Eˇpeˇsu 4:9 - Akha

⁹ “Aˬ yawꞈ daˆ leˇ-euˬ” lehˇ ehˇ-eu kʼoeˇ, aˬ jeˬ-ahˇ ehˇ mawꞈ ta. Heu loꞈ-ehˇ ehˇ mawꞈ-eu meh. Yaw beh miˇ tsaˬ heu-euˬ naꞈ dui dui-eu tsahˇ-ahˇ aˬ yawꞈ oe ka-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ “Aqyawf ghofdav ler-euq” laer aer-eu-aq, mirtsaq-euq dawqdan jeqhu irka-euq maqngeur-a lor?

Eˇpeˇsu 4:9 ပူးပေါင်းရင်းမြစ်များ

Aˇ dahˬ 11:5

Kʼoeˇ naˇ, Sahˬpaˬ Miˬyehˇ zaꞈ ka le-awˇ, tsawˇ haˬ kʼoeˇ deuˬ neh gawˬ taˬ-euˬ meuˬ kʼoeˇ meuˬ hawˇ-eu nymˇ nymˇ ma kʼoeˇ nymˇ-ahˇ haw le-euˬ meh.

Jaceuq 139:15

Ngaˬ-euˬ shaˬ yoeˬ shaˬ laꞈ bymˬ doˆ laˇ-awˇ, ngaˬ ma-euˬ uˬ maˆ laꞈ kʼoeˇ yaw muiˬ paˬ-ehˇ tsoꞈ tawꞈ leˇ-awˇ, ciˬ cuˇ ni huiˬ laˇ gʼahˇ laˇ luꞈ ngeh neh, ngaˇ kʼoeˇ gaˇ uˇ-eu nawˇ siˬ nya-euˬ meh.

Jaceuq 63:9

Ngaˬ-ahˇ sehꞈ-eu lehˇ leh jeh-eu tsawˇ haˬ deuˬ, shiˇ-eu miˇ kʼahˬ-ahˇ ya iˇ byoˆ tehꞈ-a.

Jaceuq 8:5

Ehˇkʼawꞈni, tsawˇhaˬzaˬ-ahˇnawˇ, nawˬ-euˬlaꞈoˆsaˬ-i taˬ-awˇ, yaw shehꞈkʼehˬsehˇbiꞈ-eu laꞈkʼoeˇ, taˬhuiˬtaˬmahˇnehˬtaˬ-euˬ meh.

Doˆ-iˇ 19:20

Sahˬpaˬ Miˬyehˇ-aˬ, Siˇnaˆ gawˬ jawˬ uˬ du zaꞈ le-awˇ, Moˇseˬ-ahˇ gawˬ jawˬ uˬ du kuˇ daˆ-euˬ meh. Kʼoeˇ ngeh, Moˇseˬ gawˬ jawˬ uˬ du daˆ leˇ-euˬ meh.

Dawqdaq 30:4

Mˬ taˆ tsawˇ gahˇ dawˬ tawˆ luꞈ tuˆ tehˬ taˬ-euˬ aˬ suˇ gʼaˬ-a. Jaˬ lehˇ-ahˇ nyehꞈ tehˬ taˬ-euˬ aˬ suˇ gʼaˬ-a. Iˇ cuꞈ-ahˇ saˬ paˇ neh paꞈ cu cu taˬ-euˬ aˬ suˇ gʼaˬ-a. Miˇ tsaˬ tahˬ kʼawˇ-euˬ miˇ kaˬ dehˬ biˇ-euˬ aˬ suˇ gʼaˬ-a. Nawˇ siˬ nya-eu jeˬ maˇ-iˬ, aˬ yawꞈ aˬ suˇ gʼaˬ-a. Aˬ yawꞈ-euˬ aˬ li aˬ suˇ gʼaˬ-a.

Iˇsaˬyaˇ 44:23

Mˬ-oˇ, laˬ kʼaˬ cehˇ-awˇ guˇ-awˬ. Miˇ tsaˬ yaw naꞈ tsahˇ-oˇ, guˇ-awˬ. Gawˬ jawˬ deuˬ laˬ kʼaˬ cehˇ-awˇ yaw kʼaˆ-ehˇ guˇ-awˬ. Sahˬ kʼaˆ-ahˇ kʼaˇ dehꞈ-eu aˇ bawˇ yawˬ bawˇ na luꞈ guˇ-awˬ. Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ ka kʼoꞈ-eu laꞈ kʼoeˇ, aˬ yawꞈ huiˬ-eu mahˇ-eu gaˇ kawˆ bi mawˇ-euˬ meh.

