Eˇpeˇsu 4:4 - Akha

⁴ Miˬyehˇ naw maꞈ-ahˇ kuˇ-euˬ kʼoeˇ noeˬ tmˬ duˬ tiˬ jeˬ tehꞈ-ehˇ jaˆ-eu loꞈ-ehˇ, gʼawˇ mawˇ tiˬ mawˇ tehꞈ-ehˇ baw-awˇ, Yaw sahˇ Miˬyehˇ tiˬ gʼaˬ tehꞈ-ehˇ jawˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Miqyaer, nawmaf-anr kur ngae, noeqtmq-eu jeq tiqjeq taef-aer jav-eu lof-aer, mawrdo tiq do taef-aer baw-eu uqtaf, muiq-eu Saflar tiq ghaq jawr-eu taef mae.

Eˇpeˇsu 4:4 ပူးပေါင်းရင်းမြစ်များ

Jaceuq 122:8

Nawˇ nui saˇ oꞈ luꞈ-uˇ lehˇ, ngaˬ-euˬ aˬ yuiꞈ aˬ nyiˇ hawˇ-eu cawˬ deuˬ-euˬ gʼaˇ duˬ, Yeˬluˇsaˬlehˬ meuˬ-ahˇ ngaˇ ehˇ dah nehˬ-eu ma.

Yeˬlaˬmiˇ 14:8

Iˇsaˬleˬlaˆ noeˬ tmˬ duˬ nawˇ tehꞈ meh. Guˆ-eu gaˆ-eu laꞈ kʼoeˇ ka kʼoꞈ nehˬ laꞈ-eu nawˇ tehꞈ meh. Aˬ jeˬ miˇ neh nga maꞈ miˇ kʼahˬ laꞈ kʼoeˇ, boeˇ miˬ siˬ kʼaˬ loꞈ-ehˇ gʼeh nehˬ laꞈ te. Uˬ ciꞈ tiˬ miˇ tehꞈ-ehˇ yaꞈ-eu daˬ yah loꞈ-ehˇ, aˬ jeˬ miˇ neh gʼeh nehˬ laꞈ te.

Yeˬlaˬmiˇ 17:7

Ehˇ kʼawꞈ, ngaˬ-ahˇ gʼoe-eu gʼaˬ-ahˇ, ngaˇ guiˬ lahˬ biꞈ nehˬ ma.

Maꞈtehˬ 28:19

Kʼoeˇ miˇ neh, miˇ tsaˬ tsawˇ jeuˬ dawˬ tawˆ luꞈ jawˇ gaˇ iˇ doe-awˇ, ngaˬ-euˬ zaˬ lahˇ pyeuꞈ laˇ ni mˇ-iˇ-awˬ. Aˬda Miˬyehˇ, Zaˬmaˇ Miˬyehˇ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ tsawˇ myahˇ uˬ moˆ, aˬ yawꞈ maꞈ-ahˇ iˇ cuꞈ shawˇ nehˬ-awˬ.

Gʼaˬkʼehˇ 15:11

Sahˬpaˬ Yeˬsuˇ-euˬ guiˬ lahˬ yaw dzahˇ baˬ da neh aˬ dui ka kʼoꞈ-eu jeˬ za-euˬ ma lehˇ jah-eu ma. Kʼoeˇ loꞈ-ehˇ duˇ ni, aˬ yawꞈ maꞈ kʼawꞈ ka kʼoꞈ-eu jeˬ kʼoeˇ loꞈ-ehˇ za tehꞈ-a.”

Lormav 11:29

Aˬ jeˬ miˇ neh ehˇ naˇ, Miˬyehˇ-aˬ, yawˬ ha neh tseˇ doˆ-awˇ guiˬ lahˬ biꞈ taˬ-euˬ tsawˇ haˬ deuˬ kʼoeˇ taˆ nui ma maˬ poˆ maˬ paˇ laˇ-a.

1 Gawˇliˬtu 10:17

Aˬ dui tsawˇ haˬ gʼawˬ mya gʼaˬ pyeuꞈ-eu kʼawꞈ, kaˬ muˇ tiˬ yaˆ tehꞈ miˇ neh, gʼawˇ mawˇ tiˬ mawˇ-ahˇ tehꞈ-ehˇ taꞈ-eu meh. Aˬ jeˬ mˇ neh ehˇ naˇ, kaˬ muˇ tiˬ yaˆ-ahˇ tehꞈ-ehˇ aˬ dui taꞈ-eu ma.

1 Gawˇliˬtu 12:20

Nymˬ-mˇ mawˇ luꞈ-eu loꞈ-ehˇ, aˇ sehˇ gʼawˬ mya sehˇ tsoꞈ kʼawꞈ gʼawˇ mawˇ tiˬ mawˇ tehꞈ meh.

