Eˇpeˇsu 5:10 - Akha

¹⁰ Sahˬpaˬ Yeˬsuˇ nui ma tsaˬ-eu jeˬ-ahˇ mˇ nya laˇ ni leh jeh-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Nawmaf, Sanqpaq Miqyaer nuima tsaq-eu jeq aqjeq nga laer povduq-awq.

Eˇpeˇsu 5:10 ပူးပေါင်းရင်းမြစ်များ

Jaceuq 19:14

Ka kʼoꞈyaw sahˇ SahˬpaˬMiˬyehˇ, ngaˬ-euˬlo guˇpyeuꞈ-eu gʼaˬ-oˇ, ngaˬ-euˬnui noeˬnui duˇ hawˇ-eu, ngaˬneh ngehˬ-euˬtmˇ-euˬ dawˬdeuˬ, nawˇgeuꞈnya-eu jeˬbi pyeuꞈlaꞈ.

Dawqdaq 21:3

Yaw tsaˬ yaw dawˇ jeˬ-ahˇ mˇ-awˬ. Lawˇ-eu shehˇ-eu jeˬ naˆ maˬ tseˇ, kʼoeˇ jeˬ-ahˇ Sahˬpaˬ Miˬyehˇ nui kʼahˇ shiˇ meh.

Iˇsaˬyaˇ 58:5

Naw maꞈ maˬ dzaˬ-eu zahˇ jahˇ ngeh, yawˬ ha gʼawˇ mawˇ bi shaˬ bi zahˬ-eu meh. Uˬ jiˇ uˬ paꞈ loꞈ-ehˇ naw maꞈ-euˬ uˬ duˬ awˆ moꞈ-awˇ, guˬ daˇ pehˇ zeuˇ kʼawˬ-awˇ kʼaˬ lehˇ tawˆ daˆ taˬ-euˬ kʼoeˇ taˆ, naw maꞈ ga-awˇ maˬ dzaˬ ni dzahˬ-eu meh. Kʼoeˇ loꞈ-ehˇ mˇ gaˇ maˬ dzaˬ-eu zahˇ jahˇ-eu lehˇ kuˇ te loˇ. Kʼoeˇ loꞈ-ehˇ jahˇ gaˇ ngaˇ nui kʼahˇ shiˇ meh lehˇ noeˬ te loˇ.

Yeˬlaˬmiˇ 6:20

Sheˬba miˇ kʼahˬ-ahˇ jaˆ-eu tsiˇ yaw saw hawˇ-eu, gaˇ mahˇ kaˬ-eu miˇ kʼahˬ-ahˇ jaˆ-eu pawˬ coeˇ yaw saw jeˬ, ngaˬ-ahˇ aˬ yawꞈ maꞈ damˬ laˇ gaˇ laˬ kʼaˬ maˬ cehˇ. Aˬ yawꞈ maꞈ damˬ nehˬ laꞈ-euˬ jeˬ ngaˇ maˬ ha geuꞈ. Aˬ yawꞈ maꞈ lawˇ-eu jeˬ-ahˇ ngaˇ laˬ kʼaˬ maˬ cehˇ.

Lormav 14:18

Ka li gʼaˇ duˬ kʼoeˇ loꞈ-ehˇ mˇ-eu tsawˇ haˬ-ahˇ Miˬyehˇ nui ma tsaˬ-awˇ, tsawˇ haˬ zaˬ kʼawꞈ nui kʼahˇ shiˇ-eu meh.

Piˇliˇpiˆ 1:10

Dawˬ tawˆ luꞈ laꞈ kʼoeˇ muiˬ dzehˬ-eu jeˬ-ahˇ naw maꞈ tseˇ geuꞈ nya laˇ ni shaˇ luꞈ-eu ma. Kʼoeˇ miˇ neh, Ka li zaꞈ le-eu Aˇ nah-ahˇ naw maꞈ laꞈ kʼoeˇ maˬ muiˬ-eu jeˬ maˬ paˇ ahˇ-ehˇ, iˬ baˇ taˬ kʼaˇ maˬ za ni pyeuꞈ laˇ tehꞈ-a.

Piˇliˇpiˆ 4:18

Naw maꞈ neh kʼaˇ biꞈ laꞈ-euˬ yawˬ jeˬ na luꞈ gʼaˇ duˬ, guiˬ lahˬ huiˬ-eu dawˬ tsaꞈ ahˇ laꞈ-eu ma. Ngaˇ loˬ-eu myaˆ maˬ tseˇ naw maꞈ ngaˬ-ahˇ biꞈ laˬ-euˬ meh. Naw maꞈ neh biꞈ laꞈ-euˬ laꞈ sawˬ deuˬ-ahˇ Iˇbaˬpawˬdiˇ neh hehˇ keuˆ nehˬ leꞈ-euˬ miˇ neh, ngaˇ kʼaˇ loˬ-eu jeˬ nymˬ-mˇ byah miˇ-a. Laꞈ sawˬ heu deuˬ-aˬ, Miˬyehˇ nui kʼahˇ shiˇ-awˇ ha geuꞈ-euˬ saw dui dui-eu lawˇ-eu jeˬ pyeuꞈ-eu meh.

