu-eu gʼaˇ duˬ oe-euˬ maˬ ngeuˇ-a. Aˬ cawˬ gʼaˇ duˬ mˇ le-euˬ uˬ taꞈ, tsawˇ haˬ gʼawˬ mya ni-ahˇ ka kʼoꞈ-eu gʼaˇ duˬ shiˇ dah le-eu lehˇ oe-euˬ meh.”

Yoˇhaˬ 13:34

Nymˬ-mˇ ngaˇ naw maꞈ-ahˇ zahˇ dawˬ kʼoꞈ dawˬ yaw shuiꞈ biꞈ yaꞈ-eu ma. Tiˬ gʼaˬ tiˇ gʼaˬ gaˬ-awˬ. Ngaˇ naw maꞈ-ahˇ gaˬ gaˇ duˇ ni, naw maꞈ tiˬ gʼaˬ tiˇ gʼaˬ ya gaˬ meh.

Yoˇhaˬ 6:51

Ngaˇ-aˬ, mˬ kʼoeˇ taˆ neh oe-euˬ dehꞈ luꞈ-eu kaˬ muˇ ma. Kaˬ muˇ heu-ahˇ kʼaˇ dzaˬ-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ tehꞈ-a. Ngaˇ biꞈ-eu kaˬ muˇ-aˬ, ngaˬ-euˬ gʼawˇ mawˇ ma. Miˇ tsaˬ zaˬ deuˬ saꞈ laˇ dehꞈ-eu jeˬ za ni biꞈ-eu ma.”

Lormav 15:16

Yuˇdaˆ tsawˇ haˬ maˬ ngeuˇ-eu deuˬ-euˬ gʼaˇ duˬ gaˇ bi mˇ-eu lehˇ, ngaˬ-ahˇ Yeˬsuˇ Ka li-euˬ zaˬ kʼaˆ bi geuꞈ laꞈ-euˬ meh. Miˬyehˇ-euˬ Laˬ kʼa cehˇ-eu Guiˬ lahˬ dawˬ mehˬ-eu gaˇ-ahˇ taꞈ leˇ-awˇ, piˇ ma tiˬ gʼaˬ loꞈ-ehˇ ngaˇ gaˇ mˇ luꞈ-eu ma. Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ-ahˇ lawˇ nehˬ-euˬ jeˬ loꞈ-ehˇ Miˬyehˇ ha geuꞈ nya ni, Muiˬ-eu Shawˇ-eu Yaw sahˇ Miˬyehˇ neh Miˬyehˇ-ahˇ damˬ nehˬ-euˬ jeˬ loꞈ-ehˇ bi pyeuꞈ-eu gʼaˇ duˬ, piˇ ma tiˬ gʼaˬ loꞈ-ehˇ ngaˇ mˇ luꞈ-eu ma.

Lormav 4:25

Aˬ dui-euˬ iˬ baˇ baˬ da neh aˬ yawꞈ-ahˇ sehꞈ-eu gʼaˇ duˬ bi a nehˬ-awˇ, aˬ dui Miˬyehˇ-ahˇ tsaˬ leˇ tsahˇ leˇ nya ni aˬ yawꞈ-ahˇ bi gʼoꞈ dehꞈ laˇ-euˬ meh.

Lormav 8:3

Shiˬ shaˬ jiˇ-euˬ nui noeˬ gʼaˬ baˬ-eu miˇ neh, Zahˇ dawˬ kʼoꞈ dawˬ neh maˬ mˇ byah nya-euˬ jeˬ-ahˇ Miˬyehˇ mˇ byah-euˬ meh. Iˬ baˇ-ahˇ bi sha dzeh-eu gʼaˇ duˬ, aˬ yawꞈ-euˬ Zaˬmaˇ-ahˇ iˬ baˇ ahˇ-eu tsawˇ haˬ zaˬ-euˬ shiˬ shaˬ jiˇ gʼawˇ mawˇ pi-awˇ bi oe-euˬ laꞈ kʼoeˇ, shiˬ shaˬ jiˇ nui noeˬ laꞈ kʼoeˇ ahˇ-eu iˬ baˇ-ahˇ yaˇ kʼaˬ bi daˇ le-euˬ meh.

Lormav 8:37

Maˬ ngeuˇ. Aˬ dui-ahˇ gaˬ-eu gʼaˬ baˬ da neh kʼoeˇ deuˬ dawˬ tawˆ luꞈ-ahˇ aˬ dui yaw muiˬ paˬ-ehˇ gʼaˬ leˇ-euˬ ma.