2 Gawˇliˬtu 11:4

Naw maꞈ jawˇ gaˇ kʼaˇ laˇ-eu tsawˇ haˬ-ahˇ naw maꞈ ha geuꞈ-awˇ, nga maꞈ neh mehˬ-euˬ Yeˬsuˇ maˬ ngeuˇ-eu Yeˬsuˇ yawˬ gʼaˬ yawˬ-euˬ gaˇ kawˆ mehˬ gaˇ naˇ haˬ-eu laꞈ kʼoeˇ, nga maꞈ neh naw maꞈ-ahˇ biꞈ-euˬ Yaw sahˇ Miˬyehˇ hawˇ-eu Laˬ kʼaˬ cehˇ-eu Guiˬ lahˬ dawˬ-ahˇ beu gaˇ dui dui-eu yaw sahˇ yawˬ gʼaˬ yawˬ hawˇ-eu laˬ kʼaˬ cehˇ-eu guiˬ lahˬ dawˬ yawˬ jeˬ yawˬ-ahˇ naw maꞈ laˬ kʼaˬ cehˇ taˆ ni ha geuꞈ-euˬ meh.

Eˇpeˇsu 1:18

Miˬyehˇ naw maꞈ-ahˇ kuˇ-euˬ miˇ neh naw maꞈ aˬ jeˬ-ahˇ noeˬ tmˬ kʼaˇ za-eu gaˇ kawˆ maˬ ehˇ, aˬ yawꞈ neh aˬ yawꞈ-euˬ tsawˇ haˬ deuˬ-ahˇ biꞈ-eu lehˇ saˇ jaˇ dzaˬ taˬ-euˬ guiˬ lahˬ kʼoeˇ deuˬ aˇ naˆ ni zahˬ leˇ paˬ-ehˇ gʼeh-eu gaˇ kawˆ maˬ ehˇ, naw maꞈ siˬ nya laˇ ni, naw maꞈ-euˬ nui ma-ahˇ pah nehˬ-awˇ aˬ yawꞈ-euˬ yaw shehꞈ-ahˇ bi mawˇ-eu gʼaˇ duˬ shaˇ-eu ma.

Eˇpeˇsu 2:16

Ka li laꞈ yaꞈ kʼoeˇ taˆ kamˇ shiˇ-awˇ, tiˬ jeuˬ tiˇ jeuˬ muiˇ-eu nui ma-ahˇ laˆ cawˆ-euˬ meh. Laꞈ yaꞈ baˬ da neh tsawˇ jeuˬ nyiˬ jeuˬ-ahˇ tiˬ jeuˬ tehꞈ-ehˇ bi pyeuꞈ laˇ-awˇ, tiˬ gm-ehˇ Miˬyehˇ jawˇ gaˇ sheuˬ kʼoꞈ laꞈ-euˬ meh.

Eˇpeˇsu 2:18

Yuˇdaˆ tsawˇ haˬ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, aˬ dui dawˬ tawˆ luꞈ nui ma tiˬ siˬ tehꞈ-ehˇ taˬ-awˇ Miˬyehˇ jawˇ gaˇ jiˆ uˇ laˇ nya-eu heu-aˬ, Ka li baˬ da neh meh.

Eˇpeˇsu 2:22

Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ jawˇ-eu jawˇ duˬ pyeuꞈ laˇ ni, naw maꞈ-ahˇ kʼawꞈ aˬ cawˬ nehˬ-ehˇ tiˬ kawˆ loꞈ-ehˇ Ka li laꞈ kʼoeˇ bi gawˬ ahˇ luꞈ-eu meh.

Eˇpeˇsu 4:1

Sahˬpaˬ Yeˬsuˇ-euˬ gaˇ mˇ-eu miˇ neh tawˬ-ahˇ ya uˇ-euˬ tsawˇ haˬ pyeuꞈ-eu ngaˇ, naw maꞈ-ahˇ heu loꞈ-ehˇ shaˇ-eu ma. Miˬyehˇ naw maꞈ-ahˇ kuˇ ngeh aˬ yawꞈ neh noeˬ taˬ-euˬ aˇ tiˆ kʼoeˇ tiˆ-ahˇ dehꞈ keuˆ-awˬ.

Eˇpeˇsu 5:30

Aˬ dui-aˬ, Ka li-euˬ gʼawˇ mawˇ-ahˇ tsoꞈ-eu aˇ sehˇ deuˬ pyeuꞈ-eu ma.

Gawˇlawˇsehˇ 1:5

Maˇ jawˆ ni gʼeh-eu Miˬyehˇ-euˬ dawˬ kawˬ pyeuꞈ-eu Laˬ kʼaˬ cehˇ-eu Guiˬ lahˬ dawˬ naw maꞈ-ahˇ mehˬ beh beh laˇ ngeh, kʼoeˇ gaˇ taꞈ leˇ-eu noeˬ tmˬ-eu jeˬ gaˇ kawˆ naw maꞈ ya gaˬ-euˬ meh. Naw maꞈ jah-eu kʼoeˇ hawˇ-eu gʼoeˇ-eu gaˬ-eu kʼoeˇ-aˬ, naw maꞈ noeˬ tmˬ-eu kʼoeˇ-euˬ laꞈ kʼoeˇ neh doˆ laˇ-euˬ meh. Naw maꞈ noeˬ tmˬ-eu kʼoeˇ-ahˇ, naw maꞈ gʼaˇ duˬ Miˬyehˇ neh mˬ kʼoeˇ taˆ jeˬ hmˬ taˬ-euˬ meh.