Gawˇlawˇsehˇ 1:10

Kʼoeˇ miˇ neh, Sahˬpaˬ Yeˬsuˇ bi dehꞈ mawꞈ-eu loꞈ-ehˇ naw maꞈ dehꞈ nya laˇ-awˇ, aˬ yawꞈ nui kʼahˇ shiˇ-eu jeˬ-ahˇ naw maꞈ aˬ myah luꞈ mˇ nya laˇ tehꞈ-a. Naw maꞈ yaw dehꞈ dehꞈ-eu laꞈ kʼoeˇ yaw muiˬ jeˬ gʼawˬ mya ni doˆ laˇ-awˇ, Miˬyehˇ-ahˇ siˬ nya dzehˬ laˇ tehꞈ-a.

1 Teˇsaˬloˇni 5:21

Dawˬ mehˬ kʼaˇ mehˬ nehˬ laꞈ-euˬ dawˬ tawˆ luꞈ-ahˇ pyehˆ tseˇ haw-awˬ.

1 Tiˆmoˇseˬ 2:3

Kʼoeˇ loꞈ-ehˇ shaˇ-eu-aˬ, muiˬ-eu jeˬ pyeuꞈ-awˇ, aˬ dui-euˬ Ka kʼoꞈ-eu gʼaˬ pyeuꞈ-eu Miˬyehˇ kʼawꞈ nui kʼahˇ shiˇ-eu meh.

1 Tiˆmoˇseˬ 5:4

Ehˇ kʼawꞈ, miˬ coeˬ miˬ ma tiˬ gʼaˬ zaˬ hawˇ-eu oeˬ paˬ oeˬ ma jawˇ naˇ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-awˇ, aˬ yawꞈ maꞈ yawˬ ha-euˬ nymˇ jiˇ-ahˇ mˇ nehˬ paˬ-ehˇ gʼeh-eu jeˬ-ahˇ jeˬ huˬ mˇ dzaw-eu tsaˬ meh. Aˬ jeˬ miˇ neh ehˇ naˇ, kʼoeˇ-aˬ, aˬ ma aˬ da, aˬ piˬ aˬ bawˇ deuˬ-ahˇ guiˬ lahˬ jahˇ kʼoꞈ nehˬ-eu jeˬ pyeuꞈ-awˇ, Miˬyehˇ nui ma tsaˬ-eu jeˬ pyeuꞈ-eu meh.

HeˬByehˇ 12:28

Kʼoeˇ baˬ da neh, maˬ nyeh laˇ nya-eu miˇ kʼahˬ aˬ dui za taˬ-euˬ miˇ neh Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Miˬyehˇ-ahˇ guiˬ lahˬ huiˬ-awˇ guˆ guˆ-ehˇ yaw zeu baw-eu laꞈ kʼoeˇ, aˬ yawꞈ nui ma tsaˬ-eu loꞈ-ehˇ uˬ duˬ tahˬ kaˇ-euˇ.

1 Beˬtuˆluˆ 2:20

Naw maꞈ yaw lehˬ mˇ-euˬ baˬ da neh aˬ cawˬ diˬ laˇ gaˇ ya daˬ-eu kʼoeˇ-aˬ, aˬ jeˬ guiˬ lah baw nmˇ. Ehˇ kʼawꞈ, naw maꞈ tsaˬ-eu jeˬ-ahˇ mˇ-euˬ baˬ da neh aˬ cawˬ kʼehˬ laˇ kʼaˆ laˇ gaˇ daˬ dzeuˇ oˇ dzeuˇ naˇ, naw maꞈ-ahˇ Miˬyehˇ guiˬ lahˬ biꞈ laꞈ tehꞈ-a.

1 Beˬtuˆluˆ 2:5

Naw maꞈ kʼawꞈ, dehꞈ luꞈ-eu kʼaˬ lo loꞈ-ehˇ laˇ-awˇ, saꞈ laˇ uˬ duˬ tahˬ nymˇ tsoˆ gaˇ bi zmˬ-awˬ. Uˬ duˬ tahˬ nymˇ kʼoeˇ-euˬ laꞈ kʼoeˇ naw maꞈ muiˬ-eu shawˇ-eu piˇ ma ya geuꞈ-awˇ, Yeˬsuˇ ka li-ahˇ gʼoe-eu laꞈ kʼoeˇ Miˬyehˇ ha geuꞈ nehˬ laꞈ nya-eu saꞈ laˇ paw taꞈ leˇ-eu lawˇ-eu jeˬ ya lawˇ tehꞈ-a.

1 Saˬmeuˬlaˆ 17:39

Shmˇ pehˇ kʼahˬ kʼoeˇ taˆ Sawˇluˆ-euˬ mi cehˇ dawꞈ-awˇ, Daˬbiˇ gaˇ ma cah haw-euˬ meh. Ehˇ kʼawˬ, keu ka kʼoeˇ deuˬ-ahˇ aˬ yawꞈ tiˬ jawˇ-iˬ maˬ zmˬ haw-euˬ miˇ neh, gaˇ ma maˬ cah gahˇ nya-a. “Keu ka heu deuˬ-ahˇ ngaˇ tiˬ jawˇ-iˬ maˬ zmˬ haw-euˬ miˇ neh, keu ka heu deuˬ neh guiˇ maˬ deuˆ nya luꞈ nya” lehˇ, Sawˇluˆ-ahˇ aˬ yawꞈ ehˇ nehˬ-euˬ meh. Kʼoeˇ miˇ neh, keu ka kʼoeˇ deuˬ aˬ yawꞈ lehˆ dzeh jiˇ-euˬ meh.