1 Gawˇliˬtu 16:14

Kʼaˇ mˇ kʼaˇ shaˇ-eu yawˬ jeˬ na luꞈ-ahˇ, gʼoeˇ-eu gaˬ-eu laꞈ kʼoeˇ mˇ-awˬ.

1 Gawˇliˬtu 5:7

Naw maꞈ mawˇ lah ni bi shawˇ laˇ-eu gʼaˇ duˬ, iˬ baˇ pyeuꞈ-eu dehˬ tseˬ yaw oeˇ kʼoeˇ laˆ shawˇ dzeh jiˇ-awˬ. Kʼoeˇ ngeh jawˇ, naw maꞈ dehˬ tseˬ tiˬ pawꞈ-iˬ maˬ ahˇ-eu kaˬ muˇ yaw shuiꞈ tiˬ siˬ pyeuꞈ laˇ tehꞈ-a. Naw maꞈ-aˬ, maˇ maˇ ni dehˬ tseˬ maˬ ahˇ-eu kaˬ muˇ-ahˇ duˇ meh lehˇ ngaˇ siˬ nya ma. Aˬ jeˬ miˇ neh ehˇ naˇ, aˬ dui Baˬsaˬkaˬ Bawˬ-iˬ gʼeh yamˬ tsaˬ laˇ taˬ-euˬ meh. Baˬsaˬkaˬ Bawˬ-iˬ gʼeh ngeh ya lawˇ-eu yawˇ zaˬ pyeuꞈ-eu Ka li-ahˇ lawˇ gʼaˬ-euˬ meh.

2 Gawˇliˬtu 2:14

Ehˇ kʼawꞈ, Miˬyehˇ-euˬ guiˬ lahˬ-ahˇ ja ceuˬ-eu ma. Aˬ jeˬ miˇ neh ehˇ naˇ, Ka li laꞈ kʼoeˇ aˬ dui gʼaˬ leˇ nya ni aˬ yawꞈ sheuˬ gʼeh nehˬ laꞈ-awˇ, tsiˇ yaw saw jeˬ yawˬ gaˇ na luꞈ saw keuˆ-iˇ-eu loꞈ-ehˇ, Ka li-ahˇ siˬ nya-eu jeˬ yawˬ gaˇ na luꞈ byah-iˇ ni nga maꞈ-ahˇ aˬ yawꞈ zmˬ nehˬ laꞈ-euˬ meh.

2 Gawˇliˬtu 2:15

Aˬ jeˬ miˇ neh ehˇ naˇ, nga maꞈ-aˬ, ka kʼoꞈ-eu jeˬ za gʼaˬ-euˬ deuˬ jawˇ gaˇ maˬ ehˇ, piˬ-iˇ byoˆ-iˇ luꞈ-eu deuˬ jawˇ gaˇ maˬ ehˇ saw keuˆ-iˇ-euˬ, Ka li neh Miˬyehˇ-ahˇ lawˇ nehˬ-euˬ tsiˇ yaw saw jeˬ-ahˇ duˇ-eu ma.

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

Gaˬlaˬtiˆ 1:4

Haiˬ dui dui-eu ziˇ heu ziˇ-ahˇ aˬ dui ya buˬ-iˇ ni aˬ dui-euˬ Aˬda Miˬyehˇ nui ma tsaˬ-eu loꞈ-ehˇ, aˬ dui-euˬ iˬ baˇ aˇ poeˬ Ka li aˬ yawꞈ-euˬ gʼawˇ mawˇ lawˇ nehˬ-euˬ meh.

Gaˬlaˬtiˆ 2:20

Kʼoeˇ miˇ neh, ngaˇ dehꞈ luꞈ-eu heu-aˬ, ngaˇ maˬ paˇ ngeuˇ ma. Ka li ngaˬ-euˬ laꞈ kʼoeˇ dehꞈ luꞈ-eu jeˬ pyeuꞈ-eu ma. Nymˬ-mˇ ngaˇ yaw dehꞈ dehꞈ luꞈ-eu heu-aˬ, ngaˬ-ahˇ gaˬ-awˇ ngaˬ-euˬ gʼaˇ duˬ gʼawˇ mawˇ damˬ nehˬ le-euˬ Miˬyehˇ-euˬ Zaˬmaˇ-ahˇ jah-eu jeˬ laꞈ kʼoeˇ dehꞈ luꞈ-eu ma.