Gawˇlawˇsehˇ 3:15

Ka li neh biꞈ-euˬ tsaˬ leˇ dzoeˇ leˇ-eu jeˬ kʼoeˇ-aˬ, naw maꞈ tiˬ jeˬ paˬ mˇ-eu lehˇ noeˬ tsehˆ ngeh naw maꞈ-ahˇ gaˇ ma sheuˬ mehˬ-eu gʼaˇ duˬ pyeuꞈ-eu meh. Aˬ jeˬ miˇ neh ehˇ naˇ, naw maꞈ kʼoeˇ loꞈ-ehˇ tsaˬ leˇ dzoeˇ leˇ-awˇ gʼawˇ mawˇ tiˬ mawˇ tehꞈ-ehˇ pyeuꞈ laˇ-eu gʼaˇ duˬ, Miˬyehˇ neh naw maꞈ-ahˇ kuˇ taˬ-euˬ meh. Naw maꞈ Miˬyehˇ-euˬ guiˬ lahˬ-ahˇ ngehˇ-eu maˬ tsaˬ-a.

2 Teˇsaˬloˇni 2:16

Aˬ dui-euˬ Sahˬpaˬ Yeˬsuˇ Ka li hawˇ-eu, aˬ myah luꞈ nui ma kʼaˬ duˬ ni gʼeh-awˇ noeˬ tmˬ-eu jeˬ laꞈ kʼoeˇ ziꞈ nya-eu guiˬ lahˬ yaw dzahˇ biꞈ laꞈ-eu gʼaˬ pyeuꞈ-eu aˬ dui-ahˇ gaˬ-eu Aˬda Miˬyehˇ,

1 Tiˆmoˇseˬ 1:1

Aˬ dui-ahˇ Ka kʼoꞈ-eu gʼaˬ pyeuꞈ-eu Miˬyehˇ hawˇ-eu, aˬ dui-euˬ noeˬ tmˬ duˬ pyeuꞈ-eu Yeˬsuˇ Ka li neh dawˬ biꞈ-euˬ baˬ da neh Yeˬsuˇ Ka li-euˬ gʼaˬ kʼehˇ geuꞈ luꞈ-eu ngaˇ Pawˇluˆ,

Tiˇtuˆ 1:2

Kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ noeˬ tmˬ-eu jeˬ kʼoeˇ taˆ dawˬ pehˬ taˬ taˬ-euˬ meh. Jaˬ myawꞈ maˬ myawꞈ-eu Miˬyehˇ-aˬ, aˇ yamˬ-ahˇ maˬ beh mi naˆ-ehˇ, dehꞈ-eu jeˬ kʼoeˇ aˬ dui-ahˇ biꞈ ma lehˇ saˇ jaˇ dzaˬ taˬ-euˬ meh.

Tiˇtuˆ 2:13

aˬ dui-euˬ huiˬ dui dui-eu Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw shehꞈ kʼahˬ sehˇ doˆ le-eu Aˇ nah kʼoeˇ nah-ahˇ noeˬ tmˬ-awˇ dawˬ-eu gʼaˇ duˬ mehˬ nehˬ laꞈ-euˬ meh.

Tiˇtuˆ 3:7

Miˬyehˇ-euˬ guiˬ lahˬ yaw dzahˇ baˬ da neh, aˬ dui Miˬyehˇ-ahˇ tsaˬ leˇ tsahˇ leˇ-awˇ, aˬ dui noeˬ tmˬ taˬ-euˬ mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, kʼoeˇ loꞈ-ehˇ shehˆ daˆ nehˬ laꞈ-euˬ jeˬ pyeuꞈ-eu meh.

1 Beˬtuˆluˆ 1:21

Aˬ yawꞈ-ahˇ shiˇ-euˬ gaˇ bi gʼoꞈ dehꞈ laˇ-awˇ yaw shehꞈ kʼahˬ sehˇ biꞈ nehˬ-euˬ gʼaˬ pyeuꞈ-eu Miˬyehˇ-ahˇ, aˬ yawꞈ baˬ da neh naw maꞈ jah laˇ-euˬ meh. Kʼoeˇ miˇ neh, naw maꞈ jah-awˇ noeˬ tmˬ-eu jeˬ-aˬ, Miˬyehˇ tiˬ gʼaˬ tehꞈ meh.

1 Yoˇhaˬ 3:3

Ka li laꞈ kʼoeˇ, kʼoeˇ loꞈ-ehˇ kʼaˇ noeˬ tmˬ taˬ-euˬ tsawˇ haˬ deuˬ-aˬ, Ka li muiˬ-eu shawˇ-eu loꞈ-ehˇ, yawˬ ha kʼawꞈ ya bi muiˬ ya bi shawˇ meh.