Yeˬsaˬgeˬlaˇ 31:14

Kʼoeˇ miˇ neh, iˬ nah taꞈ naˇ, iˇ cuꞈ aˇ naˆ ni za muiˬ-eu aˇ bawˇ maˬ kaˬ, aˇ bawˇ kʼoeˇ bawˇ loꞈ-ehˇ mˬ dmˇ-ahˇ tuˆ gaˇ keuˆ ni maˬ paˇ goˇ leˇ nya meh. Dawˬ tawˆ luꞈ tsawˇ haˬ zaˬ loꞈ-ehˇ ya shiˇ-awˇ, shiˇ-eu miˇ kʼahˬ-ahˇ iˇ dzeuˇ-euˬ deuˬ nehˬ-ehˇ ya jawˇ-iˇ tehꞈ-a.”

Maꞈtehˬ 12:40

Ngaˬ shaˬ shaˬ ma-euˬ uˬ maˆ laꞈ kʼoeˇ Yawˇnaˆ smˬ nah smˬ miˇ uˇ-euˬ loꞈ-ehˇ, Tsawˇhaˬ-euˬ Zaˬmaˇ kʼawꞈ, miˇ tsaˬ dawˬ dah smˬ nah smˬ miˇ ya uˇ tehꞈ-a.

Yoˇhaˬ 20:17

Yeˬsuˇ aˬ yawꞈ-ahˇ ehˇ nehˬ-eu, “Ngaˬ-ahˇ taˬ nyehꞈ tehˬ. Aˬ jeˬ miˇ neh ehˇ naˇ, ngaˇ Aˬda jawˇ gaˇ maˬ gʼoꞈ leˇ-aˬ siˬ. Ngaˬ-euˬ zaˬ lahˇ deuˬ jawˇ gaˇ iˇ-awˇ, ngaˬ-euˬ Aˬda hawˇ-eu aˬ yawꞈ maꞈ-euˬ Aˬda pyeuꞈ-eu, ngaˬ-euˬ Miˬyehˇ hawˇ-eu aˬ yawꞈ maꞈ-euˬ Miˬyehˇ jawˇ gaˇ ngaˇ gʼoꞈ leˇ ma lehˇ ehˇ-eu meh lehˇ ehˇ nehˬ-iˇ-awˬ.”

Yoˇhaˬ 3:13

Mˬ kʼoeˇ taˆ neh zaꞈ ka le-euˬ gʼaˬ pyeuꞈ-eu Tsawˇ haˬ-euˬ Zaˬmaˇ maˬ ngeuˇ naˇ, tsawˇ haˬ tiˬ gʼaˬ-iˬ mˬ kʼoeˇ taˆ maˬ le keuˆ haw-aˬ.”

Yoˇhaˬ 6:33

Aˬ jeˬ miˇ neh ehˇ naˇ, Miˬyehˇ neh biꞈ leꞈ-euˬ kaˬ muˇ lehˇ ehˇ-eu kʼoeˇ-aˬ, mˬ kʼoeˇ taˆ neh zaꞈ ka le-awˇ, miˇ tsaˬ zaˬ-ahˇ dehꞈ-eu saꞈ laˇ biꞈ le-euˬ gʼaˬ-ahˇ ehˇ-eu meh.”

Yoˇhaˬ 6:38

Aˬ jeˬ miˇ neh ehˇ naˇ, ngaˇ mˬ kʼoeˇ taˆ neh oe-euˬ-aˬ, ngaˬ-euˬ nui kʼahˇ mˇ le-euˬ maˬ ngeuˇ. Ngaˬ-ahˇ kʼehˇ gʼeh leꞈ-euˬ gʼaˬ-euˬ nui kʼahˇ mˇ le-euˬ ma.

Yoˇhaˬ 6:41

“Ngaˇ-aˬ, mˬ kʼoeˇ taˆ neh oe-euˬ kaˬ muˇ ma” lehˇ aˬ yawꞈ ehˇ-eu miˇ neh, tsawˇ haˬ kʼoeˇ deuˬ aˬ yawꞈ-ahˇ toˇ-eu meh.