Eˇpeˇsu 1:4

Miˬyehˇ-euˬ mehˬ shi aˬ dui muiˬ-awˇ shawˇ-awˇ, iˬ baˇ taˬ kʼaˇ maˬ bi za-eu gʼaˇ duˬ, miˇ tsaˬ tahˬ kʼawˇ heu maˬ beh mi naˆ-ehˇ Yeˬsuˇ Ka li laꞈ kʼoeˇ Miˬyehˇ neh aˬ dui-ahˇ tseˇ doˆ taˬ-euˬ meh.

Eˇpeˇsu 3:17

Naw maꞈ jah-eu baˬ da neh naw maꞈ laꞈ kʼoeˇ Ka li jawˇ le ni ngaˇ guiˬ lahˬ shaˇ-eu ma. Naw maꞈ gʼoeˇ-eu gaˬ-eu jeˬ-ahˇ dawˬ pehˬ taˬ ni ngaˇ guiˬ lahˬ shaˇ-eu ma.

Eˇpeˇsu 3:19

Aˬ yawꞈ-euˬ gʼoeˇ-eu gaˬ-eu jeˬ-aˬ, tiˬ byah tiˬ loꞈ maˬ siˬ duˬ nya-eu jeˬ pyeuꞈ-eu kʼawꞈ, gʼoeˇ-eu gaˬ-eu kʼoeˇ-ahˇ naw maꞈ siˬ nya laˇ-awˇ, Miˬyehˇ laꞈ kʼoeˇ byah luꞈ-eu jeˬ naw maꞈ laꞈ kʼoeˇ byah laˇ luꞈ-uˇ.

Eˇpeˇsu 4:15

Gʼoeˇ-eu gaˬ-eu nui ma ahˇ-eu laꞈ kʼoeˇ yaw tsaˬ yaw dawˇ jeˬ ngehˬ-awˇ, aˬ dui-euˬ uˬ duˬ pyeuꞈ-eu Ka li laꞈ kʼoeˇ yawˬ jeˬ na luꞈ ya bi huiˬ ya bi mahˇ laˇ tehꞈ-a.

Eˇpeˇsu 4:2

Aˬ myah luꞈ nui nahˬ nui yu ahˇ-awˇ laꞈ oꞈ awꞈ-eu laꞈ kʼoeˇ, nui ma gʼawˬ mahˇ ni taˬ-awˬ. Goeˇ-eu gaˬ-eu laꞈ kʼoeˇ tiˬ gʼaˬ tiˇ gʼaˬ oˇ-awˬ.

Eˇpeˇsu 5:15

Kʼoeˇ miˇ neh, naw maꞈ aˬ joˆ-ehˇ dehꞈ luꞈ-eu gaˇ kawˆ yahˇ-awˬ. Zaˬ siˬ tsawˇ gahˇ maˬ ahˇ-eu tsawˇ haˬ loꞈ-ehˇ taˬ dehꞈ. Zaˬ siˬ tsawˇ gahˇ ahˇ-eu tsawˇ haˬ loꞈ-ehˇ dehꞈ-awˬ.

Eˇpeˇsu 5:25

Kʼaˬ dzeˇ zaˬ deuˬ-oˇ, Ka li zaˬ aˇ muˇ-ahˇ Ka li gaˬ-eu miˇ neh gʼawˇ mawˇ lawˇ nehˬ-euˬ gaˇ duˇ ni, yawˬ ha-euˬ miˬ zaˬ-ahˇ gaˬ-awˬ.

Dawˬmehˬ 27:6

Aˬ jeˬ miˇ neh ehˇ naˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ nawˬ neh gawˬ-euˬ lawˇ duˬ aˬ geu hmˬ maˬ kaˬ, shmˇ dzahˬ taꞈ neh maˬ taꞈ-euˬ kʼaˬ lo neh tehꞈ-ehˇ ya gawˬ meh. Miˬ dzaˬ dzah puiˆ-awˇ lawˇ-eu jeˬ-ahˇ, kʼoeˇ gaˇ nawˇ ya lawˇ meh.

Piˇliˇpiˆ 4:18

Naw maꞈ neh kʼaˇ biꞈ laꞈ-euˬ yawˬ jeˬ na luꞈ gʼaˇ duˬ, guiˬ lahˬ huiˬ-eu dawˬ tsaꞈ ahˇ laꞈ-eu ma. Ngaˇ loˬ-eu myaˆ maˬ tseˇ naw maꞈ ngaˬ-ahˇ biꞈ laˬ-euˬ meh. Naw maꞈ neh biꞈ laꞈ-euˬ laꞈ sawˬ deuˬ-ahˇ Iˇbaˬpawˬdiˇ neh hehˇ keuˆ nehˬ leꞈ-euˬ miˇ neh, ngaˇ kʼaˇ loˬ-eu jeˬ nymˬ-mˇ byah miˇ-a. Laꞈ sawˬ heu deuˬ-aˬ, Miˬyehˇ nui kʼahˇ shiˇ-awˇ ha geuꞈ-euˬ saw dui dui-eu lawˇ-eu jeˬ pyeuꞈ-eu meh.

Gawˇlawˇsehˇ 3:14

Heu deuˬ dawˬ tawˆ luꞈ mˇ-euˬ kʼoeˇ taˆ gʼoeˇ-eu gaˬ-eu jeˬ bi jaˆ-awˬ. Gʼoeˇ-eu gaˬ-eu jeˬ-aˬ, dawˬ tawˆ luꞈ tiˬ gaˇ taꞈ leˇ jiˇ ni gahˇ dzahˬ-eu meh.

1 Teˇsaˬloˇni 4:9

Ka li zaˬ cawˬ cawˬ ya gaˬ ya gʼoeˇ-eu gaˇ kawˆ naw maꞈ-ahˇ boꞈ nehˬ-eu maˬ paˇ loˬ meh. Naw maꞈ tiˬ gʼaˬ tiˇ gʼaˬ aˬ joˆ-ehˇ ya gaˬ ya gʼoeˇ-eu gaˇ kawˆ, Miˬyehˇ neh naw maꞈ-ahˇ mehˬ nehˬ tsoˆ nehˬ gʼaˬ-euˬ meh.

1 Tiˆmoˇseˬ 2:6

Tsawˇ haˬ zaˬ dawˬ tawˆ luꞈ-ahˇ ka kʼoꞈ-eu gʼaˇ duˬ, aˬ yawꞈ-euˬ gʼawˇ mawˇ biꞈ dah-euˬ meh. Kʼoeˇ-aˬ, tsawˇ haˬ yawˬ gʼaˬ na luꞈ-ahˇ Miˬyehˇ ka kʼoꞈ mawꞈ-eu gaˇ kawˆ, aˇ yamˬ tsaˬ laˇ ngeh bi siˬ bi mawˇ le-euˬ saˇ kiˇ pyeuꞈ-eu meh.

1 Tiˆmoˇseˬ 4:12

Nawˇ zaˬ guˬ pyeuꞈ-eu miˇ neh, aˬ cawˬ neh yehˬ bawˬ sehˇ lu-ehˇ maˬ ya bi ehˇ ni yahˇ-awˬ. Kʼoeˇ uˬ taꞈ, ngehˬ-eu tmˇ-eu, dehꞈ-eu jawˇ-eu, gʼoeˇ-eu gaˬ-eu, jah-eu, muiˬ-eu shawˇ-eu, heu deuˬ laꞈ kʼoeˇ, jah-eu tsawˇ haˬ deuˬ nawˬ-ahˇ bi dzaw geuꞈ paˬ-ehˇ dehꞈ-awˬ.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

HeˬByehˇ 8:3

Piˇ ma yawˬ huiˬ gʼaˬ kʼaˇ geuꞈ-eu yawˬ gʼaˬ na luꞈ, Miˬyehˇ-ahˇ damˬ nehˬ-eu jeˬ hawˇ-eu lawˇ-eu shehˇ-eu jeˬ ya mˇ-eu meh. Kʼoeˇ loꞈ-ehˇ duˇ ni, aˬ dui-euˬ Piˇma Yaw huiˬ gʼaˬ kʼawꞈ, Miˬyehˇ-ahˇ ya lawˇ ya shehˇ meh.