Yoˇhaˬ 6:51

Ngaˇ-aˬ, mˬ kʼoeˇ taˆ neh oe-euˬ dehꞈ luꞈ-eu kaˬ muˇ ma. Kaˬ muˇ heu-ahˇ kʼaˇ dzaˬ-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ tehꞈ-a. Ngaˇ biꞈ-eu kaˬ muˇ-aˬ, ngaˬ-euˬ gʼawˇ mawˇ ma. Miˇ tsaˬ zaˬ deuˬ saꞈ laˇ dehꞈ-eu jeˬ za ni biꞈ-eu ma.”

Yoˇhaˬ 6:58

Heu-aˬ, mˬ kʼoeˇ taˆ neh oe-euˬ kaˬ muˇ meh. Kaˬ muˇ heu-aˬ, naw maꞈ-euˬ aˬ poeˬ aˬ bawˇ deuˬ neh dzaˬ-euˬ kaˬ muˇ kʼoeˇ-ahˇ maˬ duˇ-a. Aˬ yawꞈ maꞈ-aˬ, kaˬ muˇ kʼoeˇ dzaˬ-euˬ kʼawꞈ shiˇ-euˬ meh. Ehˇ kʼawꞈ, kaˬ muˇ heu-ahˇ dzaˬ-eu tsawˇ haˬ-aˬ, mˬ maˬ maˬ byaˆ zaˇ ziˇ ya dehꞈ meh.”

Yoˇhaˬ 6:62

Toˆ-ehˇ maˇ-iˬ, Tsawˇhaˬ-euˬ Zaˬmaˇ aˬ yawꞈ-euˬ jawˇ duˬ-ahˇ paˇ daˆ gʼoꞈ leˇ naˇ, naw maꞈ aˬ joˆ-ehˇ jahˇ nmˇ.

Yoˇhaˬ 8:14

Yeˬsuˇ ehˇ-eu, “Ngaˇ ngaˬ-euˬ gaˇ kawˆ saˇ kiˇ kamˬ-eu nga lehˇ ehˇ kʼawꞈ, ngaˬ neh kʼaˇ ehˇ-euˬ jeˬ tsaˬ ma dawˇ ma. Ngaˇ aˬ gaˇ neh oe-awˇ aˬ gaˇ iˇ luꞈ-eu ngaˇ siˬ nya ma. Naw maꞈ-aˬ, ngaˇ aˬ gaˇ neh oe-awˇ aˬ gaˇ iˇ luꞈ-eu maˬ siˬ nya-a.

HeˬByehˇ 2:7

Tiˬ kʼehˬ tiˬ yamˬ laꞈ kʼoeˇ nawˬ neh, mˬ taˆ gʼaˬ kʼehˇ deuˬ-euˬ laꞈ oˆ, aˬ yawꞈ-ahˇ yuˇ awˆ nehˬ-euˬ meh. Yaw shehꞈ kʼahˬ sehˇ huiˬ dui dui-eu, ciˬ huiˬ ciˬ mahˇ-eu shuiˇ uˬ kʼoˆ, aˬ yawꞈ-ahˇ nawˇ nyehꞈ kʼoˆ nehˬ-awˇ,

HeˬByehˇ 2:9

Ehˇ kʼawꞈ, Miˬyehˇ-euˬ guiˬ lahˬ yaw dzahˇ baˬ da neh, tsawˇ haˬ yawˬ gʼaˬ na luꞈ gʼaˇ duˬ bi shiˇ dah-eu lehˇ, tiˬ kʼehˬ tiˬ yamˬ laꞈ kʼoeˇ mˬ taˆ gʼaˬ kʼehˇ deuˬ-euˬ laꞈ oˆ bi jawˇ-euˬ gʼaˬ pyeuꞈ-eu Yeˬsuˇ-ahˇ aˬ dui mawˇ-euˬ ma. Shiˇ gaˇ keuˆ ni aˬ yawꞈ ya daˬ gʼaˬ-euˬ miˇ neh, nymˬ-mˇ aˬ yawꞈ-ahˇ yaw shehꞈ kʼahˬ sehˇ huiˬ-eu ciˬ huiˬ ciˬ mahˇ-eu shuiˇ uˬ kʼoˆ bi kʼoˆ-euˬ gaˇ aˬ dui ya mawˇ luꞈ ma.