HeˬByehˇ 9:14

Kʼoeˇ loꞈ-ehˇ jahˇ-eu baˬ da neh shawˇ laˇ nya naˇ, Ka li-euˬ shiˬ baˬ da neh aˇ naˆ ni paˇ shawˇ dzehˬ laˇ nmˇ. Mˬ maˬ maˬ byaˆ zaˇ ziˇ dehꞈ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, byah dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ Miˬyehˇ-ahˇ damˬ nehˬ-euˬ meh. Dehꞈ luꞈ-eu Miˬyehˇ-euˬ nui kʼahˇ aˬ dui mˇ nya ni, gaˇ dahˇ maˬ tsoeˬ-eu zahˇ sahˇ kʼoꞈ kʼoeˇ deuˬ neh maˬ shawˇ nehˬ laꞈ nya-euˬ aˬ dui-euˬ nui ma-ahˇ aˬ yawꞈ shawˇ nehˬ laꞈ tehꞈ-a.

HeˬByehˇ 9:23

Maˇ maˇ ni mˬ kʼoeˇ taˆ jaˆ-eu jeˬ maˬ ngeuˇ-ehˇ, kʼoeˇ-euˬ aˇ baˇ naˇ shmˇ loˆ ni tehꞈ-ehˇ gʼeh-eu deuˬ-ahˇ, kʼoeˇ loꞈ-ehˇ ya mˇ shawˇ-eu meh. Ehˇ kʼawꞈ, maˇ maˇ ni mˬ kʼoeˇ taˆ jaˆ-eu jeˬ-ahˇ shawˇ-eu gʼaˇ duˬ, kʼoeˇ naˆ maˬ tseˇ muiˬ dzehˬ-eu jeˬ ya lawˇ ya shehˇ-eu meh.

HeˬByehˇ 9:26

Kʼoeˇ loꞈ-ehˇ ya lawˇ law nmˇ-aˬ, mˬ beh miˇ beh ngeh neh aˇ dahˬ beh-awˇ, aˬ yawꞈ gʼawˬ mya poˆ ya kamˇ shiˇ-euˬ tehꞈ-a. Ehˇ kʼawꞈ, nymˬ-mˇ miˇ tsaˬ heu aˇ saˬ saˬ-eu dawˬ peh peh laˇ-euˬ aˇ yamˬ heu laꞈ kʼoeˇ, mˬ maˬ maˬ byaˆ zaˇ ziˇ gʼaˇ duˬ gmˬ ni aˬ yawꞈ tiˬ poˆ tehꞈ-ehˇ doˆ le-awˇ, aˬ yawꞈ-euˬ gʼawˇ mawˇ lawˇ nehˬ-eu laꞈ kʼoeˇ, iˬ baˇ yuˇ dzeh le-euˬ meh.

1 Beˬtuˆluˆ 4:8

Dawˬ tawˆ luꞈ kʼoeˇ taˆ huiˬ dzehˬ-eu jeˬ-aˬ, naw maꞈ tiˬ gʼaˬ tiˇ gʼaˬ ziꞈ dah ni gaˬ-eu jeˬ pyeuꞈ-eu meh. Aˬ jeˬ miˇ neh ehˇ naˇ, gʼoeˇ-eu gaˬ-eu jeˬ-aˬ, myaˬ dui dui-eu iˬ baˇ-ahˇ dehˬ kaˬ zaꞈ nya-eu meh.

1 Yoˇhaˬ 3:16

Aˬ dui gʼaˇ duˬ Ka li shiˇ dah-euˬ miˇ neh, gʼoeˇ-eu gaˬ-eu jeˬ lehˇ ehˇ-eu-aˬ, kʼoeˇ loꞈ-ehˇ gʼeh gaˇ ehˇ-eu meh lehˇ aˬ dui siˬ nya-eu ma. Aˬ dui kʼawꞈ, aˬ dui-euˬ tsawˇ haˬ pyeuꞈ-eu jah-eu tsawˇ haˬ deuˬ gʼaˇ duˬ shiˇ dah-eu tsaˬ meh.

1 Yoˇhaˬ 3:23

Aˬ yawꞈ neh aˬ dui-ahˇ biꞈ-euˬ dawˬ-aˬ, aˬ yawꞈ-euˬ Zaˬmaˇ Yeˬsuˇ Ka li-ahˇ jah-awˇ, Ka li neh dawˬ biꞈ taˬ-euˬ loꞈ-ehˇ tiˬ gʼaˬ tiˇ gʼaˬ gaˬ-awˬ lehˇ ehˇ-eu kʼoeˇ dawˬ meh.

Panmaeq 1:5

Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.